te karo ao natina mwaane a wareka Nakomai, Iriirai

Iango ibukin Kaungaakin te Kamatebwai I bon Iroum ao n te Utu

Aikai tabeua iango ni buokiko ni kaungaia kaain te kiraati ni kamatebwai ana taeka te Atua ni mweengam, n onoti ao n te utu. Taraa te koaua are tiaki ni kabane kaain te kiraati ae a kona ni kamatebwai koroboki aika tabu ma aia utu (n aron te katooto, tabeman kaain te aro a maeka n tii ngaiia ke kaain te aro aika tii ngaiia ibuakoia aia utu).

• Kaoiia kaain te kiraati bwa a na tibwauai baike a rinanona ni kamatebwaian koroboki aika tabu ni mweengaia. N aron te katooto, ko kona ni butiia bwa a na tibwaua te kibu are e kamatoaa aia tangira ibukin Iesu Kristo.

• Butiia kaain te kiraati bwa a na anga katotoon baike a karaoi ni karaoan aia kamatebwai ni koroboki aika tabu i bon irouia ke n utu ae e na rangi ni bongana riki. (Tabeua iango a kona ni kuneaki iaan “Iango ni Kanakoraoa am Kamatebwai ni Koroboki aika Tabu I bon Iroum” ao Iango ni Kanakoraoa Am Kamatebwai ni Koroboki aika Tabu n te Utu“ inanon Nakomai, Iriirai—Ibukiia Aomata n Tatabemaniia ao Utu.)

• Kaoiia kaain te kiraati bwa a na tibwauaia bwa a kangaa ni kamwakuri taian namakin ake a karekei n tain aia kamatebwai ni koroboki aika tabu i bon irouia ke n te utu.

• Kabanea tabeua te miniti ni kaota nakoia kaain te kiraati tabeua bwaai n reirei aika a katauraoaki man te Ekaretia ni buokiia kaain te aro ni kamatebwaia te euangkerio, n aron te buoka ni kamatebwaian koroboki aika tabu ae kuneaki n scriptures.ChurchofJesusChrist.org; “Karaki ni Booki aika Tabu” aika kuneaki children.ChurchofJesusChrist.org; youth-focused content n youth.ChurchofJesusChrist.org; bwaai n reirei ibukin te tieminari ao te intitute; ao witeo, ni bwanaa ake a raweaki, ao tamnei ake a kuneaki n MediaLibrary.ChurchofJesusChrist.org. Angiina mai buakon aikai a mena naba n te Gospel Library app.

• Kabanea tabeua te miniti ni kabwarabwara e kangaa aron kabonganaan te Gospel Library app ni kamatebwai koroboki aika tabu, n raonaki ma aron kanikinaean taian kibu ao ni korei taian namakin.

• Kaoa temanna ke ae mwaiti riki mairouia kaain te kiraati n tibwauaia e kangaa aroia n reiakin reirein te euangkerio inanon aia utu.