Kapitulo 36
Hagoth
Agarup 55 a tawen sakbay ti pannakayanak ni Jesucristo, rinibribu a lallaki, babbai, ken ubbing ti pimmanaw iti Zarahemla ket nagdaliasatda a nagpaamianan.
Maysa kadakuada, ti lalaki nga agnagan iti Hagoth, nangbangon iti dakkel a bapor ket indaongna iti laud a baybay.
Adu a Nephite ti nagbalon iti taraon ken abasto ket naglayagda iti baporna nga agpaamianan.
Kalpasanna nagbangon ni Hagoth iti dadduma pay a bapor a nangilugan kadagiti tao nga agturong iti daga nga agpaamianan. Nagsubli ti immuna a bapor ket nangilugan iti ad-adu pay a tattao.
Naglayag ti maysa a sabali pay a bapor. Awan ti nagsubli kadagiti bapor, ket saan a pulos ammo dagiti Nephite no ania ti napasamak kadagiti tao.