Kapitulo 48
Kappia iti America
Kalpasan ti panagsubli ni Jesus iti langit, binangon dagiti disipulona ti Simbaanna iti intero a daga.
Nabuniagan ken immawat iti Espiritu Santo dagiti tao a nagbabawi kadagiti basbasolda.
Iti saan na nabayag napasurot amin dagiti Nephite ken Lamanite. Saanda a nagsisinnupiat ken napudno ti tunggal maysa.
Awan ti nabaknang wenno napanglaw. Nagbibinninglay dagiti tao iti amin a banag, ken addaanda iti amin a kasapulanda.
Nagaramid dagiti disipulo iti adu a milagro iti nagan ni Jesucristo. Inagasanda dagiti masakit ken insublida ti biag dagiti natay.
Binangon dagiti tao dagiti baro a siudad iti lugar a nagdadaelan dagiti dadduma.
Tinungpalda dagiti bilin ti Dios. Nagayuno ken nagkararagda ken naguummongda a masansan tapno dumngeg iti balikas ti Dios
Naragsak dagiti tao.
Awan dagiti mannanakaw, awan dagiti ulbod, awan dagiti mammapatay. Saanen a nabingay dagiti tao iti Nephite ken Lamanite ngem nagbalin a maymaysa ti amin, dagiti annak ni Cristo.
Binendisionan ti Apo dagiti tao iti amin a banag nga inaramidda.
Nagbiagda iti talna iti uneg ti 200 a tawen. Bimmaknang unay dagiti tao.