O Taiala mo Fesootaiga i Faalavelave Faafuasei
O Le Faatomuaga
I le taimi o se faalavelave, o auala masani o fesootaiga e ono le mafai ona faia; peitai, o le manaomia ona fesootai ma taitai o le Ekalesia, faifeautalai, tagata o le ekalesia, tagata faigaluega, pulega faalemalo, ma isi ua matua faateleina. O le faaaogaina o metotia talafeagai o fesootaiga mo faalavelave faafuasei e mafai ona fesoasoani e faaitiitia ai le popole ma le atuatuvale i le taimi o se faalavelave faafuasei.
O Le Faavae o Fesootaiga mo Faalavelave Faafuasei
O le faamoemoega o le Ekalesia i le faavaeina o fesootaiga mo faalavelave faafuasei o le faamautinoa lea o faamatalaga taua e mafai ona maua ma faasoa atu. O taitai o le Ekalesia, tagata faigaluega a le Ekalesia, tagata o le ekalesia, volenitia, ma taitai faalemalo e faalagolago i nei savali taua ma alaleo o fesootaiga a o le’i tupu, i le taimi, ma le mavae ai o se faalavelave.
Ua aofia ai i lenei mea:
-
O le fesiitaiga o faamatalaga ma faatonuga mai taitai o le eria, misiona, ma le siteki i taitai o uarota, faifeautalai, ma tagata o le ekalesia.
-
Lipoti e uiga i le tulaga o faifeautalai, tagata o le Ekalesia, ma meatotino a le Ekalesia.
-
O fuafuaga mo le tali atu i manaoga o tagata o le Ekalesia ma le nuu.
-
Faamaopoopoina o taumafaiga fesoasoani ma taitai faalemalo ma isi faalapotopotoga o le toomaga.
E faaaoga e le Ekalesia tagata tomai faapitoa mo fesootaiga mo faalavelave faafuasei ma tagata tomai faapitoa o le uelefea ma le ola tutoatasi e fesoasoani ai i nei fesootaiga taua. O vaega nei o loo faamatala mai ai le matafaioi a le tagata tomai faapitoa mo fesootaiga, o le matafaioi a le tagata tomai faapitoa o le uelefea ma le ola tutoatasi, o a fesootaiga o loo maua, ma metotia eseese o fesootaiga.
O Le A le Matafaioi a se Tagata Tomai Faapitoa o le Uelefea ma le Ola Tutoatasi?
O le matafaioi a se tagata tomai faapitoa o le uelefea ma le ola tutoatasi ua tofia e pulea fesootaiga mo faalavelave faafuasei o le faaleleia lea o le tomai o se taitai e fesootai ai a o le’i tupu se faalavelave ma i le taimi o le tali atu i faalavelave.
-
E mafai e peresitene o siteki ona valaau se tagata tomai faapitoa o le uelefea ma le ola tutoatasi e pulea fesootaiga mo faalavelave faafuasei. O se tagata tomai faapitoa o le uelefea ma le ola tutoatasi a le siteki e valaauina ma lipoti atu i le au peresitene o le siteki.
-
E mafai e se Fitugafulu Eria ona valaauina se tagata tomai faapitoa o le uelefea ma le ola tutoatasi a le eria (i lalo o le taitaiga a le Au Peresitene o le Eria) ma galulue vavalalata ma pule o le uelefea ma le ola tutoatasi a le eria (AWSRMs).
-
O pule o le uelefea ma le ola tutoatasi i le lotoifale (LWSRMs) e faailoa atu i ai le valaauga o tagata tomai faapitoa fou o le uelefea ma le ola tutoatasi a le siteki.
-
O pule o le uelefea ma le ola tutoatasi a le eria (AWSRMs) ua faailoa atu i ai le valaauga o tagata tomai faapitoa fou o le uelefea ma le ola tutoatasi a le eria.
-
E fesootai atu tagata tomai faapitoa o le uelefea ma le ola tutoatasi a le eria pe a manaomia ai ma le aufono faamaopoopo ma le AWSRM i la latou eria ua tofia i ai. Ma le isi, o nei tagata tomai faapitoa e galulue faatasi ma le LWSRM pe a manaomia.
Pe a puleaina fesootaiga mo faalavelave faafuasei, e le tatau i tagata tomai faapitoa ona suitulaga i taitai faalelotu pulefaamalumalu pe galulue i fafo atu o la latou taitaiga. E tatau ona masani le tagata tomai faapitoa i filifiliga eseese o fesootaiga (tagai i le vaega “Metotia o Fesootaiga”). Ua i ai i se tagata tomai faapitoa o le uelefea ma le ola tutoatasi a le siteki ia tiutetauave nei e faatatau i fesootaiga mo faalavelave faafuasei:
-
E galue i lalo o le taitaiga a se taitai perisitua ina ia mautinoa ai e mafai ona ia fesootai atu i taitai o le Ekalesia i totonu o le siteki po o le uarota ma taitai faalemalo i le lotoifale.
-
Fautuaina atu tulaga faaleoleo o fesootaiga o le a sili atu ona lelei lona faaaogaina.
-
E fesoasoani e atiina ae le vaega o fesootaiga mo faalavelave faafuasei o le fuafuaga mo sauniuniga mo faalavelave faafuasei ma le fuafuaga o le tali atu a le siteki.
-
Faatumauina se malamalamaaga i fuafuaga o fesootaiga mo faalavelave faafuasei a lo latou nuu/malo i le lotoifale.
-
O fuafuaga e auauna atu i autafa o taitai perisitua e faamautinoa ai ni fesootaiga lelei i le taimi o se faalavelave. E lagolagoina e se AWSRM tagata tomai faapitoa a le siteki i a latou taumafaiga mo fesootaiga mo faalavelave faafuasei ma auauna atu i lalo o le taitaiga a le Fitugafulu Eria e faamautinoa ai e mafai ona ia fesootai atu i le AWSRM, ma taitai o le siteki i le aufono faamaopoopo, ma taitai faalemalo i le lotoifale.
O A Masini o Fesootaiga o Loo Maua?
-
O masini mo fesootaiga ua faatuina i le laumua o le Ekalesia, o nisi o fale o le uelefea, ma ofisa o le eria. O nei meafaigaluega e fesoasoani i le tali aoao a le Ekalesia i se faalavelave ma o le a faaaogaina mo fesootaiga mo faalavelave faafuasei pe a manaomia.
-
O masini mo fesootaiga i le lotoifale e mafai foi ona avea o se punaoa aoga mo iunite i le lotoifale. Ua fautuaina tagata tomai faapitoa o le Uelefea ma le ola tutoatasi ua tofia i fesootaiga mo faalavelave faafuasei ina ia faailoa mai tagata taitoatasi e i ai masini o fesootaiga ma tomai faatekinolosi o e e mafai ona lagolagoina taitai i le lotoifale i fesootaiga i le taimi o se faalavelave.
Upega Fesootai o le Leitio Feaveai (“Upega”)
-
E mafai foi ona faatulaga upega i le tulaga o iunite i le lotoifale i lalo o le taitaiga a taitai perisitua.
-
O le leitio feavea’i e tatau ona vaai iai o se tasi o filifiliga e tatau ona masani ai tagata tomai faapitoa mo fesootaiga mo faalavelave faafuasei i le lotoifale (tagai i le vaega o “Metotia o Fesootaiga”).
Manatua: O faamatalaga faaopoopo e uiga i masini o fesootaiga e mafai ona maua i le Tusitaulima o Fale ma Fanua i lalo o le “Isi Faamatalaga e Faatatau i Falelotu.”
O A Metotia o Fesootaiga?
O auaunaga i telefoni ma initoneti e tele lava ina motusia pe a mavae se faalavelave tele pe faarisone. E tatau ona saunia taitai ma tagata o le ekalesia e fesootai e faaaoga ai isi metotia o loo maua i le lotoifale. Peitai, o aafiaga masani ua faaalia ai o le 80 pasene o le faatulagaga o fesootaiga e masani ona toe ola i totonu o le 72 itula, e tusa lava pe ua mavae ni mea tetele na tutupu. (I nisi tulaga, e ono atoa le vaiaso faatoa toe ola mai le eletise ma polokalama o fesootaiga.)
|
Faamanuiaga |
Iloiloga |
Tulaga Masani o le Faaaogaina | |
|---|---|---|---|
|
Telefoni feaveai | Faamanuiaga Faaaogaina lautele | Iloiloga Faalagolago i le malosi o le telefoni feaveai; e le fesootai i se tuatusi po o se nofoaga faapitoa; e fautuaina ina ia i ai ni fagamaa feaveai o le telefoni nei te’i ua pe mai le eletise (o lenei tekinolosi e maaleale ma ono ta’e i se faalavelave matuia) | Tulaga Masani o le Faaaogaina Fesootaiga taitoatasi |
|
Telefoni laina | Faamanuiaga Fesootai i se tuatusi faaletino | Iloiloga E manaomia le tagata e vili atu iai i se nofoaga faaletino e maua ai pe faia ai se valaau (e le mafai ona maua pe afai ua faaleagaina le uaea fesootai) | Tulaga Masani o le Faaaogaina O fesootaiga taitoatasi ma valaau toatele |
|
SMS/Tesi feau tusitusia | Faamanuiaga E masani ona maua e tusa lava pe faaletonu laina o leo | Iloiloga E fesootai atu se aofaiga itiiti o faamatalaga; fautuaina ina ia i ai ni fagamaa feaveai o le telefoni ne’i te’i ua pe le eletise | Tulaga Masani o le Faaaogaina Fesootaiga i le Laueleele |
|
Fesootaiga i le Initoneti (imeli, ala o faasalalauga faaagafesootai, fonotaga faavitio) | Faamanuiaga Maufetu’una’i ma malosi | Iloiloga E manaomia ai le tagata na auina atu ma lē e mauaina ina ia i ai se fesootaiga i le initoneti ma polokalama (ua na o le malosi lava e pei o le polokalama o le initoneti) | Tulaga Masani o le Faaaogaina Faamaopoopoga tele o taumafaiga o fesoasoani |
|
Telefoni satelite | Faamanuiaga E ola pe a leaga telefoni feaveai | Iloiloga E aoga i eria o loo lelei ai le faailoilo satelite ma e le o matua pisi tele le polokalama. | Tulaga Masani o le Faaaogaina Faaaogaina mo le valaau mai ma le valaau atu |
|
Leitio feavea’i (HAM) | Faamanuiaga Matuai malosi lava, e oo lava i tulaga sili ona leaga | Iloiloga Manaomia se laisene | Tulaga Masani o le Faaaogaina Faatuatuaina mo fesootaiga e auina atu ma maua mai i eria ua aafia |