Te tahi atu mau rāve’a tauturu nō te ha’api’ira’a i te mau tamari’i

E ’itehia teie mau rāve’a tauturu i roto i te fa’anahora’a ’āfa’ifa’i nō te Vaira’a buka ’evanelia ’e i ni’a ChurchofJesusChrist.org.

Mai, pe’e mai—nō te ta’ata hō’ē ’e te ’utuāfare

E nehenehe ’outou e fa’atano i te mau ’ohipara’a nā roto mai i te Mai, pe’e mai—nō te ta’ata hō’ē ’e te ’utuāfare nō te fa’a’ohipa i roto i tā ’outou piha ha’api’ira’a Paraimere. ’Eiaha e ha’ape’ape’a mai te mea ’ua rave a’ena te mau tamari’i i teie mau ’ohipara’a ’e tō rātou ’utuāfare i te fare ; nā te tāpitira’a i te ravera’a e tauturu i te mau tamari’i ’ia ’apo mai. I roto i te Paraimere, e hina’aro paha te mau tamari’i e fa’a’ite ia vetahi ’ē e aha tā rātou i ha’api’i mai i te fare nō ni’a i te Fa’aora ’e i tāna ’evanelia.

Te mau hīmene ’e Chant pour les enfants

E ani manihini te pehe mo’a i te Vārua ’e e ha’api’i i te ha’api’ira’a tumu nā roto i te hō’ē rāve’a e ’ore roa e mo’ehia. Ta’a ’ē noa atu te mau nene’ira’a o Te mau hīmene ’e o te Chants pour les enfants, e nehenehe ’outou e ’ite mai i te mau haruharura’a fa’aro’o ’e te video nō te mau hīmene e rave rahi nā te mau tamari’i i ni’a i te music.ChurchofJesusChrist.org ’e i roto i te mau fa’anahora’a ’āfa’ifa’i Gospel Media apps.

’A hi‘o na i tā ’outou mau tamari’i ri’i

E rave rahi mau tumu parau i fa’a’itehia i roto ’A hi’o na i tā ’outou mau tamari’i ri’i : Buka ha’apa’ora’a tamari’i e tū’ati i te mau tumu parau tā ’outou e ha’api’i ra i roto i te Paraimere. Mai te mea iho ā rā e ha’api’i nei ’outou i te mau tamari’i ’āpī a’e, e feruri e ’imi i roto i te buka ha’api’ira’a a te piha ha’apa’ora’a tamari’i te mau hīmene, te mau ’ā’amu, te mau ’ohipara’a ’e te mau ’ohipa rima’ī hau atu.

Mau ve’a Hoa ’e Liahona

Tē vai ra i roto i te ve’a Hoa ’e te Liahona te mau ’ā’amu ’e te mau ’ohipara’a ’o te nehenehe e fa’atū’ati i te mau parau tumu tā ’outou e ha’api’i ra i roto mai i te Mai, pe’e mai—nō te Paraimere.

Te mau ’ā’amu o te Parau Ha’api’ira’a ’e te mau Parau Fafau

E fa’a’ohipa nei Te mau ’ā’amu o te Parau Ha’api’ira’a ’e te mau Parau Fafau i te mau hōho’a ’e te reo ’ōhie nō te tauturu i te mau tamari’i ’ia ha’api’i mai i te Parau Ha’api’ira’a ’e te mau Parau Fafau. E nehenehe ato’a ’outou e ’ite mai i te mau video nō teie mau ’ā’amu i roto i te fa’anahora’a Vaira’a buka ’evanelia ’e te Gospel Media Library i ni’a ChurchofJesusChrist.org.

Buka fa’a’ūra’a nō te mau ’ā’amu o te pāpa’ira’a mo’a : Te Parau Ha’api’ira’a ’e te mau Parau Fafau

Tē vai ra i roto i teie rāve’a tauturu te mau ’api ’ohipara’a tei fa’ata’ahia nō te ha’amaita’i i te ha’api’ira’a mai a te mau tamari’i nō roto mai i te Parau Ha’api’ira’a ’e te mau Parau Fafau.

Mau video ’e te anoihi

E nehenehe te mau fa’ahōho’ara’a, te mau video ’e te tahi atu mau rāve’a ha’aparare e tauturu i te feiā tā ’outou e ha’api’i ra ’ia hi’o i te ha’api’ira’a tumu ’e te mau ’ā’amu e tū’ati i te mau pāpa’ira’a mo’a. ’A haere i ni’a i te Gospel Media Library i te ChurchofJesusChrist.org nō te hi’o haere i te ha’aputura’a o te mau rāve’a ha’apararera’a a te ’Ēkalesia. Tē vai ato’a ra teie mau rāve’a tauturu i roto i te Gospel Media app, ’e te mau hōho’a e rave rahi i roto i te Buka hōho’a o te ’evanelia.

woman and child reading Church material

Ha’api’ira’a mai tā te Fa’aora

E tauturu te Ha’api’ira’a mai tā te Fa’aora ia ’outou ’ia ’apo mai ’e ’ia fa’a’ohipa i te mau parau tumu o te ha’api’ira’a mai tā te Fa’aora. E tuatāpapahia ’e e fa’a’ohipahia teie mau parau tumu i roto i te mau rurura’a a te mau ’orometua ha’api’i.

Feiā mo’a

Feiā mo’a ’o te hō’ē pori rau nō te ’ā’amu tuatāpapahia o te ’Ēkālesia. Pori 1, Te hīro’a o te parau mau, ’e Pori 2, ’Aore roa e rima vi’ivi’i, e tāpo’i i te hō’ē ā tau o te ’ā’amu o te ’Ēkalesia mai te Parau Ha’api’ira’a ’e te mau Parau Fafau. E nehenehe teie mau ’ā’amu e hōro’a mai ia ’outou i te hō’ē hi’ora’a o te ’ohipa e tupu ra e hā’ati nei i te mau heheura’a o tā ’outou e tuatāpapa nei i roto i te Parau Ha’api’ira’a ’e te mau Parau Fafau.