« ការតាមដានការសិក្សាផ្ទាល់ខ្លួន » កម្មវិធី EnglishConnect ១ សម្រាប់អ្នករៀន ( ឆ្នាំ២០២២ )

« ការតាមដាន » កម្មវិធី EnglishConnect ១ សម្រាប់អ្នករៀន

Personal Study Tracker

ការតាមដានការសិក្សាផ្ទាល់ខ្លួន

សូមសរសេរគោលបំណងរបស់អ្នកសម្រាប់ការរៀនភាសាអង់គ្លេស ។

គោលបំណង ៖ ខ្ញុំចង់រៀនភាសាអង់គ្លេស ពីព្រោះ ៖

អ្នកអាចកែលម្អសកម្មភាពរបស់អ្នកដើម្បីរៀន តាមរយៈការតាមដានកិច្ចខិតខំរបស់អ្នក និងការដាក់គោលដៅដើម្បីកែលម្អ ។ សូមប្រើ « ការតាមដានការសិក្សាផ្ទាល់ខ្លួន » ដើម្បីតាមដានកិច្ចខិតខំរបស់អ្នក ។ បន្ទាប់ពីមេរៀននីមួយៗ សូមដាក់គោលដៅសាមញ្ញមួយ ។ គ្រប់កិច្ចការដែលនាំឲ្យអ្នកខិតទៅកាន់តែជិតនឹងគោលដៅរបស់អ្នក សូមអបអរចំពោះការរីកចម្រើនរបស់អ្នក ។

កិច្ចខិតខំអប្បបរមា

កិច្ចខិតខំមធ្យម

កិច្ចខិតខំខ្លាំង

« ការតាមដានការសិក្សាផ្ទាល់ខ្លួន » ដែលអាចបោះពុម្ពបាន

ចុចពណ៌ក្រហម លឿង បៃតងដែលមានរង្វង់ពណ៌ក្រហម

Lesson មេរៀន	Study the Principle of Learning សិក្សាគោលការណ៍នៃការរៀនសូត្រ	Memorize Vocabulary ទន្ទេញវាក្យសព្ទ	Practice the Patterns ហាត់តាមលំនាំ	Practice Daily ហាត់ប្រចាំថ្ងៃ	My Goal ផែនការរបស់ខ្ញុំ
Lesson មេរៀន ១	Study the Principle of Learning សិក្សាគោលការណ៍នៃការរៀនសូត្រ	Memorize Vocabulary ទន្ទេញវាក្យសព្ទ	Practice the Patterns ហាត់តាមលំនាំ	Practice Daily ហាត់ប្រចាំថ្ងៃ	My Goal ផែនការរបស់ខ្ញុំ សូមអានសេចក្ដីណែនាំ។ សូមបំពេញវគ្គ « ការសិក្សាផ្ទាល់ខ្លួន » សម្រាប់មេរៀនទី ២ ។
Lesson មេរៀន ២	Study the Principle of Learning សិក្សាគោលការណ៍នៃការរៀនសូត្រ	Memorize Vocabulary ទន្ទេញវាក្យសព្ទ	Practice the Patterns ហាត់តាមលំនាំ	Practice Daily ហាត់ប្រចាំថ្ងៃ	My Goal ផែនការរបស់ខ្ញុំ សិក្សាគោលការណ៍នៃការរៀនសូត្រពីមុនមេរៀន ។
Lesson មេរៀន ៣	Study the Principle of Learning សិក្សាគោលការណ៍នៃការរៀនសូត្រ	Memorize Vocabulary ទន្ទេញវាក្យសព្ទ	Practice the Patterns ហាត់តាមលំនាំ	Practice Daily ហាត់ប្រចាំថ្ងៃ	My Goal ផែនការរបស់ខ្ញុំ នៅពេលខ្ញុំអធិស្ឋាន ខ្ញុំនឹងប្រើពាក្យវាកសព្ទភាសាអង់គ្លេសថ្មី ។

Study Suggestions

យោបល់សម្រាប់ការសិក្សា

សូមពិចារណាប្រើប្រាស់យោបល់នៅខាងក្រោម ដើម្បីកែលម្អការសិក្សារបស់អ្នក ។

Study the Principle of Learning

សិក្សាគោលការណ៍នៃការរៀនសូត្រ

អធិស្ឋាន ។ ចាប់ផ្តើម និងបញ្ចប់ការសិក្សារបស់អ្នកដោយការអធិស្ឋាន ។ ទូលសូមព្រះឲ្យជួយអ្នកឲ្យយល់ និងអនុវត្តគោលការណ៍ ។
ស្ដាប់តាមព្រះវិញ្ញាណ ។ សូមយកចិត្តទុកដាក់ទៅលើគំនិត និងអារម្មណ៍របស់អ្នក ទោះបីវាមិនទាក់ទងនឹងអ្វីដែលអ្នកកំពុងអានក្ដី ។ កត់ត្រាគំនិត និងអារម្មណ៍របស់អ្នក ។ ធ្វើអ្វីដែលព្រះវិញ្ញាណកំពុងអញ្ជើញអ្នកឲ្យធ្វើ ។
កត់ត្រាពាក្យ និងឃ្លាដែលបំផុសគំនិត ។ អ្នកអាចស្វែងរកពាក្យ និងឃ្លាជាក់លាក់ ដែលជាប់ទាក់ទង និងបំផុសគំនិត ហើយជំរុញចិត្តអ្នកដោយផ្ទាល់ ។ កត់ត្រាវាទុកនៅកន្លែងមួយដែលអ្នកនឹងមើលឃើញវា ។ ដាក់វានៅមុខកញ្ចក់ ឬនៅលើទូរសព្ទរបស់អ្នក ។
អនុវត្តគោលការណ៍នៃការរៀនសូត្រ ។ សូមពិចារណាអំពីរបៀបដែលអ្នកអាចអនុវត្តគោលការណ៍នៃការរៀនសូត្រ ពាក្យដកស្រង់ និងបទគម្ពីរមកក្នុងជីវិតរបស់អ្នក ។ កត់ត្រានូវអ្វីដែលអ្នករៀន នៅពេលអ្នកអនុវត្តគោលការណ៍នៃការរៀនសូត្រ ។
អានបន្ថែមទៀត ។ អានបទគម្ពីរ ឬសុន្ទរកថាសន្និសីទដែលទាក់ទងនឹងគោលការណ៍នៃការរៀនសូត្រ ។
រៀនវាក្យសព្ទថ្មី ។ ជ្រើសរើសពាក្យខ្លះៗមកពីគោលការណ៍នៃការរៀនសូត្រ ដែលអ្នកចង់រៀនជាភាសាអង់គ្លេស ។ ស្រាវជ្រាវពាក្យ ។ និយាយនឹងអ្នករៀនដទៃទៀតអំពីពាក្យ និងឃ្លាមានន័យយ៉ាងណាចំពោះពួកគេ ។

Memorize Vocabulary

ទន្ទេញវាក្យសព្ទ

ផ្ដោតទៅលើអត្ថន័យ និងការបញ្ចេញសំឡេង ។ ហាត់និយាយពាក្យឡើងវិញឲ្យឮៗ ហើយគិតអំពីអត្ថន័យនៃពាក្យនោះ ។ រៀនបញ្ចេញសំឡេងនៃពាក្យនីមួយៗ ហើយហាត់រហូតដល់អ្នកបញ្ចេញសំឡេងបានត្រឹមត្រូវ ។ បន្ដធ្វើរហូតដល់អ្នកអាចនិយាយពាក្យនោះដោយទំនុកចិត្ត ហើយស្គាល់អត្ថន័យរបស់វា ។
ហាត់ដោយប្រើប័ណ្ណពាក្យ ។ ប្រើប័ណ្ណកំណត់ចំណាំ ( ឬកម្មវិធីមួយ ) ដើម្បីបង្កើតប័ណ្ណពាក្យ ។ សរសេរពាក្យនៅលើផ្នែកម្ខាង ហើយនិយមន័យ ការបកប្រែ ឬរូបភាពនៅម្ខាងទៀត ។ ការធ្វើសារឡើងវិញគឺជាគន្លឹះដើម្បីទន្ទេញវាក្យសព្ទ ។
ហាត់ពាក្យជាប្រយោគ ។ ហាត់និយាយពាក្យដែលអ្នកកំពុងរៀនជាប្រយោគមួយ ។ អ្នកអាចប្រើលំនាំប្រយោគដើម្បីហាត់ពាក្យដែលអ្នកកំពុងតែរៀន ។
អនុវត្តពាក្យនោះ ។ គិតអំពីស្ថានភាពដែលអ្នកនឹងប្រើពាក្យនោះនៅក្នុងជីវិតប្រចាំថ្ងៃរបស់អ្នក ។ ហាត់អំពីស្ថានភាពនោះរហូតដល់អ្នកមានអារម្មណ៍ថាប្រើពាក្យនោះដោយរលូន ។ នៅពេលអ្នកទៅធ្វើការ សាលារៀន ហាងទំនិញ ឬកន្លែងដទៃទៀត សូមប្រើពាក្យទាំងនោះនៅក្នុងគំនិតរបស់អ្នកដើម្បីពិពណ៌នាអំពីវត្ថុទាំងឡាយ ។
កត់សម្គាល់ពាក្យទាំងឡាយ ។ មើល និងស្ដាប់រកពាក្យថ្មី នៅពេលអ្នកទៅណាមកណាក្នុងមួយថ្ងៃៗរបស់អ្នក ។ អ្នកអាចរៀនមកពីខ្សែភាពយន្ដ កម្មវិធីទូរសព្ទ សៀវភៅ podcasts ឬចម្រៀង ។ កត់ពាក្យថ្មីទុក ។
ស្វែងយល់បន្ថែម ។ ប្រើវចនានុក្រមដើម្បីរៀនពាក្យថ្មីៗបន្ថែម ។ រៀនអំពីនិយមន័យ វេយ្យករណ៍ថ្នាក់ពាក្យ បំណែកពាក្យ ការបញ្ចេញសំឡេង និងប្រយោគគំរូ ។
រំឭកឡើងវិញ ។ ចំណាយពេលរំឭកពាក្យដែលអ្នករៀនកាលពីមុនៗម្ដងម្កាល ។ ការណ៍នេះនឹងជួយអ្នកមើលឃើញថាអ្នកបានរៀនច្រើនប៉ុនណា ហើយមិនភ្លេចពាក្យទាំងនោះទេ ។

Practice the Patterns

ហាត់តាមលំនាំ

ផ្ដោតទៅលើអត្ថន័យ និងភាពស្ទាត់ជំនាញ ។ ហាត់និយាយប្រយោគមកពីលំនាំឡើងវិញឲ្យឮៗ ហើយគិតអំពីអត្ថន័យនៃពាក្យនោះ ។ បន្ដធ្វើរហូតដល់អ្នកអាចនិយាយប្រយោគនោះដោយរលូន ដោយទំនុកចិត្ត ហើយស្គាល់អត្ថន័យរបស់វា ។
ថតសំឡេងអ្នក ។ ថតសំឡេងអ្នកនៅលើទូរសព្ទរបស់អ្នក ពេលសួរ និងឆ្លើយសំណួរ ។ ស្ដាប់ការថតសំឡេង ហើយយកចិត្តទុកដាក់ទៅលើភាពស្ទាត់ជំនាញ និងការបញ្ចេញសំឡេងរបស់អ្នក ។
ហាត់ជាមួយដៃគូ ។ ហាត់ដោយប្រើលំនាំដើម្បីសួរ និងឆ្លើយសំណួរជាមួយនឹងមិត្តម្នាក់ ។ អ្នកអាចហាត់ដោយជួបដោយផ្ទាល់ ឬតាមទូរសព្ទ ។ ហាត់ដោយប្រើលំនាំ នៅពេលអ្នកសរសេរសារទៅកាន់មិត្តម្នាក់ ។
គិត និងនិយាយអំពីលំនាំ។ តើអ្នកកត់សម្គាល់អំពីរបៀបដែលភាសាអង់គ្លេសដំណើរការយ៉ាងណាខ្លះ ? តើភាសាអង់គ្លេសស្រដៀងគ្នាទៅនឹងភាសារបស់អ្នកយ៉ាងដូចម្ដេច ? តើភាសាអង់គ្លេសខុសគ្នាពីភាសារបស់អ្នកយ៉ាងដូចម្ដេច ? តើអ្នកអាចប្រើលំនាំមកពីមេរៀនមួយនៅក្នុងស្ថានភាពផ្សេងមួយដោយរបៀបណា ?
ប្រើធនធានដទៃទៀត ។ សៀវភៅវេយ្យករណ៍ កម្មវិធីសុសវែរ វិបសាយ និងអ្នករៀនដទៃទៀត អាចជួយអ្នករៀនបន្ថែមអំពីលំនាំវេយ្យករណ៍ភាសាអង់គ្លេសបាន ។
កត់សម្គាល់អំពីលំនាំនានា ។ មើល និងស្ដាប់ពីលំនាំដែលអ្នកកំពុងរៀន នៅពេលអ្នកអាន ឬស្ដាប់ភាសាអង់គ្លេស ។

Practice Daily

ហាត់ប្រចាំថ្ងៃ

ដាក់ជាទម្លាប់ ។ រៀបផែនការថា ពេលណា និងកន្លែងណា ដែលអ្នកនឹងសិក្សាប្រចាំថ្ងៃ ហើយអនុវត្តវា ។ ដើម្បីជួយអ្នកចងចាំ សូមសរសេរគោលដៅរបស់អ្នកនៅក្នុងការថ្លែង « នៅពេល » ។ ឧទាហរណ៍ « នៅពេលខ្ញុំ ខ្ញុំ » ។ នេះជាឧទាហរណ៍មួយចំនួន ៖ « នៅពេលខ្ញុំ ជិះឡានក្រុង ខ្ញុំ រំឭកវាក្យសព្ទ » « នៅពេលខ្ញុំ ចម្អិនអាហារពេលល្ងាច ខ្ញុំ ពិពណ៌នាអំពីអ្វីដែលខ្ញុំកំពុងធ្វើជាភាសាអង់គ្លេស » និង « នៅពេលខ្ញុំ អធិស្ឋាន ខ្ញុំ និយាយឲ្យច្រើនជាភាសាអង់គ្លេស តាមដែលខ្ញុំអាចធ្វើបាន » ។
ធ្វើសកម្មភាពប្រចាំថ្ងៃជាភាសាអង់គ្លេស ។ ស្វែងរករបៀបដើម្បីដាក់ជំនួសភាសាកំណើតរបស់អ្នកជាភាសាអង់គ្លេសនៅក្នុងសកម្មភាពប្រចាំថ្ងៃរបស់អ្នក ។ ឧទាហរណ៍ ពេលអ្នកស្តាប់តន្ត្រី សូមស្តាប់ជាភាសាអង់គ្លេស ។ គំនិតយោបល់ដទៃទៀត ៖ មើលខ្សែភាពយន្ដជាភាសាអង់គ្លេស ឬដែលមានចំណងជើងរត់ជាភាសាអង់គ្លេស ប្ដូរភាសាទូរសព្ទរបស់អ្នកទៅជាភាសាអង់គ្លេស ហើយអានគម្ពីរជាភាសាអង់គ្លេស ។
អាន ។ អានជាភាសាអង់គ្លេសឲ្យបានច្រើនតាមដែលអ្នកអាចធ្វើទៅបាន ។ អានព្រះគម្ពីរ អានសុន្ទរកថាសន្និសីទទូទៅ ទស្សនាវដ្តី ប្លក សារព័ត៌មាន និងព័ត៌មានដទៃទៀតជាភាសាអង់គ្លេស ។
ស្តាប់ ។ សកម្មក្នុងការស្ដាប់ឲ្យបានច្រើនតាមដែលអ្នកអាចធ្វើបាន ។ ស្ដាប់ podcasts ព្រះគម្ពីរ សុន្ទរកថា បទបង្ហាញ វីដេអូ កម្មវិធីទូរទស្សន៍ ឬខ្សែភាពយន្ដ ។
និយាយ ។ រកមិត្ត គ្រួសារ ឬសហការីមកហាត់និយាយជាមួយពួកគេ ។ ចែកចាយនូវអ្វីដែលអ្នកបានរៀន និងកំពុងធ្វើ ដើម្បីហាត់ភាសាអង់គ្លេស ។ បង្កើតក្រុមឈែត ហើយផ្ញើកំណត់ចាំជាសំឡេង ។
សរសេរ ។ ស្វែងរកឱកាសសរសេរជាភាសាអង់គ្លេស ។ ចាប់ផ្ដើមការសរសេរកំណត់ហេតុប្រចាំថ្ងៃ ឬបង្កើតក្រុមឈែតមួយ ។ ប្រើប្រយោគ ឬវាក្យសព្ទដែលអ្នកកំពុងរៀន ។
បំពេញសកម្មភាពមេរៀន ។ ធ្វើសកម្មភាពមេរៀន និងការវាយតម្លៃតាមអនឡាញនៅលើគេហទំព័រ englishconnect.org ឬនៅក្នុង សៀវភៅលំហាត់ EnglishConnect ។