kakai tangata mo fafine ʻoku kakata

Introduction

Talateu

Welcome to EnglishConnect!

ʻOku talitali lelei koe ki he EnglishConnect!

ʻOku fakatahaʻi mai ʻe he EnglishConnect ʻa e kakai ʻoku fekumi ke fakalahi honau ngaahi faingamālié ʻo fakafou ʻi hono ako e lea faka-Pilitāniá. ʻOku tau omi kotoa mei ha ngaahi puipuituʻa kehekehe mo ha ngaahi lea fakafonua kehekehe. Mahalo ʻe kehekehe ʻetau tuʻunga malava ʻo lea faka-Pilitāniá, ka ʻi heʻetau fakatahá te tau lava ʻo aʻusia ʻetau ngaahi taumuʻá.

Why Are You Learning English?

Ko e Hā e ʻUhinga ʻOkú Ke Ako Ai ʻa e Lea Faka-Pilitāniá?

ʻE lava ke tokoni hono maʻu ha taumuʻa ʻoku mahinó ke ke tokanga pea fakaʻaiʻai ai koe. Tau fakakaukau angé ki he ʻuhinga ʻokú ke ako lea faka-Pilitānia aí. ʻOkú ke fakaʻamu nai ke maʻu ha ngāue lelei ange? ʻOku fiemaʻu nai ke ke ako lea faka-Pilitāniá ke hoko atu hoʻo akó? Fakaʻaongaʻi ha kiʻi taimi ke hiki hoʻo ngaahi ʻuhinga ki hono ako e lea faka-Pilitāniá.

ʻOku ou fie ako ʻa e lea faka-Pilitāniá koeʻuhí:

ʻE lava ʻe he ako lea faka-Pilitāniá ʻo fakalahi hoʻo ngaahi faingamālie ki he akó, ngāue maʻuʻanga moʻuí, ngāue tokoní, mo e kaungāmeʻá. ʻE lava ʻa e EnglishConnect ʻo tokoni atu ke ke aʻusia hoʻo ngaahi taumuʻá.

What Is EnglishConnect?

Ko e Hā ʻa e EnglishConnect?

Ko e EnglishConnect ko ha polokalama ako lea faka-Pilitānia makehe ia ʻoku fakalele ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku fakataumuʻa e polokalama EnglishConnect ke tokoniʻi koe ke fakatupulaki ho taukei ʻi he lea faka-Pilitāniá ʻi ha ʻatakai ʻo e tui, feohi, mo e fakalakalaka. ʻOku ʻuhinga ia he ʻikai te ke fakahoko toko taha ʻeni. Te ke ako mo ha niʻihi kehe pea te mou fetokoniʻaki mo fepoupouaki. Te ke lava foki ʻo fakatupulaki hoʻo tui ʻe lava ke tokoniʻi koe ʻe he ʻOtuá ke ke ako.

ʻOku kau ʻi he EnglishConnect ha ngaahi tuʻunga kehekehe. ʻOku tokoni ʻa e EnglishConnect 1 mo e 2 ki he kau akó ke fakatupulaki ha ngaahi tefitoʻi taukei ʻi he lea faka-Pilitaniá. ʻOku teuteuʻi ʻe he EnglishConnect 3 ʻa e kau akó ki he ngaahi faingamālie fakaakó—tautefito ki he BYU–Pathway Worldwide. Te ke lava ʻo ako lahi ange fekauʻaki mo e BYU–Pathway ʻi he byupathway.org. Ako lahi ange fekauʻaki mo e EnglishConnect ʻi he englishconnect.org.

fakatātā ʻoku ʻasi ai e fakahokohoko ʻo e EnglishConnect 1, EnglishConnect 2, EnglishConnect 3, mo e BYU-Pathway Worldwide

What Makes EnglishConnect Unique?

Ko e Hā ʻOkú Ne ʻAi ke Makehe ʻa e EnglishConnect?

ongo fefine ʻokú na ako lea faka-Pilitānia

ʻI he EnglishConnect, ʻoku tau fakatupulaki ai ha ngaahi taukei ʻi he lea faka-Pilitāniá ʻi ha ʻātakai ʻo e tuí, fakafeohí, mo e tupulakí.

Faith

Tuí

ʻI he EnglishConnect, ʻoku tau maʻu ʻa e ʻiló ʻi he ako pea ʻi he tui. ʻOku kamata ʻa e lēsoni takitaha ʻaki ha tefitoʻi moʻoni ʻo e akó. Ko ha ngaahi tefitoʻi moʻoni fakalaumālie ʻeni ʻokú ne tokoniʻi kitautolu ke tau falala ki he ʻOtuá ke fakatupulaki ʻetau malava ke akó. Ko hoʻo tui ko ia ki hoʻo malava ʻo akó ʻe tokoni lahi ia ki hoʻo feingá mo e ngaahi ola te ke maʻú. ʻE lava ke tokoni ʻa e ngaahi tefitoʻi moʻoni ʻo e akó ke mahino kiate koe ho tuʻunga malava moʻoní pea mo e malava ʻa e ʻOtuá ke tokoniʻi koé. Ko e ngaahi tefitoʻi moʻoni ʻeni te ke akó:

Ko e Fānau Koe ʻa e ʻOtuá

“Ko e fānau au ʻa e ʻOtuá ʻoku ʻi ai hoku tufakanga mo e taumuʻa ʻoku taʻengata.”

(vakai, Loma 8:16–17; Ko e Fāmilí: Ko ha Fanongonongo ki Māmani)

Ngāue ʻAki ʻa e Tui kia Sīsū Kalaisí

“ʻE lava ke tokoniʻi au ʻe Sīsū Kalaisi ke u fai ʻa e meʻa kotoa pē ʻi heʻeku ngāue ʻaki ʻa e tui kiate Iá.”

(vakai, Filipai 4:13; ʻEta 12:27; Molonai 7:33 )

Fatongia ʻAki

“ʻOku ou maʻu ʻa e mālohi ke filí, pea ʻoku ou fatongia ʻaki ʻeku akó.”

(vakai, 2 Nīfai 2:14, 16; Tokāteline mo e Ngaahi Fuakava 58:27–28)

Feʻofaʻaki mo Feakoʻiʻaki

“Te u lava ʻo ako mei he Laumālie Māʻoniʻoní ʻi heʻeku ʻofa, faiako, mo ako mo e niʻihi kehé.”

(vakai, Sione 13:34–35; Sione 14:26–27; Tokāteline mo e Ngaahi Fuakava 88:77; 88:122–123)

Vivili Atu ki Muʻa

“ʻI he tokoni ʻa e ʻOtuá, te u lava ʻo vilitaki atu ki muʻa neongo ʻeku fehangahangai mo e ngaahi faingataʻá.”

(vakai, 2 Nīfai 31:20; 2 Nīfai 32:9; Tokāteline mo e Ngaahi Fuakava 50:41–42)

Fealēleaʻaki mo e ʻEikí

“ʻOku tupulaki ʻeku akó ʻi heʻeku fealeaʻaki fakaʻaho mo e ʻOtuá fekauʻaki mo ʻeku ngaahi feingá.”

(vakai, Lea Fakatātā 3:5–6; Mātiu 7:7–8; ʻAlamā 37:37)

Ko e ngaahi tefitoʻi moʻoni ʻo e akó ko ha ngaahi fakamatala ia ʻo e moʻoni. Te ke lava ʻo lea ʻaki e ngaahi fakamatalá ni kiate koe pē ʻi hoʻo fiemaʻu ha fakalotolahi pe poupoú. ʻI hoʻo fakaʻaongaʻi e ngaahi tefitoʻi moʻoni ko ʻení, ʻe tupulaki hoʻo malava ke akó. Te ke ʻilo ai te ke lava ʻo aʻusia hoʻo ngaahi taumuʻá ʻi he tokoni ʻa e ʻOtuá.

Fellowship

Fakafeohi

Ko ha konga mahuʻinga ʻo e aʻusia EnglishConnect ko e ako mo e niʻihi kehé. ʻOku feʻofaʻaki, fetokoniʻaki, mo fepoupouaki ʻa e ngaahi kulupu EnglishConnect. Ko hoʻomou ngaahi fakataha fakakulupú ko ha feituʻu malu ia ke ako lea ai mo fai ha ngaahi fehalaaki. ʻE lava ke tokoni ʻa e kau ki ha kulupu EnglishConnect ke ke loto-lahi mo fakakaungāmeʻa.

Growth

Tupulakí

ʻOku ope atu ʻa e EnglishConnect ʻi ha polokalama pē ki hono ako ʻa e lea faka-Pilitāniá. Tatau ai pē pe ko e fē feituʻu ʻokú ke kamata aí, ʻe tokoni e ngaahi aʻusia te ke maʻú ke ke hoko ko ha tokotaha ako lelei ange. Te ke maʻu ha ngaahi faingamālie ke:

• Akoako e lea faka-Pilitāniá ʻi he ʻaho kotoa.

• Muimuiʻi hoʻo fakalakalaká.

• Ako mo e niʻihi kehé.

• Lotu ki he ʻOtuá ke maʻu ha tokoni ke aʻusia hoʻo ngaahi taumuʻá.

What Will I Do in EnglishConnect?

Ko e Hā e Meʻa Te u Fai ʻi he EnglishConnect?

ʻI he EnglishConnect, te ke fakahoko e ako fakatāutahá, akoako e fetalanoaʻaki fakakulupú, mo akoako fakaʻaho. ʻOku vahevahe ʻa e lēsoni takitaha ʻi he tohi lēsoni EnglishConnect maʻá e tokotaha akó ki ha konga ʻe ua—“Ako Fakatāutahá” mo e “Fepōtalanoaʻaki Fakakulupú.”

fakatātā ʻoku fakaʻaliʻali ai ʻa e fekumi ki he ʻiló ʻi he ako pea ʻi he tui kau ai e fakahokohoko ʻo e ako fakatāutahá, fepōtalanoaʻaki fakakulupú, mo e fakaangaanga fakaʻahó

Personal Study

Ako Fakatāutahá

tangata ʻoku ako ʻi hono tesí

ʻOku teuteuʻi koe ʻe he konga Ako Fakatāutahá ki hoʻo fepōtalanoaʻaki fakakulupú. ʻI he “Ako Fakatāutahá,” ʻokú ke fakakakato ai e ngaahi ʻekitivitī ko ʻení:

fakaʻilonga a

Study the Principle of Learning

Ako ʻa e Tefitoʻi Moʻoni ʻo e Akó

ʻOku kau ʻi he lēsoni takitaha ha tefitoʻi moʻoni ʻo e akó. Ko ha ngaahi tefitoʻi moʻoni fakalaumālie ʻeni ʻoku tokoni ke ke fengāueʻaki mo e ʻOtuá ʻi hono ako e lea Faka-Pilitāniá. Kimuʻa ʻi homou fepōtalanoaʻaki fakakulupú, lau e tefitoʻi moʻoni ʻo e akó, fakalaulauloto ki he ngaahi fehuʻí, pea tohi hoʻo ngaahi fakakaukaú.

fakaʻilonga e

Memorize Vocabulary

Ako Maʻuloto ʻa e Ngaahi Foʻi Leá

Ako ʻa e ʻuhinga pea mo hono puʻaki ʻo e ngaahi foʻi lea takitaha. Fakaʻaongaʻi e ngaahi foʻi leá ke akoako e ngaahi sīpingá. Te ke lava foki ʻo kumi ha toe ngaahi foʻi lea ʻe lava ʻo fakaʻaongaʻi ʻi he sīpingá.

fakaʻilonga f

fakaʻilonga h

fakaʻilonga i

Practice the Patterns

Akoako ʻa e Ngaahi Sīpingá

Kamata ʻaki hono ako maʻuloto e sīpinga ʻo e sētesí. Fakaʻaongaʻi leva e ngaahi sīpingá ke faʻu ʻaki ho ngaahi fehuʻi mo e tali pē ʻaʻau. Te ke lava ʻo fetongi ʻa e ngaahi foʻi lea ʻoku laineʻí ʻaki ha ngaahi lea kehe mei he lisi ʻo e ngaahi foʻi leá. Hokohoko atu e akoako leʻolahí kae ʻoua kuó ke lava ʻo fakaʻaongaʻi e ngaahi sīpingá ʻi he loto-toʻa ke ʻeke mo tali ha ngaahi fehuʻi.

Conversation Group

Kulupu Fepōtalanoaʻakí

kau tangata ʻe toko tolu ʻoku nau kakata

ʻOku kau ʻi he konga “Fepōtalanoaʻaki Fakakulupú” ha ngaahi ʻekitivitī te ke fakaʻaongaʻi ke ako mo e niʻihi kehé. ʻI he “Fepōtalanoaʻaki Fakakulupú,” te ke fakakakato ai e ngaahi ʻekitivitī ko ʻení:

Discuss the Principle of Learning (20–30 minutes)

Aleaʻi e Tefitoʻi Moʻoni ʻo e Akó (miniti ʻe 20–30)

ʻI hoʻo kulupú, lau mo aleaʻi e tefitoʻi moʻoni ʻo e akó. Ko ha faingamālie ʻeni ke fevahevaheʻaki mo feakoʻaki ai.

Activities

Ngaahi ʻEkitivitií

ʻI he ʻekitivitī 1, 2, mo e 3, fakaʻaongaʻi e leá mo e sīpinga ʻo e sētesí ke fakahoko ha fepōtalanoaʻaki ʻoku ʻuhingamālie. ʻOku tokoni ʻa e ngaahi ʻekitivitií ke ke fakalakalaka mei he toutou akoakó ki hoʻo kamata ho talanoa pē ʻaʻau. ʻOku teuteuʻi koe ʻe he ʻekitivitī takitaha ki he ʻekitivitī hono hokó.

fakaʻilonga 1

Activity 1: Practice the Patterns (10–15 minutes)

ʻEkitivitī 1: Akoako ʻa e Ngaahi Sīpingá (miniti ʻe 10–15)

ʻI he ʻekitivitī 1, toe vakaiʻi e ngaahi lea mo e sīpinga naʻá ke ako ʻi hoʻo ako fakatāutahá. Ko ho taumuʻá ke fakaʻaongaʻi e ngaahi sīpingá ke fakahoko mo mahino ha ngaahi fehuʻi mo e ngaahi tali faingofua.

fakaʻilonga 2

Activity 2: Create Your Own Sentences (10–15 minutes)

ʻEkitivitī 2: Faʻu Hoʻo Sētesi Pē ʻAʻau (miniti ʻe 10–15)

ʻI he ʻekitivitī 2, tokanga taha ki hono fakaʻaongaʻi e ngaahi sīpinga ke faʻu ʻaki haʻo sētesi pē ʻaʻau. ʻAi ke ke mohu founga. Ko ho taumuʻá ke fakaʻaongaʻi e ngaahi sīpingá ke faʻu ha ngaahi fehuʻi mo e tali ʻi he lahi taha te ke lavá.

fakaʻilonga 3

Activity 3: Create Your Own Conversations (15–20 minutes)

ʻEkitivitī 3: Faʻu Hoʻo Fepōtalanoaʻaki Pē ʻAʻau (miniti ʻe 15–20)

ʻI he ʻekitivitī 3, akoako ha ngaahi fepōtalanoaʻaki kakato ʻi he ngaahi tūkunga moʻoni ʻo e moʻuí. Ko ho taumuʻá ke fakahoko ha ngaahi fepōtalanoaʻaki ʻuhingamālie ʻo fakaʻaongaʻi e lea faka-Pilitānia kuó ke akó.

Evaluate (5–10 minutes)

Fakafuofuaʻi (miniti ʻe 5–10)

ʻI he fakaʻosinga ʻo e fepōtalanoaʻaki fakakulupú, fakafuofuaʻi hoʻo fakalakalaka ʻi he ngaahi taumuʻa ʻo e lēsoní. Fakaʻaongaʻi e “Founga Muimuiʻi ʻo e Ako Fakatāutahá” ke fakafuofuaʻi hoʻo ngāue ʻi he ako fakatāutahá, pea fokotuʻu ha ngaahi taumuʻa ke fakalakalaka. Tuku ha taimi ke fakafiefiaʻi ai hoʻo fakalakalaká mo e ngāué.

Daily Practice

Akoako Fakaʻahó

Ke ako e lea faka-Pilitāniá, ʻoku fiemaʻu ke ke fakatupulaki ha tōʻonga ʻo e akoako fakaʻahó. Makehe mei he taimi ako tukupaú, kumi ha ngaahi founga ke fetongi hoʻo ngaahi ʻekitivitī fakaʻahó ʻaki e lea faka-Pilitāniá. Hangē ko ʻení, ʻi hoʻo fanongo hivá, fanongo ʻi he lea faka-Pilitāniá. ʻI hoʻo sio faivá, sio ʻi he lea faka-Pilitāniá pe fakamoʻui ʻa e leá (subtitle) ke ʻasi ʻi he faka-Pilitāniá. ʻI hoʻo talitali pē ʻi ha feituʻu, akoako e ngaahi fepōtalanoaʻaki faka-Pilitāniá ʻi ho ʻatamaí. ʻI hoʻo lotú, lea faka-Pilitānia ʻi he lahi taha te ke lavá. Ko e kī ki he akoako fakaʻahó ke fakaʻaongaʻi e lea faka-Pilitāniá ʻi hoʻo ngāue angamahení.

Te ke lava foki ʻo fakakakato ʻa e ngaahi ʻekitivitī ʻo e lēsoní mo e ngaahi siví ʻi he ʻinitanetí ʻi he englishconnect.org/learner/resources pea ʻi he Tohi Ngāue EnglishConnect.

ʻI hoʻo fakakakato e ngaahi ʻekitivitī ako ki he lēsoni takitaha mo akoako fakaʻahó, te ke ako vave ange ai pea mateuteu lelei ange ki hoʻo fepōtalanoaʻaki fakakulupú. Fakaʻaongaʻi e “Founga Muimuiʻi ʻo e Ako Fakatāutahá” ʻoku fakakau ʻi he fakaʻosinga ʻo e talateu ko ʻení ke muimuiʻi hoʻo ngāué mo hoʻo ngaahi taumuʻá.

Remember This

Manatuʻi ʻEni

ʻI hoʻo fakakakato e ngaahi ʻekitivitī ako fakatāutahá, akoako fakaʻaho e lea faka-Pilitāniá, mo kau longomoʻui ki hoʻo fepōtalanoaʻaki fakakulupú, te ke fakatupulaki ha ngaahi taukei talanoa faka-Pilitānia. Kae hiliō aí, ʻi hoʻo fakaʻaongaʻi e ngaahi tefitoʻi moʻoni ʻo e akó mo lotua e tokoni ʻa e ʻOtuá, te Ne lava ʻo tokoniʻi koe ke aʻusia ho ngaahi taumuʻá he taimí ni pea ʻi he kahaʻú.