iKuri ni iVurevure

Na ivurevure kece oqo e rawa ni kune ena Gospel Library app kei na ChurchofJesusChrist.org

Sere ni Lotu kei na Nodra iVolanisere na Lalai

Na sereivakatagi tabu e dau sureta na Yalo ka vakavulica na ivunau ena dua na sala veivakananumi. Me ikuri ni kena e tabaki ena Serenilotu kei na iVolanisere ni Gonelalai, e rawa ni o kunea na katokatoni ni vidio kei koya e rogoci ena levu na serenilotu kei na sere ni lalai ena music.ChurchofJesusChrist.org vakakina ena Sacred Music kei na Gospel Media apps.

iVolavakarau ni Semineri kei na Inisitute

iVolavakarau ni Semineri kei na Inisitute e vakarautaka na ivolavakarau ni semineri kei na inisitute na itukutuku yavu kei na ivakamacala vakaivunau ni ivakavuvuli ena ivolanikalou. Era rawa talega ni veivakauqeti ena iwalewale ni veivakavulici me baleta na kalasi ni Vuli ni Sigatabu.

Mekasini ni Lotu

Na Liaona kei na Me iSakisaki ni iTabagone e vakarautaka na itukutuku kei na vei iyaya tale eso ka rawa ni vakaikuritaka na ivakavuvuli o vakavulica tiko ena Lako Mai, Mo Muri Au—Baleta na Vuli ni Sigatabu.

Veiulutaga va-Kosipeli

Ena Veiulutaga va-Kosipeli (topics.ChurchofJesusChrist.org) e rawa ni o kunea kina na itukutuku me baleta na veiulutaga duidui va-kosipeli, kei na isema ni ivurevure e veivuke, me vaka na vosa ni koniferedi raraba, italanoa, ivolanikalou, kei na yaloyalo. E rawa talega ni o kunea na Gospel Topics Essay, ka solia na isau ni taro titobu ni taro vakaivunau kei na itukutuku makawa.

Vunautaka na Noqu Kosipeli

Na ivola dusidusi oqo ni daukaulotu e vakarautaka tiko e dua na rai raraba baleta na ivakavuvuli taumada ni kosipeli.

Me iSakisaki ni iTabagone (ivolalailai)

Na ivurevure oqo e tuvanaki tu kina na ivakatagedegede ni Lotu ka rawa ni vukei keda meda bulataka na kosipeli ka marautaka na veitokani ni Yalotabu. Navuca mo rai lesu tiko kina vakawasoma, vakabibi kevaka o vakavulici ira tiko na itabagone.

Vidio kei na Droini

Sa rawa ni veivuke na cakacaka ni liga, vidio, kei na itukutuku raraba tale eso vei ira o vakavulica mera kilamatata na ivunau kei na italanoa e sema ki na ivolanikalou. Sikova na Gospel Media ena ChurchofJesusChrist.org me vakaraica na ivakasokumuni ni itukutuku ni ivurevure ni Lotu. Na Gospel Media e tiko talega ena app. ni talevoni veikauyaki. E levu na iyaloyalo e rawa ni o vakayagataka ena kalasi ena kunei ena Gospel Art Book.

Veivakavulici ena iVakarau ni iVakabula

Veivakavulici ena iVakarau ni i Vakabula e rawa me vukei iko mo vulica ka bulataka na ivakavuvuli eso ni veivakatavulici va-Karisito. Na ivakavuvuli eso oqo e dau veivosakitaki ka taurivaki ena soqoni ni matabose ni qasenivuli.