Pakauna

Para iti Agbasbasa

Naisurat dagitoy nga estoria iti Libro ni Mormon a naipangpangruna a para kenka. Naala dagiti estoria manipud iti maysa a libro a sagrado gapu ta naggapu daytoy iti Nailangitan nga Ama. Bayat ti panangbasam kadagitoy nga estoria, laglagipem, a maipapanda kadagiti pudno a tattao a nagnaed iti America nabayag a panawen ti naglabasen.

Kalpasan ti panangbasam kadagiti estoria iti daytoy a libro, maayatankanto met a basaen ida manipud iti Libro ni Mormon. Iti baba ti tunggal ladawan makitamto no sadino a masarakam dayta nga estoria iti Libro ni Mormon. Agpatulongka ken ni tatangmo, nanangmo, mannursurom, wenno iti maysa a gayyem.

No saanmo nga ammo ti kaipapanan ti maysa a balikas, sapulem daytoy iti benneg a “Dagiti Balikas nga Ammuen” iti likud daytoy a libro. Kasta met a mairaman iti likud ti libro ti impormasion maipapan kadagiti tao ken luglugar a naagapad iti Libro ni Mormon.

Kadagiti Nagannak ken Mannursuro

Tulongannakanto daytoy a libro a mangisuro kadagiti nasantuan a kasuratan. Iburaymo ti pammaneknekmo maipapan iti Libro ni Mormon, ken allukoyem dagiti sursuruam nga agkagumaan a manggun-od iti bukodda a pammaneknek. Dumakkelto ti pannakaawatda bayat ti panangibasam kadakuada ti sibubukel a teksto dagiti paggugustoda nga estoria manipud iti Libro ni Mormon mismo.