iKuri ni iVurevure ena Nodra Vakavulici na Gone

Na ivurevure kece oqo e rawa ni kune ena Gospel Library app kei na ChurchofJesusChrist.org.

Lako Mai, Mo Muri Au—Baleta na Tamata Yadua kei na Matavuvale

E rawa ni o taurivaka na itaviqaravi mai na Lako Mai, Mo Muri Au—Baleta na Tamata Yadua kei na Matavuvale me vakayagataki ena nomu kalasi ni Lalai. Kakua ni leqataka kevaka era sa cakava oti na gone na itaviqaravi oqo vata kei nodra matavuvale ena nodra itikotiko; na tokaruataki ena vukei ira na gone me ra vulica. Ena Lalai, era rawa ni via wasea na gone vei ira na tani na ka era vulica tiko mai vale me baleta na iVakabula kei na Nona kosipeli.

Sere ni Lotu kei na iVolanisere ni Gonelalai

Na sere ivakatagi tabu e dau sureta na Yalo ka vakavulica na ivunau ena dua na ivakarau nanumidei. Me ikuri ni kena e tabaki ena Sere ni Lotu kei na iVolanisere ni Gonelalai, e rawa ni o kunea na katokatoni ni vidio kei koya e rogoci ena levu na serenilotu kei na sere ni lalai ena music.ChurchofJesusChrist.org vakakina ena Sacred Music kei na Gospel Media apps.

Dou Raici Ira na Nomudou Lalai

E vuqa na ulutaga ni vosa ena Dou Raici Ira na Nomudou Lalai: iVolavakarau ni iSususu e tautauvata kei ira ko na vakavulica ena Lalai. Vakauasivi kevaka o vakavulici ira era gone sobu, vakasamataka mo raica na ivolavakarau ni isususu, me baleta eso tale na sere, italanoa, itaviqaravi, kei na cakacakaniliga.

Friend kei na Liaona Mekasini

Na mekasini na Friend kei na Liaona e tu kina na italanoa kei na itaviqaravi e rawa ni vukea na ivakavuvuli o vakavulica tiko mai na Lako Mai, Mo Muri Au—Me Baleti Ira na Lalai.

iTalanoa mai na Vunau kei na Veiyalayalati

iTalanoa mai na Vunau kei na Veiyalayalati e vakayagataka na iyaloyalo kei na vosa e vakarawarawataki me vukei ira na gone me ra vuli mai na Vunau kei na Veiyalayalati. E rawa talega ni o kunea na vidio ni veitalanoa oqo ena Gospel Library app kei na Gospel Media Library ena ChurchofJesusChrist.org.

Na iVola ni iTalanoa ni iVolanikalou Rokarokataki: Vunau kei na Veiyalayalati

Na ivurevure oqo e umani tu kina na tabana ni itaviqaravi ena caka me vakavinakataka cake na vuli ni gone mai na Vunau kei na Veiyalayalati.

Vidio kei na Cakacaka ni Liga

Sa rawa ni veivuke na cakacaka ni liga, vidio, kei na itukutuku raraba tale eso vei ira o vakavulica mera raitayaloyalotaka na vunau kei na italanoa e tiko ena ivolanikalou. Sikova na Gospel Media Library ena ChurchofJesusChrist.org ka vakaraica na ivakasokumuni ni itukutuku ni ivurevure ni Lotu. Na ivurevure eso oqo sa vakarautaki tu ena Gospel Media app, ka sa kunei tale ga e vuqa na iyaloyalo ena Gospel Art Book.

Veivakavulici ena iVakarau ni iVakabula

Veivakavulici ena iVakarau ni i Vakabula e rawa me vukei iko mo vulica ka bulataka na ivakavuvuli eso ni veivakatavulici va-Karisito. Na ivakavuvuli eso oqo e dau veivosakitaki ka vakatovotovotaki ena soqoni ni matabose ni qasenivuli.

O ira na Yalododonu

Yalododonu sai koya e dua e vica vata na italanoa ni itukutuku makawa ni Lotu. Voliumu 1, Na iVakatagedegede ni Dina, kei na iVola 2, E Sega ni Dua na Liga iValavala Ca, ubia vata ga na gauna ni itukutuku makawa ni Lotu me vaka na Vunau kei na Veiyalayalati. Na itukutuku oqo e rawa ni solia vei iko na vakasama ki na tiki ni ivola wavolita na ivakatakila mo vakasamataka ena Vunau kei na Veiyalayalati.