“Ngaahi Maʻuʻanga Tokoni Makehe ki hono Akoʻi ʻo e Fānaú,” Haʻu, ʻo Muimui ʻIate Au—Maʻá e Palaimelí: Fuakava Foʻoú 2019 (2019)
“Ngaahi Maʻuʻanga Tokoni Makehe ki hono Akoʻi ʻo e Fānaú,” Haʻu, ʻo Muimui ʻIate Au—Maʻá e Palaimelí: 2019
Ngaahi Maʻuʻanga Tokoni Makehe ki hono Akoʻi ʻo e Fānaú
ʻE lava ke maʻu ʻa e ngaahi maʻuʻanga tokoni kotoa ko ʻení ʻi he LDS.org pea ʻi he Gospel Library app.
Haʻu, ʻo Muimui ʻIate Au—Maʻá e Fakafoʻituituí mo e Ngaahi Fāmilí
Te ke lava ʻo fakaʻaongaʻi ha faʻahinga ʻekitivitī mei he maʻuʻanga tokoni ko ʻení ke fakaʻaongaʻi ʻi hoʻo kalasi Palaimelí. Neongo kapau ʻoku ngāue ʻaki ʻe he ngaahi mātuʻá e ngaahi ʻekitivitī ko ʻení mo ʻenau fānaú ʻi ʻapi, ka ʻe ala hoko ʻa hono toutou fakahokó ko ha founga ʻaonga ke tokoni ke ako ai e fānaú. ʻE ala fie maʻu ʻe he fānaú ke tala atu kiate koe fekauʻaki mo e founga ne nau fakahoko ʻaki e ngaahi ʻekitivitií mo honau ngaahi fāmilí pea mo e meʻa ne nau akó.
Vakai ki Hoʻomou Fānau Īkí: Tohi Lēsoni ʻa e Nesilií
Ko e lahi ʻo e ngaahi kaveinga naʻe akoʻi ʻi he tohi lēsoni ʻa e nesilií ʻoku tatau mo ia te ke akoʻi ʻi he Palaimelí. Tautautefito kapau ʻokú ke akoʻi e fānau iiki angé, fakakaukau ke fekumi ʻi he tohi lēsoni ʻa e nesilií ki ha ngaahi hiva, talanoa, ngaahi ʻekitivitī mo e ngāue fakameaʻa makehe.
ʻŪ makasini Friend mo e Liahona
ʻOku ʻomi ʻi he ongo makasini Friend mo e Liahona ha ngaahi talanoa mo e ʻekitivitī ʻe lava fakalahi e ngaahi tefitoʻi moʻoni ʻokú ke akoʻi mei he Haʻu, ʻo Muimui ʻIate Au—Maʻá e Palaimelí.
Ngaahi Himí mo e Tohi Hiva ʻa e Fānaú
ʻOku fakaafeʻi ʻe he hiva māʻoniʻoní ʻa e Laumālié mo akoʻi e tokāteliné ʻi ha founga fakangalongataʻa. Makehe mei he ngaahi tatau ne paaki ʻo e Ngaahi Himí mo e Tohi Hiva ʻa e Fānaú, te ke lava maʻu e ngaahi hiki ʻo e hiva mo e vitiō ʻo e ngaahi himi lahi mo e ngaahi hiva ʻa e fānaú ʻi he music.lds.org pe ʻi he LDS Music App.
Ngaahi Talanoa mei he Fuakava Foʻoú
ʻE lava tokoni e Ngaahi Talanoa mei he Fuakava Foʻoú (2005) ki he fānaú ke nau ako e tokāteline mo e ngaahi talanoa ʻoku maʻu ʻi he Fuakava Foʻoú. Te ke lava foki ʻo maʻu e ngaahi vitiō ʻo e ngaahi talanoa ko ʻení ʻi he medialibrary.lds.org.
Laipeli Mītiá
ʻE lava tokoni atu ʻa e tā valivalí, ngaahi vitioó mo e ngaahi mītia kehé ke ke sioloto mo e fānaú ki he tokāteline mo e ngaahi talanoa ʻoku maʻu ʻi he Fuakava Foʻoú. ʻAlu ki he medialibrary.lds.org ke vakai ki he ngaahi maʻuʻanga tokoni ʻa e Siasí ʻi he mītiá, kau ai e ngaahi Bible Videos, ʻa ia ʻokú ne fakatātaaʻi e ngaahi meʻa naʻe hoko ʻi he Fuakava Foʻoú.
Fakatātā ʻo e Ongoongoleleí
ʻE lava tokoni e ngaahi tā valivalí ki he fānaú ke nau sioloto ki he tokāteline mo e ngaahi talanoa ʻoku maʻu ʻi he Fuakava Foʻoú. Ko e lahi e ngaahi fakatātā ʻoku lava ke ke fakaʻaongaʻi ʻi he kalasí ʻoku maʻu ʻi he Tohi Fakatātā ʻo e Ongoongoleleí mo e medialibrary.lds.org.
Ngaahi Lēsoni Tokoni ki hono Akoʻi ʻo e Fānaú
Te ke lava ʻo maʻu ha hokohoko ʻo e ngaahi talanoa ʻi he makasiní, ʻekitivitī, mo e mītiá ʻi ha ngaahi kaveinga kehekehe ʻo e ongoongoleleí ʻi he lds.org/children/resources
Tuʻu Maʻu ʻi he Tuí
Kapau te ke fie maʻu ha tokoni makehe ke mahino e ngaahi tefitoʻi moʻoni te ke akoʻi ki he fānaú, fakakaukau ke vakai ʻi he Tuʻu Maʻu ʻi he Tuí (2004). ʻOku ʻomi ʻe he maʻuʻanga tokoni ko ʻení ha ngaahi fakamatala faingofua ʻo e ngaahi kaveinga ʻo e ongoongoleleí, ʻa ia ʻoku hiki atu ʻi he fakahokohoko fakamotuʻaleá.
Ko e Faiako ʻi he Founga ʻa e Fakamoʻuí
ʻE lava ke tokoni ʻa e maʻuʻanga tokoni ko ʻení ke ke ako mo fakaʻaongaʻi e ngaahi tefitoʻi moʻoni ʻo e faiako hangē ko Kalaisí. ʻOku aleaʻi mo akoako fakahoko ʻa e ngaahi tefitoʻi moʻoni ko ʻení ʻi he ngaahi fakataha alēlea fakafaiakó.