N Riki bwa te Tia Kawakin Tiibu
I kantaningaia bwa koraki ake ko mwakuri n ibuobuoki nakoia a na taraiko n aron raoraoia ao ana ataia bwa mairoum, a tia ni karekea aia tiambion ao te rao ae kokoaua.
N te ririki ae nako, I kaaitibo ma te ataei man te Buraimwari i Chile e anganai te moangare. “Mauri,” e taku, “Ngai David. Ko kona n taetae ibukiu inanon te maungatabu ni kabuta?”
N te tai ae rau, I iangoa ana kamauri David ae karina. Ti bane n tangiria bwa ti na kinaaki. Ti tangiria bwa ti kakawaki, man ni uringaki, ao namakina te tangiraki.
Tariu ao mwaneu, ngkami ni kabane kam kakawaki. E ngae ngke ko aki taetae inanon te maungatabu ni kabuta, ma te Tia Kamaiu e kinako ao e tangiriko. Ngkana ko iangoia bwa e bon koaua, ko na katameia ao ni kamatenikuna bwa E a tia “nimanei [ko] inanon [Oin] baina.”1
N ataakina bwa te Tia Kamaiu e tangiriira, tina bon bae ni warenako, ti na kanga ni kaota ara tangira Ibukina.
Te Tia Kamaiu e titirakina Betero, “Ko tangirai … ?”
E kaeka Betero, “Eng, te Uea; Ko ataai ba I tangiriko. “E taku Iesu nako ina, Kakamarakeia au tibu aika ataei.”
Ngkana te titiraki aei e titiraki ni kaai ni kauoua ao te katenua n tai, “Ko tangirai?” Betero, e rawawata nanona ngke e kamatoa ana tangira: “Te Uea, ko bon atai baai ni kabane; ko ataai ba I tangiriko. E taku nako ina, Kamarakeia au tibu.”2
E tuai kakoaua Betero bwa bon ngaia te tia iriira Iesu Kristo ae e tangiria? Man aia moan tai ni kaaitibo imataniwiin taari, e “kaeta kawaia” kitana aia karaun n rimwin te Uea.3 Betero e riki ni koaua bwa te tia akawaia aomata. E iriira te Tia Kamaiu inanon Ana mwakuri n ibuobuoki ibon irouna ao ni buoka reireinakiia tabeman ana euangkerio Iesu Kristo.
Ma ngkai te Uea are e a tia n uti e ataia E nang aki mena irarikin Betero, ni kaotia nakoina bwa e na kanga ao ningai ae e na beku. N akean te Tia Kamaiu, Betero e kainnanoa ukoran te kairi mairoun te Tamnei, ni karekea te kaotioti ibon irouna, ao ngkanne ni karekea te ninikoria ao te onimaki ni beku. Katuruan taraan Ana tiibu, te Tia Kamaiu e tangira Betero ni karaoa are E karaoia ngkana E mena ikekei. E tuanga Betero n riki bwa te tia kawakin tiibu.
Eberi ae nako, Beretitenti Russell M. Nelson e karaababa te kaokao ae tii te arona nakoira ni kamwarekeia ana tiibu Tamara n te kawai ae tabu ao ni karaoia n rinanon te mwakuri n ibuobuoki.4
Ni kakoroan kariaiakan te kakao aei, ti riai n namakina te kawai ae karaoia te tia kawakin tiibu ao n ataa kainanon ana tiibu te Uea. Ti na kanga n riki bwa te tia kawakin tiibu are e kainanoira te Uea bwa tina riki iai?
N aron titiraki ni kabane, ti kona n taraa te Tia Kamaiu, Iesu Kristo—te Tia Kawakin Tiibu ae Raoiroi. Ana tiibu Tia Kamaiu a kinaaki ao warekaki, a tararuaki aroia, a ikotaki inanon ana nanai te Atua.
Kinaaki ao Warekaki
N aron ae ti keiaki n iriira ana katooto te Tia Kamaiu, ti riai moa ni kinaia ao wareki Ana tiibu. Ti a tia n anganaki te tabe ae onoti n tatabeman ao utu n tararua n te aro are ni kabane ana nanai te Uea ana tabeakinaki ao akea ae mwanuokinaki. Warekaia, n aron anne, bon tiaki taekan rinanoan te ware ke taiboran te ware bon taekaia tatabeman aomata n namakina ana tangira te Tia Kamaiu rinanonoia tabeman ake a beku Ibukina. Inanon te kawai anne, ni kabane a kona ni kinaaki iroun te Tama i Karawa ae tatangira.
N te tai ae aki maan I kaaitibo ma te aine ae kairake are e karaoa ana mwakuri n ibuobuoki nakon te aine ae nimaua okiokin ana ririki irouna. Ni bobotakia naakai, a kuneiia bwa a kaai n tatangira te katangitang. Ngkana e roko te aine ae kairake aei, a kaai n anenei kuuna, ao tibwauai mamaten nanoia. A kaai ni karioi reitaki are e kakabwaiai maiuiia.
Au kantaninga bwa naake ko karaoa am mwakuri n ibuobuoki nakoia ana taraiko bwa raraoia ao n ataia bwa, mairoum, a karekea aia tiambion, raraoia ae kokoaua—temanna are e atai aia kangaanga ao boutokakiia n aia kantaninga ao kamatoaan nanoia.
N te tai ae aki maan I karekea tibangau ni mwakuri n ibuobuoki ma tooau ae te aina ae I aki rang kinaa. Ngke I marooro ma Jess, ae ngaia toau ae 16 ana ririki ibukin karaon ara mwakuri n ibuobuoki, e tabeka te kaoti ae tamaroa, “Ti kainanoa ae ti na kinaa moa.”
Ti waekoa n iangoia bwa te rawetamnei ao te ikikina n tekiti e na nakoraoi. I taua te tareboon, ao Jess e kotea te bwatin n rawetamnei. Ara moan tai ni mwakuri n ibuobuoki bon te waaki n iraorao.
Ni moan rokora ni kakawari, ti titirakina tarira ngkana iai te bwai ae tina karinna n ara tataro ibukina. E tibwaua kakaewenakoana ae rau ao e taku e rang butimwaea ara tataro. Ana kokoaua ao te mwioko e uota waekoan kabaean te tangira. Ai tera te raka n uringa inanon ara tataro ni katoa bong.
Ngkana ko tataro, ko na uringa ana tangira Iesu Kristo ibukiia koraki ake kona buokiia. Tibwaua te tangira anne ma ngaiia. Tera te kawai ae tamaroa bon kamwarakeaia Ana tiibu nakon buokakiia n namakina Ana tangira—n rinanom?
Tararua Iaoia
Te kauoua ni kawai n karikirakea nanon te tia kawakin tiibu bon tararuakiia Ana tiibu. Ngkai ngaira membwa ana Ekaretia Iesu Kristo ibukiia Aika Itiaki ni Boong Aika Kaitira, ti na mwaing, kanimma, karaoia, ao ni manga katei bwaai ni kabane. Ti rang waekoa ni katoki kainano ma baai n ibuobuoki ke raurau ni kuukii. Ma iai riki?
Ara tiibu ataia ae ti tararuaiia ma te tangira ao tina karaoa te mwakuri n ibuobuoki?
Ni Mataio 25 ti warekia:
“Nako mai, ngkami akana kam kakabaiaki iroun Tamau, anaa abanueami are katauraoaki i bukimi …:
“Ba I baki, ao kam kaamarakeai: I kanimoi ao kam kamoai: te iruwa Ngai, ao kam akoai: …
“Ao ane a na kaeka ake a raoiroi, ni kangai, te Uea, ti noriko n ningai ngke Ko baki, ao ti kaamarakeko? Ao ngke Ko kanimoi ao ti kamoiko?
“Ningai ae ti noriko gke Ko iruwa, ao ti akoiko?”5
Tariu ao mwaneu, boton te taeka bonnoria. Ake a tamaroa a noriia koraki ake a kainano ibukina bwa a tararuaia ao ataiia. Ti kona naba n riki matara n taratara ni buokiia ao kabebete, ni bukamaru ao riki ni mii. Ngkana ti beku, ti kona n kakoaua te berita ni Mataio: “ngke kam karaoi baikai nakon temanna ae moan te mangori ibuakoia tariu aikai …, ao kam karaoi naba nako Iu.”6
Raoraou—tina aranna bwa John—tibwaua bwa tera ae ena riki ngkana ti noora te kainano ae aki nooraki: “Te tari te aine n au Uoote e kataia ni bakabureia. Imwiin uoua namwakaina, I kunea bwa akea temanna man au kooram n roko nakon buuna n taobara nanona man te taneiai ae kamaraki aei. I nanokawaki, I aki naba mwakuriia. N tokina I tuanga te buu temwaane aei ngkana ikona ni katawanou ma ngaia. Bon te mwaane ae mamama, e tatabetabe n tainako. Ao I taku nakoina, ‘Kainanbam e kataia n bakabureia. Anne e na ko na riki bwa rootakin am iango. Ko tangiria ni marooroakinna? e wawanako rani matana man tang. Ti karekea rootakin ara namakin ni marooro aika raba mairouiia aomata ao ni karikirakea kaaniara ae tamaroa ao te onimaki inanon miniti.”
John e reitia, “I taku bwa man karaoan ae raoiroi nakon temanna bwa ti na kanga n kawaria ma nanora ae kokoaua ao ma te tangira.”7
Ara tiibu ana bon bae ni maraki, bua, ke riki n aroia ni bua, n aron aia tia kawakin tiibu, ti konaa n riki ibuakoia taan moan noora kainanoia. Ti kona n ongora ao tangiriia n akean te motikitaeka ao anga te kantaninga ao ibuobuoki ma nooran ana kairi te Tamnei ae Raoiroi.
Tariu ma mwaneu, te aonaaba e bon raka ni kaonan-kantaninga ao te kimwareirei ibukin kaungaan karaoan mwakuri n akoi. Ngkai ko ukora ana kairi te Uea iaona bwa e na kanga kaotan Ana tangira ao nooran kainanoia ake ko tararuaiia, ena ukinako am taratara. Am mwakuri n ibuobuoki ae tabu e na anganiko te kairi ae mairoun te Atua. Ko kona ni ukora te kairi anne ma te koauaraoi.
Ikotaki inanon ana Nanai te Atua
Katenua, ti tangiriia ara tiibu n ikotaki inanon ana nanai te Atua. Ni karaoan anne, ti riai n iangoia bwa ana tiku iaon kawain te berita ao riki ni kukurei n nakonako ma ngaiia iaon mwanangaia n onimaki. Iai iroura rakara ae tabu n roko ni kinai aia iango ao namakin ao ni kairiia nakon aia Tia Kamaiu.
Titita Josivini i Biti iai ana kangaanga n noora kawaina ni waakirake iaon kawain te berita—te taeka nakon te taeka. Raoraona e nooria bwa Josivini e aki rangi n noori koroboki aika tabu n aron warekana. E karekei ana kiraati ni wareware Josivini aika boou ao ana bentira aika ota baboboia ibukin kanikinaean taekan Iesu Kristo inanon Ana Boki Moomon. Tera moanakin ai aron te kukurei ae bebete ni mwakuri ni ibuobuoki ao ni buokia ma kamatebwaian koroboki aika tabu ni karekea mwiina iroun Josivini n roko n te tembora n te moan tai n ana ririki ae 62—28 te ririki imwin bwabetitoana.
Tao ngkana ara tiibu a matoa ke a mamaara, kukurei ke a un, ti kona ni kakoaua bwa akea ae ena namakin n tii ngaia. Ti kona n tangiriia n aki taraa aroia maiuia n tamnei are a mena iai ao n anga te boutoka ao kaunganano ni buokiia n rikirake. N aron ara tataro ao ni ukora ataakin nanoia, I kakoaua bwa Tamara are i Karawa e na kairiira ao Tamneina e na iriira. Iai ara tai n riki bwa taian “anera a mena i buakoiia”n aron are E rimoaia.8
Te Uea e kaoiira n kamwarakeia Ana tiibu, n tabeakiniia Ana nanai n aron ae E karaoia. E kaoiira n riki bwa taan kawakin tiibu ni kabuta te aba, aaba ni kabane. (Ao e koaua, Unimwaane Uchtdorf, ti tangira ao ni kainanoa ana tia kawakin tiibu Tiaman) Ao E tangiriia Ana aomata aika kairake n ira te waaki.
Ara kairake ana konaa n riki bwa tabeman taan kawakin tiibu aika korakora. Bon ngaiia, n aron ae taku Beretitenti Russell M. Nelson, “ibuakoia aika tamaroa te Uea e akaman tia ni kanakomaiia nakon te aonaaba aio.” Boni ngaiia “tamnei aika karineaki,“ ara tia takakaro aika tamaroa, aika iriira te Tia Kamaiu.9 Ko kona n iangoa te mwaaka n aroia taan kawakin tiibu ngke a tabeakina Ana tiibu? Mwakuri n ibuobuoki ni katoatoa ma kairake aikai, ti noora kamimiina.
Kairake n ataeinaine ao ataeinimwane, ti kainanoi ngkami! Ngkana akea katabeami n te mwakuri n ibuobuoki, taetae ma ami beretitenti n ami Bootaki n Aine ke Kooram n Unimwaane. A na kukurei n ami anganano ni karaoa koauan Ana tiibu aika kinaaki ao a warekaki, taruaaki, ao a ikotaki inanon ana nanai te Atua.
Ngkana e roko te bong are ti na katororobua iaan waen ara Tia Kamaiu, tian tabeakinaiia Ana nanai, I tataro bwa ti na konaa n kaeka n aron Betero: “Eng, te Uea; ko bon atai ba I tangiriko.”10 Aikai, Ana tiibu, atangiraki, a bon mano, ao a mena ni mweengaia. N aran Iesu Kristo, amen.