Punaoa Faaopoopo mo le Aoaoina o Tamaiti

O nei punaoa e mafai ona maua i le polokalama o le Potutusi a le Talalelei [Gospel Library app] ma i luga o le ChurchofJesusChrist.org.

Sau, Mulimuli Mai ia te Au—Mo Tagata Taitoatasi ma Aiga

E mafai ona fetuunai ni gaoioiga mai le Sau, Mulimuli Mai ia te Au—Mo Tagata Taitoatasi ma Aiga mo le faaaogaina i lau vasega Peraimeri. Aua e te popole pe afai ua uma ona faia e tamaiti nei gaoioiga ma o latou aiga i le fale; o le fai soo e fesoasoani ai i tamaiti e aoao. E ono mananao tamaiti e faamatala pe na faapefea ona latou faia gaoioiga ma o latou aiga ma mea sa latou aoaoina.

Viiga ma le Tusipese a Tamaiti

O musika paia e valaaulia ai le Agaga ma aoao atu ai aoaoga faavae i se ala e manatua pea. E faaopoopo i tusi lolomi o Viiga ma le Tusipese a Tamaiti e mafai ona e maua lipine faalogologo ma vitio o le tele o viiga ma pese a tamaiti i le music.ChurchofJesusChrist.org ma i le LDS Music ma le LDS Media Library apps.

Faauta I O Outou Tamaiti

E tele autu o loo aoao i le tusi lesona a le vasega pepe Faauta I O Outou Tamaiti: Tusi Lesona Vasega Pepe e pei foi o lesona o loo e aoao atu i le Peraimeri. Aemaise pe a o e faiaoga i tamaiti laiti ifo, mafaufau e vaavaai i le tusi lesona a le vasega pepe mo ni pese faaopoopo, gaoioiga, ma ata.

Mekasini o le Uo ma le Liahona

O mekasini o Le Uo ma le Liahona e maua ai tala ma gaoioiga e mafai ona faaopoopo i mataupu faavae o loo e aoao atu mai le Sau, Mulimuli Mai ia te A’u—Mo le Peraimeri.

Tala o le Tusi a Mamona

O Tala o le Tusi a Mamona e mafai ona fesoasoani i tamaiti e aoao ai aoaoga faavae ma tala o loo maua i le Tusi a Mamona. E mafai foi ona e maua vitio o nei tala i le medialibrary.ChurchofJesusChrist.org.

Potutusi o Faasalalauga

Galuega o faatufugaga, vitio, ma isi faasalalauga e mafai ona fesoasoani ia te oe ma tamaiti e vaai faalemafaufau ai i aoaoga faavae ma tala o loo maua i le Tusi a Mamona. Asiasi i le medialibrary.ChurchofJesusChrist.org e sue ai i ofaga a le Ekalesia o punaoa faasalalau, e aofia ai faasologa vitio o le Tusi a Mamona, ia e faaalia mai ai mea na tutupu i le Tusi a Mamona. O loo maua foi punaoa faasalalau i luga o le LDS Media Library app.

Ata o le Talalelei

E mafai ona fesoasoani galuega o faatufugaga i tamaiti e vaai faalemafaufau ai i le aoaoga faavae ma tala o loo maua i le Tusi a Mamona. E tele ata e mafai ona e faaaogaina i le vasega o loo maua i le Tusi Ata o le Talalelei, i le medialibrary.ChurchofJesusChrist.org, ma i le LDS Music ma le LDS Media Library apps.

Faamaoni i le Faatuatua

A e manaomia se fesoasoani faaopoopo e malamalama ai i mataupu faavae amata o le a e aoao atu i tamaiti, mafaufau e vaavaai i le Faamaoni i le Faatuatua. O le tusi lea e maua ai faamalamalamaaga faigofie o autu o le talalelei, o loo lisi atu i lona faatulagaga i le pi faitau.

Aoao Atu i le Ala a le Faaola

O leAoao Atu i le Ala a le Faaola e mafai ona fesoasoani ia te oe e aoao ai e uiga i mataupu o le aoao atu faapei o Keriso ma faaaogaina. O nei mataupu faavae o loo talanoaina ma faata’ita’i i fonotaga faaaufono a faiaoga.