Kapitulo 19
Agbalin a Misionario dagiti Annak a Lallaki ni Mosiah
Adda uppat nga annak a lallaki ni Mosiah: da Ammon, Aaron, Omner, ken Himni. Kadua ida ni Alma nga Ub-ubing idi nagparang ti maysa nga anghel kenkuana.
Nagbabawi dagiti annak a lallaki ni Mosiah iti basbasolda ket nagladingitda iti riribuk a pinarnuayda. Ammoda a pudno ti ebanghelio, ket kayatda nga isuro daytoy kadagiti dadduma.
Nagkedked ti tunggal maysa nga anak a lalaki ni Mosiah nga agbalin nga ari. Ketdi, tinarigagayanda ti agbalin a misionario kadagiti Lamanite ket ibinglayda dagiti bendision ti ebanghelio kadakuada.
Nagkararag ni Ari Mosiah tapno ammuen no nasken a palubosanna a mapan dagiti annakna a lallaki. Imbaga kenkuana ni Dios a palubosanna ida a mapan, ket masaluadandanto. Adunto a Lamanite ti mamati iti mensaheda.
Napan dagiti annak a lallaki ni Mosiah tapno mangisuro kadagiti Lamanite. Nagayuno ken nagkararagda tapno agbalinda a nasayaat a misionario.