« ឧបសម្ព័ន្ធ ៖ ល្បែងកម្សាន្ដក្រុមសន្ទនា » EnglishConnect ១ សម្រាប់អ្នករៀន ( ឆ្នាំ២០២២ )

« ល្បែងកម្សាន្ដក្រុមសន្ទនា » EnglishConnect ១ សម្រាប់អ្នករៀន ( ឆ្នាំ២០២២ )

Appendix

Conversation Group Games

ល្បែងកម្សាន្ដក្រុមសន្ទនា

ល្បែងកម្សាន្ដសប្បាយៗជាច្រើនដើម្បីហាត់រៀនភាសាអង់គ្លេស ត្រូវបានដាក់បញ្ចូលនៅក្នុងសៀវភៅសិក្សានេះ ។ អ្នកអាចលេងល្បែងកម្សាន្ដទាំងនេះអំឡុងការប្រជុំក្រុមណាមួយក៏បាន ។ ប្រើលំនាំ និងវាក្យសព្ទមកពីមេរៀនដែលអ្នករៀនឥឡូវ ឬមេរៀនមុនៗ ។ ល្បែងកម្សាន្ដទាំងនេះ ភាគច្រើនតម្រូវឲ្យអ្នកធ្វើការជាមួយដៃគូ ឬក្រុមតូចមួយ ។

Questions (10–15 minutes)

សំណួរ ( ១០–១៥ នាទី )

Steps

ជំហានទាំងឡាយ

សូមជ្រើសសំណួរមួយចេញពីបញ្ជីនេះ ។ សូមចងចាំថាអ្នកអាចជំនួសពាក្យដែលមានគូសបន្ទាត់ពីខាងក្រោមដោយពាក្យ និងឃ្លាផ្សេងៗទៀត ។
ចែកចាយចម្លើយរបស់អ្នកជាមួយនឹងក្រុម ។
ប្តូរវេនគ្នាជ្រើសរើសសំណួរ ហើយចែកចាយចម្លើយ ។ អ្នកអាចនិយាយអំពីសំណួរជាច្រើនតាមដែលអ្នកចង់បាន ។

Questions to Review Patterns:

សំណួរដើម្បីរំឭកអំពីលំនាំឡើងវិញ ៖

What do you like to do?
Why do you like to study English?
Can you tell me about your family?
What are you wearing?
What do you do before you come to the conversation group?
What do you do in the morning?
When do you work?
What’s the weather in New York?
Where do you work?
What do you do for work?
Do you like to teach people?
What do you eat for dinner?
What foods do you like?
What do you want for lunch?
What is your favorite food? How do you make it?
How much do groceries cost?
Where do you live?
Tell me about your house.
Where is your favorite place to eat?

Notes

កំណត់ចំណាំ

អ្នកអាចលេងល្បែងកម្សាន្តនេះជាមួយនឹងក្រុមទាំងមូល ឬនៅក្នុងក្រុមតូចជាងនេះដែលមានមនុស្សចាប់ពីបី ទៅប្រាំនាក់ ។
អ្នកមិនកំណត់ឲ្យត្រឹមតែសំណួរនៅក្នុងបញ្ជីនេះទេ ។ អ្នកអាចបង្កើតសំណួរថ្មីៗបាន ។ អ្នកក៏អាចផ្លាស់ប្ដូរពាក្យដែលមានគូសបន្ទាត់ពីខាងក្រោមដើម្បីបង្កើតសំណួរបន្ថែមផងដែរ ។
ប្រសិនបើអ្នកចង់ធ្វើឲ្យល្បែងកម្សាន្ដនេះកាន់តែមានការលំបាក សូមប្តូរវេនគ្នាប្រាប់ចម្លើយដែលអ្នកចាំមកពីសមាជិកម្នាក់ៗនៅក្នុងក្រុម ។
អ្នកអាចប្រើសំណួរទាំងនេះជាមួយនឹងល្បែងកម្សាន្ដដទៃទៀតនៅខាងក្រោមដូចជា « ច្រវ៉ាក់កង់ » ឬ « បោះបាល់ » ។

Hot Seat (10–20 minutes)

កន្លែងក្ដៅ ( ១០–២០ នាទី )

Steps

ជំហានទាំងឡាយ

ចែកចេញជាពីរក្រុម ។
ជ្រើសរើសអ្នករៀនពីរនាក់ ( ម្នាក់មកពីក្រុមនីមួយៗ ) ។ អ្នករៀនទាំងនេះអង្គុយទល់មុខក្រុម ( នៅ « កន្លែងក្ដៅ » ) ដោយបែរខ្នងដាក់ក្ដារខៀន ។
គ្រូបង្រៀនរបស់អ្នកសរសេរពាក្យ ឬឃ្លាមួយនៅលើក្ដារខៀន ។ អ្នករៀនដែលនៅ « កន្លែងក្ដៅ » មិនអាចមើលពាក្យនោះបានទេ ។
ក្រុមមានពេលពីរនាទីដើម្បីជួយដល់មិត្តរួមក្រុមរបស់ពួកគេដែលអង្គុយនៅ « កន្លែងក្ដៅ » ឲ្យទាយពាក្យនៅលើក្ដារខៀនដោយពុំនិយាយប្រាប់ពីពាក្យនោះឡើយ ។
បុគ្គលដែលអង្គុយនៅ « កន្លែងក្ដៅ » ដែលនិយាយពាក្យមុនគេនឹងទទួលបានមួយពិន្ទុមកពីក្រុមរបស់ពួកគេ ។ ប្រសិនបើក្រុមមួយនិយាយពាក្យនៅលើក្ដារខៀន ខណៈពេលកំពុងព្យាយាមជួយដល់មិត្តរួមក្រុមឲ្យទាយ នោះពួកគេនឹងពុំទទួលបានពិន្ទុឡើយ ។
ធ្វើដដែលៗជាមួយនឹងពាក្យថ្មីៗ ។

Notes

កំណត់ចំណាំ

បង្កើតក្រុមពីមួយទៅបីក្រុមអាស្រ័យទៅលើទំហំក្រុម ។
ប្រសិនបើអ្នកជួបជុំតាមអនឡាញ សូមលេងជាក្រុមធំមួយ ជាជាងបំបែកជាក្រុមតូចៗ ។ បុគ្គលម្នាក់គឺនៅក្នុង « កន្លែងក្ដៅ » ។ បុគ្គលនេះពុំដឹងពាក្យនោះទេ ។ បុគ្គលម្នាក់គឺជា « អ្នកឲ្យតម្រុយ » ។ « អ្នកឲ្យតម្រុយ » ជ្រើសរើសពាក្យមួយ និងឲ្យតម្រុយ ដើម្បីឲ្យបុគ្គលនៅ « កន្លែកក្ដៅ » អាចទាយពាក្យនោះបាន ។

Ball Toss (10–15 minutes)

បោះបាល់ ( ១០–១៥ នាទី )

Steps

ជំហានទាំងឡាយ

រកបាល់មួយ វត្ថុទន់មួយ ឬក្រដាសឆ្មូលឲ្យមូល ។
ជ្រើសរើសសំណួរមួយ ។ ( ប្រើសំណួរមួយមកពីមេរៀន ឬមើល « សំណួរ » នៅក្នុងឧបសម្ព័ន្ធនេះ ) ។
សួរសំណួរ និងបោះបាល់ទៅឲ្យអ្នករៀន ។
អ្នករៀនចាប់បាល់ ហើយឆ្លើយសំណួរ ។
អ្នករៀនសួរសំណួរម្ដងទៀត ហើយបោះពាល់ទៅឲ្យអ្នករៀនម្នាក់ទៀត ។
ធ្វើដដែលៗរហូតដល់អ្នករៀនម្នាក់ៗនៅក្នុងក្រុមបានឆ្លើយសំណួរទាំងនោះ ។ បន្ទាប់មកចាប់ផ្ដើមម្ដងទៀតជាមួយនឹងសំណួរថ្មីមួយ ។

Notes

កំណត់ចំណាំ

ដើម្បីធ្វើឲ្យល្បែងកម្សាន្ដនេះកាន់តែពិបាក សូមផ្លាស់ប្ដូរសំណួររាល់ពេលដែលអ្នកបោះបាល់ ។
ប្រសិនបើអ្នកជួបជុំតាមអនឡាញ សូមហៅឈ្មោះជំនួសឲ្យការបោះបាល់ ។

Dice Game (10–15 minutes)

ល្បែងកូនឡុកឡាក់ ( ១០–១៥ នាទី )

Steps

ជំហានទាំងឡាយ

អ្នកត្រូវការកូនឡុកឡាក់មួយ ( ឬកាតលេខ លេខ ១ ដល់ ៦ ) ។
ជ្រើសរើសពាក្យជាកិរិយាសព្ទចំនួនប្រាំមួយ ហើយសរសេរវានៅលើក្ដារខៀនដាក់លេខ ១ ដល់ ៦ ។
ធ្វើការជាមួយដៃគូម្នាក់ ឬក្រុមតូចមួយ ។ បោះកូនឡុកឡាក់ ។ បង្កើតប្រយោគមួយដែលប្រើពាក្យកិរិយាសព្ទតាមលេខលើកូនឡុកឡាក់ដែលអ្នកបោះនោះ ។ ប្តូរវេនគ្នា ។

Example

ឧទាហរណ៍

គ្រូបង្រៀនសរសេរនៅលើក្ដារខៀន ៖

cook
stir
bake
boil
cut
add

អ្នករៀនទី ១ បោះកូនឡុកឡាក់ ហើយបានលេខ ៦ ។ គាត់បង្កើតប្រយោគមួយដោយប្រើពាក្យadd ។

« I add sugar to my oatmeal. »

អ្នករៀនទី ២ បោះកូនឡុកឡាក់ ហើយបានលេខ ៤ ។ នាងបង្កើតប្រយោគមួយដោយប្រើពាក្យboil ។

« I boil eggs for lunch. »

អ្នករៀនទី ៣ បោះកូនឡុកឡាក់ ហើយបានលេខ ៣ ។ គាត់បង្កើតប្រយោគមួយដោយប្រើពាក្យbake ។

« I like to bake cookies. »

Notes

កំណត់ចំណាំ

ពាក្យផ្សេងទៀតអាចត្រូវបានប្រើជំនួសពាក្យកិរិយាសព្ទនោះ ។
ប្រសិនបើអ្នកជួបតាមអនឡាញ សូមធ្វើការជាមួយក្រុមទាំងមូល ។ ប្រើកូនឡុកឡាក់លើអនឡាញ ហើយឆ្លាស់វេនគ្នាបង្កើតប្រយោគ ។

Give One, Get One (10–20 minutes)

ឲ្យមួយ ទទួលមួយ ( ១០–២០ នាទី )

Steps

ជំហានទាំងឡាយ

ជ្រើសរើសប្រធានបទមួយសម្រាប់ក្រុម ( ឧទាហរណ៍ ៖ គ្រួសារ កីឡា ឬអាហារ ) ។
សរសេរពាក្យឲ្យបានច្រើនតាមដែលអ្នកស្គាល់អំពីប្រធានបទនោះសម្រាប់រយៈពេលមួយទៅពីរនាទី ។
ក្រោកឈរ ហើយដើរនៅក្នុងបន្ទប់ ។ ស្វែងរកដៃគូម្នាក់ ។
ចែកចាយពាក្យមួយមកពីបញ្ជីរបស់អ្នកជាមួយនឹងដៃគូរបស់អ្នក ។ ដៃគូរបស់អ្នកចែកចាយពាក្យមួយជាមួយអ្នក ។ ប្រសិនបើវាគឺជាពាក្យថ្មី សូមបន្ថែមពាក្យនោះទៅក្នុងបញ្ជីរបស់អ្នក ។
ដើរក្នុងបន្ទប់ម្ដងទៀត ។ ស្វែងរកដៃគូថ្មី ។ ធ្វើបែបនោះម្ដងហើយម្ដងទៀត ។

Example

ឧទាហរណ៍

ប្រធានបទ ៖ គ្រួសារ

ដៃគូ-ក សរសេរ ៖

mom
dad
sister
brother

ដៃគូ-ខ សរសេរ ៖

grandfather
grandmother
mother
father
aunt
uncle

A: What’s one word from your list?
B: Grandmother.
A: I don’t have that word. I’ll add it to my list.
B: What’s a word from your list?
A: Mom.
B: I have mother. I will write mom next to mother.

អ្នករៀនទាំងពីរនាក់បន្ថែមពាក្យថ្មីទៅក្នុងបញ្ជីរបស់ពួកគេ ។

បញ្ជីរបស់ដៃគូ-ក ៖

mom
dad
sister
brother
grandmother

បញ្ជីរបស់ដៃគូ-ខ ៖

grandfather
grandmother
mother, mom
father
aunt
uncle

Notes

កំណត់ចំណាំ

នេះគឺជាវិធីដ៏ល្អមួយដើម្បីរៀន ឬហាត់រៀនវាក្យសព្ទថ្មី ដែលពុំមាននៅក្នុងមេរៀន ។
ប្រសិនបើអ្នកជួបតាមអនឡាញ សូមឲ្យបុគ្គលម្នាក់ៗចែកចាយពាក្យមួយមកពីបញ្ជីរបស់ពួកគេជាមួយនឹងក្រុមទាំងមូល ជាជាងធ្វើការជាគូៗ ។

Speculation (15–20 minutes)

ការប៉ាន់ស្មាន ( ១៥–២៩ នាទី )

Steps

ជំហានទាំងឡាយ

គិតអំពីពាក្យកិរិយាសព្ទមួយ ។
និយាយពាក្យកិរិយាសព្ទឲ្យឮៗ ។
ប្រើកិរិយាសព្ទនោះ បង្កើតប្រយោគ ពិត មួយអំពីអ្នករៀនម្នាក់ទៀត ។ និយាយថា « I think that you … » ដើម្បីចាប់ផ្ដើមប្រយោគរបស់អ្នក ។
អ្នករៀនម្នាក់ទៀតប្រាប់ ប្រសិនបើសេចក្ដីថ្លែងរបស់អ្នកពិត ឬមិនពិត ។
ប្រសិនបើវាពិត នោះអ្នកទទួលបានមួយពិន្ទុ ។ ប្រសិនបើវាមិនពិត នោះអ្នកពុំទទួលបានពិន្ទុទេ ។
អ្នករៀនទីមួយដែលទទួលបាន ៥ ពិន្ទុនឹងឈ្នះ !
បញ្ចប់ពី ១០ ទៅ ២០ ជុំ ។ ផ្លាស់ប្ដូរពាក្យកិរិយាសព្ទសម្រាប់ជុំនីមួយៗ ។

Example

ឧទាហរណ៍

អ្នករៀន ក ( ទៅអ្នករៀន ខ ) ៖ The verb is like. I think that you like chocolate.

អ្នករៀន ខ ៖ That’s true! ( អ្នករៀន ក ទទួលបានមួយពិន្ទុ ) ។

អ្នករៀន ខ ( ទៅអ្នករៀន គ ) ៖ I think that you like to play basketball.

អ្នករៀន គ ៖ That’s not true! ( អ្នករៀន ខ ពុំទទួលបានមួយពិន្ទុទេ ) ។

Notes

កំណត់ចំណាំ

បង្កើតក្រុមបី ឬប្រាំនាក់ ។
ល្បែងកម្សាន្ដនេះនឹងមាន ១០ ទៅ ២០ ជុំ ។ អ្នកនឹងត្រូវការពាក្យកិរិយាសព្ទសម្រាប់មួយជុំៗ ។ ផ្លាស់វេនគ្នាដើម្បីនិយាយពាក្យកិរិយាសព្ទថ្មីរាល់ពេលដែលអ្នកចាប់ផ្ដើមមួយជុំៗ ។

Two Truths and One Lie (10–15 minutes)

ការពិតពីរ និងកុហកមួយ ( ១០–១៥ នាទី )

Steps

ជំហានទាំងឡាយ

គិតអំពីរឿងពីរដែលជាការពិតអំពីខ្លួនអ្នក ។ ប្រឌិតរឿងមួយដែលមិនពិត ។ ព្យាយាមប្រើវាក្យសព្ទ និងឃ្លាមកពីមេរៀន ។
អានសេចក្ដីថ្លែងការរបស់អ្នកឲ្យឮៗទៅកាន់ក្រុមរបស់អ្នក ។
សមាជិកក្រុមរបស់អ្នកសួរសំណួរដើម្បីទាយថាសេចក្ដីថ្លែងមួយណាមិនពិត ។ ឆ្លើយសំណួររបស់ពួកគេ ។

Example

ឧទាហរណ៍

សមាជិកក្រុមទី ១ ៖ « I like pizza. I like French fries. I like chocolate. Which is not true? »

សមាជិកក្រុមផ្សេងទៀតសួរសំណួរ ៖

Q: What is your favorite kind of pizza?A: I like cheese pizza.Q: What is your favorite candy bar?A: I like chocolate and caramel.Q: Where do you like to get French fries?A: I don’t have a favorite place.

សមាជិកក្រុមផ្សេងទៀតទាយ ៖ « I think you don’t like French fries. »

សមាជិកក្រុមទី ១ ៖ « That’s right! I don’t like French fries. »

Vocabulary Cards (10–15 minutes)

កាតវាក្យសព្ទ ( ១០–១៥ នាទី )

Steps

ជំហានទាំងឡាយ

សរសេរវាក្យសព្ទចំនួន ៥ ទៅ ១០ ពាក្យនៅលើក្រដាសតូចៗ ( កូនក្រដាសកត់ចំណាំបកបិទបាន គឺល្អណាស់ ) ដាក់ក្រដាសគរលើគ្នា ។
ស្វែងរកដៃគូម្នាក់ ។
ក្រឡាប់គំនរក្រដាសពាក្យចុះក្រោម ដើម្បីកុំឲ្យអ្នកមើលឃើញពាក្យ ។ ប្ដូរគំនរក្រដាសពាក្យនោះជាមួយដៃគូអ្នក ។
ជ្រើសរើសយកក្រដាសមួយ ។ កុំមើលពាក្យនៅលើក្រដាសនោះ ។ ដាក់បិទក្រដាសនោះទៅលើថ្ងាសរបស់អ្នក ។ ដៃគូរបស់អ្នកពិពណ៌នាអំពីពាក្យនោះ ( ឬផ្ដល់ការបកប្រែមួយ ) ដើម្បីអ្នកអាចទាយពាក្យនៅលើក្រដាសបាន ។ ប្រសិនបើអ្នកទាយត្រូវ នោះអ្នកទទួលបានមួយពិន្ទុ ។
ប្តូរវេនគ្នា ។ ធ្វើដដែលៗសម្រាប់ក្រដាសនីមួយៗនៅក្នុងគំនរក្រដាសរបស់អ្នក ។

Notes

កំណត់ចំណាំ

ប្រសិនបើអ្នកជួបជុំតាមអនឡាញ សូមធ្វើការជាក្រុមធំមួយ ជាជាងបំបែកជាដៃគូ ។ បុគ្គលម្នាក់ៗសរសេរបញ្ជីពាក្យមួយ ។ កុំបង្ហាញបញ្ជីរបស់អ្នកទៅកាន់ក្រុមឡើយ ។ ផ្លាស់វេនគ្នាជ្រើសរើសពាក្យមួយមកពីបញ្ជីរបស់អ្នក ។ ពិពណ៌នាវាទៅកាន់ក្រុមដោយមិននិយាយពាក្យនោះឡើយ ។ សមាជិកក្រុមទាយពាក្យនោះ ។

Bicycle Chain (in person) (10–20 minutes)

ច្រវ៉ាក់កង់ ( ដោយផ្ទាល់ ) ( ១០–២០ នាទី )

សកម្មភាពនេះលេងបានជាការជួបជុំក្រុមដោយផ្ទាល់ ។

Steps

ជំហានទាំងឡាយ

ជ្រើសរើសសំណួរមួយ ។ ( ប្រើសំណួរមួយមកពីមេរៀន ឬមើល « សំណួរ » នៅក្នុងឧបសម្ព័ន្ធនេះ ) ។
ឈរតម្រង់ជួរជាពីរជួរទល់មុខគ្នា ។
មនុស្សឈរទល់គ្នាគឺជាដៃគូគ្នា ។
ដៃគូសួរ ហើយឆ្លើយសំណួរ ។
ផ្លាស់ទីជារង្វង់ដើម្បីឲ្យមនុស្សម្នាក់ៗមានដៃគូថ្មី ។
ដៃគូសួរ ហើយឆ្លើយសំណួរ ។
ធ្វើជំហានទី ៥ និងទី ៦ ដដែលៗ ។

Notes

កំណត់ចំណាំ

ប្រសិនបើអ្នកមានចំនួនមនុស្សសេស ចូរបង្កើតក្រុមដែលមានមនុស្សបីនាក់ ។

Mingle and Share (in person) (10–15 minutes)

ដាក់បញ្ចូលគ្នា និងចែកចាយ ( ដោយផ្ទាល់ ) ( ១០–១៥ នាទី )

សកម្មភាពនេះលេងបានជាការជួបជុំក្រុមដោយផ្ទាល់ ។

Steps

ជំហានទាំងឡាយ

ជ្រើសរើសសំណួរមួយ ។ ( ប្រើសំណួរមួយមកពីមេរៀន ឬមើល « សំណួរ » នៅក្នុងឧបសម្ព័ន្ធនេះ ) ។
ក្រោកឈរ ហើយស្វែងរកដៃគូ ។
សួរសំណួរទៅដៃគូរបស់អ្នក ។ ចងចាំចម្លើយរបស់ដៃគូអ្នក ។ ឆ្លើយសំណួរដៃគូរបស់អ្នក ។
ដើរក្នុងបន្ទប់ ស្វែងរកដៃគូថ្មី ។ សួរ ហើយឆ្លើយសំណួរ ។ ធ្វើឡើងវិញដដែលៗជាច្រើនដងជាមួយនឹងដៃគូថ្មី ។ ចងចាំចម្លើយទាំងអស់របស់ដៃគូអ្នក ។
ត្រឡប់ទៅកាន់កៅអីអង្គុយរបស់អ្នកវិញ ។ ចែកចាយជាមួយក្រុមនូវអ្វីដែលអ្នកបានរៀន ។

Example

ឧទាហរណ៍

Question: How many people are in your family?

អ្នករៀនដើរជុំវិញសួរ និងឆ្លើយសំណួរជាមួយដៃគូផ្សេងៗគ្នា ។

Maria: How many people are in your family?

Luna: There are four people in my family. How many people are in your family?

Maria: Three.

អ្នករៀនចែកចាយនូវអ្វីដែលពួកគេបានរៀន ។

Teacher: How many people are in Maria’s family?

Luna: There are three people in Maria’s family.