Kapitulo 54
Ti Kari ti Libro ni Mormon
Sakbay nga inkali ni Moroni dagiti pinanid iti maudi a gundaway, insuratna ti kari kadagiti Lamanite ken iti asino man a mangbasa kadagiti kasuratan.
Imbagana kadagiti tao nga agbasada kadagiti kasuratan, pudno a panunotenda maipapan kadagitoy, ket kalpasanna saludsodenda iti Nailangitan nga Ama no pudnoda.
Inkari ni Moroni a no agsaludsodda a sipupudno, nga addaan iti pammati ken ni Cristo, tulongan ida ti Espiritu Santo a mangammo no pudno dagiti kasuratan.
Insurat ni Moroni a no agbabawi dagiti tao, surotenda ni Jesucristo, ken ayatenda ti Nailangitan nga Ama, agbalinda a naan-anay.
Idi malpas ti panagsurat ni Moroni kadagiti pinanid a balitok, inlemmengna dagitoy iti kahon a bato iti Turod ti Cumorah ken kinalubanna ti kahon iti maysa a dakkel a bato. Nalpasen ti mortal nga aramidna.