“Punaoa Faaopoopo,” Sau, Mulimuli Mai ia te A’u—Mo Le Aoga Sa: Tusi a Mamona 2020 (2020)
“Punaoa Faaopoopo,” Sau, Mulimuli Mai ia te Au—Mo Le Aoga Sa: 2020
Punaoa Faaopoopo
O nei punaoa e mafai ona maua i le polokalama o le Potutusi a le Talalelei [Gospel Library app] ma i luga o le ChurchofJesusChrist.org.
Sau, Mulimuli Mai ia te Au—Mo Tagata Taitoatasi ma Aiga
E mafai ona e fetuuna’ia gaoioiga mai lenei punaoa mo le faaaogaina i lau vasega o le Aoga Sa. Afai na faaaoga e tagata o le vasega nei gaoioiga i a latou suesuega patino pe faaleaiga, fautuaina i latou e faasoa mai o latou aafiaga ma malamalamaaga.
Mekasini a le Ekalesia
O mekasini o le New Era, Ensign, ma le Liahona e maua ai tala ma isi fatuga e mafai ona faaopoopo i mataupu faavae o loo e aoao atu mai le Sau, Mulimuli Mai ia te Au—Mo le Aoga Sa.
Viiga ma le Tusipese a Tamaiti
O musika paia e valaaulia ai le Agaga ma aoao atu ai aoaoga faavae i se ala e manatua pea. E faaopoopo i fatuga lolomi o Viiga ma le Tusipese a Tamaiti, e mafai ona e maua pu’ega o le tele o viiga ma pese a tamaiti i le music.ChurchofJesusChrist.org ma i le LDS Music ma le LDS Media Library apps.
Potutusi o Faasalalauga
O faatufugaga, vitio, ma isi faasalalauga e mafai ona fesoasoani ia i latou e te faiaoga ai e vaai faalemafaufau ai i aoaoga faavae ma tala o loo maua i le Tusi a Mamona. Asiasi i le medialibrary.ChurchofJesusChrist.org e autilo ai i ofaga a le Ekalesia o punaoa faasalalau, e aofia ai faasologa vitio o le Tusi a Mamona, ia e faaalia mai ai mea na tutupu i le Tusi a Mamona. O punaoa o faasalalauga o loo maua foi i le LDS Media Library app.
Ata o le Talalelei
E mafai ona fesoasoani galuega o faatufugaga i tamaiti e te faiaoga ai e vaai faalemafaufau ai i le aoaoga faavae ma tala o loo maua i le Tusi a Mamona. E tele ata e mafai ona e faaaogaina i le vasega o loo maua i le Tusi Ata o le Talalelei, i le medialibrary.ChurchofJesusChrist.org, ma i le LDS Music and LDS Media Library apps.
Tusi Lesona o le Seminare ma le Inisitituti
O tusi lesona o le Seminare ma le Inisitituti o loo maua ai talaaga faasolopito ma faamatalaga faaleaoaoga faavae mo mataupu faavae e maua i tusitusiga paia. E mafai foi ona latou uunaia manatu faafaiaoga mo vasega a le Aoga Sa.
Autu o le Talalelei
I le topics.ChurchofJesusChrist.org e mafai ona e maua ai faamatalaga faavae e uiga i autu eseese o le talalelei, faatasi ai ma punaoa aoga, e pei o lauga o konafesi aoao e fesootai i ai, o tala, mau, ma vitio. E mafai foi ona e mauaina le Gospel Topics Essays, lea e maua ai tali auiliili i fesili faaleaoaoga faavae ma talafaasolopito.
Faamaoni i le Faatuatua
O lenei punaoa e maua ai faamatalaga faigofie o autu o le talalelei, o loo lisiina i le faasologa faaalafapeta.
Tala’i La’u Talalelei
O lea taiala mo faifeautalai e maua ai se vaaiga aoao i uluai mataupu faavae o le talalelei.
Mo Le Malosi o le Autalavou
O lea punaoa o loo otooto mai ai tulaga faatonuina o le Ekalesia e mafai ona fesoasoani ia i tatou e tumau le agavaa mo faamanuiaga a le Alii. Mafaufau e faaaoga soo, ae maise lava pe afai o loo e aoaoina le autalavou.
Aoao Atu i le Ala a le Faaola
O lea punaoa e mafai ona fesoasoani ia te oe e aoao ai ma faaaoga mataupu faavae o le aoao atu faapei o Keriso. O nei mataupu faavae o loo talanoaina ma faata’ita’i i fonotoga faaaufono a faiaoga.