Faaopoopoga

Saili se Galuega e Sili Atu: Filifiliga mo Fonotaga

E ui o lenei kosi o se tautinoga e 12-vaiaso, ae e fetuutuunai lava au filifiliga mo fonotaga. E tele vaega e filifili e galulue i mataupu e 10 o le Saili se Galuega e Sili Atu i totonu o vaiaso muamua e lua ina ia mafai ona latou amata faataitaia ma faaaoga na tomai e amata galulue ai loa ia latou sailiga galuega.

O le taimi lava tou te faamaeaina ai mataupu uma i le Saili se Galuega e Sili Atu, ia faaauau pea ona fono ia le itiiti ifo ma le tai vaiaso mo le 12 vaiaso o loo totoe. O nei fonotaga e pe a ma le itula, ma o le a tou faaaogaina ai le vaega “Faamaai O’u Tomai” e lipoti atu ai e uiga i au tautinoga, suesue le vaega “O Lo’u Faavae”, faataitai ou tomai, ma fai tautinoga faalevaiaso.

O ni nai fautuaga nei na iloa e isi vaega le aoga. E mafai ona e faaaogaina nei fautuaga e fatu ai lava ni a outou lava filifiliga mo tou fonotaga. O ni faataitaiga o lisi o mea e fai [i fonotaga] o loo i le itulau 17.

Filifiliga 1:Ia fono mo le 8–9 itula mo le fonotaga muamua e faauma ai mataupu uma. Ona fono tai vaiaso lea mo le tusa ma se itula mo le 11 vaiaso o loo totoe.

Filifiliga 2:Ia fono faalua mo le tai 4-5 itula i totonu o le lua vaiaso muamua e faauma ai mataupu uma. Ona fono tai vaiaso lea mo le tusa ma se itula mo le 10 vaiaso o loo totoe.

Filifiliga 3:Ia fono faafa mo le tai 2-3 itula i totonu o le lua vaiaso muamua e faauma ai mataupu uma. Ona fono tai vaiaso lea mo le tusa ma se itula mo le 10 vaiaso o loo totoe.

Filifiliga 4:Ia fono tai vaiaso mo le tai 2 itula i vaiaso taitasi, e tai tasi mataupu e fai i le vaiaso. O le a alu ai le 10 vaiaso e faauma ai mataupu uma. Ia fono tai vaiaso mo le tusa ma se itula mo le 2 vaiaso o loo totoe.

Lisi o mea e fai

Filifiliga 1

Fonotaga 1 (8-9 itula)	Fonotaga 2–12 (1–1.5 itula)
O Lo’u Faavae Mataupu 1--10 Tautino	Lipoti O Lo’u Faavae Faamaai O’u Tomai Tautino

Filifiliga 2

Fonotaga 1 (4-5 itula)	Fonotaga 2 (4-5 itula)	Fonotaga 3–12 (1–1.5 itula)
O Lo’u Faavae Mataupu 1--5 Tautino	Lipoti O Lo’u Faavae Mataupu 6--10 Tautino	Lipoti O Lo’u Faavae Faamaai O’u Tomai Tautino

Filifiliga 3

Fonotaga 1 (3 itula)	Fonotaga 2 (2 itula)	Fonotaga 3 (3 itula)	Fonotaga 4 (2 itula)	Fonotaga 5-14 (1–1.5 itula)
O Lo’u Faavae Mataupu 1--3 Tautino	Mataupu 4--6	Lipoti O Lo’u Faavae Mataupu 7--8 Tautino	Mataupu 9--10	Lipoti O Lo’u Faavae Faamaai O’u Tomai Tautino

Filifiliga 4

Fonotaga 1 (2 itula)	Fonotaga 2-10 (2 itula)	Fonotaga 11–12 (1–1.5 itula)
O Lo’u Faavae Mataupu 1 Tautino	Lipoti O Lo’u Faavae Mataupu 2–10 (1 i le vaiaso) Tautino	Lipoti O Lo’u Faavae Faamaai O’u Tomai Tautino

Iloiloga o le Tagata Lava Ia e Faafoea

A uma fonotaga taitasi a le vaega, toe faamanatu faamatalaga o loo i lalo. O le a se lelei o loo e faia ai le [faafoega o le vaega]?

O faapefea mai au o se tagata e faafoea?	Lei faia lava	O nisi taimi	Tele o taimi	Taimi uma
Ou te faafesootaia tagata o le vaega i le aluga o le vaiaso.	□	□	□	□
Ou te faasoa atu lou fiafia ma le alofa mo tagata taitasi o vaega.	□	□	□	□
Ou te fesoasoani ia mautinoa ia lipoti mai e tagata uma o le vaega ana tautinoga.	□	□	□	□
E itiiti se taimi ou te tautala ai nai lo o isi tagata o le vaega. E tau fai tutusa le auai o tagata uma.	□	□	□	□
Ou te tuu atu i tagata o le vaega e talia fesili nai lo lo’u taliina e au lava.	□	□	□	□
Ou te nofo i totonu o le taimi fautuaina mo vaega taitasi ma gaoioiga.	□	□	□	□
Ou te faaavanoaina le taimi mo le vaega o le “Mafaufau Loloto” ina ia taitaiina ai e le Agaga Paia tagata o le vaega.	□	□	□	□
Ou te mulimuli i le tusi o galuega e pei ona tusia ai ma faamaea vaega ma gaoioiga uma.	□	□	□	□

O a mai la’u vaega?	Lei faia lava	O nisi taimi	Tele o taimi	Taimi uma
E alolofa, fefaamalosiauai, ma feauaunaai tagata o le vaega i le tasi ma le isi.	□	□	□	□
E tausia e tagata o le vaega a latou tautinoga.	□	□	□	□
O loo ausia e tagata o le vaega ia taunuuga faaletino ma faaleagaga.	□	□	□	□
E faafesootai ma uunaia e le aunoa e soa galue le tasi ma le isi i le aluga o le vaiaso.	□	□	□	□

Faamatalaga