“Agosto 24–30. Helaman 7–12: “Manglagip iti Apo,’” Umaykayo, Sumurot Kaniak—Para iti Primary: Libro ni Mormon 2020 (2020)
“Agosto 24–30. Helaman 7–12,” Umaykayo, Sumurot Kaniak—Para iti Primary: 2020
Panangiladawan ni Nephi iti minuyongan ti torre ni Jerry Thompon
Agosto 24–30
Helaman 7–12
“Manglagip iti Apo”
Bayat ti panangbasam iti Helaman 7–12, utobem no kasano a makatulong dagiti estoria ken pagbatayan iti daytoy a kapitulo a mangbendision kadagiti ubbing a sursuruam. Mabalin nga inayon dagiti kapanunotan iti daytoy a balabala iti inspirasion ngaawatem.
Isuratmo Dagiti Impresionmo
Yawis ti Panagbibinninglay
Saludsodem kadagiti ubbing no ania ti ammoda maipapan ken ni propeta Nephi, ti anak a lalaki ni Helaman (kitaeni ti Helaman 7–12). No kasapulan, ilawlawag ti paggidiatan daytoy a propeta ngaa agnagan ti Nephi ken ti propeta nga agnagan iti Nephi iti rugi ti Libro ni Mormon.
Isuro ti Doktrina: In-inaudi nga Ubbing
Kayat ti Apo a manglagipak Kenkuana.
Nasdaaw ni Nephi no kasano a timmallikud dagiti tao manipud iti Dios ken nanglipatda Kenkuana. Kasano a matulongam dagiti ubbing a masursuruan kadagiti wagas a mabalinda a pakalagipan iti Nailangitan nga Ama ken ni Jesus?
Dagiti Mabalin nga Aktibidad
-
Ibinglaymo kadagiti ubbing ti maysa a padasmo idi nalipatam ti maysa a napateg a banag. Saludsodem kadakuada no nalipatan ti maysa a banag. Ibasam kadakuada ti Helaman 7:20, ket ilawlawag a pinili dagiti Nephite a lipaten ti maipapan iti Dios. Kayat ni propeta Nephi a laglagipenda ti Dios. Mangitugot kadagiti ladawan iti maysa a bag a mangibagi kadagiti wagas a mabalin a mangpalagip kadagiti ubbing iti Nailangitan nga Ama ken ni Jesus. Pagsisinnublatem dagiti ubbing a mangpili ti ladawan ken ibinglayda no kasano a malagiptayo ti Dios iti inaldaw.
-
Tulongam dagiti ubbing a mangileppas iti panid ti aktibidad iti daytoy a lawas.
Paneknekan dagiti propeta ni Jesucristo.
Pinaneknekan ni Nephi nga umayto ni Jesucristo, ken inawisna dagiti taona nga agbabawi ken sumurot Kenkuana. Usarem dagitoy a kapitulo a mangisuro kadagiti ubbing a paneknekan dagiti propeta ni Jesucristo.
Dagiti Mabalin nga Aktibidad
-
Ipakitam ti maysa a ladawan ni Jesucristo, ken ibagam kadagiti ubbing a kas ken ni Nephi awawisennatayo dagiti propeta a sumurot ken ni Jesucristo. Basaem dagiti sumaganad a balikas maipapan kadagiti propeta manipud iti Helaman 8:22: “Pinaneknekanda ti yaay ni Cristo, ket ur-urayenda, ket nagragsakda iti aldawna.” Ibinglay kadagiti ubbing ti maysa a banag nga imbaga ti maysa a sibibiag a propeta maipapan iti Mangisalakan.
-
Aggigiddan nga agkansion iti maysa a kanta maipapan kadagiti propeta a kas iti “Follow the Prophet” (Children’s Songbook, 110). Piliem ti maysa a kangrunaan a ragup dagiti balikas manipud iti kanta,ket isurat ti maysa a balikas manipud iti ragup dagiti balikas iti tunggal maysa asumagmamano a sinan-tugot ti saka a papel. Idisso dagitoy a sinan-tugot ti saka a papel iti suelo nga agturong iti maysa a ladawan ti Mangisalakan. Awisem dagiti ubbing a mangsurot kadagitoy a sinan-tugot ti saka a dana, ket tulongam ida a mangbasa kadagiti balikas.
Tungpalekto ti Nailangitan nga Ama.
Mabalin a makaparegta kadagiti ubbing a sursuruam ti pagwadan ni Nephi nga agtungpal iti Apo.
Dagiti Mabalin nga Aktibidad
-
Basaem ti Helaman 10:2, 11–12, ket tulongam dagiti ubbing a makaawat a nagtungpal ni Nephi iti Dios. Awisem dagiti ubbing a mangyakem iti inaramid ni Nephi. Kas pagarigan, kiddawem kadakuada a magna nga agturong iti maysa a bangir ti siled (a kasla agawidda iti pagtaengan), agsardeng, agpusipos, ken magna nga agturong iti sabali pay a bangir ti siled (a kasla agsublida a mangisuro kadagiti tao). Tulongam ida a mangkita a kayat ni Nephi ti agtungpal iti Apo uray pay no nasken nga agaramid isuna iti maysa a narigat a banag.
-
Tulongam dagiti ubbing a makaawat a no dadduma kayat ti Nailangitan nga Ama nga agaramidtayo iti maysa a banag a maiduma iti kayattayo nga aramiden, ngem makagtungpaltayo Kenkuana a kas ti inaramid ni Nephi. Ibinglay dagiti palawag kas iti “No dadduma kayatko ti agpungtot, ngem kayat ti Nailangitan ng Ama nga agbalinak a … ,” ket ipaleppasmo kadagiti ubbing dagitoy a palawag. Allukoyem dagiti ubbing a manglagip nga agsardeng ken agpanunot maipapan iti kayat ti Nailangitan nga Ama nga aramidenda ket kalpasanna aramiden daytoy.
Isuro ti Doktrina: In-inauna nga Ubbing
Naespirituan a natalgedak no surotek ti propeta.
Insuro ni Presidente James E. Faust: “Agpannuray ti kinatalgedtayo iti panagtungpaltayo ti sao [ti Presidente iti Simbaan] ken iti panangsurot iti balakadna” (“Continuous Revelation,” Ensign, Nob. 1989, 10).
Dagiti Mabalin nga Aktibidad
-
Kiddawen kadagiti ubbing a mangisurat iti pisarra kadagiti banag nga aramiden ti maysa a propeta (kitaen iti “Propeta,” Pangiwanwan iti Nasantuan a Kasuratan, scriptures.ChurchofJesusChrist.org). Tulongam ida a mangsukisok iti Helaman 7:1–2, 27–29; 8:22–23; ken 10:3–4, 6–7 tapno maammuan no kasano nga inaramid ni Nephi dagiti sumagmamano a banag a naisurat iti listaanda. Kaano a nakitatayo nga araramiden dagiti sibibiag a propetatayo dagitoy a banag? Ibinglaymo ti pammaneknekmo maipapan iti sibibiag a propeta. Tapno mailadawan ti kinapateg dagiti propeta, ipakitam ti umuna a minuto ti video a “Watchman on the Tower” (ChurchofJesusChrist.org).
-
Aggigiddan a mangbasa iti “Helaman 11:3–7 (wenno irebyu ti “Kapitulo 39: Umawat ni Nephi ti Naindaklan a Bileg,” Dagiti Estoria iti Libro ni Mormon, 108–10, wenno ti maitutop a video iti ChurchofJesusChrist.org). Kiddawen kadagiti ubbing a dumngeg no ania ti napasamak kadagiti tao a saan a dimngeg iti propeta. Ania ti mapasamak no saantayo a dumngeg iti propeta? Kasano a mabendisionantayo no sumurottayo Kenkuana? Ibinglaymo ti maysa a banag nga insuro ti propetatayo, ken allukoyem dagiti ubbing a sumurot kadagiti pannursurona.
Kayat ti Apo a manglagipak Kenkuana.
Maipasangonto dagiti ubbing a sursuruam kadagiti pakasingaan a mabalin a mangigapu kadakuada a manglipat iti Nailangitan nga Ama ken ni Jesucristo. Kasano a maparegtam dagiti ubbing a mangipaay iti panawenda kadagiti naespirituan a banag?
Dagiti Mabalin nga Aktibidad
-
Aggigiddan a basaen ti Helaman 7:20–21, ken kiddawen kadagiti ubbing nga agpanunot iti no ania ti kaipapanan ti manglipat iti Dios. Ilawlawag a mabalin met a ti kaipapanan ti balikas a manglipat ket “mangbaybay-an” wenno “saan nga ikankano.” I-display ti maysa a ladawan iti Mangisalakan, ket awisem dagiti ubbing nga agdrowing kadagiti banag a mabalin a pangbubosanda iti adu a panawen a panangtrabaho a makaigapu tapno malipatanda ti Apo. Ikabil dagiti drowingda iti sango ti ladawan ni Jesus. Kiddawen kadagiti ubbing nga agpanunotda kadagiti banag a mabalinda nga aramiden iti tunggal aldaw tapno malagipda ti Nailangitan nga Ama ken ni Jesus. Bayat iti panangibinglayda kadagiti kapanunotanda, saggaysa nga ikkatem dagiti drowing agingga a maipakita ti ladawan iti Mangisalakan.
-
Awisem dagiti ubbing a mangileppas iti panid ti aktibidad iti daytoy a lawas.
No utobek dagiti balikas ti Dios, makaawatak iti paltiing.
Ammo kadi dagiti ubbing a sursuruam no ania ti kaipapanan ti agutob? Tulongam ida a makaawat a nabendisionan ni Nephi iti paltiing idi inutobna dagiti banag a naipakita kenkuana ti Apo.
Dagiti Mabalin nga Aktibidad
-
Tulongam dagiti ubbing a makaawat no ania ti kayat a sawen ti agutob (kitaen ti “Utoben,” Pangiwanwan ti Nasantuan a Kasuratan, scriptures.ChurchofJesusChrist.org). Awisem ida a mangpanunot kadagiti dadduma pay a balikas a mangiladawan no ania ti kaipapanan ti utoben . Kalpasana kiddawem kadakuadda a mangbasaen ti Helaman 10:1–3 ket sukatanda ti balikas nga utoben kadagiti balikas a napampanunotda. Ania ti napasamak idi nagutob ni Nephi kadagiti nasantuan a kasuratan (kitaen iti Helaman 10:3–7). Ibinglaymo ti panawen idi immawatka iti paltiing kalpasan ti panagutobmo ti nasantuan a kasuratan wenno ti maysa a paltiing iti agdama nga aldaw wenno maysa a naespirituan a padas.
-
Ikkam dagiti ubbing ti panawen a mangbasa iti Helaman 10, wenno aggigiddan a mangbasa iti daytoy, ket allukoyem ida a mangsapul iti maysa a bersikulo a kayatda nga utoben bayat ti umay a lawas. Awisem ida a mangisurat iti bersikulo a napilida iti papel wenno kard ket ikabil daytoy iti maysa a lugar a mangipalagip kadakuada a mangutob iti dayta a bersikulo bayat ti umay a lawas. Iti masakbayan a klase, ikkam ida iti panawen a mangibinglay no ania ti nasursuroda bayat iti panagutobna iti bersikulo.
Yallukoy ti Panagsursuro iti Pagtaengan
Allukoyem dagiti ubbing a mangibinglay kadagiti pamiliada no ania ti planoda nga aramiden a manglagip ken ni Jesucristo iti inaldaw. Mabalin met nga awisenda dagiti pamiliada a makikadua kadakuada iti panggepda a tun-oyen .
Panangpadur-as iti Panangisurotayo
Mangted kadagiti awis a mangdayaw iti kinawaya a panagpili. Bayat ti panangawismo kadagiti ubbing nga agtignay iti no ania ti insurom kadakuada, mangpanunot kadagiti wagas a mangdayaw iti karbenganda nga agpili bayat ti panangyaplikarda iti no ania ti masursuroda. Kas pagarigan, kalpasan ti maysa nga adalen maipapan iti Mangisalakan, mabalinmo a saludoden ti, “Anianto ti aramidem a manglaglagip iti Mangisalakan iti daytoy a lawas?”