Bwaai n Ibuobuoki Riki Tabeua

Bwaai n Ibuobuoki aikai a kona n reke n te Gospel Library app ao iaon ChurchofJesusChrist.org.

Anene n Taromauri ao Aia Boki n Anene Ataei

Katangitang aika tabu a kaoa te Tamnei ao a reirei te reirei n te anga ae kai uringaki. N reitan katooto aika a tia ni boretiaki ibukin Anene n Taromauri ao Aia Boki n Anene Ataei ko kona n noori katangitang ao witeo ibukin anene n taromauri ao aia anene ataei aika mwaiti iaon music.ChurchofJesusChrist.org ao n te Sacred Music ao Gospel Media apps.

Bokin Reirei n te Tieminari ao n te Intitute

Booki n reirei ibukin te Tieminari ao Intitute a katauraoi rongorongon ao kabwarabwaraan taian koaua iaon reirei ake a kuneaki inanon koroboki aika tabu. A konaa naba ni kaungai iango n anga reirei n te kiraati n te Reirei n Tabati.

Ana Maekatin te Ekaretia

Maekatiin aika te Riaona ao Ibukin Kakorakoraia Kairake e katauraoi rongorongo ao tabeua riki kanoana are kona n raoni reirei ake ko reiakin man Nakomai, Iriirai—Ibukin te Reirei n Tabati .

Atuun Rongorongo n te Euangkerio

N Gospel Topics (topics.ChurchofJesusChrist.org) ko konaa ni kunei rongorongo aika kimototo iaon aekakin nako atuun reirei n te euangkerio, n reitaki ma kawai nakon bwaai n ibuobuoki aika manena n aron marooro n te maungatabu ake a irekereke, rongorongo, koroboki aika tabu, ao witeo. Ko kona naba n nori Koroboki iaon Atuun Rongorongo n te Euangkerio, are e keni riki rongorongo iaon mwarara nakon reirei ao rongorongo.

Taetaekina Au Euangkerio

Te bwai ni kairi ibukiia mitinare e katauraoa tein aron kabwarabwaraan reirein te euangkerio aika bebete.

Ibukin Kakorakoraia Kairake (boki ae uarereke)

Te bwai n ibuobuoki aio e kawenei katein te Ekaretia are a konaa ni buokiira ni maiuakina te euangkerio ao n raonaki iroun te Tamnei ae Raoiroi. Iangoia bwa ko na okiokiria n tataraia, ai moararariki ngkana ko reireiniia te roronrikirake.

Witeo ao Korobanna

Korobanna, witeo, ao tabeua bwaai ni kaongora a konaa ni buokiia naake ko reireiniia ni karekea te mataata n reirei ao ni katamnei karaki ake a irekereke ma koroboki aika tabu. Nakon Gospel Media iaon MediaLibrary.ChurchofJesusChrist.org n taratarai ana kanoa te Ekaretia are e na buoka te ongora. E tauraoi naba te Gospel Media bwa te mobile app. E mwaiti tamnei ake ko na kabonganai n te kiraatiruum ake a kuneaki n te Gospel Art Book.

Reirei n ana Kawai te Tia Kamaiu

Reirei n ana Kawai te Tia Kamaiu e kona ni buokiko n reiakinii ao ni karaoa nanon ana reirei te Tia Kamaiu. Reirei aikai a maroroakinaki ao ni karaoaki n aia bootaki ni kauntira taan reirei.