Babai, Apayapay Agsangitka? ni Simon Dewey

Hulio 27–Agosto 2

Alma 39–42

“Ti Naindaklan a Plano ti Ragsak”

Bayat ti sikakararag a panagadalmo iti Alma 39-42, agplano kadagiti aktibidad a makatulong kadagiti ubbing nga agsursuro. Mabalin a masarakam dagiti kapanunotan kadagiti sumaganad nga aktibidad a mabalin a maibagay iti uray ania a grupo ti edad.

Isuratmo Dagiti Impresionmo

Yawis ti Panagbibinninglay

Awisem ti tunggal ubing a tumakder ket mangibinglay iti maysa a wagas maipapan iti ebanghelio a nabiit pay a nasursurona iti pagtaengan wenno iti simbaan.

Isuro ti Doktrina: In-inaudi nga Ubbing

Alma 39:1, 10–11

Makapagbalinak a maysa a nasayaat a pagulidanan.

Inallukoy ni Alma ni Corianton nga agsursuro manipud iti nasayaat a pagwadan kadagiti kakabsatna a lallaki ken binallaganna ni Corianton a saan nga agbalin a a negatibo a pagulidanan kadagiti dadduma.

Dagiti Mabalin nga Aktibidad

• Ilawlawag nga agkabsat da Shiblon ken Corianton ket nasayaat a pagulidanan ni Shiblon para ken ni Corianton. Awisem dagiti ubbing ng ulitenda daytoy a saludsod kenka: “Saanna, aya, nga impakita ti nasayaat a pagulidanan kenka?” (Alma 39:1). Kiddawen kadagiti ubbing nga agsarita maipapan iti maysa a tao a nasayaat a pagulidanan kadakuada.

• Agay-ayam iti maysa ng ay-ayam wenno agkansion iti maysa a kanta a pangsurotan wenno pangtuladan kenka dagiti ubbing, kas iti “Do as I’m Doing” (Children’s Songbook, 276). Bay-an a maaddaan ti tunggal ubing iti gundaway nga agbalin a lider wenno pagulidanan. Saludsodem kadagiti ubbing no kasano nga agbalinda a nasayaat a pagulidanan iti maysa a tao.

• Ipakita dagiti ladawan ni Jesus nga agar-aramid kadagiti nasayaat a banag, ken ilawlawag nga Isu ti naan-anay a pagulidanantayo. Ilawlawag a makapagbalintayo a nasayaat a pagulidanan, a kas ken ni Jesus. Awisem dagiti ubbing nga agdrowing kadagiti ladawan ti bagbagida nga agar-aramid kadagiti nasayaat a pagulidanan.

Alma 39:9, 13

Matulongannak ti Nailangitan nga Ama ken ni Jesucristo a mangatur kadagiti biddutko.

Uray pay a saan a kasapulan dagiti ubbing ti agbabawi, ti panangibaga kadakuada maipapan ken ni Corianton ket mabalin a makatulong kadakuada a mangrugi iti panakaawat no ania ti kaipapanan iti panagbabawi.

Dagiti Mabalin nga Aktibidad

• Uray no saan a detaliado maipapan iti kasasaad dagiti basolna, ilawlawag a nakaaramid iti biddut a pili ni Corianton. Ania ti maibagatayo a mangtulong kenkuana? Ibasam kadagiti ubbing no ania ti imbaga kenkuana ni Alma, ama ni Corianton: “Agbabawika ken iwagsakmo dagiti basolmo” (Alma 39:9). Ibagam kadakuada a ti kaipapanan ti “agbabawi” ket kiddawentayo iti Nailangitan nga Ama ken ni Jesucristo a pakawanennatayo ken tulongannatayo a mangatur kadagiti bidduttayo ken kalpasanna ikarigatantayo ti agbalin a kas Kadakuada.

• Ikkam ti maysa nga ubing ti maysa a nadagsen a banag nga iggamanna bayat iti panangisalaysaymo ti maysa nga estoria maipapan iti maysa a tao a nagaramid iti maysa a banag a biddut ket madi ti nariknana. Ibagam kadagiti ubbing a maipada ti banag kadagiti madi a rikna a mabalin nga adda kadatayo no agaramidtayo iti biddut. Alaem ti nadagsen a banag manipud iti ubing bayat iti panangipaneknekmo a maikkat ti Nailangitan nga Ama ken ni Jesucristo dagiti nadagsen, madi a rikna ken matulongannatayo a mangatur kadagiti bidduttayo no agbabawitayo. Aggigiddan nga agkansion iti maysa a kanta maipapan iti panagbabawi kas iti “Repentance”Children’s Songbook, 98).

Alma 40:23

Agungarakto.

Tulongam dagiti ubbing a mangpasungad iti maysa nga aldaw nga agungardanto ken dagiti ay-ayatenda.

Dagiti Mabalin nga Aktibidad

• Bayat ti napigsa a panangbasam iti Alma 40:23, pausarmo kadagiti ubbing ti panid ti aktibidad itoy a lawas a mangtulong kadakuada a mangiladawan iti panunotda no ania ti isursuro daytoy a bersikulo. Awisem ti tunggal ubing nga usarenna ti panid ti aktibidad a mangisuro ti sabali pay nga ubing no ania ti panagungar.

• Ipakitam ti ladawan ti nagungar a Mangisalakan, ket suruam dagiti ubbing ti maysa a kanta maipapan iti Panagungar, kas iti “Did Jesus Really Live Again?” wenno “He Is Risen” (Children’s Songbook, 64; Hymns, no. 199). Agsardengka sagpaminsan tapno ilawlawag ti kaipapanan ken kinapateg ti balikas ken ragup dagiti balikas.

• Saludsodem kadagiti ubbing no adda am-ammoda a maysa a tao a natayen. Ibinglaymo ti pamaneknekmo nga iti maysa nga aldaw agungarto dayta a tao ken ti tunggal maysa gapu ken ni Jesucristo. No kasapulan, usarem ti panid ti aktibidad tapno ilawlawag no ania ti kaipapanan ti agungar.

  

  Ni Maria ken ti Nagungar nga Apo, ni Harry Anderson

Isuro ti Doktrina: In-inauna nga Ubbing

Alma 39:1, 10–11

Makapagbalinak a maysa a nasayaat a pagulidanan.

Makatulong ti balakad ni Alma ken ni Corianton tapno maawatan dagiti ubbingti kinapateg ti panangsurot ken panagbalin a nasayaat a pagulidanan.

Dagiti Mabalin nga Aktibidad

• Ilawlawag a nakabasol iti nadagsen ti anak ni Alma a ni Corianton bayat ti panangikasabana koma iti ebaghelio. Ibasam ti maudi a kagudua ti Alma 39:11 kadagiti ubbing, ket kiddawem kadakuada a dumngegda no kasano nga inaringanti basol ni Corianton dagiti Zoramite. Tulongam dagiti ubbing a mangpanunot kadagiti tao a mabalin a naimpluensiaan babaen kadagiti tignayda. Kasano a makapagbalinda a nasayaat a pagwadan kadagitoy a tao?

• Aggigiddan a basaen ti Alma 39:1. Kasano a nasayaat a pagulidanan ni Shiblon a kabsat ni Corianton? Kiddawem kadagiti ubbing a mangsapulkadagiti mainayon a sungbat iti daytoy a saludsod iti Alma 38:2–4. Isaritam ti maipapan iti sumagmamano a nasayaat a pagulidanan iti biagmo, ken awisem dagiti ubbing nga aramidenda met ti kastoy. Ipakitam ti video a “Lessons I Learned as a Boy” (ChurchofJesusChrist.org), ket saludsodem kadagiti ubbing no kasano a nasayaat a pagulidanan ti inauna nga ubing a lallaki.

• Mangitugot iti flashlight wenno maysa a ladawan ti init, ken idilig ti silaw iti bileg ti nalinteg a pagulidanan. Kas iti silaw manipud ti flashlight wenno ti init a makatulong kadatayo a makitatayo ti dana a kasapulantayo a suroten, ti nalinteg a pagulidanan ket mangipakita kadatayo no ania ti aramidentayo tapno masurottayo ti Nailangitan nga Ama. Ibinglaymo ti maysa a padas idi nakatulong kenka ti nasayaat a pagulidana ti maysa a tao. Ania ti mabalin nga aramiden dagiti ubbing tapno agbalinda a nasayaat a pagwadan iti dadduma? Paneknekam a ni Jesucristo ti naan-anay a pagwadantayo.

Alma 39:9–13

makapagbabawiak no agaramidak kadagiti biddut.

Kas met laeng kadatayo amin, agbasol ken agbiddut dagiti ubbing a sursuruam. Kasano a maparegtam ida a “[mangi]wagsak kadagiti basol[da]” ket agbabawi? (Alma 39:9).

Dagiti Mabalin nga Aktibidad

• Kiddawem kadagiti ubbing a mangibinglay iti maysa a padas idi nadunorda. Ania ti inaramidda a nakatulong a nangpaimbag iti dunorda? Ilawlawag a ti basol ti mangdunor iti espiritutayo, ngem mapaimbagtayo ti Mangisalakan no agbabawitayo.

• Kiddawem dagiti ubbing nga saraken ti ragup dagiti balikas a “agbabawika ken iwagsakmo dagiti basolmo” iti Alma 39:9, ken tulongam ida a makaawat no ania ti kaipapanan ti “agbabawi” ken “iwagsak.” Paneknekam a posible ti panagbabawi babaen ken ni Jesucristo ken ti Pannubbotna. Aggigiddan a basaen ti Alma 39:10–14 a mangsapul kadagiti dadduma pay a banag a maaramidtayo a makatulongto kadatayo nga agbabawi ken mangliklik iti basol.

Alma 40:6–7, 11–14, 21–23

Kalpasan iti ipapatay, mapan dagiti espiritutayo iti lubong ti espiritu agigga iti Panagungar ken Panangukom.

Gagangay a masdaaw no ania ti mapasamak kadatayo kalpasan ti ipapataytayo. Makatulong kadagiti ubbing ti balikas ni Alma a mangsarak kadagiti makaparegta a sungbat.

Dagiti Mabalin nga Aktibidad

• Isurat ti ipapatay, lubong ti espiritu, panagungar, ken panangukom iti nadumaduma a pedaso ti papel, ken ikabil dagitoy iti pisara iti saan a napagsasaganad nga urnos. Tulongam a maawatan dagiti ubbing ati kayat a sawen dagitoy a balikas. Ibasam ti Alma 40:6–7, 11–14, and 21–23 kadagiti ubbing, ken kiddawem kadakuada nga ikabilda dagiti balikas iti pisarra iti urnos segun iti nakapasamakanda.

• Isurat iti pisarra ti maysa a listaan dagiti saludsod a mabalin a sungbatan ti Alma 40:6–7, 11–14, and 21–23, ket awisem dagiti ubbing a mangiparis iti tunggal saludsod kadagiti bersikulo a mangsungbat iti daytoy. Kas pagarigan, “Anianto ngata ti itsura ti bagik no agungarak?” ket mabalin a sungbatan ti Alma 40:23. No kasapulan, ilawlawag dagiti narigat a balikas kadagiti ubbing bayat ti panagbasada. Allukoyem dagiti ubbing a mangibinglay no apay nga agyamanda iti plano ti Nailangitan nga Ama.

Yallukoy ti Panagsursuro iti Pagtaengan

Allukoyem dagiti ubbing nga agyaman iti maysa a miembro ti pamilia a nasayaat a pagwadan kadakuada ken agpanunot iti maysa a wagas a pakapagbalinanda a nasayaat a pagulidanan itoy a lawas.

Panangpadur-as iti Panangisurotayo

Iraman dagiti panagrikna. “Kaaduan kadagiti ubbing (ken nataengan) timakasursuro a naimbag no mairaman dagiti adu a panagrikna. Mangsapul kadagiti wagas tapno matulongan dagiti ubbing a mangusar kadagiti panagriknada iti panagkita, panagdengngeg, ken panagsagid kabayatan ti panagadalda” (Panangisuro iti Wagas ti Mangisalakan, 25).