a anene ataei

Kaetieti ibukin te Tai n Anene ao Karaoan Anga reirei n te Bootaki n Toa irouia Ataei

Nakoia Beretitentii n te Moanrinan ao Taan Kairiri n te Anene,

Kuuna n te Moanrinan bon bwaai ni mwakuri aika korakora ni buokiia ataei n reiakin taekan ana babaire Tamara are i Karawa ao aan koaua ibukin ana euangkerio Iesu Kristo. Ngkai ataei a anenea taekan reirein te euangkerio, te Tamnei ae Raoiroi e na kaoti koauaia. Taekana ma te katangitang a na tiku n aia iango ataei inanon maiuia ae bwanin.

Ukoukora ana ibuobuoki te Tamnei ngkai kam katauraoi n reireia te euangkerio rinanon te katangitang. Kaota am koaua iaon ake kam anenei taekaia. Buokiia ataei n taraia bwa e kanga te katangitang n irekereke ma baike a reiakin ao n rinanona ni mweengaia ao n te reirei n te Moanrinan. Ataei ma aia utu a na kakabwaiaki man ami konabwai ae bane nanomi iai.

Ti tangiri ngkami ao ni karababa ara kakaitau ibukin te mwakuri n ibuobuoki are kam anga ni kamanoia ara ataei aika a kakaawaki.

Beretitentii ni Kabuta n te Moanrinan

Babaire ibukin Karaoakin te Bootaki n Toa

Iaan ana kairiiri te bitiobi, aia anga reirei ataei ni bootakin te toa irouia ataei e taneiai ni kakaraoaki n te kaua ni kuata n te ririki. Ngkai beretitentii n te Moanrinan ao te tia kairiiri n te katangitang, a bairea aia tai ni boowi ni moan te ririki ma te kauntira n te bitiobiriki are e tararua te Moanrinan ni moana maroroakinan taian babaire ibukin aia kanoa. Ngkana kam a tia n rinanoi taian babaire, karekea ana kariaia ibukiia.

E riai kanoan aia kanoa ni kariaia ataei bwa a na kanakoa aia kanoa are ngaiia ma aia utu a tia n reiakinna n ana eungkerio Iesu Kristo man Reirei ao Berita aika Tabu ni mweengaia ao n te Moanrinan, n raonaki ma anene n te Moanrinan are a tia n aneneneia inanon te ririki. Tataromwaaka n iangoia raoi bwa tera reirein te euangkerio ao anene ake a na boutokai baike a tia n reiakinii. Rinanon nako te ririki, kawakin mwiin aia marooro ataei ao aia taneiai aika a onoti ibukin kabonganaana n tain kanakoan aia anga reirei. Kaoiia ataei bwa a na tibwauai booki aika tabu, karaki, ao aia koaua iroun te Tia Kamaiu ao Ana euangkerio n tain aia kabwarabwara. Ngkai ko bairea te kabwarabwara, iangoi kawai ake a na kona ni buokiia kaain te taromauri ni kabotoi aia iango iaon te Tia Kamaiu ao koaua ake E kaoki ni boong aika kaitira.

Iunite ake a karako mwaitiia aia ataei a na bae n iangoi kawai aika a na kona iai kaain te utu ni iriia aia ataei n tain aia kabwarabwara. Kaain te bitiobiriki a kona ni kaina te boowi n aia marooro ae uarereke.

Ngkana ko a katauraoa karaoakin am kanoa n te anga reirei, ururingi taian babaire aikai:

• Karaoan te kataneiai e ria n aki anaa te tai man taian kiraati n te Moanrinan ke utu.

• Tamnei, kunnikai ni kaotioti, ao bwaai ni katangitang aki katauaki ni kamanenaaki n te bootaki n toa.

Taraa Aeniboki 2: Babairean Aron Kairan te Ekaretia, 11.5.3, ChurchofJesusChrist.org.

Kaetieti ibukin Tain te Anene

5 te miniti (beretitentii n te Moanrinan): Kaukuki n tataro, te boki ae tabu ke taekan te onimaki, ao teuana te taetae

20 te miniti (te tia kairiiri n te katangitang): Tain te anene

Te kantaninga ibukin tain te anene bwa e na buokiia ataei ni kamatoa aia onimaki iroun Tamara are i Karawa ao Iesu Kristo rinanon te katangitang. Te beretitentii n te Moanrinan ao mataniwi n te kangitang a rinea te anene ni katoa namwakaina ni kauring oin te kantaninga. Te katangitang e riai ni kamatoai riki taian reirei are a reiakinna ataei n taekan ana euangkerio Iesu Kristo n aia kiraati ao ni mweengaia. Rinanin anene ake a kamatoai reirei aikai a karinaki inanon te kairi aei. Anene aikai a baireaki inanon te kabwarabwara inanon Nakomai, Iriirai—Ibukin te Moanrinan.

Ngkai kam reireiniia ataei te anene, kaoiia bwa a na tibwauai baike a tia n reiakin n taian karaki ao aan taian reirei ake a reiakinaki n te anene. Kam na bae n tangiria ni manga rinanoa Nakomai, Iriirai—Ibukin te Moanrinan te kabwarabwara are ataei a kamatebwai inanon aia kiraati. Aio e na buokiko n atai karaki ao reirei ake a reiakin bwa ko aonga n iangoia bwa kam na kanga ni boutoka aia kamatebwai ma te katangitang.

N tain te Anene, ko kona naba n rinanoi anene ake a tia n reiakin mai imwaina ao anene ake a tatangiria n anenei. Ngkai ko rinanona, kaoiia ataei bwa a na tibwauai aia iango ao aia namakin iaon te koaua ake a kunei inanon te anene.

Aia Boki n Anene Ataei bon te moan buoka ibukin te katangitang n te Moanrinan. Anene n taromauri man boki n anene ao anene man te Rao ao Riaona a tau naba. N taai tabetai ataei a na kona n anenei kunan te aba ke boong ni motirawa ake a tau ibukin te Tabati ao ibukin aia ririki ataei. Kabonganaan tabeua katangitang inanon te Moanrinan a riai ni kariaiakaki mairoun te Bitiobi (taraa Aeniboki 2: Babairean Aron Kairan te Ekaretia, 11.2.4).

ataei ngke a anene n tain te bootaki n toa

Taraan waakin te Moanrinan

Ni katoa wiiki, Moanrinan e na iai:

Tain te Anene:25 te miniti

Mwaing man te tabo teuana nakon te tabo teuana:5 te miniti

Taian Kiraati:20 te miniti

Taan kairiiri ibukin Moanrinan aika a bubura a kona ni bwenauai nakon uoua kurubu ao ni karekea teuana te kurubu bwa a na rinanon moa tain te kiraati n te Moanrinan ao te kurubu are teuana a rinanon moa tain te anene. Ngkanne kurubu aika uoua a na kaibibiti n te bwai are a karaoia. N aron waaki aikai, taan kairiiri n te Moanrinan a na kainnanoia ni bitii taai aika oti ieta ni kaitarai aia kaangaanga.

Katangitang ibukin Tain te Anene

Tianuare

• “Ana Moan Tataro Iotebwa Timiti,” Anene n taromauri, nambwa. 14

• Search, Ponder, and Pray,” Aia Boki n Anene Ataei,109

• “Family History—I Am Doing It,” Aia Boki n Anene Ataei, 94

Beberuare

• “I Want to Be a Missionary Now,” Aia Boki n Anene Ataei, 168

• “The Priesthood Is Restored,” Aia Boki n Anene Ataei, 89

• “I Mimi n Ana Tangira,” Anene n Taromauri, nambwa. 20

Maati

• “The Church of Jesus Christ,” Aia Boki n Anene Ataei, 77

• “Ngkana I Bwabetioaki,” Aia Boki n Anene Ataei, 103

• “When He Comes Again,” Aia Boki n Anene Ataei, 82–83

Eberi

• Iesu e a Tia n Uti,” Aia Boki n Anene Ataei,70

• “I Want to Be a Missionary Now,” Aia Boki n Anene Ataei, 168

• “Jesus Said Love Everyone,” Aia Boki n Anene Ataei, 61

Meei

• “When He Comes Again,” Aia Boki n Anene Ataei, 82–83

• “Have I Done Any Good?” Anene n Taromauri, nambwa. 223

• “Choose the Right,” Anene n Taromauri, nambwa. 239

Tuun

• “I’m Trying to Be like Jesus,” Aia Boki n Anene Ataei, 78–79

• “Reverence Is Love,” Aia Boki n Anene Ataei, 31

• “Help Me, Dear Father,” Aia Boki n Anene Ataei, 99

Turai

• “I Ataia Bwa E Maiu Iesu,” Anene n Taromauri, nambwa. 34

• “I A Tia Ni Karaoa Ae Raoiroi?” Anene n Taromauri, nambwa. 223

• “I Feel My Savior’s Love,” Aia Boki n Anene Ataei, 74–75

Aokati

• “The Priesthood Is Restored,” Aia Boki n Anene Ataei, 89

• “The Holy Ghost,” Aia Boki n Anene Ataei, 105

• “Ngai Natin te Atua,” Aia Boki n Anene Ataei, 54

Tebetembwa

• “Reverently, Quietly,” Aia Boki n Anene Ataei, 26

• “I Am like a Star,” Aia Boki n Anene Ataei, 163

• “I Will Be Valiant,” Aia Boki n Anene Ataei, 162

Okitobwa

• “Tamnein te Atua,” Anene n Taromauri, nambwa. 24

• “I Love to See the Temple,” Aia Boki n Anene Ataei, 95

• “Ana Ekaretia Iesu Kristo,” Aia Boki n Anene Ataei, 77

Nobembwa

• “Family History—I Am Doing It,” Children’s Songbook, 94

• “Families Can Be Together Forever,” Children’s Songbook, 188

• Neboa Teuare,” Anene n Taromauri, nambwa 46

Ritembwa

• “I Will Follow God’s Plan,” Aia Boki n Anene Ataei, 164–65

• “He Sent His Son,” Aia Boki n Anene Ataei, 34–35

• “Hark! The Herald Angels Sing,” Anene n Taromauri, no. 209

Kabongana te Katangitang n Reiakina te Reirei

Uringnga bwa te kantaninga n tain te anene e aki tii reiakiniia ataei aroia n anene, ma ni kabongana te katangitang ni kamatoa aia onimaki iroun Tamara are i Karawa ao Iesu Kristo. Iango aikai e kona ni kaungako ngkai ko bairei kawai ni karaoa aei.

Reiakinaki iroun Tamara arei Karawa ao Iesu Kristo. Kaoiia ataei bwa a na tibwa te bwai are a reiakinna iroun Tamara are i Karawa ao Iesu Kristo man te anene are a aneneia. Kaoiia bwa a na tibwa taekan te anene are a tatangiria are e kabwarabwara te Atua ao te Tia Kamaiu.

Wareki koroboki aika a tabu ake a irekereke ma ngaia. Ibukin angiin taian anene inanon Aia Boki n Anene Ataei ao te boki n anene n taromauri, kiibu ake a irekereke ma koroboki aika tabu a koreaki. Buokiia ataei ni wareka taekan koroboki aika tabu, ao maroroakinna bwa e kanga n irekereke ma te anene are ko aneneia. Ko kona naba ni karinani tabeua kiibu man koroboki aika tabu iaon te burakibooti ao kaoiia ataei bwa a na katoatoai bwaai ni kakoaua nakon te anene ke kibun te anene.

Kanoai taian Bwangabwanga. Korea kibun te anene iaon te burakibooti ma tabeua oin taeka ake a bua. Ngkanne tuangiia ataei bwa a na anenea te anene, kakauongo ibukin taian taeka ake a na kanoa te bwangabwanga. Ngkai a kanoa te bwangabwanga, maroroakin reirein te euangkerio ake kam reiakin man taeka akana a bua.

ataei ngke a anene n te bootaki n toa

Taeka mairouia Taan Kairiiri n te Ekaretia. Kaoiia ataei bwa a na ongora n ana taeka te mataniwi n te Ekaretia are titebo ma are e taekinaki n reirein te euangkerio n aron anenen te Moanrinan. Tuangiia bwa a na kateibaia ngkana iai te bwai ae a ongo are e buokiia ni kamatataia n taekan te koaua are a aneneia. Tuangiia bwa a na tibwaua te bwai are a ongo.

Kakoaua. Kaota ami koaua ae uarereke nakoia ataei iaon koauan te euangkerio ake a kuneaki n anenen te Moanrinan. Buokiia ataei bwa a na ataia bwa te anene bon teuana te kawai ae a kona ni kaota iai aia koaua ao n namakina te Tamnei.

Riiki bwa te tia kakoaua. Kaoiia ataei bwa a na kaibibiti n tei ao n tibwauai baike a reiakin man te anene are a aneneia ke aron aia namakin ibukin koaua ake a reiakinaki man te anene. Titirakiniia aron aia namakin ngkai anenea te kuna, ao buokiia bwa a na kinaa ana kairoro te Tamnei ae Raoiroi.

Kabonganai tamnei. Tuangiia ataei bwa a na buoki ngkami ni kakaea ke ni karaoi tamnei ake a iri ma taeka aika kakawaki ke kibun te anene. Kaoiia bwa a na tibwauaia bwa tera rekereken taian tamnei ma te anene ao tera ae reiakinaki man te anene. Te katooto, ngkana ko reirei iaon te kuna “When He Comes Again” (Aia Boki n Anene Ataei, 82–83), ko kona ni katokai tamnei rinanon nako te ruu are e kaota kakaawakin te taeka man te anene (n aron anera, tinoo, ao itoi). Tuangiia ataei bwa a na ikoti taian tamnei ao n tabeki ieta n teia ae barongaaki ngkai kam bane n anene.

Tibwai bwaai ni kakairi ae tei ibukin te reirei. Ko kona ni kabongana te bwai ae e kona n nooraki ae kaungaa maroroakinan te anene. Te katooto, te kuna “Ngkana I Bwabetitoaki” (Aia Boki n Anene Ataei, 103) e taekina te karau. Ko kona ni kaotia nakoia ataei tamnein te karau ke te kiraati n ran ao n taetae iaon aron te bwabetito ao te Tamnei ae Raoiroi ni kaitiaki ara bure n aron te karau e kaitiaka te aonaaba; aio are e kona ni kaira te marooro iaon te kakabwaia man tian karaoan te bwabetito ao karekean te bwai n tituaraoi n te tamnei ae Raoiroi.

Kaoa te Tibwatibwa ni bwaai ake ko a tia n rinanona. Buokiia ataei n tomai reirei ake a reiakinaki n te anene ma baike a rinanona ma reirei akanne. N aron te katooto, imwain te anene “I Love to See the Temple” (Aia Boki n Anene Ataei, 95), ko kona n tuangiia ataei bwa a na katei baia ngkana a tia n noora te tembora. Kaoiia bwa a na iangoia ngkai a anene bwa tera aia namakin ngkai a noora te tembora.

Anga titiraki. A mwaiti titiraki aika ko kona n anga ngkai ko anenei kuuna. Te katooto, ko kona n titirakiniia ataei tera ae a reikainna man kibun nako te kuna. Ko kona naba n tuangiia bwa a na iangoi titiraki ake e kaekaaki n te kuna. Aio are e kona ni kaira te marooro ibukin koaua ake a reiakinaki n te anene.

Kakauongo nakon kaeka. Tuangiia ataei bwa a na kakauongo nakon kaekan titiraki. Te katooto, te anene “He Sent His Son” (Aia Boki n Anene Ataei, 34–35) iai inanona tabeua titiraki ao kaeka. Ko kona n titirakiniiia ataei titiraki ao imwiina tuangiia bwa a na kaeka ngkai a anene.

Buokakiia Ataei n Reiakin ao n Uringii Anenen te Moanrinan

Ataei a reiakin anene man ongoraeakin ao n anenei ni kaokiokii. Anenei n taainako taekan kuuna aika boou nakoia ataei—tai tii wareki ke ni kamatenanoi. Aio e buokiia ataei n reita tangin aneneana ma taekana. Imwiin reiakinan kuuna, manga rinanona ni kawai aika a kaunga rinanon te ririki. Inano bon tabeua iango ni buokaia ataei n reiakin ao ni manga rinanon kuuna.

Kamataataan toon te anene. Ni buokiia ataei n reiakina een te anene, kaaki baimi ni kaetii imoa, ao ngkana kam anenea taekana, karieta riki baimi ni kaota keeraken toon te anene, ao karuaaka baimi ni kaota keerikakin toon te anene.

Ekoo. Kaoiia ataei bwa a na riki bwa te ekoo ni kaokioka are kam aneneia. Anenea te kibu ae uarereke nakoia ataei ke teuana te rain, ao tuangiia bwa a na manga aneneia nakoim.

Kabonganai anga aika a kakaokoro. N anenean taian kuna ni kawai aika a kakaokoro, n aron te wirikiriki, te aam, ubouboan tangin te anene, ke anene ngkai ko tekateka ke n teirake. Kam kona naba ni karaoi bwaoki man te beeba, ao iaon iteran nako te bwaoki, korea te kawai ae kaokoro n anene. Kaoiia ataei bwa a na niniira te bwaoki ni iangoia bwa a na kanga ataei n anenea te anene.

Anene inanon te kurubu. Anganiia kaain te kiraati ke n tatabemaniia teuana te kibu bwa e na aneneia ngke e tabe n tei, ao ngkanne kaibibiti kiibu ni karokoa are e reke aia tai kaain te kiraati ke n tatabemaniia n anenei kibuia n tatabeua.

Kabongana katean kain kuna. Kaoiia ataei bwa a na iangoa karaoan kaina aika a bebete bwa e na buokiia n uringa taekan ao rongorongon te anene. Te katooto, ngkana kam anenea “Reverently, Quietly” (Aia Boki n Anene Ataei 26), ko kona ni kaoia ataei bwa a booti baia, kabobaraaki atuiia, ao n riinga burouia ngkana a anenea ana rain karinerine n te kuna.

A anene ataeinaine, a anene ataeinimwaane. Korea tamnein te ataeinimwane ao tamnein te ataeinnaine. Inanon rinanoakin te anene, tabeka ieta teuana te tamnei ni kaotia bwa antai ae e na anenea mwakoron te anene anne.

Kakibaan te bwaene. Kamenai bwaene aika a nambwanaki ke tabeua kaonteina imoan te ruu—ni kamwaiti taian kaonteina ngkai a mwaiti kibun te anene. Kaoa temanna te ataei bwa e na kakibaa te bwaene ni biin ke te mwakoro ni beeba ae nimwanunu nakon ke irarikin kaonteina ake a nambwanaki. Tuangiia ataei bwa a na anenea te kibu ma nambwan te kaonteina.

Katoatoai tamnei ma kibuntaeka. Korea rainin te anene iaon te mwakoro ni beeba ae kaokoro, ao kakaea te tamnei are e tei ibukin te rain n tatabeua. Kaaki taian tamnei n iteran te ruu ao beeba n iterana are teuana. Anenea te anene, ao tuangiia ataei bwa a katoatoai tamnei ma taian taeka.

Karaoi boutita. Katei taian boutita ma taekan taian kibu ke tamnei are a tei ibukin tenaan taeka. Ngkai a anene ataei, rabun tabeua taeka ke tamnei ni karokoa are a kona n anene ni kabwanina kibuna n akea te boutita. Kam kona naba ni kaoiia ataei bwa a na buokii ngkami ni karaoi taian boutita.