Personal Study Tracker

Founga Muimuiʻi ʻo e Ako Fakatāutahá

Tohi ho taumuʻa ki he ako lea faka-Pilitāniá.

Taumuʻá: ʻOku ou fie ako lea faka-Pilitānia koeʻuhí:

Te ke lava ʻo fakatupulaki hoʻo malava ke akó ʻi hono muimuiʻi hoʻo ngaahi ngāué mo fokotuʻu ha ngaahi taumuʻa ke fakalakalaka. Fakaʻaongaʻi e “Founga Muimuiʻi ʻo e Ako Fakatāutahá” ke muimuiʻi hoʻo ngāué. Hili e lēsoni takitaha, fokotuʻu ha taumuʻa faingofua. Fakafiefiaʻi hoʻo fakalakalaká; ko e ngāue kotoa pē ʻokú ke ngaʻunu ofi ange ai ki ho taumuʻá.

Ngāue Siʻisiʻi

Ngāue Lotoloto

Ngāue Lahi

Paaki ʻa e “Founga Muimuiʻi ʻo e Ako Fakatāutahá”

Example

Sīpinga

Lesson Lēsoni	Study the Principle of Learning Ako ʻa e Tefitoʻi Moʻoni ʻo e Akó	Memorize Vocabulary Ako Maʻuloto ʻa e Ngaahi Foʻi Leá	Practice the Patterns Akoako ʻa e Ngaahi Sīpingá	Practice Daily Akoako Fakaʻaho	My Goal Ko ʻEku Taumuʻá
Lesson Lēsoni 1	Study the Principle of Learning Ako ʻa e Tefitoʻi Moʻoni ʻo e Akó	Memorize Vocabulary Ako Maʻuloto ʻa e Ngaahi Foʻi Leá	Practice the Patterns Akoako ʻa e Ngaahi Sīpingá	Practice Daily Akoako Fakaʻaho	My Goal Ko ʻEku Taumuʻá Lau ʻa e Talateú. Fakakakato ʻa e konga “Ako Fakatāutahá” ki he lēsoni 2.
Lesson Lēsoni 2	Study the Principle of Learning Ako ʻa e Tefitoʻi Moʻoni ʻo e Akó	Memorize Vocabulary Ako Maʻuloto ʻa e Ngaahi Foʻi Leá	Practice the Patterns Akoako ʻa e Ngaahi Sīpingá	Practice Daily Akoako Fakaʻaho	My Goal Ko ʻEku Taumuʻá Ako e tefitoʻi moʻoni ʻo e akó kimuʻa he lēsoní.
Lesson Lēsoni 3	Study the Principle of Learning Ako ʻa e Tefitoʻi Moʻoni ʻo e Akó	Memorize Vocabulary Ako Maʻuloto ʻa e Ngaahi Foʻi Leá	Practice the Patterns Akoako ʻa e Ngaahi Sīpingá	Practice Daily Akoako Fakaʻaho	My Goal Ko ʻEku Taumuʻá ʻI heʻeku lotú, te u fakaʻaongaʻi ha ngaahi lea faka-Pilitānia foʻou.

Study Suggestions

Ngaahi Fokotuʻu ki he Akó

Fakakaukau ke fakaʻaongaʻi e ngaahi fokotuʻu ʻi laló ke fakatupulaki hoʻo akó.

Study the Principle of Learning

Ako ʻa e Tefitoʻi Moʻoni ʻo e Akó

1. Lotu. Kamata mo fakaʻosi hoʻo akó ʻaki ha lotu. Kole tokoni ki he ʻOtuá ke mahino kiate koe peá ke fakaʻaongaʻi e tefitoʻi moʻoní.

2. Fakafanongo ki he Laumālié. Tokanga ki hoʻo ngaahi fakakaukaú mo e ongo ʻokú ke maʻú, neongo kapau ʻoku ʻikai felāveʻi ia mo e meʻa ʻokú ke laú. Lekooti hoʻo ngaahi fakakaukaú mo e ongó. Fakahoko ʻa e meʻa ʻoku fakaafeʻi koe ʻe he Laumālié ke ke fakahokó.

3. Hiki ha ngaahi foʻi lea mo e kupuʻi lea ueʻi fakalaumālie. Te ke lava ʻo maʻu ha ngaahi foʻi lea mo e kupuʻi lea pau ʻoku ʻuhingamālie fakataautaha kiate koe pea ʻokú ne ueʻi mo fakaʻaiʻai koe. Tohi ia ʻi ha feituʻu te ke sio ki ai. Fakapipiki ia ʻi ho sioʻatá pe telefoní.

4. Fakaʻaongaʻi ʻa e tefitoʻi moʻoni ʻo e akó. Fakakaukau ki he founga te ke lava ai ʻo fakaʻaongaʻi e tefitoʻi moʻoni ʻo e akó, ngaahi konga leá, mo e folofolá ki hoʻo moʻuí. Lekooti e meʻa ʻokú ke akó ʻi hoʻo fakaʻaongaʻi e tefitoʻi moʻoni ʻo e akó.

5. Laukonga lahi ange. Lau e ngaahi folofolá mo e ngaahi lea konifelenisi ʻoku fekauʻaki mo e tefitoʻi moʻoni ʻo e akó.

6. Ako ha ngaahi lea foʻou. Fili ha ngaahi lea mei he tefitoʻi moʻoni ʻo e akó ʻokú ke fie ako ʻi he lea faka-Pilitāniá. Kumi e ngaahi leá. Talanoa ki he kau ako kehé fekauʻaki mo e ʻuhinga ʻo e ngaahi leá mo e kupuʻi leá kiate kinautolú.

Memorize Vocabulary

Ako Maʻuloto ʻa e Ngaahi Foʻi Leá

1. Tokanga taha ki he ʻuhingá mo hono puʻakí. Akoako hono toutou lea leʻolahi ʻaki e foʻi leá pea fakakaukau ki hono ʻuhingá. Ako e puʻaki ʻo e foʻi lea takitaha pea akoako ia kae ʻoua kuo tonu hoʻo puʻakí. Hokohoko atu kae ʻoua kuó ke lea fiemālie ʻaki e foʻi leá mo ʻiloʻi hono ʻuhingá.

2. Akoako ʻaki ha ʻū kaati fakamanatu. Fakaʻaongaʻi ha ʻū kaati nouti (pe ko ha polokalama) ke faʻu ha ʻū kaati fakamanatu. Tohiʻi e foʻi leá he tafaʻaki ʻe taha pea ʻuhingá, liliú, pe ko ha fakatātā ʻi he tafaʻaki ʻe tahá. Ko e kī ki hono maʻuloto e ngaahi foʻi leá ko e toutou lea ʻaki.

3. Akoako e ngaahi leá ʻi ha sētesi. Akoako lea ʻaki e lea ʻokú ke akó ʻi ha sētesi. Te ke lava ʻo fakaʻaongaʻi e sīpinga ʻo e sētesí ke akoako e ngaahi lea ʻokú ke akó.

4. Fakaʻaongaʻi ʻa e foʻi leá. Fakakaukau ki ha ngaahi tūkunga te ke fakaʻaongaʻi ai ʻa e foʻi leá ʻi hoʻo moʻui fakaʻahó. Akoako e tūkungá kae ʻoua kuo ongo angamaheni pē hono fakaʻaongaʻi e foʻi leá. ʻI hoʻo ʻalu ki he ngāué, akó, falekoloá, pe ngaahi feituʻu kehé, fakaʻaongaʻi e ngaahi leá ʻi hoʻo ʻatamaí ke fakamatalaʻi ʻaki ha ngaahi meʻa.

5. Fakatokangaʻi e ngaahi leá. Fakasio mo fakafanongo ki ha ngaahi lea foʻou ʻi hoʻo ngāue fakaʻahó. Te ke lava ʻo ako mei he ngaahi faivá, fakaʻaliʻali he TV, ʻū tohi, ʻū polokalama ʻi he letioó, pe ʻū hiva. Tohi e ngaahi lea foʻoú.

6. Ako lahi ange. Fakaʻaongaʻi ha tikisinale ke ako lahi ange fekauʻaki mo e ngaahi lea foʻoú. Ako e fakaʻuhinga, tuʻunga fakakalama, kongokonga ʻo e leá, puʻakí, mo e sīpinga ʻo e ngaahi sētesí.

7. Fakamanatu. Tuku ha taimi ke toutou fakamanatu ai e ngaahi lea kuó ke ako ʻi he kuohilí. ʻE tokoni ʻeni ke ke vakai ki he lahi e meʻa kuó ke akó pea ʻoua ʻe ngalo e ngaahi leá.

Practice the Patterns

Akoako ʻa e Ngaahi Sīpingá

1. Tokanga taha ki he ʻuhingá mo e lelei hoʻo leá. Akoako hono toutou lau leʻolahi ʻaki ha sētesi mei he sīpingá pea fakakaukau ki he ʻuhinga ʻo e sētesí. Hokohoko atu kae ʻoua kuó ke lau lelei mo fiemālie ʻa e sētesí pea ʻiloʻi hono ʻuhingá.

2. Lekooti koe. Lekooti ʻi hoʻo telefoní hoʻo ʻeke mo tali e ngaahi fehuʻí. Fanongo ki he hikí pea tokanga ki he lelei hoʻo leá mo e puʻaki leá.

3. Akoako mo ha hoa ngāue. Akoako ʻo fakaʻaongaʻi e ngaahi sīpingá ke ʻeke mo tali ha ngaahi fehuʻi mo ha kaungāmeʻa. Te mo lava ʻo akoako tonu pe ʻi he telefoní. Akoako fakaʻaongaʻi e ngaahi sīpingá ʻi hoʻo tohi ha ngaahi pōpoaki ki ha kaungāmeʻa.

4. Fakakaukau mo talanoa ki he ngaahi sīpingá. Ko e hā e meʻa ʻokú ke fakatokangaʻi fekauʻaki mo e lea faka-Pilitāniá? ʻOku tatau fēfē nai ʻa e lea faka-Pilitāniá mo hoʻo lea fakafonuá? ʻOku kehe fēfē nai ʻa e lea faka-Pilitāniá mei hoʻo lea fakafonuá? Te ke fakaʻaongaʻi fēfē ʻa e sīpingá mei ha lēsoni ʻi ha tūkunga kehe?

5. Fakaʻaongaʻi ha ngaahi maʻuʻanga tokoni kehe. ʻE lava e tohi kalamá, ngaahi polokalamá, uepisaití, mo e kau ako kehé ʻo tokoni atu ke ke ako lahi ange fekauʻaki mo e sīpinga ʻo e kalama ʻi he lea faka-Pilitāniá.

6. Fakatokangaʻi e ngaahi sīpingá. Kumi mo fanongo ki he ngaahi sīpinga ʻokú ke akó ʻi hoʻo laukonga pe fanongo ki he lea faka-Pilitāniá.

Practice Daily

Akoako Fakaʻaho

1. Fokotuʻu ha ngāue angamaheni. Palani e taimi mo e feituʻu te ke ako ai he ʻaho takitaha pea fakahoko ia. Ke tokoni ke ke manatuʻí, tohi ho taumuʻá ʻi ha fakamatala “ʻi he taimi.” Hangē ko ʻení, “ʻl he taimi ʻoku ou , ʻoku ou .” Ko ha ngaahi sīpinga ʻeni: “ʻI he taimi ʻoku ou heka pasi aí, ʻoku ou fakamanatu e ngaahi leá.”; “ʻI he taimi ʻoku ou ngaohi ai e kai efiafí, ʻoku ou fakamatalaʻi ʻeku meʻa ʻoku faí ʻi he lea faka-Pilitāniá.”; mo e “ʻI he taimi ʻoku ou lotu aí, ʻoku ou lea faka-Pilitānia ʻi he lahi taha te u lavá.”

2. Fakahoko e ngaahi ʻekitivitī fakaʻahó ʻi he lea faka-Pilitāniá. Kumi ha ngaahi founga ke fetongi ho lea fakafonuá ʻaki e lea faka-Pilitāniá ʻi hoʻo ngaahi ʻekitivitī fakaʻahó. Hangē ko ʻení, ʻi hoʻo fanongo hivá, fanongo ʻi he lea faka-Pilitāniá. Ngaahi fakakaukau kehé: sio faiva ʻi he lea faka-Pilitāniá pe fakaʻasi e lea ʻo e faivá ʻi he faka-Pilitāniá, liliu e fokotuʻutuʻu ho telefoní ki he faka-Pilitāniá, pea lau e folofolá ʻi he lea faka-Pilitāniá.

3. Laukonga. Laukonga faka-Pilitānia ʻi he lahi taha te ke lavá. Lau e ngaahi folofolá, ngaahi lea ʻi he konifelenisi lahí, ngaahi makasiní, ngaahi fakamatalá (blogs), ongoongó, mo e fakamatala kehé ʻi he lea faka-Pilitāniá.

4. Fakafanongo. Fakafanongo tokanga ʻi he lahi taha te ke lavá. Fanongo ki he ngaahi polokalama he letioó, ngaahi folofolá, leá, fakamatalá, ʻū vitioó, fakaʻaliʻali he TV, pe ʻū faivá.

5. Lea. Kumi ha ngaahi kaungāmeʻa, fāmili, mo e kaungā ngāue ʻo ako lea mo kinautolu. Vahevahe e meʻa kuó ke ako mo fakahokó ke akoako ai e lea faka-Pilitāniá. Faʻu ha kulupu fetohiʻaki pea hiki ha ngaahi lea ʻo feʻaveʻaki.

6. Tohi. Kumi ha ngaahi faingamālie ke tohi faka-Pilitānia ai. Kamata hiki ha tohinoa fakaʻaho pe faʻu ha kulupu fetohiʻaki. Fakaʻaongaʻi e ngaahi sētesi mo e foʻi lea ʻokú ke akó.

7. Fakakakato e ngaahi ʻekitivitī ʻo e lēsoní. Fakahoko e ngaahi ʻekitivitī mo e sivi ʻo e lēsoní ʻi he ʻinitanetí ʻi he englishconnect.org pe ʻi he Tohi Ngāue EnglishConnect.