“Bwaai n Ibuobuoki riki Tabeua,” Nakomai, Iriirai—Ibukin te Reirei n Tabati: Reirei ao Berita aika Tabu 2021 (2020)
“Bwaai n Ibuobuoki riki Tabeua,” Nakomai, Iriirai—Ibukin te Reirei n Tabati: 2021
Bwaai n Ibuobuoki riki Tabeua
Bwaai n Ibuobuoki aikai a kona n reke n te Gospel Library app ao iaon ChurchofJesusChrist.org.
Nakomai, Iriirai—Ibukiia Aomata n Tatabemaniia ao Utu
Ko konaa n anai taian waaki ni kakukurei man te bwai n ibuobuoki aio ni kabonganai n am kiraati n te Reirei n Tabati. Ngkana kaain te kiraati a tia ni karaoi waaki ni kakukurei aikai n aia tai ni kamatebwai koroboki aika tabu i bon irouia ke n aia utu, kaungaia bwa a na tibwaua aia taneiai ao aia nonoori.
Anene n Taromauri ao Aia Boki n Anene Ataei
Katangitang aika tabu a kaoa te Tamnei ao a reirei te reirei n te anga ae kai uringaki. N raoni aron teia ake a boretiaki Anene n Taromauri ao Aia Boki n Anene Ataei, ko kona ni karekei bwanaa n anene n taromauri aika mwaiti ao aia anene ataei iaonmusic.ChurchofJesusChrist.org ao n te Sacred Music ao te Gospel Media apps.
Booki n Reirei ibukin te Tieminari ao Intitute
Booki n reirei ibukin te Tieminari ao Intitute a katauraoi rongorongon ao kabwarabwaraan taian koaua iaon reirei ake a kuneaki inanon koroboki aika tabu. A konaa naba ni kaungai iango n anga reirei n te kiraati n te Reirei n Tabati.
Ana Maekatiin te Ekaretia
Te New Era Ensign ao Riaona maekatin a kakanoa n rongorongo ao tabeua riki kanoana are e konaa n raoni reirei ake ko anga man Reirei ao Berita aika Tabu.
Atuun Rongorongo n te Euangkerio
N Gospel Topics (topics.ChurchofJesusChrist.org) ko konaa ni kunei rongorongo aika kimototo iaon aekakin nako atuun reirei n te euangkerio, n reitaki ma kawai nakon bwaai n ibuobuoki aika manena n aron marooro n te maungatabu ake a irekereke, rongorongo, koroboki aika tabu, ao witeo. Ko konaa naba ni kunei Gospel Topics Essays, ake a na anga te kamataata ae mwaiti nakon taian titiraki iaon reirein ao rongorongon te euangkerio.
Taetaekina Au Euangkerio
Te bwai ni kairi ibukiia mitinare e katauraoa tein aron kabwarabwaraan reirein te euangkerio aika bebete.
Ibukin Kakorakoraia Kairake
Te bwai n ibuobuoki aio e katerei katein te Ekaretia are na buokiia kairake ao tabeman n riki bwa ana reirei Iesu aika a kakaonimaki. Iangoia bwa ko na okiokiria n tataraia, ai moararariki ngkana ko reireiniia te roronrikirake.
Witeo ao Korobanna
Korobanna, witeo, ao tabeua bwaai ni kaongora a konaa ni buokiia te koraki ake ko reireiniia ni katamneia te reirei ao karaki ake a irekereke ma koroboki aika tabu. Kawara te Gospel Media library iaon ChurchofJesusChrist.org n noori te bwariko ni bwaai ni ibuobuoki n te Ekaretia. Boki aikai a tauraoi naba n te Gospel Media app, ao e mwaiti naba tamnei ake a kona n nooraki n te Gospel Art Book.
Revelations in Context
Revelations in Context: Karaki i akuun mwakoron Reirei ao Berita aika Tabu bon te bwariko ni koroboki iaon rongorongo ake a irekereke ma kaotioti ake n Reirei ao Berita aika Tabu. Te botoniango ae katauraoaki n te boki aei e kona ni buokiko n mataata riki bwa tera ana taeka te Uea n Reirei ao Berita aika Tabu ae nanonaki ibukiia Aomata aika Itiaki n taai akekei.
Aika Itiaki
Saints bon te waorium ae bati inanona ae karakina rongorongon te Ekaretia. Waorium 1, The Standard of Truth, ao waorium 2, No Unhallowed Hand, anaa tain naba rongorongon te Ekaretia ake n Reirei ao Berita aika Tabu. Rongorongo aikai a kona n anganiko nonoori n botoniango ake inanon kaotioti ake ko kamatebwai n Reirei ao Berita aika Tabu.
Atuun Reirei n Rongorongon te Ekaretia
E mwaiti koroboki ibukiia aomata, bwaai aika karaoaki n tabonibai, aaba, ao bwaai aika riki n Rongorongon te Ekaretia a kona ni kuneaki iaon ChurchofJesusChrist.org/study/history/topics.
Reirei n ana Kawai te Tia Kamaiu
Te bwai n ibuobuoki aio e na buokiko n reiakina aron ao kamwakuran reirei n ana kawai n reirei Kristo. Reirei aikai a maroroakinaki ao ni kamwakuraki n tain te bootaki ni boowi ni kauntira n tia reirei.