Kapitulo 9

Ti Baro a Pagtaengan iti Naikari a Daga

Nagballasiw iti taaw ti bapor a nangilugan iti kaamaan ni Lehi ket nakadanon iti naikari a daga. Impatakder dagiti tao dagiti toldada.

1 Nephi 18:23

Insaganada ti daga ket nagmulada iti bukel nga intugotda.

1 Nephi 18:24

Bayat ti panagdaliasatda iti aglawlaw ti baro a dagada, nasarakanda ti adu a kita ti ayup. Nasarakanda pay ti balitok, pirak, ken kobre.

1 Nephi 18:25

Imbaga ti Dios ken ni Nephi a mangaramid kadagiti pinanid a metal a pagsuratan. Insurat ni Nephi maipanggep iti kaamaanna ken dagiti panagdaliasatda. Insuratna pay dagiti balikas ti Dios.

1 Nephi 19:1, 3

Limmakay ni Lehi. Sakbay a natay isuna kinasaona dagiti annakna a lallaki ket imbagana kadakuada nga agtungpalda kadagiti bilin ti Dios. Kasta met a binendisionanna dagiti appokona.

2 Nephi 1:14, 16; 4:3–11

Kalpasan a natay ni Lehi kinapungtot da Laman ken Lemuel ni Nephi ket kinayatda a papatayen isuna. Saanda a kayat ni Nephi, ti inaudi a kabsatda, nga agbalin a dadauloda.

2 Nephi 4:13; 5:2–3

Imbaga ti Apo ken ni Nephi nga idauluanna dagiti nalinteg a tao iti langalang. Nagdaliasatda iti adu nga aldaw ken iti kamaudiananna nagsardengda iti daga a pinanagananda iti Nephi.

2 Nephi 5:5–8

Nagtungpal iti Dios dagiti tao a simmurot ken ni Nephi. Nagtrabahoda a nasayaat ken nabendisionanda. Insuro ni Nephi dagiti taona nga agbangon nga usarenda ti kayo ken metal. Nangbangonda iti napintas a templo.

2 Nephi 5:10–11, 15–16

Naawagan dagiti pasurot da Laman ken Lemuel iti Lamanite.

2 Nephi 5:14

Saan a tinungpal dagiti Lamanite ti Dios ket napananawda manipud iti imatangna. Saan a mabalin a kumadua ti Espiritu ti Apo kadakuada agingga a dida agbabawi.

2 Nephi 5:20; Ether 2:15

Napno iti kinaulpit dagiti Lamanite ken masansan a kinarangetda dagiti Nephite.

2 Nephi 5:24, 34