Ol pikinini blong Praemeri oli stap singsing mo stap mekem ol aksen long han

Ol Instraksen blong Singsing Taem mo Sakramen Miting Presentesen blong Ol Pikinini

Ol Dia Presidensi blong Praemeri mo Ol Miusik Lida,

Ol singsing blong Praemeri oli ol tul we i gat paoa blong helpem ol pikinini blong lanem abaot plan blong stap glad blong Papa long Heven, mo ol stamba trutok blong gospel blong Jisas Kraes. Taem ol pikinini oli stap singsing abaot ol prinsipol blong gospel,Tabu Spirit bae i testifae se ol prinsipol ia oli tru. Ol toktok mo miusik bae i stap insaed long maen mo hat blong ol pikinini truaot long laef blong olgeta.

Lukaotem help blong Spirit taem yu stap rere blong tijim gospel tru long miusik. Serem testemoni blong yu abaot ol trutok we yu stap singsing abaot olgeta. Helpem ol pikinini blong luksave olsem wanem miusik i go wetem wanem oli stap lanem mo stap gotru long hem insaed long hom mo insaed long klas blong Praemeri. Ol pikinini mo ol famli blong olgeta bae oli kasem blesing from se yufala i stap traehad blong helpem o; pikinini blong singsing ol tabu miusik.

Mifala i lavem yufala mo sendem tangkyu blong mifala from seves we yufala i stap givim wetem strong tingting blong mekem ol pikinini ia oli kam strong mo blong protektem olgeta.

Praemeri Jeneral Presidensi

Ol Instraksen blong Singsing Taem

5 minit (Praemeri presidensi): Fas prea, skripja o toktok blong bilif, mo wan toktok

20 minit (miusik lida): Singsing taem

Praemeri presidensi mo miusik lida i jusum ol singsing blong wanwan manis blong sapotem ol prinsipol we ol pikinini oli stap lanem insaed long ol klas blong olgeta, mo insaed long hom. Wan lis blong ol singsing ia i stap tu insaed long gaed ia, we oli kam blong sapotem olgeta prinsipol ia. Ol singsing ia, oli stap tu insaed long ol aotlaen long Kam Folem Mi—Blong Praemeri mo Kam Folem Mi—Blong Wanwan Man, Woman, mo Famli.

Taem yu stap tijim ol singsing ia long ol pikinini, invaetem olgeta blong serem wanem we oli bin lanem finis abaot ol stori mo ol doktrin prinsipol long ol singsing we yu tijim. Maet bae yu wantem luklukbak long ol aotlaen blong Kam Folem Mi—Blong Praemeri we ol pikinini oli stap stadi long hem insaed long klas blong olgeta. Hemia bae i helpem yufala blong savegud ol stori mo ol prinsipol we oli stap lanem blong mekem se yu save lukluk olsem wanem nao blong sapotem olgeta taem oli stap lan wetem miusik.

Long taem blong singsing taem, yu save gobak long ol singsing we ol pikinini oli bin lanem bifo mo ol singsing we oli laekem blong singsing long ol. Taem yu stap luklukbak, invaetem ol pikinini blong talem i sot abaot ol filing blong olgeta long ol trutok we oli faenem insaed long ol singsing ia.

Buk ia, Children’s Songbook i besik risos blong miusik insaed long Praemeri. Ol hym we oli kamaot long hym buk mo ol singsing we oli kamaot long Fren o Liahona tu oli stret blong yusum. Wanwan taem, bae ol pikinini oli singsing ol singsing we i tokbaot fasin blong stap tru long kantri, o ol holidei singsing, we oli stret blong singsing long ol long Sandei mo folem yia blong ol pikinini. Bisoprik oli mas apruvum eni narafala miusik long Praemeri (luk long Jeneral Hanbuk: Stap Givim Seves insaed long Jos Ia blong Jisas Kraes blong Ol Lata-dei Sent, 12.3.4, ChurchofJesusChrist.org).

Bigfala Lukluk long Praemeri

Evri wik, insaed long Praemeri, i gat:

Singsing Taem:25 minit

Muv i go long ol klas:5 minit

Ol Klas:20 minit

Ol lida blong ol bigfala grup blong Praemeri, oli save serem ol pikinini long tufala grup, mo oli mekem se wan grup i stap long Praemeri klas, mo nara grup i stap long singsing taem. Afta, bae tufala grup i jenisim ples bakegen. Long ol taem olsem, ol lida blong Praemeri oli stretem taem blong olgeta we i stap antap ia blong i go stret wetem situesen blong olgeta.

Ol Praemeri pikinini oli stap holem ol pikja blong Jisas

Miusik we oli putum blong Singsing Taem

Jenuware

• “Kam Folem Mi,” Hymns, namba 116

• “A Child’s Prayer,” Children’s Songbook, 12–13

• “Jesus Once Was a Little Child,” Children’s Songbook, 55

Febwari

• “Baptism,” Children’s Songbook, 100–101

• “I Will Follow God’s Plan,” Children’s Songbook, 164–65

• “He Sent His Son,” Children’s Songbook, 34–35

Maj

• “Mi Traem blong Kam Olsem Jisas,” Liahona, Epril 2012, 64–65

• “Yu Bin Mekem Prea?,” STSP, namba 48

• “Tell Me the Stories of Jesus,” Children’s Songbook, 57

Epril

• “Faith,” Children’s Songbook, 96–97

• “Filim Lav blong Sevya,” Fren, Julae 2021, 74–75

• “Jesus Has Risen,” Children’s Songbook, 70

Mei

• “Keep the Commandments,” Children’s Songbook, 146–47

• Famli I Stap Tugeta Foreva,” Liahona,Epril 2013, 65.

• “Mi Pikinini blong God,” STSP,pej 58

Jun

• “Love One Another,” Children’s Songbook, 136–37

• “Yu Luk Ridima I Ded long Kros,” STSP,pej 16

• “Did Jesus Really Live Again?,” Children’s Songbook, 64

Julae

• “Stand for the Right,” Children’s Songbook, 159

• “I’ll Walk with You,” Children’s Songbook, 140–41

• “Mi Save God I Laef,” STSP,pej 59

Ogis

• “When I Am Baptized,” Children’s Songbook, 103

• “The Holy Ghost,” Children’s Songbook, 105

• “Bodi I Olsem Tempol,” STSP,pej 62

Septemba

• “When We’re Helping,” Children’s Songbook, 198

• “A Child’s Prayer,” Children’s Songbook, 12–13

• “Mi Save Ridima Hem I Laef,” STSP,pej 38

Oktoba

• “When He Comes Again,” Children’s Songbook, 82–83

• “The Church of Jesus Christ,” Children’s Songbook, 77

• “I Love to See the Temple,” Children’s Songbook, 95

Novemba

• “Search, Ponder, and Pray,” Children’s Songbook, 109

• “Tell Me, Dear Lord,” Children’s Songbook, 176

• “Kindness Begins with Me,” Children’s Songbook, 145

Disemba

• “My Heavenly Father Loves Me,” Children’s Songbook, 228–29

• “Choose the Right Way,” Children’s Songbook, 160–61

• “When I Am Baptized,” Children’s Songbook, 103

Yusum Miusik blong Tijim Doktrin

Singsing Taem i blong wantem helpem ol pikinini blong filim paoa blong Tabu Spirit, taem oli stap lanem ol trutok blong gospel. Ol aedia ia oli save help.

Fulumap spes long laen. Raetem wan ves blong singsing long bod, mo yu karemaot sam ki toktok mo lego emti spes i stap. Afta, askem ol pikinini blong singsing long singsing ia, blong lisin long ol toktok we oli mas go long ol emti spes ia. Taem oli fulumap spes long laen, invaetem ol pikinini blong serem ol prinsipol blong gospel we oli lanem long ol toktok we i no gat.

Yusum ol sot toktok we i kam long Ol lida blong Jos. Invaetem ol pikinini blong lisin long wan sot toktok blong wan lida blong Jos we i stap tijim sem gospel prinsipol we i stap long Praemeri singsing ia. Askem olgeta blong leftemap han blong olgeta taem oli harem wan samting we i helpem olgeta blong andastanem trutok we oli stap singsing abaot. Invaetem olgeta blong serem wanem we oli harem.

Testifae. Talem wan sot testemoni long ol pikinini abaot ol trutok blong gospel we oli stap long singsing ia blong Praemeri. Helpem ol pikinini blong andastanem se, blong singsing, hem i wan wei we oli save serem testemoni blong olgeta long hem, mo filim Spirit.

Yusum ol pikja. Askem ol pikinini blong helpem yufala blong faenem o blong mekem ol pikja we oli go wetem ol impoten toktok o sentens insaed long singsing ia. Invaetem olgeta blong serem olsem wanem ol pikja oli go wetem singsing mo wanem singsing ia i stap tijim. Eksampol. Sapos yu stap tijim singsing ia, “I Will Follow God’s Plan” (Children’s Songbook,164–65), yu save putum ol pikja raon long rum we i soem ol samting we ol impoten toktok long singsing i tokbaot, (olsem presen,, heven,, hom,, wol,, mo taem wan i bon i kam long wol). Askem ol pikinini blong putum tugeta ol pikja mo holem olgeta antap folem stret oda taem yufala i stap singsing long singsing ia tugeta.

Serem wan samting. Yu save yusum wan samting we i go wetem wan samting. Eksampol, singsing ia, “Faith” (Children’s Songbook,, 96–97) i tokbaot wan smol sid. Yu save soem wan sid long ol pikinini blong helpem olgeta andastanem wanem wan smol fet long Jisas Kraes i save gro folem taem.

Konektem singsing wetem ol eksperiens blong yuwan. Helpem ol pikinini blong joenem ol prinsipol we singsing i stap tijim wetem ol eksperiens we oli gat wetem olgeta prinsipol ia. Eksampol. Bifo oli singsing, “I Love to See the Temple” (Children’s Songbook,95), yu save askem ol pikinini blong leftemap han blong olgeta sapos oli bin luk wan tempol finis. Invaetem olgeta blong tingting, taem oli stap singsing abaot wei we oli filim taem oli luk wan tempol.

Askem ol kwestin. I gat plante kwestin we yu save askem taem yufala i stap singsing ol singsing. Eksampol. Yu save askem ol pikinini wanem oli lanem aot long wanwan ves insaed long singsing ia. Yu save askem tu blong oli tingting long sam kwestin we singsing ia i save ansarem.

Lisin blong gat ol ansa. Askem ol pikinini blong lisin long ol ansa blong ol kwestin olsem “?huia? “?Wanem?” “?weaples?” “?wetaem?” o “?from wanem?” Eksampol. Long singsing ia, “Baptism” (Children’s Songbook,100–101), oli save harem huia i baptaesem Jisas, mo weaples, mo wetaem, mo olsem wanem, mo from wanem Jisas i bin baptaes. Yu save askem tu long ol pikinini blong oli lisin long ol ki toktok, o blong oli kaontem, long fingga blong olgeta, hamas taem oli talem wan spesel toktok ia.

ol pikinini we oli stap singsing long sakramen miting

Stap Helpem Ol Pikinini Oli Lanem mo Oli Tingbaot Ol Singsing blong Praemeri mo Ol Hym

Ol pikinini oli lanem gud ol singsing taem oli harem mo singim ol singsing ia bakegen mo bakegen. Oltaem, singsing ol toktok blong wan niu singsing i go long ol pikinini—yu no ridim nomo o talem baehat long olgeta. Hemia i mekem se ol pikinini oli joenem gud miusik i go long ol toktok. Afta we yu tijim wan singsing, luklukbak long hem long plante defren wei we i mekem ol pikinini oli glad; mekem hemia truaot long yia. Andanit ia, i gat samfala aedia blong helpem ol pikinini blong oli lanem mo luklukbak long ol singsing ia.

Mekem ol posta. Soem ol posta wetem ol toktok blong wanwan ves, o soem ol pikja we oli ripresentem ol toktok ia. Taem ol pikinini oli stap singsing, kavremap sam long ol toktok ia o pikja ia, kasem taem oli save singsing wan ful ves we oli nomo lukluk long posta. Yu save invaetem ol pikinini blong helpem yu blong mekem ol posta ia.

Soem ol hae mo lo not. Blong helpem ol pikinini oli lanem tiun blong wan singsing, holem han blong yu i flat long fored, mo taem yu singsing ol toktok, muvum han blong yu i go antap blong soem ol hae not, mo i go daon blong soem ol not we i lo, o i daon.

Eko. Invaetem ol pikinini blong oli eko long yu taem oli ripitim wanem yu stap singsing. Singsing wan sot sentens o laen long ol pikinini, mo afta, mekem olgeta oli singsing i kambak long yu.

Yusum defren teknik. Singsing long ol defren wei, olsem wispa, ham long maot, klapem bit, jenisim bit, o singsing taem oli stanap o sidaon long semtaem.

Singsing long ol grup. Givim long wanwan klas, o long wanwan pikinini, wan sentens blong hem i singsing taem hem i stanap; mo mekem oli paspasem ol sentens kasem taem we wanwan klas o wanwan pikinini i gat wan janis blong singsing evri sentens.

Mekem ol aksen wetem han. Invaetem ol pikinini blong oli tingting long sam simpol aksen wetem han blong helpem olgeta blong tingbaot ol toktok mo ol mesej blong wan singsing. Eksampol. Taem yu stap singsing “Reverently, Quietly”Children’s Songbook,,26), yu save invaetem ol pikinini blong krosem han blong olgeta, benem hed, mo tajem hat blong olgeta taem oli singsing ol stret laen ia we i talem ol samting ia, insaed long singsing ia.

Gel i singsing, boe i singsing. Droem wan pikja blong wan boe mo pikja blong wan gel, mo skojem ol pikja long ol defren stik. Taem yufala i luklukbak long wan singsing, holem wan pikja i go antap blong talem se huia bae i singsing pat blong singsing ia.

Joenem wan pikja mo wan sentens. Raetem wanwan laen blong wan singsing long ol defren pis pepa, mo faenem wan pikja we i ripresentem wanwan laen ia. Putum ol pikja long wanwan saed blong rum mo ol pepa long narafala saed. Singsing long singsing ia, mo askem ol pikinini blong oli joenem ol pikja i go wetem ol toktok.

Ol Gaedlaen blong ol Pikinini blong Sakramen Miting Presentesen

Anda long daereksen blong bisop, sakramen presentesen blong ol pikinini, oli stap holem long nambafo kwota blong yia. Praemeri presidensi mo miusik lida, oli putum taem blong gat miting long stat blong yia wetem kaonsela insaed long bisoprik we i lukluk long Praemeri blong stat blong toktok raon long ol plan blong presentesen ia. Taem yufala i finisim ol plan ia, kasem raet blong kaonsela ia blong gohed wetem ol plan ia.

Presentesen ia, i mas givim taem long ol pikinini blong presentem wanem we, olgeta, wetem famli blong olgeta, oli bin lanem aot long Niu Testeman long hom mo long Praemeri; i mas gat tu long singsing blong Praemeri we oli bin singsing long ol truaot long yia. Wetem prea, tingting long ol gospel prinsipol mo singsing we i sapotem wanem we oli bin lanem. Truaot long yia, kipim sam not abaot ol toktok blong ol pikinini, mo ol eksperiens blong olgeta we bae yufala i save yusum insaed long presentesen ia. Invaetem ol pikinini blong serem ol skripja, ol stori, mo ol testemoni blong olgeta insaed long presentesen. Taem yufala stap mekem plan blong presentesen, tingting long sam wei we i save helpem kongregesen blong lukluk nomo i go long Papa long Heven mo Sevya mo ol tijing blong Tufala.

Ol yunit we oli gat ol smol namba blong ol pikinini, oli save tingting long sam wei we ol memba blong famli tu oli save tekpat wetem ol pikinini blong olgeta. Wan memba blong bisoprik i save endem miting wetem wan las sot toktok.

Taem yu stap rere long presentesen, tingbaot ol gaedlaen ia:

• Ol taem blong praktis i no mas tekemaot tumas taem blong ol pikinini aot long ol klas o aot long famli.

• Ol pikja, yunifom o media presentesen, mo ol media presentesen oli no stret blong yusum long taem blong sakramen miting.

Luk long Jeneral Hanbuk: Stap Givim Seves Insaed long Jos Ia blong Jisas Kraes blong Ol Lata-dei Sent,, 12.2.1.2, ChurchofJesusChrist.org/study?lang=bis