“Dugang nga mga Kapanguhaan,” Dali, Sunod Kanako—Alang sa Sunday School: Basahon ni Mormon 2020 (2020)
“Dugang nga mga Kapanguhaan,” Dali, Sunod Kanako—Alang sa Sunday School: 2020
Dugang nga mga Kapanguhaan
Kini nga mga kapanguhaan makita sa Gospel Library app ug sa ChurchofJesusChrist.org.
Dali, Sunod Kanako—Alang sa mga Indibidwal ug mga Pamilya
Makahimo ka sa pagpahiangay og bisan unsang mga kalihokan gikan niining kapanguhaan aron magamit sa inyong klase sa Sunday School. Kon ang mga sakop sa klase nakagamit na niining mga kalihokan diha sa ilang personal o pamilya nga pagtuon sa kasulatan, awhaga sila sa pagpakigbahin sa ilang mga kasinatian ug mga ideya.
Mga Magasin sa Simbahan
Ang New Era, Ensign, ug Liahona nga mga magasin naghatag og mga artikulo ug ubang mga feature nga makadugang sa mga baruganan nga inyong itudlo gikan sa Dali, Sunod Kanako—Alang sa Sunday School.
Hymns [Mga Himno] ug Songbook sa mga Bata
Ang sagradong musika nagdapit sa Espiritu ug nagtudlo og doktrina sa halandumong paagi. Agig dugang sa giimprinta nga bersyon sa Hymns [Mga Himno] ug Songbook sa mga Bata, makakita ka og mga rekording sa daghang himno ug mga awit sa mga bata sa music.ChurchofJesusChrist.org ug diha sa LDS Music ug LDS Media Library nga mga app.
Media Library
Ang artwork, mga video, ug ubang media makatabang niadtong imong tudloan nga mahanduraw ang doktrina ug mga istorya nga makita diha sa Basahon ni Mormon. Bisitaha ang medialibrary.ChurchofJesusChrist.org sa pag-browse sa koleksyon sa mga kapanguhaan sa media sa Simbahan, lakip na ang Book of Mormon Videos collection, nga naghulagway sa mga panghitabo diha sa Basahon ni Mormon. Ang mga kapanguhaan sa media anaa usab sa LDS Media Library nga app.
Art sa Ebanghelyo
Ang artwork makatabang niadtong imong tudloan nga mahanduraw ang doktrina ug mga istorya nga makita diha sa Basahon ni Mormon. Ang daghang hulagway nga imong magamit diha sa klase makita sa Gospel Art Book, sa medialibrary.ChurchofJesusChrist.org, ug diha sa LDS Music ug LDS Media Library nga mga app.
Mga Manwal sa Seminary ug Institute
Ang mga manwal sa seminary ug institute naghatag og background sa kasaysayan ug komentaryo sa doktrina alang sa mga baruganan nga makita diha sa mga kasulatan. Tingali makahatag usab kini og mga ideya sa pagtudlo alang sa mga klase sa Sunday School.
Mga Hilisgutan sa Ebanghelyo
Sa topics.ChurchofJesusChrist.org imong makita ang nag-una nga mga impormasyon mahitungod sa nagkadaiyang mga hilisgutan sa ebanghelyo, kauban sa mga link ngadto sa makatabang nga mga kapanguhaan, sama sa may kalabutan nga mga mensahe sa kinatibuk-ang komperensya, mga artikulo, mga kasulatan, ug mga video. Makita usab nimo ang Gospel Topics Essays, nga nagtanyag og detalyadong mga tubag sa mga pangutana kabahin sa doktrina ug kasaysayan.
Matinud-anon sa Tinuhoan
Kini nga kapanguhaan naghatag og yano nga mga pagpasabut bahin sa mga hilisgutan sa ebanghelyo, nga gilista sa alphabetical nga han-ay.
Isangyaw ang Akong Ebanghelyo
Kini nga giya alang sa mga misyonaryo naghatag og kinatibuk-ang pagpasabut sa nag-una nga mga baruganan sa ebanghelyo.
Alang sa Kalig-on sa mga Kabatan-onan
Kini nga kapanguhaan naglatid sa mga sumbanan sa Simbahan nga makatabang nato aron magpabiling takus sa mga panalangin sa Ginoo. Ikonsiderar ang pag-refer niini sa kanunay, ilabi na kon ikaw nagtudlo sa kabatan-onan.
Pagtudlo sumala sa Pamaagi sa Manluluwas
Kini nga kapanguhaan makatabang nimo nga makat-on ug makagamit sa mga baruganan sa Kristohanon nga pagtudlo. Kining mga baruganan hisgutan ug buhaton diha sa mga miting sa teacher council.