11–17 Septanm.

2 Korentyen 1–7

“Rekonsilye nou avèk Bondye“

Kòmanse preparasyon w lan nan li 2 Korentyen 1–7. Vini, Suiv Mwen—Pou Moun yo ak Fanmi yo kapab ede w konprann chapit sa yo, epi plan sa a ka ba w ide pou ansèyman.

Envite Pataj

Kèk nan timoun nan klas ou a kapab te ekri lèt semèn sa a konsènan fason yon manm fanmi se yon bon egzanp disip Jezikri (gade nan plan leson semèn nan nan Vini, Suiv Mwen—Pou Moun yo ak Fanmi yo). Si yo te fè sa, mande yo alavans pou yo pataje lèt la avèk klas la. Oubyen mande yo pou yo pataje yon lòt bagay yo te aprann.

Anseye Doktrin nan: Timoun Ki Pi Piti yo

2 Korentyen 1:3–4

Pè Selès la rekonfòte m, e m ka rekonfòte lòt moun.

Kijan w ka fè timoun yo gen konfyans ke Pè Selès la ap rekonfòte yo? Kijan w ka ankouraje yo pou yo rekonfòte lòt moun?

Aktivite posib

• Montre timoun yo kèk bagay ki bay konfò tankou yon dra oswa yon pansman. Mande timoun yo kisa ki rekonfòte yo lè yo tris oubyen lè yo pè oubyen lè yo oswa lè yo gen lòt pwoblèm. Li 2 Korentyen 1:3–4 avèk yo, epi eksplike yo ke “tribilasyon” se yon lòt mo pou pwoblèm difisil. Pale yo de kèk sitiyasyon kote Pè Selès la te rekonfòte w, epi temwaye ke L ap rekonfòte timoun yo tou.

• Montre foto moun k ap batize (gade nan Liv Ilistrasyon Levanjil la, nos. 103-4) pandan w ap li 2 Korentyen 1:4 pou timoun yo. Eksplike ke lè nou batize, nou fè pwomès pou nou rekonfòte lòt moun. Kijan nou ka suiv konsèy Pòl la pou nou “konsole moun ki nan afliksyon”?

2 Korentyen 2:7–8,10

M ka padone lòt moun.

Chwazi youn nan aktivite sa yo—oubyen envante pwòp aktivite pa w—pou ranfòse dezi timoun yo pou yo padone moun.

Aktivite posib

• Eksplike yo ke Pòl te vle pou Sen Korentyen yo padone yon moun ki te peche. Li 2 Korentyen 2:7–8, 10, epi envite timoun yo pou yo mete men yo sou kè yo chak fwa yo tande mo padon ak padone.

• Envite yo pou yo fè senaryo sou fason yo ka reyaji nan sitiyasyon kote yon moun fè yo yon bagay ki pa janti. Fè yo chak di “Mwen dezole” ak “M padone w” lè tou pa yo rive. Kijan nou ka fè moun konnen ke nou padone yo. Eksplike ke yon fason nou ka fè sa se “konfime lanmou nou,” oubyen montre lanmou pou yo (2 Korentyen 2:8).

2 Korentyen 4:1–2

Mwen kwè nou dwe onèt.

Pòl te anseye ke sèvitè Kris—yo “renonse aksyon malonèt ki kache yo.” Medite sou fason ou ka fòtifye dezi timoun yo pou yo onèt nan tout bagay.

Aktivite posib

• Ede yo memorize fraz “Nou kwè nou dwe onèt” la (Atik lafwa 1:13). Ekri fraz sa a sou braslè an papye pou timoun yo dekore epi mete. Eksplike ke lè nou onèt, sa vle di nou di laverite.

• Mande timoun yo pou yo leve men yo lè w di yon bagay ki vrè epi pou yo bese men yo lè w di yon bagay ki pa vre. Fè kèk deklarasyon senp men klè, tankou “Jodi a se Dimanch” oubyen “M gen twa nen.” Repete aktivite a plizyè fwa, pandan w ap kite timoun yo ap fè deklarasyon ki vrè oubyen fo. Poukisa Pè Selès la vle pou nou pataje levanjil la?

• Montre videyo “Yon vizit avèk Elder Ulisses Soares” (ChurchofJesusChrist.org). Kisa jèn Eldè Soares te aprann konsènan onètete? Ankouraje timoun yo prepare yo pou alyans batèm yo a nan rete onèt.

Anseye Doktrin nan: Timoun Ki Pi Gran yo

2 Korentyen 1:3–4

Pè Selès la konsole mwen, e m ka konsole lòt moun.

Sonje kijan Bondye te rekonfòte yo ka enspire timoun yo pou yo ofri rekonfò bay lòt moun.

Aktivite Posib

• Pandan w ap li 2 Korentyen 1:3–4la, mande timoun yo pou yo koute pou yo ka jwenn repons pou kesyon sa a “Kisa Bondye fè pou nou?” Ede yo fè yon lis sou fason Bondye rekonfòte nou. Envite timounn yo pou yo pataje eksperyans kote yo te tris oubyen enkyè oubyen pè epi Bondye te rekonfòte yo.

• Envite timoun yo pataje fason nou ka respekte alyans batèm nou pou nou rekonfòte lòt moun (gade Mozya 18:9). Ba yo tan pou yo panse ak yon moun yo konnen ki bezwen rekonfò epi pou yo planifye pou yo lonje lamen bay moun sa a.

2 Korentyen 2:5–11

M ka padone lòt moun.

Sa ka difisil pou n padone lòt moun lè yo pa janti avèk nou. Men timoun w ap anseye yo ap jwenn lanmou, lapè, ak bonè si yo aprann padone.

Aktivite posib

• Di yo ke yon moun nan Korent te peche epi l te “lakoz” Sen yo te tris (gade nan 2 Korentyen 2:5). Mande timoun yo pou yo chèche nan 2 Korentyen 2:7–8 pou yo ka jwenn sa Pòl te di Sen yo pou timoun yo te fè a.

• Pataje yon eksperyans kote ou te padone yon moun—oubyen yon moun te padone ou—ak kijan w te santi w apre sa. Oubyen pataje videyo “Objektif la: Yon Istwa Lafwa, Amitye ak Padon” (ChurchofJesusChrist.org). Envite timoun yo pou yo pataje eksperyans yo tou.

2 Korentyen 5:6–7

M ap “mache pa lafwa, e non pa atravè sa m wè.”

Reflechi sou fason w ka ankouraje timoun yo pou yo obeyi kòmandman Bondye yo menm lè yo pa wè benediksyon yo vle yo imedyatman.

Aktivite posib

• Li 2 Korentyen 5:6–7 ak Alma 32:21 avèk timoun yo, epi mande yo pou yo chèche mo ak ekspresyonki ka ede yo defini lafwa. Mande yo pou yo ekri definisyon yo epi pou youn pataje yo avèk lòt.

• Envite youn nan timoun yo pou l fèmen zye l, epi mande lòt yo pou yo ba l direksyon pou ede l reyalize yon tach tankou bati yon tou avèk blòk papye, fè yon jwèt kastèt, oubyen mache travèse sal la. Kijan aktivite sa a ede nou konprann kisa sa vle di pou nou “mache pa lafwa” nan Bondye?

• Pase videyo “Reunited by Faith” (ChurchofJesusChrist.org), epi mande timoun yo kijan jèn jan nan videyo a te mache avèk lafwa. Pataje yon eksperyans lè ou te mache pa lafwa, epi ankouraje timoun yo pou yo pataje eksperyans yo.

2 Korentyen 7:8–10

Tristès selon Bondye mennen nan repantans.

Se tou natirèl pou timoun yo santi yo wont oubyen jennen lè yo kenbe yo ap fè yon bagay ki pa bon. Ede yo fè distenksyon ant santiman sa yo ak tristès ki mennen nan vrè repantans lan.

Aktivite Posib

• Eksplike ke nan 2 Korentyen 7:8–10Pòl fè referans ak lèt li te ekri Sen yo anvan sa a, kote l te bravman avèti yo kont peche. Li vèsè yo fò. Poukisa Pòl te kontan paske Sen yo te santi yo tris? Siyale kalite tristès sa a rele tristès selon Bondye.

• Mande timoun yo pou yo reflechi ak yon moman kote yo te fè yon bagay ki pa t bon epi yo te santi yo malalèz poutèt sa. Envite yo mande tèt yo, “Poukisa m pa t santi m alèz?” epi apre sa pataje repons yo. Ekri repons yo an sou tablo a (pa egzanp, “M te pè M t ap nan kont” oubyen “M te konnen m te desi Papa nou ki nan Syèl la” oubyen “m te fè on moun kriye”). Kiyès nan repons sa yo sou tablo a ki sanble l se “tristès selon Bondye”? (2 Korentyen 7:10). Poukisa tristès selon Bondye pi bon pase tout lòt tristès nou ka santi lè nou fè yon bagay ki pa bon?

Ankouraje Aprantisaj Lakay

Envite timoun yo pataje avèk fanmi yo youn nan aktivite nan klas jodi a, petèt pandan yon sware familyal.

Amelyore ansèyman nou

Afiche yon ekriti. Chwazi yon vèsè ekriti ou twouve ki enpòtan epi afiche l nan klas la kote timoun yo ap wè l souvan. Petèt timoun yo ta kapab chwazi yon ekriti pou yo afiche lè tou pa yo rive.