li Jesus nak‘utuk sa‘ xb‘een li tzuul

Li aatin jultikanb‘il xb‘aan li Jesus chiru li tzuul, xb‘aan laj Gustave Doré

13–19 febrero

Mateo 5; Lukas 6

“Us xaq eere”

Tz’iib’a li musiq’ejil na’leb’ nakak’ul naq nakatzol Mateo 5 ut Lukas 6. Taachalq li k’utb’esink aawe naq nakayal aaq’e chixb’aanunil li na’ajman ru choq’ re aatzoleb’aal.

reetalil li wotzok

Xkanab‘ankileb‘ chi wotzok

Li Awa‘b‘ej Joseph Fielding Smith kixye naq li aatin jultikanb‘il chiru li tzuul a‘an “li xnimal ru aatin li jultikanb‘il, li nawb‘il ru qab‘aan” (Enseñanzas de los Presidentes de la Iglesia: Joseph Fielding Smith [2013], 249). Patz‘ reheb‘ li komon naq te‘xwotz li neke‘reek‘a chirix li na‘leb‘ a‘in.

reetalil li k‘utuk

Xk‘utb‘al li tzol‘leb‘

Mateo 5:1–12

Nachal li sahil ch’oolejil li ink’a’ nalaj na’oso’ rik’in li wank jo’ chanru kixk’ut li Jesukristo.

• Sa‘ li aatin jultikanb‘il chiru li tzuul, li Kolonel kixb‘oqeb‘ lix tzolom chixk‘oxlankil wi‘chik k‘a‘ru naraj naxye wank sa‘ jun yu‘am chi osob‘tesinb‘il—jun yu‘am rik‘in sahilal li nakana. Re xtikib’ankil li aatinak chirix li sahil ch’oolejil li ink’a’ nalaj na’oso’, naru taapatz’ reheb’ li komon naq te’xye k’a’ru li neke’saho’ wi’ xch’ool. Jo‘ naxye sa‘ Mateo 5:1–12, k‘a‘ru kixye li Jesus naq naxb‘aanu junaq kristiaan li “osob‘tesinb‘il,” malaj li wan xsahil xch‘ool chi junelik? Chan ru naq jalan wi’ lix yehom li Jesus rik’in li k’a’ru chik neke’xb’aanu li tenamit re xsik’b’al li sahil ch’oolejil?

• Naru taatz‘iib‘a chiru li pizarron junjunq chaab‘ilal malaj seeb‘al nayeeman sa‘eb‘ li raqal 3–12, jo‘ “li saqeb‘ ru xch‘ool” malaj “li neke‘k‘anjelak chirix li tuqtuukilal.” Chirix a‘an, patz‘ reheb‘ li komon naq te‘xye k‘a‘ru xka‘pak‘alil li junjunq chi aatin a‘an. K‘a‘ru naqatzol rik‘ineb‘ li aatin a‘an naq noko‘aatinak chirixeb‘ lix ka‘pak‘alil? Patz’ reheb’ li komon naq te’xk’oxla k’a’ru te’ruuq chixjalb’al, re naq te’ruuq chi osob’tesiik jo’ yeeb’il sa’eb’ li raqal a’in. K‘a‘ chik ru chi na‘leb‘ k‘eeb‘il sa‘ 3 Nefi 12:3, 6 li nokoxtenq‘a chixtawb‘al ru Mateo 5:3 6?

li Jesukristo nak‘utuk chiruheb‘ lix tzolom

Li Qaawa‘ kixk‘ut chan ru wank sa‘ li yu‘am rik‘in sahilal ut chi wulak chi wank rik‘in li qaChoxahil Yuwa‘.

Mateo 5:14–16

Eb’ lix tzolom li Kolonel tento te’wanq choq’ xsaqen li ruchich’och’.

• K‘a‘ru naraj naxye wank choq‘ “xsaqen li ruchich‘och‘ ”? (raqal 14). K‘a‘ru naraj naxye “xtz‘apb‘al sa‘ uk‘al” (raqal 15), li qasaqenk, ut chan ru naq aalenb‘ilo chixb‘aanunkil a‘in? Li raatin li Awa‘b‘ej Bonnie H. Cordon li natawman sa‘ “Xkomon chik li k‘anjeleb‘aal” ut 3 Nefi 18:24 naru naxtenq‘aheb‘ li komon chi wank choq‘ saqen choq‘ reheb‘ li ras riitz‘in. Naru ajwi‘ neke‘aatinak chirixeb‘ kristiaan li xe‘wan choq‘ saqen choq‘ reheb‘ a‘an malaj li ke‘b‘eresink reheb‘ rik‘in li Jesukristo. Chan ru naq te‘qataaqe li kristiaan a‘an?

Mateo 5:17–48

Li Jesukristo kixk’ut jun li chaq’rab’ li q’axal taqenaq wi’chik, li naru tixk’am qab’e rik’in lix tz’aqalil qe qu.

• Li k‘a‘aq re ru yeeb‘il resil sa‘ Mateo 5 a‘an li na‘uxman chaq sa‘ xkutankil li Kolonel, a‘ut li na‘leb‘ kixk‘ut a‘an yalaq b‘ar nak‘anjelak. Re xtenq‘ankileb‘ li komon chirilb‘al chan ru naq neke‘k‘anjelak li na‘leb‘ a‘an sa‘ xyu‘ameb‘, ye reheb‘ naq te‘xsik‘ ru jun reheb‘ li raqal a‘in, ut te‘xk‘oxla chan ru naq nak‘anjelak li yoo chaq chixk‘utb‘al li Kolonel sa‘ li kutan a‘in: eb‘ li raqal 21–24; 27–30; 33–37; 38–39; 40–42; ut 43–44. Naru te‘xb‘aanu a‘in xjuneseb‘ malaj sa‘ kok‘ ch‘uut, ut te‘xwotz sa‘ li tzoleb‘aal k‘a‘ru xe‘xk‘oxla.

• Chan ru taatenq‘aheb‘ li komon chirilb‘al naq lix taqlahom li Kolonel naq “tz‘aqalaq qe qu” (Mateo 5:48) naraj naxye, jo‘ kixye li Awa‘b‘ej Russell M. Nelson, naq “taatz‘aqloq qu,” malaj naq “tooyaalo‘q”? (“La inminencia de la perfección,” Liahona, enero 1996, 86–88). Naru taaseti jun xjalam-uuch li Kolonel sa‘ kok‘ setel, ut ye reheb‘ li komon naq te‘xtz‘iib‘a chirix li junjunq setel jun aatin re Mateo 5 li neke‘reek‘a naq tento te‘xyu‘ami. Chirix a’an, che’k’anjelaq sa’ komonil re xyiib’ankil li jorb’a-k’a’uxlej. Chan ru naq lix tojb‘al rix li maak xb‘aan li Jesukristo nokoxtenq‘a chi “tz‘aqloq qu,” malaj chi “yaalo‘k”? (chi‘ilmanq K‘utul Raqal reheb‘ li Loq‘laj Hu, “Usilal”). K‘a‘ chik ru naxk‘e chiqataw ru li raatin li Awa‘b‘ej Joy D. Jones li wan sa‘ “Xkomon chik li k‘anjeleb‘aal”?

reetalil li k‘anjeleb‘aal

Xkomon chik li k‘anjeleb‘aal

Wank choq’ saqen.

Li Awa‘b‘ej Bonnie H. Cordon kixye: “Lix b‘oqom li Qaawa‘ naq taqakanab‘ chi lemtz‘unk li qasaqen ink‘a‘ naraj naxye naq taqeek‘asi jun li saqen chi yalaq b‘ar re xkutanob‘resinkil li ruchich‘och‘. Naraj b‘an naxye naq taqajayali li qasaqen re naq li qas qiitz‘in te‘ruuq chirilb‘al li be‘ li nak‘amok rik‘in li Kristo. A‘an xch‘utub‘ankil Israel sa‘ li jun pak‘al a‘in re li tz‘apleb‘ t‘ikr—a‘an xtenq‘ankileb‘ li qas qiitz‘in chirilb‘al k‘a‘ru tento te‘xb‘aanu re ok sa‘ ut re xpaab‘ankileb‘ li sumwank rik‘in li Dios” (“De modo que vean,” Liahona, mayo 2020, 79).

Xsik’b’al xtz’aqalil qe qu.

Li Awa‘b‘ej Joy D. Jones kixye:

“Li Qaawa‘ naraj naq taqayal qaq‘e, ut xyalb‘al qaq‘e naxk‘ameb‘ li maatan. Ink‘a‘ naqakanab‘ xyalb‘al qaq‘e. Junelik yooko chi chaab‘ilo‘k naq yooko chixyalb‘al qaq‘e chixtaaqenkil li Qaawa‘. A‘an ink‘a‘ naxpatz‘ naq tz‘aqalaq qe qu anajwan. Yooko chi taqe‘k chiru jun tzuul Sinai li wan sa‘ li qayu‘am. Jo‘ sa‘ najter kutan, li qab‘eenik naraj li yalok q‘e, li k‘anjelak, ut li tzolok, a‘ut wi k‘eek‘o qach‘ool, te‘qak‘ul li junelikil maatan. …

“Chiqaye chi kaw naq k‘eek‘o qach‘ool chixtaaqenkil li qaChoxahil Yuwa‘ ut li qaKolonel, “chi ink‘a‘ na‘eek‘an li qapaab‘aal chirix, chi kanab‘anb‘il anchal qib‘ chiru lix k‘ulub‘ejil a‘an li kaw xmetz‘ew chi kolok” [2 Nefi 31:19]. Chooxik chi uub‘ej chi sa qach‘ool re k‘iik sa‘ musiq‘ej” (“Jun li b‘oqok k‘a‘jo‘ xnimal ru,” Jolomil ch‘utub‘aj-ib‘ re abril 2020).

Xkawresinkil qib‘ jo‘ aj k‘utunel

Xtenq‘ankileb‘ li komon chi tz‘aqonk. Wankeb’ naab’al li k’anjel li neke’ru chi b’aanumank jo’ tzoleb’aal, sa’eb’ li kok’ ch’uut, ut sa’eb’ li sumal, malaj rik’in jun ch’ina ch’uut chi aj aatinanel. Naru taajal chan ru taab’aanumanq, re naq te’tz’aqonq li ani ink’a’ raj te’tz’aqonq. (Chi‘ilmanq Li k‘utuk jo‘ li Kolonel, 33.)