“Agosto 10–16. Alma 53–63: ‘Nataginayon babaen ti Datdatlag a Bilegna,’” Umaykayo, Sumurot Kaniak—Para iti Primary: Libro ni Mormon 2020 (2020)
“Agosto 10–16. Alma 53–63,” Umaykayo, Sumurot Kaniak—Para iti Primary: 2020
Dua Ribu nga Agtutubo a Mannakigubat, ni Arnold Friberg
Agosto 10–16
Alma 53–63
“Nataginayon babaen ti Datdatlag a Bilegna”
Bayat ti panagbasam iti Alma 53–63, panunotem ti maipapan no kasano a mapagbalinmo a nabiag dagiti estoria kadagitoy a kapitulo para kadagiti ubbing ken tulongam ida a mangsursuro kadagiti pagbatayan ti ebanghelio nga isuro dagiti estoria.
Isuratmo Dagiti Impresionmo
Yawis ti Panagbibinninglay
Tapno maisaganam dagiti ubbing a makasursuro manipud iti Alma 53–63, awisem ida nga ibinglay no ania ti malagipda maipapan kadagiti Anti-Nephi-Lehies (kitaen ti Alma 23–24). Tapno makatulong, ipakitam ti maysa a ladawan a nausarmo a mangisuro ti estoria, wenno ipalagipmo kadakuada ti maysa nga aktibidad nga inaramidda iti klase.
Isuro ti Doktrina: In-inaudi nga Ubbing
Makapagbalinak a napudno iti Dios kas kadagiti agtutubo a lallaki a mannakigubat.
Mabalin a naindaklan a pagwadan dagiti agtutubo (meaning “young”) a mannakigubat ni Helaman para kadagiti ubbing iti klasem. Allukoyem dagiti ubbing a mangpadas nga agbalin a kas kadakuada.
Dagiti Mabalin nga Aktibidad
-
Awisem ti maysa nga ubing a mangiggem iti ladawan iti balabala iti daytoy a lawas iti Umaykayo, Sumurot Kaniak—Para kadagiti Indibidual ken Pamilia bayat ti panaggupgopmo iti estoria dagiti agtutubo a lallaki a mannakigubat ni Helaman. Mabalin nga usarem ti “Kapitulo 34: Ni Helaman ken Dagiti 2,000 nga Agtutubo a Lallaki a Mannakigubat” (Dagiti Estoria iti Libro ni Mormon, 93–94, wenno ti maitutop a video iti ChurchofJesusChrist.org). Paibinglay kadagiti ubbing no ania ti ammoda ken kayatda maipapan iti estoria ti 2,000 nga agtutubo a lallaki a mannakigubat.
-
Awisem ti maysa nga ubing a babai ken maysa nga ubing a lallaki a mangibagi kadagiti ina ken ama dagiti agtutubo a lallaki a mannakigubat. Bayat ti panangbasam ti Alma 56:27 ken 47–48, ikkam dagiti ubbing kadagiti banag nga iggamanda tapno mangibagi no kasano a nakatulong dagiti inna ken amma kadagiti mannakigubat, kas iti maysa a sako ti taraon a mangibagi kadagiti “abasto” nga inpatulod dagiti amma ken dagiti nasantuan a kasuratan a mangibagi kadagiti pannursuro dagiti inna. Paibinglay kadagiti ubbing a dagiti banag nga impaay dagiti nagannakda para kadakuada wenno insuroda kadakuada.
-
Basaem ti Alma 53:20–21, ket tulongam dagiti ubbing a mangipaawat no ania ti kaipapanan dagiti balikas a kas iti maingel, tured, bileg, ken pudno . Iladawam no kasano nga impakita dagiti agtutubo a lallaki a mannakigubat dagitoy a kababalin. Mangaramid kadagiti name tag para kadagiti ubbing nga adda mabasa a “No , maipadaak iti maysa nga agtutubo a mannakigubat!” Tulongam dagiti ubbing a mangpunno iti blangko iti kababalin a napilida manipud iti Alma 53:20–21.
-
Tulongam dagiti ubbing a mangileppas iti panid ti aktibidad iti daytoy a lawas. Tulongam ida nga agpanunot kadagiti wagas a makapagbalinda a kas iti buyot ni Helaman. Aggigiddan a kantaen ti “We’ll Bring the World His Truth” (Children’s Songbook, 172–73).
No madanagannak, agtalekak iti Dios.
Idi naipasango isuna ken dagiti buyotna kadagiti napeggad a panawen, nagtalek ni Helaman iti Apo. Ania ti masursuro dagiti ubbing a sursuruam manipud iti pagwadanna?
Dagiti Mabalin nga Aktibidad
-
Idrowing ti nakamisuot a rupa iti pisarra, ket isaritam maipapan iti no kasano a nagdanag ni Helaman gapu ta awan ti umdas a taraon ti buyotna wenno umdas a lallaki a mangituloy iti panangranget (kitaen iti Alma 58:32–41). Kiddawem kadagiti ubbing a mangisarita kadagiti panawen a nariribukanda. Basaem ti Alma 58:37 (wenno tulongam ti maysa nga ubing a mangbasa iti daytoy), ken tulongam dagiti ubbing a mangbaliw iti rupa iti pisarra iti nakaisem a rupa tapno maipakita no kasano ti rikna ni Helaman gapu ta nagtalek isuna iti Dios. Ania ti mabalin nga aramidentayo no mariribukantayo? Aggigiddan a kantaen ti “Smiles,” (Children’s Songbook, 267).
-
Isurat iti sumagmamano a babassit a papel ti sumagmamano a banag a mabalin a pakariribukan dagiti ubbing. Pagsisinnublatem dagiti ubbing iti panangpiliiti papel a basaem, ken awisem dagiti ubbing a mangisarita no kasano a matulongan ti Dios ida iti tunggal maysa kadagitoy a pakariribukan. Isaritam ti maysa a padasmo idi tinulongannaka ti Dios idi nariribukanka.
Isuro ti Doktrina: In-inauna nga Ubbing
Alma 56:45–48; 57:21, 25–27; 58:39–40
Makapagbalinak a napudno iti Dios kas kadagiti agtutubo a lallaki a mannakigubat.
Ania dagiti kinapudno manipud ti estoria maipapan kadagiti agtutubo [stripling] (kayatna a sawen ti “ubing”) a mannakigubat ni Helaman a makatulong kadagiti ubbing kadagiti karit a maipaspasango kadakuada?
Dagiti Mabalin nga Aktibidad
-
Awisem dagiti ubbing a mangisarita no ania ti ammoda maipapan kadagiti agtutubo a lallaki a mannakigubat? Mabalin nga usarem ti “Kapitulo 34: Ni Helaman ken Dagiti 2,000 nga Agtutubo a Lallaki a Mannakigubat” (Dagiti Estoria iti Libro ni Mormon, 93–94, wenno ti maitutop a video iti ChurchofJesusChrist.org). Paisaritam kadagiti ubbing no ania ti dayawenda maipapan kadagiti mannakigubat.
-
Aggigiddan a basaen ti Alma 56:45–48; 57:21, 25–27; 58:39–40. Pasapul kadagiti ubbingdagiti balikas ken ragup dagiti balikas manipud kadagitoy a bersikulo a mangiladawan kadagiti agtutubo a mannakigubat. Ania ti kaipapanan dagitoy a balikas ken ragup dagiti balikas? Kasano a makapagbalintayo a kas kadagiti agtutubo a mannakigubat?
-
Ibasa ti Alma 56:46-48 kadagiti ubbing, ket awisem ida a dumngeg no ania ti insuro dagiti inna kadagiti agtutubo a mannakigubat maipapan iti pammati. Kasano a makatulong dagiti nagannak ita kadagiti ubbing a maaddaanda iti pammati? Apay a napateg kadagiti ubbing nga agtungpal a “husto” kadagiti nalinteg a sursuro dagiti nagannak ken dadaulo ti Simbaan.? (Alma 57:21).
Bukel ti Pammati, ni Jay Ward
Makapagtungpalak kadagiti katulagan.
Nagaramid dagiti agtutubo a mannakigubat ken dagiti nagannakda kadagiti katulagan a sipupudno nga impatungpalda. Mabalin nga usarem daytoy a pakasaritaan a mangisuro kadagiti ubbing maipapan iti kinapateg dagiti katulagan.
Dagiti Mabalin nga Aktibidad
-
Bingayem dagiti ubbing iti tallo a grupo: maysa ti mangibagi ken ni Helaman, sabali ti mangibagi kadagiti tao ni Ammon, ken ti maikatlo ti mangibagi kadagiti annak a lallaki ti tattao ni Ammon. Aggigiddan a basaen ti Alma 53:10-17 , ket paisaritam kadagiti grupo no kasano a nagaramid ken nangtungpal kadagiti katulagan dagiti tao nga imbagianda. Paneknekam a bendisionannatayo ti Nailangitan nga Ama no tungpalentayo dagiti katulagantayo.
-
Isuratmo iti pisara dagiti ragup dagiti balikas manipud iti Mosiah 18:8–10 wenno Doktrina ken Katulagan 20:37 a mangiladawan kadagiti banag a nakitulagantayo nga aramiden no mabuniagantayo. Isuratmo met dagiti ragup dagiti balikas a saan a mainaig kadagiti katulagan. Kiddawem kadagiti ubbing a mangtimbukel kadagiti banag a pakitulagantayo nga aramiden (pausarmo dagiti nasantuan a kasuratan no kasapulan). Kasano a mabendisionantayo no agtungpaltayo kadagiti katulagantayo? Allukoyem dagiti ubbing a mangisurat no ania ti nakitulaganda iti Dios nga aramiden ken i-display ti listaanda iti lugar a pakakitaanda a masansan iti daytoy.
-
Awisem ti maysa nga ubing a mangbasa iti Alma 56:27. Kasano a tinulongan dagiti amma dagiti annakda a lallaki a saanda a lablabsingen ti katulaganda a saan a makiranget? Asino ti sumuporta kadatayo iti panagtungpal kadagiti katulagantayo?
Mapilik ti saan nga agpungtot.
Siuulbod nga inakusaran ni Moroni ni Pahoran, ngem imbes nga agpungtot, kinuna ni Pahoran, “Maragsakanak … iti kadakkel ti panagpuspusom” (Alma 61:9).
Dagiti Mabalin nga Aktibidad
-
Awisem dagiti ubbing a mangpanunot maipapan iti panawen idi naakusaranda a nagaramid iti maysa a banag a saanda nga inaramid. Isaritam kadakuada ti maipapan iti no kasano a napasamak daytoy ken ni Pahoran (kitaen iti Alma 60–61). Mabalinmo nga usaren ti “Kapitulo 35: Da Moroni ken Pahoran” (Dagiti Estoria iti Libro ni Mormon, 95–97, wenno ti maitutop a video iti ChurchofJesusChrist.org). Tapno masursuro ti maipapan iti no kasano ti reaksion ni Pahoran, agsisinublat a mangbasa kadagiti bersikulo manipud iti Alma 61:3–14. Ania ti inaramid ni Pahoran idi inakusaran isuna ni Moroni? Ania ti masursurotayo maipapan iti panangpakawan manipud iti pagwadan ni Pahoran? Kasano a makapagbalintayo a kas kenkuana?
-
Isurat iti pisarra ti Ania ti nasken nga aramidek no makagura kaniak ti maysa a tao? Pagsisinnublaten dagiti ubbing a mangisurat iti pisarra ti sumagmamano a sungbat. Kasano koma a sinungbatan ni Pahoran daytoy a saludsod? Paisurat kadagiti ubbing dagiti sungbat iti maysa a surat para iti bagida a mabalinda a basaen no makagura ti maysa a tao kadakuada.
Yallukoy ti Panagsursuro iti Pagtaengan
Awisem dagiti ubbing a mangibinglay kadagiti pamiliada iti maysa a wagas a kayatda a pagbalinana kas kadagiti agtutubo a mannakigubat. Mabalinda pay ti agyaman kadagiti nagannakda gapu iti panangisuroda kadakuada a kas iti inaramid dagiti inna ti dagiti agtutubo a mannakigubat.
Panangpadur-as iti Panangisurotayo
Iramanmo dagiti ubbing iti panaglilinnawag iti ebanghelio. Makatulong met no dadduma ti panangbalbaliw iti urnos ti siled ti klase tapno nasaysayaat ti panakiraman dagiti ubbing kadagiti panaglilinawag iti ebanghelio. Kas pagarigan, no dadduma mabalinmo nga awisem dagiti ubbing nga agtugawda iti patimbukel iti suelo imbes a kadagiti tugawda.