Ko e Hā ʻa e Feituʻu Fakatahatahaʻanga ʻo e YSA?

Ko ha feituʻu fakatahaʻanga maʻá e kau tāutaha kei talavoú (YSA) ko ha feituʻu pau ia (ʻi ha ʻapisiasi pe fale ʻinisititiuti lolotonga) maʻá e kau Tāutahá mo honau ngaahi kaungāmeʻá ke nau fakataha mai ʻo kau ʻi he ngaahi ʻekitivitī mo e ngaahi aʻusia lelei te ne ʻomi kinautolu ke nau vāofi ange ʻiate kinautolu pea ki he ʻOtuá. ʻOku fakahaaʻi ʻe he sīpinga taimi-tēpile ko ʻení ʻa e faʻahinga ʻekitivitī ʻe lava ke hoko ko ha konga ʻo e aʻusia ʻi he feituʻu fakatahatahaʻangá.

Sīpinga ʻo e Taimi-tēpile 1

Sīpinga ʻo e Taimi-tēpile 2

Ngaahi Fakakaukau ki hono Kamatá

Ko Hono Kumi ʻo ha Feituʻú

Fakapapauʻi pe ko e hā ʻa e ngaahi fiemaʻu fakalotofonuá pea feinga ke ʻiloʻi ʻa e ngaahi fale ʻinisititiuti pe ʻapisiasi te ne feau e ngaahi fiemaʻu ko iá. ʻOku totonu ke ʻi ai ha feituʻu lahi feʻunga ʻi he falé ki he kau YSA ke nau fakatahataha ai ki he ngaahi kalasí mo e ngaahi ʻekitivitií. Kuo pau ke fakangofua ʻa e ngaahi feituʻu fakatahatahaʻanga kotoa pē ʻe he Kau Palesitenisī Fakaʻēliá.
Fokotuʻutuʻu ʻo e tuʻunga fakatakimuʻá

Fokotuʻutuʻu e tuʻunga fakatakimuʻá ke ne tokangaʻi lelei e ngaahi maʻuʻanga tokoní. ʻE fakaʻaongaʻi ʻe ha palesiteni fakasiteiki ʻene kōmiti YSA fakasiteikí (vakai Tohi Tuʻutuʻuni Fakakātoá: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 14.1.1.2, ChurchofJesusChrist.org; “Ko e Kōmiti ʻa e Kau Taautaha Kei Talavoú” ʻi he Fakamālohia ʻo e Kau Taautaha Lalahi Kei Talavoú [2022], Gospel Library) ke kumi ha feituʻu fakatahatahaʻanga ʻo e YSA. Ki he ngaahi feituʻu fakatahatahaʻanga ʻoku fakaʻaongaʻi ʻe ha ngaahi siteiki lahí, ʻe lava ke fakakau ʻi he kōmiti ko ʻení ha kau taautaha lalahi kei talavou mei ha ngaahi siteiki kehekehe.
Ko Hono Fakapapauʻi ʻo e Ngaahi Meʻa Fakamānakó mo e Ngaahi Fiemaʻú

ʻE feinga ʻa e kau palesitenisī fakasiteikí mo e kōmiti YSA ke nau ʻilo ʻa e ngaahi meʻa fakamānako mo e ngaahi fiemaʻu ʻe lava ke tokoni ʻa e feituʻu fakatahatahaʻangá ke feaú. ʻE lava ke kau ʻi ha feituʻu fakatahatahaʻanga YSA ha taha pe lahi ange ʻo e ngaahi meʻá ni, ʻo makatuʻunga ʻi he ngaahi fiemaʻu mo e ngaahi maʻuʻanga tokoni fakalotofonuá:
- Ako fakalotú mo hono ako ʻo e ongoongoleleí (hangē ko e ngaahi kalasi ʻinisititiutí, ngaahi kulupu ako ʻo e Haʻu, ʻo Muimui ʻIate Aú, ngaahi fealēleaʻaki ʻi he ongoongoleleí, pe ngaahi fakataha lotú)
- Fakakau e ngaahi ʻekitivitī fakasōsialé (hangē ko e hulohulá; sipotí; ngaahi ʻekitivitī ngāue tokoni fakakulupú, kau ai e JustServe; ngaahi meʻa ne hoko ki hono vahevahe ʻo e meʻakaí, anga fakafonuá, pe ngaahi talēnití; mo e ngaahi meʻa peheé)
- Ngaahi ʻekitivitī ʻo e temipalé mo e hisitōlia fakafāmilí (hangē ko e fekumi ʻi he FamilySearch, fakahokohoko fakamotuʻalea ʻo e ʻinitanetí, teuteu ki he temipalé, pe ngaahi ʻaʻahi ki he temipalé)
- Moʻui fakafalala pē kiate kitá mo e ngaahi faingamālie fakaakó (hangē ko e ngaahi kalasi moʻui fakafalala pē kiate kitá pe BYU–Pathway Fakaemāmani Lahí)
- Ngaahi ʻekitivitī tokoni ʻa e faifekaú mo e koló (hangē ko e fakafeohi, ngāue fakaetauhi, pe ngaahi ʻekitivitī teuteu ngāue fakafaifekaú)
ʻIkai ngata aí, ʻe lava ke maʻu ha ngaahi maʻuʻanga tokoni kehe ʻa e Siasí ke feau e ngaahi fiemaʻu ʻa e YSA. Vakai ki he “Ngaahi Maʻuʻanga Tokoni ki he Ngaahi Feituʻu Fakatahatahaʻanga ʻo e YSA” ki ha ngaahi fakakaukau.
Ko hono Tokangaʻi ʻo e Feituʻu Fakatahatahaʻangá

ʻOku tokangaʻi ʻe he kōmiti YSA fakasiteikí ʻa e feituʻu fakatahatahaʻangá. ʻE fakafuofuaʻi ʻe he kōmití ʻa e ngaahi fiemaʻu ʻa e kau YSA fakalotofonuá pea muimui ki he founga ʻoku fakamatalaʻi ʻi hono Fakamālohia ʻo e Kau Tāutaha Kei Talavoú ke feau e ngaahi fiemaʻu fakalotofonuá. ʻOku tokangaʻi ʻe he kōmiti YSA ʻa e ngaahi ngāue ko ʻení:
- Ko hono tokangaʻi ʻo e hū fakaʻaho ki he ngaahi feituʻu fakatahatahaʻangá (ʻe lava ke hoko ʻeni ko e fatongia ʻo ha ongo faifekau mali matuʻotuʻa)
- Tauhi ha tohi māhina mo ha taimi-tēpile lolotonga ʻo e ngaahi kalasí, ngaahi ʻekitivitií, mo e ngaahi meʻa ʻoku fekauʻaki mo e feituʻu fakatahatahaʻangá pea fakafekauʻaki mo e tokotaha ʻokú ne fakataimi-tēpileʻi ʻa e feituʻú
- Tokangaʻi e ngaahi meʻa fakapaʻanga ʻoku fekauʻaki mo e meʻakaí, ngaahi naunaú, mo e ngaahi meʻa pehē ki he feituʻu fakatahatahaʻangá ʻi hano fakangofua ʻe he palesiteni fakasiteikí
- Fakafekauʻaki mo e kau fakafofonga maʻuʻanga tokoni ʻa e Siasí (hangē ko e ʻinisititiutí, misioná, uelofeá mo e moʻui fakafalala pē kiate kitá, mo e kau taki ʻo e temipalé mo e hisitōlia fakafāmilí) ke fakapapauʻi ʻoku poupouʻi lelei ʻa e ngaahi kalasí mo e ngaahi fakataha akó
- Fakafekauʻaki mo e kau palesiteni fakasiteikí mo e fakamisioná fekauʻaki mo e ngaahi faingamālie ngāue fakafaifekau taimi kakató
- Lekooti ʻo e maʻulotú ʻi he ngaahi kalasí, ngaahi faingamālie ngāue tokoní, mo e ngaahi ʻekitivitií pea kole ha fakamatala tokoni maʻá e tokotaha ʻoku kau maí ke tokoni ki he ngaahi kōmiti YSA ʻa e siteikí ke liliu mo liliu ke feʻunga mo e ngaahi fiemaʻu ʻa e YSA
- Faleʻi ʻo e Kau YSA ʻi heʻenau fakalakalaka fakataautaha ʻi he hala ʻo e fuakavá
Fakapaʻangá mo e Tokoní
- ʻOku fakahoko ʻe he kau fakafofonga ʻinisititiutí ha fatongia mahuʻinga ʻi hono poupouʻi ʻo e ngaahi feituʻu fakatahatahaʻanga ʻo e YSA ʻo tatau ai pē pe ko e fē fale ʻoku fakaʻaongaʻí. ʻOku fakahoko ʻe he kau taki ko ʻení ʻa e ako fakalotú, fakahoko e ngaahi fatongia fakatakí, pea ngāue vāofi mo e kōmiti YSA ʻa e siteikí ke poupouʻi hono fokotuʻu mo fakafekauʻaki ʻo e ngaahi feituʻu fakatahatahaʻanga ʻa e YSA. Kapau ko e feituʻu fakatahatahaʻangá ʻoku ʻi ha fale ʻinisititiuti pea ko e talēkita ʻo e ʻinisititiutí (pe kouʻotineitá) ʻa e fakafofonga falé, te ne ngāue mo e kau mēmipa ʻo e kōmiti YSA ke fakapapauʻi ʻoku tali ʻa e ngofua ki hono fakaʻaongaʻí.
- ʻOku maʻu ʻa e paʻanga ngāué mo e ngaahi fakamole fakapatisetí mei he patiseti ʻa e YSA ʻi he siteikí (vakai Tohi Tuʻutuʻuni Fakakātoá, 14.2.1.3), ʻo fakalahi atu ʻe he patiseti fakaʻēliá ʻo ka fiemaʻu. ʻOku toe lava foki ke maʻu e paʻanga ʻa e Seminelí mo e ʻInisititiuti Fakalotú (S&I) maʻá e ngaahi polokalama ʻinisititiuti ʻi he ʻapiakó. ʻOku ʻikai totonu ke fakaʻaongaʻi ʻa e paʻanga fakatāutaha mei he kau faifekau malí. ʻOku totonu ke fakangofua ʻa e ngaahi fakamole kotoa pē ʻe he palesiteni siteiki ʻokú ne tokangaʻí.
- ʻE lava ke fakakaukauʻi ʻa e ngaahi meʻangāue hangē ko e ʻū tēpile hoká, ʻū tēpile pingipongó, ʻaisí, sea moluú, sea sofá, mo e ngaahi feituʻu faiʻanga akó ʻo makatuʻunga ʻi he feituʻu fakatahatahaʻangá mo e ngaahi fiemaʻú.
- ʻI he taimi ʻoku kole ai ha fakangofua ke fokotuʻu ha feituʻu fakatahatahaʻanga ʻo e YSA, kau ai ha kole ki ha paʻanga lahi ange, fakakakato ʻa e Foomu Kole ke Fakapaʻanga e Konifelenisi ʻa e Kau Tāutaha Kei Talavoú mo e Ngaahi Feituʻu Fakatahatahaʻangá.

Ngaahi Maʻuʻanga Tokoni ki he Ngaahi Feituʻu Fakatahatahaʻanga ʻo e YSA

Hingoa ʻo e Maʻuʻanga Tokoní	Fakamatalá
Hingoa ʻo e Maʻuʻanga Tokoní Ngaahi kalasi ʻinisititiutí	Fakamatalá Ngaahi kalasi ʻokú ne akoʻi ʻa e kakai lalahi kei talavoú fekauʻaki mo e folofolá mo e ngaahi tefito kehé.
Hingoa ʻo e Maʻuʻanga Tokoní Ngaahi maʻuʻanga tokoni ki he hisitōliá	Fakamatalá ʻE lava ke tokoni ʻa e kau fai hisitōlia ʻo e Siasí ki he kakai lalahi kei talavoú ke nau maʻu ha ngaahi tali ki he ngaahi fehuʻi fekauʻaki mo e ngaahi tefito fakahisitōlia faingataʻá.
Hingoa ʻo e Maʻuʻanga Tokoní Polokalama Fakaakeake mei he Maʻunimaá	Fakamatalá Ko ha polokalama sitepu ʻe 12 ʻoku tokoni ki he fakafoʻituituí ke ikunaʻi ʻa e maʻunimaá ʻo fakafou ʻia Sīsū Kalaisi mo ʻEne Fakaleleí.
Hingoa ʻo e Maʻuʻanga Tokoní BYU–Pathway Fakaemāmani Lahí	Fakamatalá Ko ha polokalama ako ʻunivesiti maʻamaʻa ʻi he ʻInitanetí maʻa e kakai lalahí.
Hingoa ʻo e Maʻuʻanga Tokoní EnglishConnect	Fakamatalá Ko ha maʻuʻanga tokoni ʻoku tokoni ki hono akoʻi ʻo e lea faka-Pilitāniá ʻi ha ngaahi tūkunga fakaku kulupú. ʻOku ʻi ai foki mo ha ngaahi ʻekitivitī ke tokoniʻi ʻa e fakafoʻituituí ke fakatupulaki ʻene tui kia Sīsū Kalaisí.
Hingoa ʻo e Maʻuʻanga Tokoní Ngaahi maʻuʻanga tokoni ki he hisitōlia fakafāmilí	Fakamatalá ʻOku lahi e ngaahi polokalama hisitōlia fakafāmili ʻa e Siasí ʻe lava ke maʻu, kau ai e FamilySearch.org mo e polokalama FamilySearch Tree (Android pe iOS).
Hingoa ʻo e Maʻuʻanga Tokoní Kulupu ako Haʻu, ʻo Muimui ʻIate Aú	Fakamatalá Ko e Haʻu, ʻo Muimui ʻIate Aú ko ha tohi fakahinohino ako folofola ia maʻá e fakafoʻituituí mo e ngaahi fāmilí ʻa ia ʻe lava ke fakaʻaongaʻi ʻi he ngaahi kulupu ko ʻení.
Hingoa ʻo e Maʻuʻanga Tokoní Ngaahi Maʻuʻanga Tokoni ki he moʻui fakafalala pē kiate kitá	Fakamatalá “Ko e moʻui fakafalala pē kiate kitá ko e malava ia, mo e tukupā, pea mo e feinga ke tokonaki ʻa e ngaahi fiemaʻu fakalaumālie mo fakatuʻasino ʻo e moʻuí maʻata pea mo e fāmilí” (Tohi Tuʻutuʻuni Fakakātoá, 22.0). ʻE lava ke tokoni ʻa e ngaahi kalasi ko ʻení ki he kāingalotú mo e niʻihi kehé ke nau moʻui fakafalala pē kiate kinautolu: Ko Hoku Hala ki he Moʻui Fakafalala pē Kiate Kitá Ko Hoku Fakavaʻe ki he Moʻui Fakafakalala Pē Kiate Kitá Ako ki ha Ngāue Lelei Ange Kumi ha Ngāue Lelei Ange Ngaahi Meʻa Fakapaʻanga Fakatāutahá Ko Hono Kamata mo Hono Fakatupulaki ʻEku Pisinisí Ngaahi Taukei ʻo e Moʻuí ki he Moʻui Fakafalala Pē Kiate Kitá Ko Hono Maʻu ʻo ha Mālohi ʻi he ʻEikí: Ivi Matuʻuaki Fakaeloto
Hingoa ʻo e Maʻuʻanga Tokoní Ngaahi ʻekitivitī ngāue tokoní	Fakamatalá Ko e ngaahi ʻekitivitī ngāue tokoní ko ha founga lelei ia ke fakakau mai ai ʻa e kāingalotu ʻo e Siasí mo e niʻihi kehé. ʻOku lahi ha ngaahi ngāue tokoni ʻe lava ke fakahoko. ʻOku ʻomi ʻe he JustServe.org ha ngaahi faingamālie ha ngaahi faingamālie fakalotofonua ki he ngaahi ʻekitivitī ngāue tokoni kuo fokotuʻutuʻú.
Hingoa ʻo e Maʻuʻanga Tokoní Ngaahi ʻekitivitī ʻa e YSA	Fakamatalá ʻE lava ke fakahoko ʻi he ngaahi ʻekitivitī maʻá e Kau Tāutahá ha ngaahi founga kehekehe, hangē ko e ngaahi konifelenisí, ngaahi sipotí, ʻalu ki he temipalé, ngaahi polokalama fakafonuá, ngaahi hulohulá, mo e ngaahi meʻa peheé.
Hingoa ʻo e Maʻuʻanga Tokoní Ako ʻo e lea fakafonua fakalotofonuá	Fakamatalá ʻE lava ke fakahoko ʻa e ngaahi kalasi ʻoku nau akoʻi ʻa e lea fakafonua fakalotofonuá.
Hingoa ʻo e Maʻuʻanga Tokoní Ngaahi kalasi fakalakalaka fakafoʻituituí	Fakamatalá ʻE lava ke kau ʻi he ngaahi kalasí ʻa e ako fakaʻatamai, feimeʻatokoni, fakalakalaka ʻi ʻapí, haisini fakatāutahá mo e teuteú, mateuteu fakatuʻasinó, mo e ngaahi meʻa peheé.