“Tānakiʻanga Meʻakai mo e Vai Taimi Lōloá,” Mateuteu ki he Meʻa Fakatuʻupakeé (2023)

Tānakiʻanga Meʻakai mo e Vai Taimi Lōloá

Talateu

Ko e tokonaki ha meʻakai mo ha vai ki ha taimi lōloá, ʻoku mahuʻinga ai ke mateuteu ʻa e fakafoʻituituí mo e ngaahi fāmilí telia naʻa hoko ha meʻa fakatuʻupakē, hangē ko ha fakatamaki fakaenatula, faingataʻa fakaʻekonōmika, pe puke. ʻOku faʻa uesia ʻe he ngaahi meʻa fakatuʻupakē hangē ko ʻení ʻa e maʻuʻanga meʻakaí mo e maʻuʻanga vaí, ka ʻi hono teuteu ha meʻakai mo ha vai taimi lōloá, te ke lava ai ʻo mateuteu ki he taimi faingataʻá.

ʻI heʻetau hoko ko e kau mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, ʻoku poupouʻi kitautolu ke tānaki māmālie ha meʻakai lahi feʻunga ki ha taimi lōloa. “Kuo fekauʻi kitautolu ʻe he [Tamai Hēvaní] ʻi he ʻofa ke tau ʻteuteu ʻa e meʻa ʻaonga kotoa pē’ (vakai, T&F 109:8) koeʻuhí ka hoko mai ha faingataʻa, te tau lava ʻo tauhi kitautolu mo hotau kaungāʻapí pea mo poupouʻi ʻa e kau pīsopé ʻi heʻenau tokoniʻi ʻa e niʻihi kehé” (Teuteu ʻa e Meʻa ʻAonga Kotoa: Feleoko ʻo e Fāmilí ʻi ʻApí [2007], 2)

Neongo ʻe ʻasi kehe ha tānakiʻanga meʻakai taimi lōloa ʻo fakatatau mo ho tūkungá, fakakaukau ki he meʻa te ke lava ʻo fai ke tānaki māmālie ai hoʻo meʻakai ki ha meʻa fakatuʻupakē, ʻaki haʻo muimui ki ha niʻihi ʻo e ngaahi fakahinohino mo e ngaahi fokotuʻu taimi lōloa ko ʻení.

Ko e hā ha Meʻakai ʻe Lava ke Tauhi ʻi ha Taʻu ʻe 30 pe Lōloa Ange?

ʻĪmisi

meʻakai mōmoa ʻi ha ngaahi hina

ʻE lava ke taʻu ʻe 30 pe lōloa ange ʻa e meʻakai hangē ko e piini mōmoá, uité, laisé, mo e pasta mōmoá, ʻo ka faʻo fakalelei mo tuku ʻi ha feituʻu mokomoko mo mōmoa. Ka faʻo fakalelei, ʻe kei ʻaonga pē ʻa e meʻakai ʻoku siʻi ai ʻa e vaí, ʻoku tauhi ʻi ha māfana tatau mo e loki pe ʻi ha meʻa fakamokomoko (24°C/75°F pe māʻulalo ange) pea kei lava ke kai ʻi ha taimi lōloa ange, ʻi he anga ʻo e ngaahi fakakaukau kimuʻá, pea fakatatau mo e ola ʻo e ngaahi fakatotolo fakasaienisi kimui ní. Ko e fakafuofua ki he tolonga ʻo ha ngaahi meʻa lahi kuo aʻu ki he taʻu ʻe 30 pe toe lōloa ange (vakai ki he saati ʻi laló ki he ngaahi fakafuofua foʻou ki heʻene tolongá). ʻOku fakahaaʻi ʻe he ngaahi fakatotoló neongo kuo tauhi ʻi ha taimi lōloa, ʻe kei lava pē ʻe he ngaahi meʻakai ko ʻení ʻo tokoniʻi ʻa e moʻuí ʻi ha meʻa fakatuʻupakē.

Meʻakai	Fakafuofua Foʻou ki heʻene Tolonga ke “Tokoniʻi ʻa e Moʻuí” (ʻi he Taʻú)
Meʻakai Uité	Fakafuofua Foʻou ki heʻene Tolonga ke “Tokoniʻi ʻa e Moʻuí” (ʻi he Taʻú) 30+
Meʻakai Laise Hinehiná	Fakafuofua Foʻou ki heʻene Tolonga ke “Tokoniʻi ʻa e Moʻuí” (ʻi he Taʻú) 30+
Meʻakai Koané	Fakafuofua Foʻou ki heʻene Tolonga ke “Tokoniʻi ʻa e Moʻuí” (ʻi he Taʻú) 30+
Meʻakai Suká	Fakafuofua Foʻou ki heʻene Tolonga ke “Tokoniʻi ʻa e Moʻuí” (ʻi he Taʻú) ʻIkai fakangatangata
Meʻakai Piini Pinitoó (Pinto beans)	Fakafuofua Foʻou ki heʻene Tolonga ke “Tokoniʻi ʻa e Moʻuí” (ʻi he Taʻú) 30
Meʻakai Polisí	Fakafuofua Foʻou ki heʻene Tolonga ke “Tokoniʻi ʻa e Moʻuí” (ʻi he Taʻú) 30
Meʻakai Pasitaá (pasta)	Fakafuofua Foʻou ki heʻene Tolonga ke “Tokoniʻi ʻa e Moʻuí” (ʻi he Taʻú) 30
Meʻakai Pateta Oʻi (flakes)	Fakafuofua Foʻou ki heʻene Tolonga ke “Tokoniʻi ʻa e Moʻuí” (ʻi he Taʻú) 30
Meʻakai ʻĀpele kuo hifí	Fakafuofua Foʻou ki heʻene Tolonga ke “Tokoniʻi ʻa e Moʻuí” (ʻi he Taʻú) 30
Meʻakai Huʻakau efuefu ʻoku ʻikai ha ngako aí	Fakafuofua Foʻou ki heʻene Tolonga ke “Tokoniʻi ʻa e Moʻuí” (ʻi he Taʻú) 20
Meʻakai Kāloti fakamōmoá	Fakafuofua Foʻou ki heʻene Tolonga ke “Tokoniʻi ʻa e Moʻuí” (ʻi he Taʻú) 10

Ngaahi Meʻakai Mōmoa ʻOku ʻIkai Fokotuʻu Atu ki ha Tānakiʻanga Meʻakai Taimi Lōloa

Ko e taimi ʻoku fakakaukauʻi ai pe ko e hā ʻa e meʻakai ke kau ʻi hoʻo meʻakai tauhi lōloá, ʻoku mahuʻinga ke manatuʻi kuo pau ke mōmoa ʻa e meʻakaí (pēseti pē ʻe 10 pe siʻi ange ʻa e hauhau hono kakanó). Ko ha ngaahi meʻa mōmoa ʻeni ʻoku ʻIKAI totonu ke fakakau ʻi hoʻo tānakiʻanga meʻakai taimi lōloá:

Paʻale, teuteuʻi (pearled)	Kakanoʻi manu, fakamōmoa (hangē ko e jerky)
Fuaʻimoa, fakamomoá	Natí
Mahoaʻá, uite ʻataʻatā	Laise, melomeló
Kēleni, ʻosi momosi (kehe mei he polisí)	Suka, kulá
Kulenolá (granola)	Vesitapolo mo e fuaʻiʻakau, ʻosi fakamōmoá (tuku kehe kapau kuo mōmoa feʻunga, ʻa loto mo tuʻa ke mafahi ʻi ha taimi ʻe kokoʻi ai)
Pata, faʻo hina pe faʻo kapa	Sokoleti

Ngaahi Meʻakai Kehe ke Fakakau ʻi Hoʻo Tānakiʻanga Meʻakai Taimi Lōloá

Makehe mei hono tauhi ʻo e ngaahi meʻakai ʻoku hiki atu ʻi he sātí, ʻi he “Ko e Hā ʻa e Meʻaki ʻe Lava ʻo Tauhi ʻi ha Taʻu ʻe 30 pe Lōloa Angé?” te ke ala fiemaʻu ke tānaki mo ha ngaahi meʻa kehe ki hoʻo tānakiʻanga meʻakai taimi lōloá, hangē ko e suká, huʻaku efuefu ʻoku ʻikai ngako, māsima, sota taʻo-meʻa, mo e lolo ngaohi kaí. Toe tokonaki mo e ngaahi meʻakai ʻoku ʻi ai ʻa e vaitamini C mo ha ngaahi meʻakai kehe ʻoku mahuʻinga ke feau ʻa e ngaahi fiemaʻu fakameʻatokoní.

Ko e hā e Lahi ʻo e Meʻakai ʻoku Fiemaʻu ke U Tauhi ʻi ha taimi lōloa ki he Tokotahá?

Ko e ngaahi fokotuʻu fekauʻaki mo e faʻahinga meʻakai ʻoku totonu ke fakakau ʻi hoʻo fakatolonga meʻakai taimi lōloá pea mo e lahi ʻo e meʻakai ʻoku totonu ke ke maʻu ki he tokotaha takitaha ʻi ho fāmilí, fakakaukau ke fakaʻaongaʻi ʻa e maʻuʻanga tokoni ko ʻení mei he BYU Department of Nutrition, Dietic, and Food Science: “An Approach to Longer Term Food Storage.”

Ko e hā hano totongi ʻo ha Meʻakai ke Tauhi ʻi ha Taimi Lōloa?

ʻE ala kehekehe pē ʻa e totongí ʻo fakatatau mo e feituʻú mo e founga ʻokú ke fakatau ai hoʻo meʻakai ʻoku tokonakí. ʻOku mahuʻinga ke manatuʻi ʻoku ʻikai totonu ke ke fai ha meʻa ʻoku fuʻu tōtuʻa; hangē ko ʻení, fakaʻehiʻehi mei he fakamoʻua ke fokotuʻu fakaʻangataha pē ʻa e meʻakai ke tānakí. Tātānaki māmālie pē hoʻo meʻakai ʻoku tokonakí ke vahevahe ʻa e mahuʻinga fakalūkufua ʻo e fakamolé ʻi ha vahaʻataimi.

ʻOkú Ke Tauhi Fēfē ʻa e Vai ki he Taimi Lōloá?

Kapau ʻoku maʻu hangatonu ʻa e vaí mei ha maʻuʻanga vai ʻoku lelei mo ʻosi faitoʻo, pea ta ʻoku ʻikai fiemaʻu ke toe faitoʻo; ka ʻikai, pea ʻuluaki faitoʻo ʻa e vaí kimuʻa pea toki fakaʻaongaʻi. ʻOku ʻikai fiemaʻu ke toe faitoʻo ʻa e vai mei ha maʻuʻanga vai fakakolo kuo ʻosi faitoʻó, kapau ʻoku tauhi ʻi ha ngaahi ʻaiʻanga vai pe ʻi ha ngaahi tānakiʻanga meʻakai ʻoku maʻa. Ko e vai ʻoku teʻeki faitoʻo ʻaki ʻa e kolōliní ʻoku totonu ke faitoʻo ʻaki ʻa e bleach. ʻAi ha tulutā ʻe 8 ʻo e huhuʻa chlorine bleach (peseti ʻe 5 ki he 6 ʻo e sodium hypochlorite) ki he lita vai ʻe 4 kotoa pē (kālani ʻe 1). Fakaʻaongaʻi pē ʻa e bleach ki he ʻapí ʻa ia ʻoku ʻikai toe huʻi fakamatolu, pe ʻi ai hano nanamu, pe ha meʻa ʻe toe tānaki ki ai. Tauhi ʻa e vaí ʻi ha ngaahi ʻaiʻanga vai fefeka, ʻikai mama, mo faingataʻa ke maumau. Fakakaukau ke ke fakaʻaongaʻi ha ʻū hina pelesitiki, ʻa ē ʻoku angamaheni ke fakaʻaongaʻi ki he huhuʻa inu melié (juices) mo e inu kasá (soda). Tuku ʻa e ngaahi hina vaí ke mamaʻo mei ha ngaahi meʻa ʻoku mafana pe mei he ulo hangatonu ʻo e laʻaá. Ako lahi ange ki he fakatolonga mo e faitoʻo ʻo e vaí, ʻi hení.

Ngaahi Tuʻunga ʻo e Meʻakai Fakatolonga ki ha Taimi Lōloá

ʻE lava ke uesia lahi ʻa e tolonga ʻo e meʻakaí ʻi he ngaahi tūkunga ko ʻení:

Māfana ʻo e ʻEá: Tauhi e koloá ʻi he māfana ʻo e 24°C/75°F pe maʻulalo ange ʻi he taimi ʻe lava aí. Kapau ʻoku māʻolunga ange ʻa e māfana ʻo e tukuʻanga meʻakaí, fefulihiʻaki ʻa e koloá ʻo ka fiemaʻu ke pukepuke hono tuʻunga leleí.
Hauhaú: ʻAi ke mōmoa e ngaahi feituʻu ʻoku tauhi aí. Ko e lelei tahá ke ʻoua ʻe tuku ʻa e ngaahi ʻaiʻanga meʻá ʻi he falikí kae lava ke fehūfaki ʻa e ʻeá.
Māmá: Maluʻi ʻa e lolo feimeʻatokoní mo e koloa tauhi ʻi ha ngaahi hina pelesitikí mei he maamá.
ʻInisēkité mo e fanga kumaá: Maluʻi ʻa e ngaahi koloa ʻoku tauhí ʻi ha foila mo ha ngaahi hina pelesitiki, mei he kumaá mo e ʻinisēkite maumaʻú. Ko e fanga kiʻi tangaí (pouches) ʻoku ʻikai malu mei he kumaá. Kapau ʻe ala hoko ʻa e kumaá pe ha fanga kiʻi manu fakakina kehe ko ha palopalema ʻi he feituʻu tukuʻangá, ʻoku totonu leva ke faʻo ʻa e fanga kiʻi tangaí ʻi ha ngaahi ʻaiʻanga meʻa ʻoku malu mei he kumaá mo e fanga kiʻi manu fakakiná.

Ngaahi Fokotuʻu ki he Fakatolonga ki ha Taimi Lōloá

Kapau ʻokú ke fakakaukau ke tauhi ʻa e meʻakaí ʻi homou ʻapí, ʻoku fokotuʻu atu ʻa e ngaahi meʻa faʻoʻanga meʻakai taimi lōloa ko ʻení:

Fanga kiʻi tangai foila (maʻu mei he Potungāue Tufakiʻanga Naunau ʻa e Siasí)
Ngaahi hina PETE (ki he ngaahi meʻa mōmoá hangē ko e uité, koané, mo e pīní)

Ngaahi Hina PETE ki he Tauhi Taimi Lōloá

ʻE lava ke fakaʻaongaʻi ʻa e ngaahi hina ngaohi mei he PETE (polyethylene terephthalate) pelesitikí mo ha meʻa toʻo ʻosikena ki he fakatolonga ʻo e ngaahi meʻa hangē ko e kelení (grains). ʻOku fakaʻilongaʻi ʻa e ngaahi hina ʻaiʻanga meʻa PETE ʻaki ʻa e ngaahi mataʻitohi PETE pe PET ʻi lalo he fakaʻilonga ki he recycle. ʻE toe lava foki ke fakaʻaongaʻi ʻa e ngaahi hina PETE ki he fakatolonga taimi nounoú (aʻu ki ha taʻu ʻe 5) ʻi he ngaahi meʻakai mōmoa angamaheni hangē ko e laise hinehiná.

ʻOku hanga ʻe he ngaahi hina ʻaiʻanga meʻa ko ʻení, ʻo ka fakaʻaongaʻi mo e meʻa toʻo ʻosikená, ʻo taʻofi ʻa e ngaahi ʻinisēkite tupu ʻi he meʻakaí pea mo tokoni ke fakatolonga ʻa e tuʻunga lelei fakameʻakaí mo hono ifó. ʻI ha ngaahi tūkunga ʻe niʻihi, te ke toe lava ke fakaʻaongaʻi ha ngaahi kane pelesitiki ke tauhi ai ha meʻa hangē ko e uité, piini mōmoá, mo ha ngaahi meʻa mōmoa kehe ʻoku ngali he ʻikai tuʻunga fulufuluá, ʻi ha taimi lōloa.

Fanga Kiʻi Tangai Foila ki he Tānakiʻanga Meʻakai Taimi Lōloá

FAQ

Ko e hā e faʻahinga tangai ʻoku maʻu ʻi he ngaahi senitā ki he fakatolonga meʻakai ʻi ʻapí, ʻi he Tafaʻaki Tufakiʻanga Nāunaú, mo e ʻinitanetí ʻi he store.ChurchofJesusChrist.org?

ʻOku ngaohi ʻa e fanga kiʻi tangaí ʻaki ha ngaahi pelesitiki lō-lahi mo e ʻalaminiume. Ko e meʻa ʻoku ʻai ʻakí ʻoku milimita ʻe 7 (maikoloni ʻe 178) pea ʻokú ne maluʻi ʻa e meʻakaí mei he hauhaú mo e ʻinisēkité.
Ko e hā e faʻahinga meʻakai ʻe lava ke faʻo ʻi he fanga kiʻi tangaí (pouches)?

ʻE lava ke fakaʻaongaʻi ʻa e fanga kiʻi tangaí ke faʻo ai ha meʻakai ʻoku mōmoa (meimei pēseti ʻe 10 pe siʻi ange hono hauhaú), ʻoku tolonga mo siʻi ai ʻa e loló. ʻE lava ke hoko ha konā ʻi he Botulism, kapau ʻe tauhi ʻa e meʻá ʻi ha kofukofu ʻoku holoki ai ʻa e ʻosikená.
Ko e hā ʻa e lahi ʻo e meʻakai ke faʻo ʻi he kiʻi tangai takitaha?

Ko e kiʻi tangaí takitaha ʻoku lava ke faʻo ai ha kālani ʻe taha (lita ʻe 4) ʻo e meʻa ʻoku tauhí. ʻOku kehekehe pē honau mamafá ʻo fakatatau mo e meʻá. Ko e kiʻi tangai ʻe tahá ʻe lava ke faʻo ai ha pāuni uite ʻe 7 (kilokalami ʻe 3.2), laise hinehina pāuni ʻe 6.8 (kilokalami ʻe 3.1) mo ha huʻakau efuefu pāuni ʻe 5 (kilokalami ʻe 2,3).
ʻOku ʻi ai ha faʻahinga anga ʻo e meʻakaí ʻi ha tangai ʻalaminiume?

ʻIkai. ʻOku ʻikai fehokotaki ʻa e meʻakaí ia mo e ʻalaminiumé he ʻoku fakamavahevaheʻi ia ʻe ha kiʻi ʻaofi pelesitiki manifi mei he meʻakaí. ʻOku mahuʻinga hano maluʻi ukamea ke malu ʻa e meʻakaí mei he hauhaú mo e ʻosikená.
Ko e hā ʻa e founga lelei taha ke silaʻi ai ʻa e fanga kiʻi tangaí?

ʻOku totonu ke silaʻi ʻa e fanga kiʻi tangaí ʻo ngāueʻaki ha sila peheni [impulse sealer] (vakai ki he fakahinohino ki aí). ʻOua naʻa fakaʻaongaʻi ha meʻangāue ukamea pe tutu koeʻuhí he ʻe ʻikai ke ne silaʻi malu ʻe ia, tautautefito ki he meʻakai efuefu hangē ko e mahoaʻá mo e huʻakau efuefú. Ko e meʻa sila ʻoku fakaʻaongaʻi ʻe he Potungāue Uelofeá (American International Electric AIE 305 A1 mo e Mercier ME 305 A1) ʻoku kātoi ai ʻa e ngaahi fiemaʻu pau ko ʻení: sila 3/16 ʻo e ʻinisi (milimita ʻe 5) fālahi, ʻinisi 11.5 (milimita ʻe 305) hono lōloá, ʻo aʻu ki he 8-mil (microns 205), ʻa e tangai matolú, pea fakanaunau ʻaki ha meʻa kamosi ke kaniseli hono fakaʻaongaʻí kapau ʻoku uesia hono ngutú.
Te u maʻu ʻi fē ha meʻa sila?

ʻOku maʻu ʻa e meʻa silá ʻi ha ngaahi senitā lahi ki hono tauhi ʻo e meʻakaí ʻi ʻapí. ʻOku lahi foki mo ha ngaahi siteiki ʻoku nau maʻu ha meʻa sila. Kapau ʻokú ke saiʻia ai, te ke lava ʻo fakatau ha meʻa sila mei he Tafaʻaki Tufakiʻanga Nāunaú pe ʻi he ʻinitanetí ʻi he store.ChurchofJesusChrist.org.
ʻOku fiemaʻu nai ke toʻo kotoa ʻa e ʻeá mei he fanga kiʻi tangaí?

ʻIkai. ʻOku toʻo ʻe he meʻa toʻo ʻeá ʻa e ʻosikená mei he lotoʻi tangaí. ʻOku toʻo ʻe he siʻi ʻa e ʻosikená ʻa e fanga ʻinisēkite tupu ʻi he meʻakaí mo tokoni ke pukepuke ʻa e tuʻunga lelei ʻo e meʻakaí.
ʻOku fakanatula nai ke manumi ki loto ʻa e ongo tafaʻaki ʻo e tangaí, ʻi he taimi ʻoku ʻosi silaʻi aí?

Ko e lahi taha ʻo e ngaahi koloá, ʻe kiʻi manumi ki loto ʻa e tangai kuo ʻosi silaʻí ʻi ha ʻosi ha ngaahi ʻaho siʻi. ʻOku fakatokangaʻi lahi ange ʻeni ʻi he meʻakai momo iikí (granular) kae ʻikai ʻi he meʻaki efuefú.
ʻOku totonu ke tauhi fēfē ʻa e meʻakai ʻoku faʻo tangaí?

ʻOku tauhi lelei taha ʻa e fanga kiʻi tangaí ʻi ha feituʻu mokomoko, mōmoa, mo ʻikai ke ʻi ai ha fanga kumā. ʻOku ʻikai totonu ke pā ʻa e ngaahi tukuʻanga meʻá ki he faliki simá pe holisí.
ʻOku hao ʻa e fanga kiʻi tangaí mei he kumaá?

Ko e fanga kiʻi tangaí, ʻoku ʻikai hao ia mei he kumaá. Kapau ʻe ala hoko ʻa e kumaá pe ha fanga kiʻi manu fakakina kehe ko ha palopalema ʻi he feituʻu tukuʻangá, ʻoku totonu leva ke faʻo ʻa e fanga kiʻi tangaí ʻi ha ngaahi ʻaiʻanga meʻa ʻoku malu mei he kumaá mo e fanga kiʻi manu fakakiná. ʻOua naʻa faʻo kinautolu ʻi ha faʻoʻanga meʻa naʻe ʻosi fakaʻaongaʻi ke tauhi ai ha meʻa naʻe ʻikai ko ha meʻakai.
ʻOku totonu nai ke faʻo e ngaahi naunau ki he meʻa fakatuʻupakeé ʻi ha fanga kiʻi tangai?

ʻOku lahi ha ngaahi meʻa fakatuʻupakē ʻoku ʻikai feʻunga ke faʻo ʻi he fanga kiʻi tangai foilá. ʻOku tauhi lelei taha ʻa e ngaahi naunau ki he ʻuluaki tokoní mo e meʻakaí, hangē ko e kulenolá, ʻi ha ngaahi faʻoʻanga meʻa ʻoku toʻongofua hono tāpuní ke lava ʻo fulifulihi.

Fakatokangaʻi ange: ʻE lava ke hoko ha konā ʻi he Botulism kapau ʻe tauhi ha meʻakai hauhau ʻi ha faʻoʻanga ʻoku holoki ai ʻa e ʻosikená. Ko e taimi ʻoku tauhi ai ʻi ha meʻa ʻaiʻanga ʻoku toʻo ai ʻa e ʻosikená, kuo pau ke mōmoa ʻa e meʻakaí (meimei ke pēseti ʻe 10 pe toe siʻi ange ai ʻa e hauhaú).

Ke maʻu ha fakamatala lahi ange ki hono faʻo malu ʻo e meʻakai ke tauhi lōloá, ʻalu ki he “Te ke Faʻo Fēfē ʻa e Meʻakai ke Tolonga Fuoloá?”

Te ke Faʻo Fēfē ʻa e Meʻakai ke Tolonga Fuoloá?

Ko e Fakatolonga ʻi he Ngaahi Hina PETE

Fakaʻaongaʻi e ngaahi hina PETE ʻoku nau maʻu ʻa e ngaahi tāpuni ʻoku mioʻi hifo mo honau sila pelesitiki pe ulapa. Te ke lava ʻo fakapapauʻi ʻoku malu ʻa e tāpuní ʻo ʻikai mama, ʻaki hano lomiʻi ha foʻi ngeʻesi hina kuo silaʻi ʻi ha loto vai ʻo lomiʻi ai. Kapau te ke sio ʻoku pulopula hake ʻa e ʻeá mei he foʻi hiná, ʻe mama ia.

Fakamaʻa ʻa e ngaahi hina ʻoku ʻosi fakaʻaongaʻí ʻaki ha koa fufulu ipu pea fufulu fakaʻāuliliki ke toʻo ʻaki ha toenga ʻuli. Huaʻi ʻa e vaí pea tuku ke mōmoa kakato ʻa e ʻū hiná kimuʻa peá ke toki fakaʻaongaʻi ia ke tānaki ai ha ngaahi meʻakai.

Faʻo ha meʻa toʻo ʻosikena (oxygen absorber) ʻi he foʻi hina takitaha. ʻE lava ke fakaʻaongaʻi ha meʻa toʻo ʻosikena ʻi he ngaahi ʻaiʻanga meʻa ʻoku kālani ʻe 1 (lita ʻe 4).

Fakafonu ʻa e ngaahi foʻi hiná ʻaki ha uite, koane, pe piini mōmoá.
Holoholoʻi ʻa e konga ʻi he ngutú ʻaki ha konga tupenu mōmoa pea mioʻi tāpuni hifo ke mapuni ʻaupito.
Tuku ʻa e koloá ʻi ha feituʻu mokomoko, mōmoa, ʻo mamaʻo mei he māmá.
Maluʻi ʻa e koloá mei he fanga kumaá.
Fakaʻaongaʻi ha meʻa toʻo ʻosikena foʻou ʻi he taimi kotoa pē ʻokú ke fakafonu ai ha foʻi hina ki he tukuʻanga meʻá.

Ko Hono Fakaʻaongaʻi ʻo e Meʻa Toʻo ʻOsikená

ʻOku maluʻi ʻe he mea toʻo ʻosikená ʻa e meʻakai mōmoá mei ha maumau mei he ʻinisēkite pea tokoni ke fakatolonga e tuʻunga lelei ʻo e koloá. ʻOku fakaʻaongaʻi ia ʻi he taimi ʻoku faʻo ai ʻa e meʻakai mōmoá ʻi ha ngaahi faʻoʻanga meʻa ʻoku silaʻi. ʻOku ʻikai maʻu ʻa e meʻa toʻo ʻokisikená ʻi he ngaahi senitā tukuʻanga koloa ʻi ʻapí, ka ʻe lava pē ke fakatau ʻi he ʻinitanetí ʻi he store.ChurchofJesusChrist.org.

NFOFLHE

ʻOku ngaohi ʻa e meʻa toʻo ʻosikená mei he hā?

Ko e meʻa toʻo ʻosikená ko ha fanga kiʻi pēketi ʻoku ʻi ai ʻa e efuefu ukamea. ʻOku ngaohi ʻa e fanga kiʻi pēketí mei ha naunau ʻokú ne fakaʻatā ʻa e ʻosikená mo e hauhaú ke hū ai ka ʻoku ʻikai ke ne tuku ʻa e efuafu ukameá ke hū ki tuʻa.
ʻOku ngāue fēfē ʻa e meʻa toʻo ʻosikená?

ʻOku ʻai ʻe he hauhau ʻi he meʻakai kuo faʻó ʻa e ukamea ʻi he meʻa toʻo ʻosikená ke ʻumeʻumea. ʻI heʻene ʻumeʻumeá, ʻoku puke leva ʻe he ukameá ʻa e ʻosikena. ʻOku ngāue lelei ʻa e ngaahi meʻa toʻo ʻosikena ʻoku fua ki he kiupiki senitimita ʻe 300 (cc) ki ha faʻo fakalelei ha ngaahi meʻakai mōmoa ʻi ha ngaahi faʻoʻanga ʻo aʻu hono lahi ki he kālani ʻe 1 pe (lita ʻe 4).
ʻOku tatau nai hono fakaʻaongaʻi ʻo e meʻa toʻo ʻosikená mo e ngāueʻaki ʻo e faʻo vekiumé?

ʻOku lelei ange hono toʻo ʻe he meʻa toʻo ʻosikená ʻa e ʻosikená, ʻi ha faʻo vekiumē. Ko e ʻeá ʻoku meimei pēseti ʻe 20 ʻosikena pea pēseti ʻe 80 naitoloseni. Ko e meʻa toʻo ʻosikená ʻokú ne toʻo ʻe ia ʻa e ʻosikená pē. Ko e toenga ʻea ʻi he ʻaiʻangá ʻoku meimei ko e naitoloseni pē pea he ʻikai ke ne uesia ʻa e meʻakaí pe tuku ke tupu ai ha ʻinisēkite.
Ko e hā ha faʻahinga koloa [meʻakai] ʻe lava ke tauhi ʻo fakaʻaongaʻi ai ʻa e meʻa toʻo ʻosikena?

Ko e koloa meʻakai ʻoku totonu ke siʻi ai ʻa e hauhaú (fakafuofua ki he pēseti pē ʻe 10 ʻOku totonu ke maʻulalo ʻa e koloa meʻakai ʻi he hauhaú (meimei pēseti ʻe 10 pe siʻi ange) mo e ngaahi meʻa ʻoku ʻi ai e loló. Kapau ʻoku ʻikai ke siʻisiʻi feʻunga ʻa e hauhaú, ko hano fakatolonga e ngaahi koloa meʻakaí ʻi ʻaiʻangameʻa kuo holoki e ʻosikená ʻe lava ke iku ʻo koná ʻi he botulism.
Ko e hā e faʻahinga faʻoʻanga meʻa ʻe lava ke fakaʻaongaʻi ai ʻa e meʻa toʻo ʻosikená ke fakatolonga ha meʻakai?

ʻOku totonu ke fakaʻaongaʻi ʻa e meʻa toʻo ʻosikená ʻi ha faʻoʻanga meʻa ʻoku malu mei he hauhaú mo e ʻosikená. ʻOku ngāue lelei ʻa e ngaahi ʻaiʻanga meʻa ko ʻení:
- Ngaahi kapa ukameʻa ʻoku tāpuni malu.
- Fanga kiʻi tangai foila (hangē ko ia ʻoku ʻomai ʻe he ngaahi senitā tukuʻanga koloa ʻa e Siasí ki he ʻapí pea ʻoku maʻu ʻi he store.ChurchofJesusChrist.org)
- Ngaahi hina pelesitiki PETE mo honau tāpuni ʻoku malu he ʻeá mo mioʻi hifo
- ̄Ngaahi siā sioʻata ʻoku tāpuni ukameʻa mo hanaungaahi sila ulapa.
Ko e meʻa toʻo ʻosikená ʻoku ʻikai ko ha founga lelei ia ki he kane pelesitikí, ngaahi hina huʻakaú, pea ha toe faʻahinga hina kehe ʻoku ʻikai ʻiloʻi ko e PETE pe PET ʻi he fakaʻilonga recycle (vakai ki toʻomataʻu).
Ko e hā ʻa e founga totonu ki hono fakaʻaongaʻi ʻo e meʻa toʻo ʻosikená?
- Kosiʻi ʻo fakaava ʻa e konga ki ʻolunga ʻo e tangai meʻa toʻo ʻosikená. ʻOua ʻe fakaava takitaha ʻa e fanga kiʻi pēketi toʻo ʻosikená.
- Toʻo ʻa e lahi ʻo e fanga kiʻi pēketi meʻa toʻo ʻosikena te ke fakaʻaongaʻi ʻi he miniti ʻe 20 ki he 30 ka hokó, pea folahi kinautolu ʻi ha laulau. Toʻo mo ha ngaahi meʻa toʻo ʻosikena kehe mei honau ʻaiʻangá ka ke fiemaʻu kinautolu ʻi he lolotonga ʻo e ngāué, kae ʻoua ʻe toutou fakaava mo tāpuni ʻa e faʻoʻangá ke toʻo mei ha ha fanga kiʻi meʻa toʻo ʻosikena siʻi.
- Toe silaʻi ʻa e toenga ʻo e fanga kiʻi meʻa toʻo ʻosikená ʻaki ha taha ʻo e ngaahi founga ko ʻení: ʻOua naʻa tauhi ʻa e ngaahi meʻa toʻó [ʻosikená] ʻi ha ngaahi sipilokaa.
  - Fakamaʻu ʻa e tangai ʻo e meʻa toʻo ʻosikená ʻaki e meʻa fakamaʻu (clamp) lanu pulū naʻe ʻoatu ʻe he senitā ki he tukuʻanga koloa ʻi ʻapí.
  - Silaʻi ʻa e tangai meʻa toʻo ʻosikená ʻaki ha meʻa sila ʻoku tutu.
  - Ki ha fakatolonga lōloa ange ʻi he taimi ʻoku ʻikai maʻu ai ha meʻa silá, toʻo ʻa e ngaahi meʻa toʻo ʻosikená mei he tangaí ʻo faʻo ki ha siā sioʻata faʻoʻanga meʻa ʻoku tāpuni kapa mo ulapa hono silá. Ko e siā painite ʻe 1 (mililita ʻe 500) ʻe hao ai ha meʻa toʻo ʻosikena ʻe 25.
- Faʻo ha meʻa toʻo ʻosikena ʻe taha ʻi he hina faʻoʻanga meʻakai takitaha ʻi hono faʻoakí.
  
  Fakatokanga: ʻE ala hoko ha konā ʻi he Botulism kapau ʻe tauhi ha koloa hauhau ʻi ha meʻa ʻoku holoki ai ʻa e ʻosikená.

ʻŪ Kane Pelesitiki ki he Fakatolonga ʻo e Meʻakai Taimi Lōloá

ʻE lava ke fakaʻaongaʻi e ʻū kane pelesitikí ke tānaki ai ha ngaahi koloa meʻakai ʻoku mōmoa (meimei pēseti pē ʻe 10 ʻa e hauhaú pe siʻi ange) mo siʻi ai ʻa e loló. ʻOku totonu ke fakaʻaongaʻi pē ʻa e ngaahi kane naʻe ngaohi mei he pelesitikí ki he meʻakaí ʻoku ʻi ai honau sila ulapa ʻi he tāpuní. ʻOku ʻikai totonu ke fakaʻaongaʻi ʻa e ngaahi kane naʻe ʻi ai ha ngaahi meʻa naʻe ʻikai ko ha meʻakaí.

Ke taʻofi ha nofo ai ha fanga ʻinisēkite, ʻoku totonu ke fakaʻaongaʻi ha ʻaisi mōmoa (kāponi taiokisaiti kuo liliu ke ʻaisi) ke fakatolonga ʻa e kelení mo e piini mōmoa ʻoku tauhi ʻi ha ʻu kane pelesitiki. Ko e ngaahi foungá ʻe makatuʻunga pē ʻi he ʻikai ke ʻi ai ha ʻosikena ke tāmateʻi ʻa e ʻinisēkité, hangē ko e meʻa toʻo ʻosikená pe maluʻi ʻaki ʻa e naitolosení (nitrogen gas flushing), ʻoku ʻikai ke na lelei ʻi he kane pelesitikí. Fakaʻehiʻehi mei hono fakaʻasi ʻo e meʻakaí ki he ngaahi tūkunga vela mo hauhaú, ʻi he taimi ʻoku faʻoaki aí.

Ngaahi fakahinohino ki he Fakaʻaongaʻi ʻo e ʻAisi Mōmoá (ʻaisi mei he kāponi taiokisaití)

Fakaʻaongaʻi ha ʻaunisi ʻaisi mōmoa ʻe 1 ki he kālani (kalami ʻe 7 ki he lita) ʻi he meʻa ʻoku hao ʻi he ʻaiʻangá. ʻOua ʻe fakaʻaongaʻi ʻa e ʻaisi mōmoá ʻi ha faʻahinga meʻa tauhiʻanga ʻoku kapa, ʻi ha faʻahinga lalahi pē, koeʻuhí ʻe lava ke ʻikai lava ʻo silaʻi pe lahi ʻa e kasá ʻi loto.
Tui kofunima ʻi hoʻo ngāue mo e ʻaisi mōmoá.
Holoholoʻi ʻa e hauhau mei he ʻaisi mōmoá ʻaki ha konga taueli maʻa mo mōmoa.
Tuku ʻa e ʻaisi mōmoá ʻi he loto mālie ʻo e faliki ʻo e faʻoʻanga meʻá.
Huaʻi ʻa e kēlení pe piini mōmoá ʻi he funga ʻaisi mōmoá. Fakafonu ʻa e kané ke toe pē ha ʻinisi ʻe 1 (milimita ʻe 25) ki ʻolunga.
Fokotuʻu ʻa e tāpuní ʻi he ngutu ʻo e ʻaiʻanga meʻá pea lomiʻi hifo ha tafaʻaki ʻe taha. ʻE tuku ʻe he tāpuni kuo tāpuniʻi fakakongá ke hū hake ʻa e kāponitaiokisaití mei he kané ʻi hono tekeʻi ʻe he ʻaisi mōmoá (liliu mei he fefeká ke kasa).
Tuku ke tekeʻi kakato hake ʻe he ʻaisi mōmoá kimuʻa pea toki silaʻi ʻa e kané. Ala ki he takele ʻo e kané ke vakaiʻi pe kuo ʻosi kotoa ʻa e ʻaisi mōmoá. Kapau ʻoku fuʻu momoko ʻa e lalo kané, ta ʻoku kei ʻi ai pē ʻa e ʻaisi mōmoa.
Toe siofi ʻa e kané ʻi ha kiʻi taimi siʻi ʻi he hili hono silaʻi ʻo e tāpuní. Kapau ʻoku kiʻi pupula ʻa e kané pe tāpuní, kiʻi fakava siʻisiʻi ʻa e tāpuní ke ʻalu ʻa e ʻeá.
ʻOku angamaheni pē ke kiʻi makoko ki lalo ʻa e tāpuní, tupu mei he kiʻi ʻataʻatā ʻi he taimi ʻoku hū ai ʻa e kāponi taiokisaití ki he koloá.

Tauhiʻanga ʻo e ʻŪ Kane Pelesitikí

Tauhi ʻa e ʻū kane pelesitiki ʻo mavahe ʻaki ha 1/2 ʻo e ʻinisi mei he falikí (senitimita ʻe 1.3) ke lava ʻa e ʻeá ʻo hū ʻi he lalo kané.
ʻOua naʻa fokotuʻutuʻu fakahilihili ʻa e ngaahi kane pelesitikí ke laka hake ʻi he ʻotu ʻe tolú. Kapau ʻoku fokotuʻutuʻu ʻa e ʻū kané, toutou vakaiʻi kinautolu ke fakapapauʻi ʻoku ʻikai maumau ʻa e ngaahi tāpuní mei he mamafa mei ʻolungá.

Fakahinohino ki he Silaʻi ʻo e Tangaí (pouch)

Ki he meʻa Sila ʻOtomētikí (Automatic Sealer) (volota ʻe 115)

Kātaki ʻo lau kakato ʻa e fakamatalá kimuʻa pea toki kamata.

Ko Hono Fokotuʻú

Fokotuʻu ʻa e meʻa silá ʻi ha feituʻu fefeka ʻoku ʻinisi ʻe 5 (senitimita ʻe 13) ʻi ʻi he funga tēpilé. ʻE tuʻu heni ʻa e ngutu ʻo e meʻa silá ʻo meimei ʻinisi ʻe 81/2 (senitimita ʻe 22) ki ʻolunga ʻi he tēpilé ki he tuʻunga silaʻi totonú. Hoko ʻa e kamosi ki he vaʻé ki he tuʻa ʻo e meʻa silá pea tuku ʻa e sila ki he vaʻé ʻi he falikí. Palaki ʻa e uaea mālohí. Fakatokanga: ʻOua naʻa fakangofua ʻa e fānaú ʻi he feituʻú, ʻi he taimi kuo palaki ai ʻa e meʻa silá.
Seti ʻa e mea puleʻi (dial) ʻo e Recycle ki he 2, meʻa puleʻi ʻo e Liliú (Congealing) ki he 6, meʻa pule ki he Silaʻí (Sealing) ki he 4, pea liliu ʻa e meʻa puleʻi ki he Fili ʻo e Ngāué (Action Selector) ki he “Manual” Fakaava ʻa e kato ʻoku ʻi ai ʻa e ʻū meʻa toʻo ʻosikená. Toʻo ʻa e lahi ʻo e ngaahi pēketi te ke fakaʻaongaʻi ʻi he miniti ʻe 20 ki he 30 ka hokó. Toe silaʻi ʻa e kató ʻaki ʻa e meʻa silá.
Toe fakaava mo silaʻi ʻa e kató ka ke fiemaʻu ha ngaahi meʻa komo ʻosikena.

Ko Hono Fakafonu ʻo e Kató

Fakafonu ha kato ʻaki ha kālani ʻe 1 (lita ʻe 4) ʻo e koloá. (Ka fuʻu fonu ʻe fakaiku ke kovi hono silaʻí) Ko ha sioki kuati ʻe 2 (lita ʻe 2), ʻo ngata pē ʻi he lainé, ko ha fua lelei ia ke fakaʻaongaʻi ʻi hoʻo fakafonu ʻa e ʻaiʻangá. Fakafonu ʻaki efua ʻe ua, lomi ke māʻopoʻopo.
Hili ha pēketi meʻa toʻo ʻosikena i he funga koloa takitaha ʻi he loto tangaí.
Ko e koloa efuefú, holo ʻa e efú ʻi he tafaʻaki ki loto ʻo e feituʻu ʻoku silaʻí, ʻaki ha konga taueli mōmoa.

Ngaahi Tangai ʻOku Silaʻí

Fakamoʻui ʻa e ʻUhilá. (ʻOua naʻa fakangofua ʻa e fānau iikí ʻi he feituʻú, ʻi he taimi ʻoku moʻui ai ʻa e meʻa silá.)
Fokotuʻu hangatonu ʻa e tangaí ʻi muʻa ʻi he meʻa silá. Hili kakato ki he funga tēpilé pe funga laupapá; ʻoua naʻa tuku ke tautau.
Tāpuniʻi ʻa e tangaí ʻaki haʻo puke ʻa e ongo matahokó he tafaʻakí ʻo fusi ki tuʻa. Peluki ʻa e ʻinisi ʻe 1½ he ngutuʻi tangaí (milimita ʻe 30–40) ke tapa tatau pea lomiʻi ki loto ʻi he funga tangaí ke tekeʻi hake ha toenga ʻea mei he tangaí. Fakatoka ʻa e tangaí pea ʻai ke tokalelei ʻa e veʻe ngutuʻi tangaí. Kapau ʻoku ʻikai tokalelei ʻa ʻolunga mo mapelu ngofua, vakaiʻi pe ʻoku fuʻu fonu ʻa e tangaí.
Puke ʻa e tangaí ʻi hono ngutú pea fakahū ʻa e ngataʻanga ki ʻolungá ki he nifo ʻo e mīsiní. ʻAi ke ʻatā ho ʻuluʻulutuhú mei he nifó.
Fokotuʻu ʻa e tangaí ke silaʻi ʻo ofi ki ʻulunga. Fusi ke mafolofola ʻa e matatuitui he tafaʻakí ke toʻo ʻa e manusinusí. Lomiʻi ʻa e meʻa kamosi vaʻé ke fakamoʻui ʻa e meʻa silá. Tukuange ʻa e tangaí ʻi he mapuni ʻa e nifo ʻo e meʻa silá. Toʻo ʻa e tangaí ʻi heʻene ʻosi hono silaʻí.
Fakahingoa ʻa e pouch ʻaki ʻa e kanotohí mo e ʻaho ʻoku faʻo aí.

Ko Hono Sivi ʻo e Silá

Vakaiʻi e ngaahi hokoʻangá ke fakapapauʻi ʻoku feʻunga mo ʻikai ha feituʻu naʻe vela. ʻOku totonu ke faitatau ʻa e matahokó mo e matatuitui mei he fale ngaohiʻangá.
Vakaiʻi ke ʻilo pe ʻe lava ke fusiʻi ʻa e matahokó ke homo.
Lomiʻi ʻa e tangaí ke ʻilo pe ʻoku ʻi loto ha ʻea pe lava ke tekeiʻi mai ki tuʻa mo e ngaahi koloá.
Kapau ʻe homo ʻa e matahokó, vakaiʻi pe naʻe fakamaʻa feʻunga ʻa e matahokó pe ʻoku fuʻu fonu. Kapau ʻe fiemaʻu, pea hiki hake ʻa e seti ki hono silaʻí ʻaki ha sitepu ʻe ¼ (hangē ko ʻení, mei he 4 ki he 4.25). Fakapapauʻi ko e seti ki he ki he liliú (congealing) ʻoku 6
Kapau ʻoku vela ʻa e matahokó, holoki ʻa e seti ki hono silaʻí ʻaki ha ¼.