Kōmeļeļe ko n̄an Sharing Time im Būrookraam̧ eo an Ajri ro ilo Kweiļo̧k in Kwojkwoj eo.

Būreejtōnji ko im Ritōl Al ro an Būraemere Rejitōnbōro,

Al ko an Būraimere rej juon kein jerbal ekajoor n̄an jipan̄ ajri ro ekkatak kōn karōk in m̧ōņōņō eo an Jemedwōj Ilan̄ im m̧ool ko raorōk an gospel eo an Jisōs Kraist. Ilo an ajri ro al kōn pedped in katak ko an gospel eo, Jetōb Kwojarjar eo enaaj kam̧ool kōn m̧ool ko aer. Naan ko im al ko renaaj pād wōt ilo kōļmenļo̧kjeņ ko im bōro ko an ajri ro ilo aolepān mour ko aer.

Pukot jipan̄ eo an Jetōb ilo am̧ kōppopo n̄an katakin gospel eo kōn al. Kwaļo̧k naan in kam̧ool eo am̧ kōn m̧ool ko kom̧ij al kaki. Jipan̄ ajri ro loe elmen an al ko iokļo̧k ta eo rej ekkatak kake im en̄jake ilo m̧weo im ilo kūlaaj ko an Būraimere. Ajri ro im baam̧le ko aer renaaj jeraam̧m̧an kōn kijejeto ko am̧.

Kōmij iakwe kom̧ im lewaj am kam̧m̧oolol kōn jerbal in wūjlepļo̧k eo kom̧ij leļo̧k n̄an kōkajoor im kōjparok ajri ro nejid raorōk.

Būreejtōnji eo Eutiej an Piraimere

Laajrak n̄an Būrookraam̧ eo an Ajri ro ilo Kweiļo̧k in Kwojkwoj eo

Ium̧win tōl eo an bisop eo, būrookraam̧ eo an ajri ro n̄an kweiļo̧k in kwojkwoj eo ekkā an kōm̧m̧an kuwōta eo kein kemen ilo kajjojo iiō. Āinwōt Būraimere būreejtōnji im ritōl al eo, kar n̄an kweilo̧k ilo im̧aan iiō eo ippān rikakpilōklōk eo ilo bisoprik eo ej lale Būraimere n̄an jino ekōnono kōn karōklōk būrookraam̧ eo. N̄e ededeļo̧k ami karōk pepe ko, bōk an mālim n̄an er.

Būrookram̧ eo eaikuj in kōm̧m̧an bwe ajri ro ren kwaļo̧k ta eo er im baam̧le ko aer raar ekkatak jān Bok in Mormon ilo kapijuknen im ilo Būraimere, ekoba al ko an Būraimere raar al kake ilo iiō eo. Lukkuun ļōmņak kōn ewi wōt pedped in katak ko an gospel eo im al ko rej rejtake ta eo raar katak. Ilo aolepān iiō eo, je kakeememej ko in katak ko an ajri ro im en̄jake ko an juon make n̄an kōjerbali ilo būrookram̧ eo. Karuwaineneik ajri ro n̄an riiti jeje ko rekwojarjar, bwebwenato ko, im naan in kam̧ool ko aer ilo būrookram̧ eo. Ilo am̧ karōk būrookram̧ eo, ļōmņake wāween ko emaron̄ in jipan̄ jarlepju eo mije wōt Rilo̧mo̧o̧r im katak ko An.

Iunit ko me edik uwaan ajri ro ie remaron̄ in ļōmņake wāween ko me baam̧le ko remaron̄ bōk kuņaer ippān ajri ro nejier. Juōn uwaan bisoprik eo emaron̄ kōjem̧ļo̧k kweilo̧k eo kōn jet naan ko rōkaddu.

Ilo am̧ kōpooj būrookram̧ eo, kememej laajrak in karōk kein:

• Iien kaminene ko ejjab aikuj in bōk eļap iien jān kūlaaj ko an Būraimere ak baam̧le ko.

• Pija ko, kainōknōk ko, im pija in kwaļok ko rejjab karpōp n̄an jar laplap eo.

Lale Bok in Bōk Meļeļe 2: Tōl Kabun̄ eo, 11.5.4.

Kōmeļeļe ko n̄an Iien Al

5 minit (Būraimere būreejtōnji eo): Jar in kōpeļļo̧k, eoon ak laajrak in tōmak, im juon kōnono

20 minit (ritōl al eo): Iien al

Būraimere būreejtōnji eo im ritōl al eo rej kāāleti al ko n̄an kajjojo allōn̄ n̄an kapen pedped in katak ko ajri ro rej ekkatak ilo kūlaaj ko aer im ilo m̧weo. Juon laajrak in al ko me rej kapen pedped in katak kein kar kobaik ilo unin tōl in. Al kein rej barāinwōt kwaļo̧k ilo laajrak ko ilo Itok, Ļoor Eō—n̄an Būraimere.

Ilo am̧ katakin al ko n̄an ajri ro, karuwaineneik er n̄an kwaļo̧k ta eo em̧ōj kadede aer kar ekkatak kōn bwebwenato ko im pedped in katak ko al ko rej katakin. Komaron̄ bar kōņaan bar etale Itok, Ļoor Eō—n̄an Būraimere laajrak ko me ajri ro rej ekkatak ilo kūlaaj ko aer. Menin enaaj jipan̄ eok jeļā kōn bwebwenato ko im pedped in katak ko rej ekkatak bwe kwon maron̄ ļōmņak elmen n̄an jipan̄ er ekkatak kōn al eo.

Ilo iien al, kwomaron̄ barāinwōt bar etale al ko ajri ro raar ekkatak im al ko rej m̧ōņōņō in al kaki. Ilo am̧ etale, karuwaineneik ajri ro n̄an kwaļo̧k ļōmņak im en̄jake ko aer kōn m̧ool ko repād ilo al ko.

Ilo Children’s Songbook ej juon kein jipan̄ eo m̧oktata n̄an al ko ilo Būraimere. Al ko jan bok in al eo im al ko jān Friend im Liaona eo rej barāinwōt jejjet. Jet iien ajri ro remaron̄ al al ko alin kautiej ak iien ko raorōk me rem̧m̧an n̄an Jabōt im n̄an iiō ko an ajri ro. Jabdewōt al ko jet kōjerbali ilo Būraimere eaikuj in kōmālim jān bisoprik eo (lale Bok in Bōk Meļeļe 2: Tōl Kabun̄ eo, 11.2.4).

Juon Etale an Būraimere

Kajjojo wiik, ilo Būraimere ekoba:

Iien Al25 minit

Iien jānij5 minit

Kūlaj ko20 minit

Ritōl ro an Būraimere ko reļļap remaron̄ ajije ajri ro n̄an ruo kurub ko im kōm̧m̧an bwe juon kurub ilo kūlaaj ko an Būraimere ilo an kurub eo juon ej pād ilo iien al eo. Innām kurub ruo rej ukōt jikier. Ilo kain jekjek in, ritōl ro an Būraimere remaron̄ in ukukōt awa ko rej waļo̧k ilōn̄ n̄an kōkkare n̄an jekjek ko aer.

Al n̄an Iien Al eo

Jānwōde

• “Book of Mormon Stories,” Children’s Songbook, 118–19

• “Keep the Commandments,” Children’s Songbook, 146–47

• “The Iron Rod,” Hymns, no. 274

Pāpode

• “Nephi’s Courage,” Children’s Songbook, 120–21

• “I Feel My Savior’s Love,” Children’s Songbook, 74–75

• “I Love to See the Temple,” Children’s Songbook, 95

M̧aaj

• “When I Am Baptized,” Children’s Songbook, 103

• “Dare to Do Right,” Children’s Songbook, 158

• “A Child’s Prayer,” Children’s Songbook, 12–13

Eprōļ

• “Easter Hosanna,” Children’s Songbook, 68–69

• “When We’re Helping,” Children’s Songbook, 198

• “Love One Another,” Children’s Songbook, 136–37

Māe

• “I Will Be Valiant,” Children’s Songbook, 162

• “Help Me, Dear Father,” Children’s Songbook, 99

• “Testimony,” Hymns, no. 137

Juun

• “We’ll Bring the World His Truth,” Children’s Songbook, 172–73

• “Follow the Prophet,” Children’s Songbook, 110–11

• “I Want to Be a Missionary Now,” Children’s Songbook, 168

Juļae

• “My Heavenly Father Loves Me,” Children’s Songbook, 228–29

• “Faith,” Children’s Songbook, 96–97

• “As I Search the Holy Scriptures,” Hymns, no. 277

O̧kwōj

• “Repentance,” Children’s Songbook, 98

• “The Still Small Voice,” Children’s Songbook, 106–7

• “Follow the Prophet,” Children’s Songbook, 110–11

Jeptōm̧ba

• “Samuel Tells of the Baby Jesus,” Children’s Songbook, 36

• “I’m Trying to Be like Jesus,” Children’s Songbook, 78–79

• “The Wise Man and the Foolish Man,” Children’s Songbook, 281

Oktoba

• “Reverently, Quietly,” Children’s Songbook, 26

• “Families Can Be Together Forever,” Children’s Songbook, 188

• “The Church of Jesus Christ,” Children’s Songbook, 77

Nobōm̧ba

• “Jesus Said Love Everyone,” Children’s Songbook, 61

• “Stand for the Right,” Children’s Songbook, 159

• “I Thank Thee, Dear Father,” Children’s Songbook, 7

Tijem̧ba

• “Search, Ponder, and Pray,” Children’s Songbook, 109

• “Away in a Manger,” Children’s Songbook, 42–43

• “He Sent His Son,” Children’s Songbook, 34–35

Kōjerbal Al ko n̄an Katakin Katak eo

Iien al eo ej n̄an jipan̄ ajri ro ekkatak kōn m̧ool ko an gospel eo. Ļōmņak kein ilaļ remaron̄ im̧we eok ilo am̧ karōk wāween ko n̄an katakin pedped in katak ko an gospel eo loi ilo al in jar ko im al ko an Būraimere.

Riiti jeje ko rekwojarjar Reio̧kļo̧k. Bwe elōn̄ al ko ilo Children’s Songbook im ilo bok in al in jar eo, eoon in jipan̄ ko reiokļo̧k eoon ko rej ellaajrak. Jipan̄ ajri ro riiti jet iaan bwebwenato kein, im kōnono kaki elmen an jeje ko rekwojarjar iokļo̧k wōt al eo. Komaron̄ barāinwōt kōllaajrake jet eoon in jipan̄ ko ioon boot eo im kūr ajri ro n̄an kajjejete kajjojo eoon in jipan̄ ko n̄an juon al ak juon eoon jān juon al.

Kanne ļain eo ejjeļo̧k kobban. Je juon eoon jān al eo ioon boot eo kōn jet naan ko raorōk rejako. Innām kajjitōk ippān ajri ro n̄an al al eo, ron̄jake naan ko me rekkar n̄an ļain ko ejjeļo̧k kobbaer. Ilo aer kanne kajjojo ļain ejjelo̧k kobban, kōnono kōn ta pedped in katak ko kwoj ekkatak jān naan ko rejako.

Kout jen riōtl ro an Kabun̄ in. Karuwaineneik ajri ro n̄an ron̄jake juon kout jān juon ritōl an Kabun̄ in me ej katakin kōn ejja pedped in katak ko an gospel eo ejja āinwōt al eo an Būraimere. Kajjitōk ippāer n̄an kajutak peier n̄e rej ron̄ jet men ko me ejipan̄ er meļeļe m̧ool eo rej al kake. Kajjitōk ippāer n̄an kwaļo̧k ta eo rekar ron̄jake.

Kam̧ool. Kwaļo̧k naan in kam̧ool eo am̧ ilo tukadu in n̄an ajri ro kōn m̧ool ko an gospel eo loe ilo al eo an Būraimere. Jipan̄ ajri ro meļeļe bwe al ej juon wāween eo remaron̄ in kwaļo̧k naan in kam̧ool n̄an en̄jake Jetōb eo.

Jutak āinwōt juon rikam̧ool. Kajjitōk ippān ajri ro n̄an kajjojo jutak im kwaļo̧k ta eo raar ekkatak jān al eo raar al kake im elmen aer en̄jake kōn m̧ool ko kar katakin ilo al eo. Kajjitōk ippāer elmen aer en̄jake ilo aer al al eo, im jipan̄ er n̄an kwaļo̧k im̧we eo an Jetōb Kwojarjar.

Kōjerbal pija ko. Kajjitōk ippān ajri n̄an jipan̄ eok pukote ak ejaki pija ko me rej etal ippān naan ko raorōk ak eoon ko ilo al eo. Karuwaineneik ajri ro n̄an kwaļo̧k pija ko reiokļo̧k al eo im ta eo al eo ej katakin. N̄an waanjon̄ok, eļan̄n̄e kwoj katakin al eo, “The Iron Rod” (Hymns, no. 274), kwomaron̄ likūt pija ko ilo aolepen ruum̧ eo n̄an kwaļo̧k naan ko raorōk jān al eo (āinwōt aen in dāpdep, naan in Anij, tōl, temtation im lan̄). Kajjitōk ippān ajri ro n̄an aiin pija ko im kotaki ilo karōk eo ejim̧we ilo ami al al eo ippān doon.

Kwaļo̧k juon kein katak: Kwomaron̄ kōjerbal juon men n̄an kōketak ekōnono eo kōn al eo. N̄an waanjon̄ok, al eo “Faith” (Children’s Songbook, 96–97) ej kōņono kōn juon ine edik. Kwomaron̄ kwaļo̧k n̄an ajri ro juon ine im kōnono elmen ad kwaļo̧k tōmak n̄e jej katōk juon ine; menin emaron̄ tōlļo̧k n̄an juon kōnono kōn wāween ko jemaron̄ kwaļo̧k tōmak ilo Jisōs Kraist, āinwōt kōmeļeļeik ilo al eo.

Kajjitōk n̄an kwaļo̧k en̄jake an juon make. Jipan̄ ajri ro dāpij pedped in katak ko kar katakin ilo al eo ippān en̄jake ko ewor ippāer kōn pedped in katak ko. N̄an waanjon̄ok, m̧okta jen al “I Love to See the Temple” (Children’s Songbook, 95), kwomaron̄ kajjitōk ippān ajriro n̄an kotak peir eļan̄n̄e raar lo juon tampeļ. kajjitōk ippāer n̄an ļōmņak ilo aer al kake elmen aer en̄jake n̄e rej loe juon tampeļ.

Kajjitōk kajjitōk ko. Ekanooj lōn̄ kajjitōk ko komaron̄ kajjitōk ilo ami al. N̄an waanjon̄ok, komaron̄ kajjitōk ippān ajri ro ta eo raar ekkatak jen kajjojo eoon ko ilo al eo. Kwomaron̄ bar kajjitōk ippāer n̄an ļōmņak kōn kajjitōk ko me al eo ej uwaaki. Menin emaron̄ tōlļo̧k n̄an juon kōnono kōn m̧ool ko kar ekkatak ilo al eo.

Ron̄jake uwaak ko. Kajjitōk ippān ajri ro n̄an ron̄jake uwaak ko n̄an kajjitōk ko āinwōt “wōn?” “ta?” “ia?” “n̄āāt?” ak “etke?” N̄an waanjon̄ok, ilo al eo “Nephi’s Courage” (Children’s Songbook,120–21), kwomaron̄ ron̄jake wōn eo eaar peptaiji Jisōs im ia, n̄āāt, elmen, im etke Eaar peptaij. Komaron̄ barāinwōt kajjitōk ippān ajri ro n̄an ron̄jake naan ko raorōk ak naan ko ilo juōn eoon ak n̄an būne ilo addin peier jete kōttan aer al jet naan.

Jipan̄ Ajri ro Ekkatak im Keememej Al ko an Būraimere

Ajri ro rej ekkatak juon al ilo aer ron̄jake im al kake im bar al kake. Aolep iien al naan ko ilo juon al kāāl n̄an ajri ro—jab baj riiti wōt n̄an er. Menin ejipan̄ ajri ro ekkejel n̄an tooņ eo an naan ko. Ālkin katakin juon al, etale ilo elōn̄ wāween ko rekaitoktok limo ilo aolepān iiō eo. Itulaļ rej jet iaan ļōmņak ko n̄an jipan̄ ajri ro ekkatak im etali al ko:

Ejaake peba kileplep ko. Kwaļo̧k peba kileplep ko ippān kajjojo eoon ak pija ko me rej bōk jikin naan eo. Ilo an ajri ro al, pinej jet iaan naan ko ak pija ko m̧ae iien remaron̄ al aolepen eoon eo kōn jab lale peba kileplep eo. Kwomaron̄ bar kajjitōk ippān ajri ro n̄an jipan̄ eok ejaake peba kileplep ko.

Kwaļo̧k tooņ eo. N̄an jipan̄ ajri ro ekkatak tooņ eo an juon al, likūt peim ilo jekjek in juon lain ejejjet, im ilo am̧ al naan ko, kotak pein lōn̄ļo̧k im laļtak.

Āliji. Kajjitōk ippān ajri ro bwe ren āliji ta eo kwoj al kake. Al n̄an ajri ro juon eoon ekadu ak juon ļain, innām kōm̧m̧an bwe ren al waj.

Kōjerbal Oktak ko. Al al ko ilo juon wāween ko reoktak, āinwōt unoojdikdik, in̄n̄ūrn̄ūr, kabokbok, okoktak in al, ak al ilo iien jijet jutak. Kwomaron̄ bar kōm̧m̧ane juon doulul kōm̧m̧an jen peba im, ioon kajjojo jait ilo peba eo, je wāween oktak in al. Kūr juon ajri bwe en kōjabwil peba eo n̄an kālet elmen an ajri ro naaj al al eo.

Al ilo kurup ko. Leļo̧k n̄an kajjojo kūlaaj ak kajjojo ajri juon naan n̄an al kake ilo aer jutak, innām bwe ren jāniji naan ko m̧ae kajjojo kūlaaj ak kajjojo ajri em̧ōj aer kajjojo aer al naan eo.

Kōm̧m̧ani M̧akūtkūt in Pāā ko. Kajjitōk ippān ajri ro n̄an ļōmņake m̧akūtkūt in pā ko repidodo n̄an jipan̄ er keememej naan ko im ennaan ko ilo al eo. N̄an waanjon̄ok, n̄e kwoj al eoon ruo in “My Heavenly Father Loves Me” (Children’s Songbook, 228–29), komaron̄ karuwaineneik ajri ro n̄an jitōn̄ mejeer, m̧akūtkūt āinwōt babbub ko, im kōm̧m̧ane peier āinwōt kab kaņ ilo lojilin̄ier. Kajjitōk ippāer n̄an likūt peier ilo ūbweer ilo aer al, “Yes, I know Heavenly Father loves me.”

Leddik ro rej al, ļaddik ro rej al. Jin̄aik juon pija in juon ļaddik im juon pija in juon leddik, im kūļukii ak tepe pija ko ioon jet aļaļ. N̄an etale al eo, kotak juon iaan pija ko n̄an kwaļo̧k wōn eo eaikuj in al me ej m̧ōttan al eo.

Joto jotak Iieb. Likūt iieb ko kar nōm̧baiki ak jet nine im̧aan in ruum̧ eo—jon̄an oran nine ko wōt oran eoon ko an al eo. Kajjitōk ajri ro n̄an jolo̧k juon pāāk in piin ak m̧ōttan peba eo nuknukji n̄an lowaan ak turin nine eo kar nōm̧baiki. Kōm̧m̧an bwe ajri ro ren al eoon eo kōn jon̄an nine ko.

Kakkar juon pija n̄an juon eoon. Je kajjojo ļain in al eo ioon juon bar peba, im pukot pija eo ej juak kōn kajjojo ļain ko. Likūt pija ko ilo tūrājet in ruum̧ eo im peba ko ilo tūrājet eo juon. Al al eo, im kajjitōk ippān ajri ro n̄an māāje pija ko n̄an naan ko.

Kakeememej: Eoon in jipan̄ ko n̄an ward ko im bisoprik ko rej barāinwōt jerbal n̄an branch ko im branch būreejtōnji ko.