Kapitulo 44

Bendisionan ni Jesus dagiti Ubbing

Ni Cristo ken dagiti ubbing

Imbaga ni Jesucristo kadagiti Nephite a mangyasideg kadagiti babassit nga annakda kenkuana. Nagtugaw dagiti ubbing iti daga nga asideg ken ni Jesus.

3 Nephi 17:11–12

Ni Jesus a makipagkarkararag kadagiti ubbing

Imbaga ti Mangisalakan kadagiti tao nga agparintumengda. Kalpasanna nagparintumeng ken nagkararag isuna iti Nailangitan nga Ama.

3 Nephi 17:13, 15

tattao nga umis-isem

Nakaskasdaaw unay ti kararag ti Mangisalakan ta saan a mabalin nga isurat daytoy. Daytoy ti nangpunno iti ragsak kadagiti Nephite.

3 Nephi 17:15–17

Ni Jesus a makisarsarita kadagiti tao

Kalpasan ti kararagna kinuna ni Jesus a mabendisionan dagiti Nephite gapu iti pammatida.

3 Nephi 17:20

Jesus

Nariknana unay ti nalaus nga ayat ken ragsak ta nagsangit isuna.

3 Nephi 17:21

Ni Jesus a mangbembendision kadagiti ubbing.

Kalpasanna innalana dagiti ubbing ket binendisionanna ida. Nagkararag iti Nailangitan nga Ama para kadakuada ken nagsangit manen.

3 Nephi 17:21–22

Ni Jesus a kaduana dagiti ubbing

Imbaga ni Jesus kadagiti Nephite a kitaenda dagiti annakda.

3 Nephi 17:23

dagiti anghel a nanglawlaw kadagiti ubbing

Kabayatan ti panangbuybuya dagiti tao, bimmaba dagit anghel manipud iti langit ken linawlawda dagiti ubbing. Napalawlawan iti apuy dagiti ubbing ken dagiti anghel.

3 Nephi 17:24