Kapitulo 11

Enos

Anak ni Jacob ni Enos. Indulinna dagiti pinanid ken nagsurat kadagitoy kalpasan a natay ti amana.

Jacob 7:27

Maysa nga aldaw naganup ni Enos iti kabakiran. Napanunotna maipapan kadagiti pannursuro ti amana ken tinarigagayanna a mapakawan dagiti basolna.

Enos 1:3–4

Nagparintumeng ni Enos ket nagkararag iti Dios. Nagkararag isuna iti agmalmalem ket agkarkararag pay laeng idi dimteng ti rabii.

Enos 1:4

Imbaga ti Dios ken ni Enos a gapu iti pammatina ken ni Jesucristo, napakawan dagiti basolna.

Enos 1:5, 8

Kalpasanna tinarigagayan ni Enos a bendisionan ti Apo dagiti Nephite. Inkararaganna ida, ket kinuna ti Apo a paraburannanto ida no tungpalenda dagiti bilinna.

Enos 1:9–10

Tinarigagayan pay ni Enos a bendisionan ti Apo dagiti Lamanite. Nagkararag isuna nga addaan iti dakkel a pammati, ket inkari ti Apo nga aramidenna no ania ti indawat ni Enos kenkuana.

Enos 1:11–12

Uray pay kinaranget dagiti Lamanite dagiti Nephite ken pinadasda a dadaelen dagiti kasuratanda, inkararagan ni Enos nga agbalindanto a nalinteg a tattao.

Enos 1:13–14

Inkararagan ni Enos a natalged koma dagiti kasuratan nga indulinna. Inkari ti Apo a maysa nga aldaw nga itednanto kadagiti Lamanite dagiti pannursuro nga adda kadagiti kasuratan.

Enos 1:16

Nagikasaba ni Enos kadagiti Nephite. Kayatna ida a mamati iti Dios ken agtungpal kadagiti bilin.

Enos 1:10, 19

Pinadas dagiti Nephite a mangisuro iti ebanghelio kadagiti Lamanite, ngem saanda a dumngeg. Kinagura dagiti Lamanite dagiti Nephite.

Enos 1:20

Binubos ni Enos ti biagna a nangisursuro kadagiti tao maipapan ken Jesus ken ti ebanghelio. Nagserbi isuna iti Dios ken inayatna isuna iti unos ti panagbiagna.

Enos 1:26–27