17–23 Jiyè.

Travay 10–15

“Pawòl Bondye a Te Simaye epi l Te Miltipliye”

Si w etidye Travay 10–15 nan lapriyè anvan w li plan leson sa a, sa ap ede w resevwa enpresyon nan men Senyè a. Ide anba la yo se sèlman sigjesyon yo ye.

Envite Pataj

Envite manm klas yo pou yo pataje avèk yon moun ki chita tou pre yo yon bagay Lespri te anseye yo pandan y ap li Travay 10–15. Envite kèk nan yo pou pataje ide yo avèk tout klas la.

Anseye Doktrin nan

Travay 10; 11:1–18; 15:1–25

Pè Selès la anseye nou liy sou liy pa mwayen revelasyon.

• Kèk manm nan klas la gen dwa mal konprann pwosesis pou resevwa revelasyon an. Sa ta ka petèt ede yo si w ta di yo ki fason Pyè te resevwa revelasyon ak kisa yo kapab fè pou yo avanse devan, “san doute” (Travay 10:20), lè revelasyon sanble l enkonplè oswa pa pur. Panse pou w trase yon liy sou tablo a epi ekri nan youn nan pwent liy nan Yo te preche Janti yo levanjil la. Antanke klas, repase Travay 10 ak 11:1–18, epi apresa, ajoute pwen sou liy nan ki montre kijan Senyè a revele te revele Pyè etap pa etap, ke moman an te rive pou l te preche Janti yo levanjil la. Paregzanp, ou gen dwa kòmanse avèk yon pwen ki rele “Kònèy te fè yon vizyon” (Travay 10:1–6) oubyen menm kòmanse avèk kòmandman Sovè a te bay disip li yo pou yo te “anseye tout nasyon” an nan Matye 28:19. Kisa nou ka aprann osijè revelasyon nan ekperyans Pyè a? Kisa ansèyman Nefi yo sou revelasyon nan 2 Nefi 28:30 ak ansèyman Èldè David A. Bednar nan seksyon “Resous adisyonèl yo” ajoute nan konpreyansyon nou?

  

  Revelasyon pèsonèl souvan vini avèk letan, atravè efò pèsistan.

• Ou gen dwa etidye kèk sitiyasyon nan ekriti yo kote Senyè a te anseye pèp li a liy apre liy. Anplis eksperyans Pyè a nan Travay 10la, manm klas yo ta ka repase eksperyans Nefi a (1 Nefi 18:1–3); Alma (Alma 7:8; 16:20); ak Mòmon (3 Nephi 28:17, 36–40). Ki lòt egzanp manm klas yo ka panse kote moun te resevwa gidans espirityèl “ti mòso isit, ti mòso lòtbò“? (2 Nefi 28:30). Poukisa pafwa Senyè a gen dwa chwazi pou revele bagay yo nan fason sa a olye Li bannou repons yo tout ansanm? (gade Doktrin ak Alyans 50:40; 98:12).

• Pafwa manm yo gen kesyon oubyen enkyetid konsènan chanjman nan règ oswa pwogram yo nan Legliz la. Li ta bon pou nou ta diskite sou fason revelasyon pou kòmanse preche Janti yo levanjil la (gade Travay 10) te ranplase enstriksyon Senyè a te bay disip li yo anvan sa yo (gade Matye 10:1, 5–6). Ou gen dwa montre videyo “Konferans Jerizalèm nan” nan (ChurchofJesusChrist.org). Kijan manm klas yo ta ka reponn yon moun nan epòk Pyè a ki pa ta dakò avèk direksyon Pyè te bay la paske l te kontredi pratik anvan yo? Ki fason revelasyon nan Travay 10 la ka ede nou suiv revelasyon kontini palentèmedyè pwofèt yo?

Travay 10:9–48

“Bondye pa rejte pèsonn.“

• Èske manm klas ou yo ta ka benefisye nan yon diskisyon sou sa savledi “pa rejte pèsonn”? Ou gen dwa kòmanse pa envite klas la pou yo li ekriti ki anseye ke Bondye pa rejte pèsonn yo, tankou Women 2:1–11; 1 Nefi 17:34–40; 2 Nefi 26:32–33; Alma 5:33; Mowoni 8:12; ak Doktrin ak Alyans 1:34–35. Mande yo pou yo ekri kèk definisyon posib sou “pa rejte pèsonn,” ki baze sou sa yo li yo, epi apresa pou yo pataje sa yo te ekri a. Kijan evenman ak prensip nan Travay 10:34–48 yo montre ke Bondye pa rejte pèsonn? Kijan Bondye “aksepte” epi “favorize” moun jis yo menmsi L pa gade sou figi moun? (gade Travay 10:34–35; 1 Nefi 17:35).

  Ou gen dwa ede yo konprann ke “pa rejte pèsonn” nan pa vledi ke Bondye beni tout moun nan fason egal, kèlkeswa aksyon nou. Li vle pou tout pitit li yo aksepte levanjil li a, men plenitid benediksyon levanjil yo rezève pou moun ki fè ak kenbe alyans avèk Li.

Resous adisyonèl

Resevwa revelasyon liy apre liy.

Èldè David A. Bednar te anseye ke: “Anpil nan nou toujou panse nou pral resevwa yon repons oswa yon enspirasyon pou priyè ak siplikasyon sensè nou yo. Epitou nou souvan atann ke yon repons oswa yon enspirasyon konsa ap vini imedyatman epi tout ansanm.. Konsa, nou gen tandans pou n panse ke Senyè a ap ba nou yon gwo repons byen vit e tout yon sèl kou. Sepandan, metòd ki dekri plizyè fwa nan ekriti yo sigjere ke nou resevwa ‘liy apre liy, enstriksyon apre enstriksyon,’ oswa, otremandi, anpil ti repons pandan yon sèten tan.. Li enpòtan pou n rekonèt ak konprann ke metòd sa a se yon kle enpòtan pou nou jwenn enspirasyon ak èd nan men Sentespri a” (“Liy apre liy, Presèp apre Presèp,” New Era, Sept. 2010, 3–4).

Amelyore ansèyman nou

Kòmanse avèk ekriti yo. Anvan w li dokimantasyon siplemantè yo, se pou w etidye ekriti ansyen ak aktyèl yo ak dilijans. Etidye pawòl Bondye a nan yon espri lapriyè ap pèmèt Lespri a ede w itilize sa w te etidye a lè w ap anseye. (Gade nan Anseye nan fason Sovè a, 12.)