Faafeiloaiga—Taimi Aofai: 5 minute

Auala e Faaaoga ai le Tusigaluega Lenei

A E Vaaia Faamanatu Nei, Mulimuli i Faatonuga Nei
Faitau	Maimoa	Talanoa	Mafaufau Loloto	Gaoioiga
E toatasi le tagata e faitau leotele mo le vaega atoa.	E maimoa le vaega atoa i le vitio.	E faasoa atu e tagata o le vaega o latou manatu mo le lua i le fa minute.	E mafaufau, manatunatu, ma tusitusi filemu tagata taitoatasi.	E galulue taitoatasi tagata o le vaega pe faatasi foi ma isi mo le taimi atofaina.

Tatalo:Valaaulia se tasi e faia le tatalo.

Taimi:Fai i se tasi e seti le taimi mo vaega taitasi.

Folasaga:E tatau i tagata auai taitoatasi ona faaalu le 30 sekone e tau atu ai i le vaega lona suafa ma se mea e uiga ia te ia lava.

Faitau:Talofa! O le faamoemoega o lenei tamaitusi ia faailoa atu oe i vaega o le ola tutoatasi. O se taulamua lenei a le Ekalesia o le a fesoasoani ai i le au paia e aoao ia tomai faatino ma faamalosia ia mausa faaleagaga. O le aoaoga i le aso, o le a foliga ma pei o fonotaga a le vaega o le ola tutoatasi o le a e faafoeina. Mo le isi lua itula e sosoo ai, o le a tatou talanoaina ai autu nei:

• O le a le vaega mo le ola tutoatasi?

• O lou matafaioi o se tagata e faafoea

• O le fausaga o se fonotaga a le vaega mo le ola tutoatasi

• Auala e auai ai tagata i vaega o le ola tutoatasi

• O tiutetauave faaletaitai o se tagata e faafoea