Kapitulo 53
Ni Moroni ken dagiti Pannursurona
Kalpasan ti ipapatay ni Mormon, agmaymaysa ni Moroni. Inleppasna dagiti kasuratan nga inted kenkuana ti amana.
Ammo ni Moroni a mairuarto iti daga dagiti pinanid a balitok iti maysa nga aldaw.
Dagiti balikas kadagiti pinanid a balitok ti mangisalaysay maipapan ken ni Jesucristo. Agpaneknek ken isuroda kadagiti tao no kasano ti agbiag a sililinteg.
Papatayen dagiti nadangkes a Lamanite ti tunggal Nephite a saan a mangtallikud ken ni Jesucristo.
Saan a tallikudan ni Moroni ni Jesucristo iti kaano man. Agsursursor, nga aglemlemmeng manipud kadagiti Lamanite.
Nagsurat ni Moroni iti ad-adu pay kadagiti pinanid a balitok, nangruna kadagiti Lamanite kadagiti maudi nga aldaw.
Nagsurat iti adu a napapateg a banag, agraman dagiti balikas dagiti kararag ti sakramento.
Insurat ni Moroni a dagiti laeng tao a mabalin a mabuniagan ket dagiti natallugod nga agbabawi kadagiti basolda ken agserbi ken ni Jesucristo.
Tinarigagayan ni Moroni a mamati ti tunggal maysa ken ni Jesucristo ken mangam-ammo kenkuana. Kinunana a naggapu ken ni Cristo ti amin a nasayaat a banag.
Insurat ni Moroni a no ayaten dagiti tao ti Dios ken sumurot kenkuana, makapagbalinda a naan-anay.
Ammo ni Moroni a kalpasan ti ipapatayna agungar ket agnaedto iti denna ti Nailangitan nga Ama ken ni Jesucristo.