Pag-establisar og Usa ka Dapit nga Kapundokan sa mga YSA

Unsa ang usa ka Dapit nga Kapundokan sa mga YSA?

Ang usa ka dapit nga kapundokan alang sa mga young single adult (mga YSA) mao ang usa ka gitagana nga lokasyon (diha sa usa ka anaa na nga meetinghouse o bilding sa institute) alang sa mga YSA ug sa ilang mga higala aron magpundok ug moapil sa maayo nga mga kalihokan ug mga kasinatian nga modala kanila nga mas suod ngadto sa usag usa ug ngadto sa Dios. Ang mosunod nga sampol nga mga eskedyul nagpakita sa mga matang sa mga kalihokan nga mahimong kabahin sa kasinatian sa dapit nga kapundokan.

Sampol nga Eskedyul 1

Imahe

Dapit nga kapundokan sa mga YSA sampol eskedyul 1

Sampol nga Eskedyul 2

Imahe

Dapit nga kapundokan sa mga YSA sampol eskedyul 2

Imahe

mga babaye nga nag-istoryahanay

Mga Ideya sa Pagsugod

Pagpangita og usa ka Pasilidad

Tinoa kon unsa ang lokal nga mga panginahanglan ug dayon ilha ang mga bilding sa institute o mga meetinghouse nga makatubag niadto nga mga panginahanglan. Ang bilding kinahanglan nga adunay gitudlo nga lugar nga igo ang gidak-on aron magpundok ang mga YSA alang sa mga klase ug mga kalihokan. Ang tanang dapit nga kapundokan kinahanglan nga aprobahan sa Kapangulohan sa Area.
Pag-organisar sa liderato

I-organisar ang liderato aron epektibong madumala ang mga kapanguhaan. Ang usa ka presidente sa stake mogamit sa komitiba sa YSA sa stake (tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 14.1.1.2, ChurchofJesusChrist.org; “Ang Komitiba sa Young Single Adult” sa Paglig-on sa mga Young Single Adult [2022], Librarya sa Ebangheyo) aron sa pagdumala og usa ka dapit nga kapundokan sa mga YSA. Alang sa mga dapit nga kapundokan nga moserbiyo og dinaghan nga mga stake, kini nga komitiba makapaapil og mga YSA gikan sa daghang stake.

Imahe
Pagdumala sa dapit nga kapundokan sa mga YSA
Pagtino sa mga Interes ug mga Panginahanglan

Ang kapangulohan sa stake ug komitiba sa YSA motino sa mga interes ug mga panginahanglan nga ang dapit nga kapundokan makatabang sa pagtubag. Ang dapit nga kapundokan sa mga YSA mahimong maglakip sa usa o dugang pa sa mosunod, base sa lokal nga mga panginahanglan ug mga kapanguhaan:
- Relihiyoso nga edukasyon ug pagkat-on sa ebanghelyo (sama sa institute nga mga klase, Dali, Sunod Kanako nga mga grupo sa pagtuon, mga panaghisgotan sa ebanghelyo, o mga debosyonal)
- Makalingaw nga sosyal nga mga kalihokan (sama sa mga sayaw; mga sport; grupo nga serbisyo nga mga kalihokan, lakip sa JustServe; mga kalihokan alang sa pagpakigbahin og pagkaon, kultura, o mga talento; ug uban pa)
- Mga kalihokan sa templo ug family history (sama sa FamilySearch nga pagsiksik, web indexing, pagpangandam alang sa templo, o mga pagbisita sa templo)
- Pagbarog pinaagi sa kinaugalingong paningkamot ug mga oportunidad sa edukasyon (sama sa mga kurso bahin sa pagbarog pinaagi sa kinaugalingong paningkamot o BYU–Pathway Worldwide)
- Mga kalihokan sa misyonaryo ug pagtabang sa komunidad (sama sa pagpakigdait, pagpangalagad, o mga kalihokan sa pagpangandam alang sa misyon)
Dugang pa, mahimong anaa ang ubang mga kapanguhaan sa Simbahan aron sa pagtubag sa mga panginahanglan sa mga YSA. Tan-awa ang “Mga Kapanguhaan alang sa mga Dapit nga Kapundokan sa mga YSA” alang sa mga ideya.
Pagdumala sa Dapit nga Kapundokan

Ang komitiba sa stake YSA modumala sa dapit nga kapundokan. Ang komitiba motimbang-timbang sa mga panginahanglan sa lokal nga mga YSA ug mosunod sa proseso nga gihulagway sa Paglig-on sa mga Young Single Adult aron sa pagtubag sa lokal nga mga panginahanglan. Ang komitiba sa YSA modumala sa mosunod nga mga buluhaton:
- Pagpahigayon sa inadlaw-adlaw nga access ngadto sa mga pasilidad sa dapit nga kapundokan (mahimong responsibilidad kini sa usa ka senior nga magtiayong misyonaryo)
- Pagtipig og kasamtangan nga kalendaryo ug eskedyul sa mga klase, mga kalihokan, ug mga panghitabo nga may kalabotan sa dapit nga kapundokan ug pagpakigsabot sa tig-eskedyul sa pasilidad
- Pagdumala sa panalapi nga may kalabotan sa pagkaon, mga suplay, ug uban pa alang sa dapit nga kapundokan uban sa pagtugot sa presidente sa stake
- Pagpakigsabot sa mga representante sa kapanguhaan sa Simbahan (sama sa institute, misyon, kaayohan [welfare] ug pagbarog sa kinaugalingong paningkamot, ug mga lider sa templo ug family history) aron sa pagseguro nga ang mga klase ug mga workshop tukma nga nasuportahan
- Pagpakigsabot sa mga presidente sa stake ug misyon mahitungod sa full-time nga misyonaryo nga mga oportunidad
- Pagrekord sa pagtambong sa mga klase, mga kahigayonan sa pagserbisyo, ug mga kalihokan ug pagpangayo og feedback sa partisipante aron sa pagtabang sa mga komitiba sa stake YSA sa pag-usab ug pagpahiangay aron sa pagtubag sa mga panginahanglan sa YSA
- Pagmatuto sa mga YSA sa ilang personal nga paglambo subay sa dalan sa pakigsaad
Pagpundo [Funding] ug Suporta

Imahe
mga young adult nga nagtuon
- Ang mga representante sa institute adunay mahinungdanong tahas sa pagsuporta sa mga dapit nga kapundokan sa mga YSA dili igsapayan sa pasilidad nga gigamit. Kini nga mga lider naghatag og relihiyoso nga edukasyon, nagtuman sa administratiba nga mga katungdanan, ug nakigtambayayong gayod sa komitiba sa YSA sa stake aron sa pagsuporta sa pagmugna ug pakig-coordinate sa mga dapit nga kapundokan sa mga YSA. Kon ang dapit nga kapundokan anaa diha sa usa ka bilding sa institue ug ang direktor sa institute (o koordinitor) mao ang agent sa bilding, makigtambayayong siya sa mga sakop sa komitiba sa YSA aron sa pagseguro nga gihatag ang tukma nga access.
- Ang gamiton nga mga pundo ug badyet sa mga galastohan magagikan sa badyet sa YSA sa stake (tan-awa sa Kinatibuk-ang Tamdanan nga Basahon, 14.4.1), suportahan sa badyet sa area kon gikinahanglan. Anaa usab ang mga pundo sa Seminaries and Institutes of Religion (S&I) alang sa mga programa sa campus institute. Kinahanglang dili gamiton ang personal nga mga pundo gikan sa mga magtiayon nga misyonaryo. Ang tanang nagasto kinahanglan gayod nga maaprobahan sa gitudlo nga presidente sa stake.
- Ang ekipo sama sa bilyaran nga mga lamesa, ping-pong nga mga lamesa, usa ka refrigerator, humok nga mga lingkoranan, mga sopa, ug mga dapit nga katun-an mahimong makonsiderar base sa mga pasilidad ug mga panginahanglan sa dapit nga kapundokan.
- Kon magkinahanglan og pagtugot sa pag-establisar og usa ka dapit nga kapundokan sa mga YSA, lakip sa usa ka hangyo alang dugang nga mga pundo, kompletoha ang Porma sa Hangyo alang sa Pundo alang sa Komperensiya sa Young Single Adult ug Mga Dapit nga Kapundokan.

Mga Kapanguhaan alang sa mga Dapit nga Kapundokan sa mga YSA

Ulohan sa Kapanguhaan	Deskripsiyon
Ulohan sa Kapanguhaan Mga klase sa institute	Deskripsiyon Mga klase nga nagtudlo sa mga young adult mahitungod sa mga kasulatan ug ubang mga hilisgotan.
Ulohan sa Kapanguhaan Mga kapanguhaan sa kasaysayan sa Simbahan	Deskripsiyon Ang mga magsasaysay sa Simbahan makatabang sa mga young adult sa pagpangita og mga tubag sa mga pangutana mahitungod sa mahagiton nga makasaysayanon nga mga hisgotanan.
Ulohan sa Kapanguhaan Programa aron Maulian gikan sa Pagkaadik	Deskripsiyon Usa ka nagpadayon nga 12 ka lakang nga programa nga makatabang sa mga indibidwal sa pagbuntog sa mga pagkaadik pinaagi ni Jesukristo ug sa Iyang Pag-ula.
Ulohan sa Kapanguhaan BYU–Pathway Worldwide	Deskripsiyon Usa ka barato nga online nga programa sa edukasyon sa kolehiyo alang sa mga hamtong.
Ulohan sa Kapanguhaan EnglishConnect	Deskripsiyon Usa ka kapanguhaan nga motabang sa pagtudlo sa Iningles nga pinulongan sa grupo nga mga kahimtang. Kini adunay mga kalihokan sa pagtabang sa mga indibidwal sa pagpalambo sa hugot nga pagtuo kang Jesukristo.
Ulohan sa Kapanguhaan Mga kapanguhaan sa family history	Deskripsiyon Ang Simbahan adunay halapad nga mga gitanyag sa family history, lakip sa FamilySearch.org ug sa FamilySearch Tree nga app (Android o iOS).
Ulohan sa Kapanguhaan Grupo sa pagtuon sa Dali, Sunod Kanako	Deskripsiyon Ang Dali, Sunod Kanako usa ka giya sa pagtuon sa kasulatan alang sa mga indibidwal ug mga pamilya nga mahimong magamit usab sa grupo nga mga kahimtang.
Ulohan sa Kapanguhaan Mga kapanguhaan sa pagbarog sa kinaugalingong paningkamot	Deskripsiyon “Ang pagbarog pinaagi sa kinaugalingong paningkamot mao ang abilidad, pasalig, ug paningkamot sa pagsangkap sa espirituwal ug temporal nga mga kinahanglanon sa kinabuhi alang sa kaugalingon ug sa pamilya” (Kinatibuk-ang Tamdanan nga Basahon, 22.0). Kini nga mga kurso makatabang sa mga miyembro ug sa uban nga mahimong makabarog sa kinaugalingong paningkamot: Ang Akong Dalan Paingon sa Kaugalingon nga Pagpaningkamot My Foundation for Self-Reliance [Ang Akong Pundasyon alang sa Kaugalingon nga Pagpaningkamot] Edukasyon alang sa Mas Maayong Trabaho Find a Better Job [Mangita og Mas Maayong Trabaho] Personal nga Panalapi Pagsugod ug Pagpalambo sa Akong Negosyo Mga Kahanas sa Kinabuhi alang sa Pagbarog pinaagi sa Kinaugalingong Paningkamot Pagkaplag og Kalig-on sa Ginoo: Emosyonal nga Kalig-on
Ulohan sa Kapanguhaan Mga kalihokan sa pagserbisyo	Deskripsiyon Ang mga kalihokan sa pagserbisyo mao ang nindot nga paagi sa paglambigit sa mga miyembro sa Simbahan ug sa uban. Daghang matang sa serbisyo ang mahimong itanyag. Ang JustServe.org naghatag og lokal nga mga oportunidad alang sa organisado nga mga kalihokan sa pagserbisyo.
Ulohan sa Kapanguhaan Mga kalihokan sa YSA	Deskripsiyon Ang mga kalihokan sa mga YSA pwede mahimo sa daghang matang, sama sa mga komperensiya, mga kalihokan sa sports, pagtambong sa templo, kultural nga mga kalihokan, mga sayaw, ug uban pa.
Ulohan sa Kapanguhaan Pagkat-on sa lokal nga pinulongan	Deskripsiyon Ang mga klase nga nagtudlo sa lokal nga pinulongan mahimong itanyag.
Ulohan sa Kapanguhaan Mga klase sa pagpalambo sa kaugalingon	Deskripsiyon Ang mga klase mahimong maglakip sa akademikong pagtudlo, pagluto, pagpalambo sa panimalay, personal nga kalimpyo ug pamostura, temporal nga pagpangandam, ug uban pa.