Vulica—Levu ni Gauna: 85 na miniti

Na Cava na iLawalawa ni Bula Rawati Koya? (10 na miniti)

Sarava na:“I Will Provide for My Saints,” ka tiko ena srs.lds.org/videos e ruku ni “iYau vaka Vidio” ena iwase na “Qarava na iLawalawa” (Sega na vidio? Tomana na wiliwili.)

Veitalanoataka:Ena tara vakacava na noqu bula rawati au vakayago ka vakayalo na noqu vakabauti Jisu Karisito?

Wilika:Na inaki ni ilawalawa ni bula rawati koya me vukea na tamata me veisautaka na ivalavala ni nodra bula. E a vakatavuvulitaka o Elder M. Russell Ballard: “Au vakabauta ni matabose era sa sala mana ni vakayaco-ka. Kena ikuri, au kila ni matabose sa nona sala na Turaga ka sa bulia na ka kecega ena vuravura taucoko mai na dua na matabose mai lomalagi, me vaka e tukuni tiko ena ivolanikalou tabu.” (“Matabose ni Matavuvale,” Ensign se Liahona, Me 2016, 63).

Mai na cakacaka vata ena ituvatuva vakamatabose, e tu kina vei ira na lewe ni ilawalawa na taledi eso, na veivauqeti, na kila vakacakacaka, kei na kila ka sega ni tu ni ra tu taudua. iLawalawa ni Bula Rawati Koya:

• E 8–12 na lewena ka ra cakacaka ki na dua vata na gagadre, me vaka na vakatulewa vakailavo, kunei ni cakacaka vinaka cake, vakavinakataki ni nodra vuli, se tekivutaki ka vakatuburi ni dua na bisinisi.

• E buturara taqomaki ka ra logaloga vinaka taucoko me ra vakaitavi kina vakatautauvata.

• E sota vakamacawa me yaco ki na 12 na macawa me vakatuburi kina na matau vakacakacaka kei na ivakarau vinaka eso.

• E vakayagataka na iwalewale vakamatabose me rawa kina vei ira na lewena mera vuli ka ra veivakayaloqaqataki vakai ira.

• E yalayala me cakacakataka e veimacawa na ka era sa vulica na lewena.

• E ripotetaka na toso ka me rawa vei ira na lewena mera veirairaicitaka na nodra yalayala.

Veitalanoataka:E duidui vakacava na ilawalawa ni bula rawati koya kei na bose lalai kei na kalasi eso ko sa tiko kina?

Na nomu itavi vaka Dauveiqaravi (15 na miniti)

Sarava na:“How to Facilitate a Group,” ka tiko ena srs.lds.org/videos e ruku ni “iYau vaka Vidio” ena iwase na “Qarava na iLawalawa” (Sega na vidio? Tomana na wiliwili.)

Veitalanoataka:Na cava e veisau kina na dauveiqaravi ena vidio mai na dua na qasenivuli ki na dua na dauveiqaravi? E yavalata vakacava na ilawalawa?

Wilika:Na Turaga e a tukuna baleta na matabose se na ilawalawa ena Lotu, “mo dou kakua ni vakamacala kecega ena dua vata na gauna; raica me dua ga e vosa ka ra vakarorogo na kena vo ki na nona ivakamacala, ia ni dou sa vosa oti kece, dou sa vuli ka veivakavulici kece tale ga, raica ena soli vakatautauvata na dodonu ki na tamata yadua.” (VV 88:122

E loma ni ilawalawa ni bula rawati koya, e sega ni dua e kacivi me veivakatavulici. Ni ko dauveiqaravi, e nomu itavi mo vukei ira na lewe ni ilawalawa mera vakamuria na lewenivuli, vakaitavi, ka sureta na Yalotabu ki na veitalanoa. Ko a sega ni kacivi mo kena dau na ulutaga. E dodonu beka, mo vakaitavi me vaka na lewe ni ilawalawa, maroroya na yalayala ka vuli vata. Ni ko muria tiko na ivakavuvuli e ra (volai kata) ena vukei ira na ilawalawa me vuavuai vinaka na ka era sotava.

Vakatubura e dua na buturara taqomaki. Ena veimacawa ko ira na vakaitavi mera ripote e matadra na ilawalawa na nodra toso ena kena maroroi na yalayala. Era na cakacala ka sota kei na druka ena ilakolako ki na rawati koya cake vakalevu. Oqo e ka matau ka bulabula. E bibi mera vakila na vakaitavi ni ra tu ena buturara taqomaki mera rawa ni tovolea, druka, ka qai rawata sara e muri.

Veitalanoataka:Na cava eso na sala o rawa ni vukei ira kina na vakaitavi mera kila ni ra taqomaki, logaloga vinaka, ka ciqomi mai vei ira na ilawalawa?

Wilika:Veivakauqeti me vakaitavi Ni ko dauveiqaravi, e sega ni dodonu mo vosa vakalevu cake mai vei dua ga na lewe ni ilawalawa. E dodonu mo sema yani e loma, ka vukea me rogo kece na domodra.

iTaviqaravi

iKalawa 1: Ena ilawalawa yatolu, wilika na na ka e cakava na dauveiqaravi e ra.

iKalawa 2: Ni digia yadua e dua na cakacaka mai na iyatu ka veitalanoataka na cava na vuna e yaga kina se ca kina vakaitavi.

Na Cava e Veivakayaloqaqataki ki na Vakaitavi kei na Duavata?	Na Cava e Vakamavoataka na Vakatavi kei na Duavata?
Vagolea na veitaro ki na ilawalawa Vosa vakarokoroko me baleti ira na tani Kila na yacadra kecega Matadredredre ka dau veitokani Tekivutaka ka tinia na soqoni ena kena gauna donu Vakabauta ka muria na ivolanicakacaka	Vosa veivakayalolailaitaki ka vakalelewa Vosa ena vei taro kece ka gu mo cavuta na iotioti ni vosa Vakaotia bera na sota Vosa vakasivia ka viavia qasenivuli tiko

Veitalanoataka:Ko na walia vakacava na tamata ka osota na veivosoki se sega ni vakaitavi?

Wilika:Tekivu ka tini ena gauna donu. Ko ira na lewe ni ilawalawa era rawa ni vakabauta ni na tekivu ka tini na ilawalawa ena gauna donu. Na iwase yadua kei na itavi qaravi e tu na vakatutu ni kena gauna yalani. Ena veimacawa e rawa ni ko lesia e dua mai na ilawalawa me tukuna na gauna.

Veitalanoataka:Na cava so tale o rawa ni cakava mo vukea kina na ilawalawa me cici ena gauna?

Wilika:Maroroya na vosa me veidonui ka bolebole. Kakua ni wasea na italanoa ka vakalewai ira na tani, sega mada ga ni dua ka ra sega ni kila lewe ni ilawalawa.

Veitalanoataka:O na rawa ni vakauqeti ira vakacava na veivosa ni ilawalawa me vakanamata ka veivakarokorokotaki?

Na iBulibuli ni dua na Sota ni iLawalawa ni Bula Rawati Koya (40 na miniti)

Sarava na:“‘Go and Do’ Learning,” ka tiko ena srs.lds.org/videos e ruku ni “iYau vaka Vidio” ena iwase na “Qarava na iLawalawa” (Sega na vidio? Tomana na wiliwili.)

Wilika:Na sota ni ilawalawa e lima na kena iwase. Mo kakua ni rika sivita e dua na iwase.

Ripote:Ena iwase oqo, o ira na ilawalawa ka vakaitavi mera veidutaitaka kina na nodra igu ka ripotetaka na nodra toso ki na ilawalawa Mera wasea na veika era sa vulica mai na nodra vakatovotovotaka na matua kei na ivakarau vou. Na veidutaitaki ni toso e bibi ena kena turi na vei ivakarau vou. (Taura e 20-30 na miniti .)

Veitalanoataka:E rawa ni vukei keda vakacava na noda ripotetaka na noda toso ki na ilawalawa e matana levu?

Noqu Yavu:Ena iwase oqo, mera vuli na lewena ka bulataka na ivakavuvuli ni vakabauta, vuli, cakacaka vakaukauwa, kei na nuitaka na Turaga. Ena veimacawa era na railesuva na vakaitavi na itekitekivu ni vakavuvuli ka na rawa ni vukei ira mera yaco mera bula rawati ira cake vakalevu. (Taura e 20 na miniti .)

Veitalanoataka:Na cava na vuna meda vulica ruarua kina na ivunau kei na kila matau vakayago ena noda ilawalawa?

Vulica:Ena iwase oqo, mera wilika kina na ilawalawa vakaitavi, veitalanoataka, ka vakatovotovotaka na vakanananu vovou kei na kila matau ka na rawa ni vukei ira mera bula rawati ira vakayago. (Taura e 40-50 na miniti .)

Vakananuma:Ena iwase oqo, mera vakanananu kina na ilawalawa vakaitavi ka vola me baleta na veika era sa vulica ena sota vakailawalawa. Era vakasaqara na veituberi ni Turaga ka raica na veisala eso me vinaka cake kina. Yalovinaka kakua ni calata na iwase oqo. (Taura e 5-10 na miniti .)

Veitalanoataka:E rawa vakacava ki na vakanananu—ena vakanomodi ka sega na veitalanoa—me vakatara na Yalo Tabu me vakatavulici keda?

Yalataka:Ena iwase oqo, mera yalataka kina na vakaitavi mera vakatovotovotaka na kila matua vou kei na ivakarau era sa vulica ka veitalanoataka ena sota vakailawalawa. Na caka kei na maroroi ni yalayala e bibi ena ikalawa ni kena vakatikori na veiivakarau vou. Me veivuke, mera digia na vakaitavi e dua tale na lewe ni ilawalawa me tu vaka itokani ni cakacaka Na itokani ni cakacaka era veiyadravi e loma ni macawa me soli veivakayaloqaqataki kei na veitokoni. Era yalayala talega na vakaitavi mera vakatavulica na ka era sa vulica vei ira na nodra vuvale se itokani. (Taura e 5-10 na miniti .)

Veitalanoataka:Na cava na vuna e bibi kina me da yaco ka tiko e dua na noda itokani ni cakacaka?

Cakava:O ira na vakaitavi mera cakava na nodra yalayala e loma ni macawa mera veisautaka kina na ivalavala ni nodra bula! Na caka kei na nodra vakatavulici na tani mai na ka era sa vulica ena vukea na laveti ni nodra kila matau kei na ivakarau ni bula rawati koya. (Taura e 3-8 na auwa ena dua na macawa.)

Veitalanoataka:Meu na vukea vakacava na lewe ni ilawalawa mera cakava e loma ni macawa na ka e taracake na ivakarau vinaka?

Wilika:Oqo ni ko sa kila me baleta na ibulibuli, meda vakatovotovotaka vata mada e dua na iwase dina ni dua na sota.

iTaviqaravi

iKalawa 1: Digia e dua mai na ilawalawa me veiqaravi ena iwase ni Noqu Yavu. Me kakua ni vakavulica na ivakavuvuli o dauveiqaravi ki na ilawalawa. Ia, o koya e vakamuria na ivolavakarau me vaka e volai ka veivakauqeti me ra vakaitavi kece.

iKalawa 2: Cega na draunipepa 12 ka tekivu ena ivakavuvuli ni Noqu Yavu, “Na Bula Rawati Koya sa dua na iVakavuvuli ni Veivakabulai.”

iKalawa 3: Ni o vakacavara na iwase ni Noqu Yavu vakayagataka, na veitaro koto e ra mo solia kina vei dauveiqaravi na kila vakalesui.

• E vakacava na vinaka ni nona vakamuria na ivola o dauveiqaravi?

• E vakayarayarataka vakacava o dauveiqaravi na vakaitavi mai vei ira na lewe ni ilawalawa.

• Era a vakila beka na lewena na yavavala ni Yalo Tabu?

Nodra Curu na Tamata ki na iLawalawa (10 na miniti)

Sarava na:“Choosing a Self-Reliance Group,” ka tiko ena srs.lds.org/videos e ruku ni “iYau vaka Vidio” ena iwase na “Qarava na iLawalawa”. (Sega na vidio? Tomana na wiliwili.)

Wilika:Na iwalewale ni curu ki na dua na ilawalawa e oka kina e tolu na ikalawa.

A imatai, na matabose ni tabanalevu ena sureti ira na lewenilotu mera tiko ena dua na lotu ni bula rawati koya.

iKarua, o ira na lewenilotu era tiko ena lotu era na:

• Vulica na ivunau yavu kei na ivakavuvuli ni bula rawati koya.

• Dikeva na nodra gagadre vakayalo ka vakayago edaidai.

• Digia e dua na ilawalawa ka via laveta cake na nodra kila matau.

• Digitaka e dua na siga, gauna, kei na vanua ni sota vakailawalawa.

iKatolu, o ira na lewenilotu era na tekivu tiko ena ilawalawa ka ra digitaka ena dua na macawa tarava na lotu.

iTavi Vakaivola nei Dauveiqaravi (10 na miniti)

Vakaivolataki ni iLawalawa

Wilika:E ka bibi me vakaivolataki na ilawalawa ka e muri me vakaoti e dua na ripote ena icavacava ni ilawalawa. Na ikalawa oqo ena vakatarai iko mo kerea na nodra ivolatara na lewe ni ilawalawa, ciqoma eso na ikuri ni lewe ni vuli, ka vukea na Lotu me laveti cake na gumatuataki ni bula rawati koya. Yalovinaka railesuva na ivkasala koto e ra:

• Ni se bera na imatai ni sota vakailawalawa, vakasobura na Fomu ni Vakacurumi ni iLawalawa srs.lds.org/report. Vakalewena kece na fomu ena imatai ni sota vakailawalawa. Ni sa vakaleweni oti kece na fomu, sikova na srs.lds.org/report mo vakacuruma kina na itukutuku.

• Veitaratara vua na kena dau ni bula rawati koya ni iteki e veimacawa me vakatakilai vua se ko cei ka a tiko ena sota ka ke dua na italanoa ni rawa ka ni dua na lewe ni ilawalawa.

• Ni se bera na imatai ni sota vakailawalawa, vakasobura na Fomu ni Vakacurumi ni iLawalawa srs.lds.org/report. Vakalewena kece na fomu ena imatai ni sota vakailawalawa. Ni sa vakaleweni oti kece na fomu, sikova na srs.lds.org/report mo vakacuruma kina na itukutuku.

Vakarautaaka na Rumu kei na Vidio e Veimacawa

Wilika:Na nomudou kena dau ni bula rawati koya e rawa ni biuta vakawawa tu e dua na rumu ena Valenilotu vei kemuni. Ena veimacawa e dodonu mo totolo mai ena vica na miniti mo mai tuvana na teveli kei na idabedabe. E dodonu talega mo vakarautaka na iyaya ni sara-rogoca ka vakadinata ni cakacaka tiko na vidio kei irogorogo.

iTaviqaravi

iKalawa 1: Railesuva na ituvatuva ni rumu ka toka ena dayakaramu e ra.

iKalawa 2: Veitalanoataka na vuna e bibi kina na ituvatuva ni dabe ki na ikalawa ni vuli vakailawalawa.

ME KUA NI VAKA OQO

Raica: Na kalokalo ena iyaloyalo e mata ni dauveiqaravi.

Qarava na iLawalawai ni “Kunea e dua na Cakacaka Vinaka Cake”

Kevaka ko qarava tiko e dua na ilawalawa ni Kunea e Dua na Cakacaka e Vinaka Cake, e rua na ka e dodonu mo kila tiko.

A imatai, ni ko tauyavutaka nomu ilawalawa ena lotu ni bula rawati koya, sureti ira na lewe ni ilawalawa mera kauta mai e dua na ilavelave ni cakacaka ka ra malele kina ki na veisota vakailawalawa.

iKarua, na digidigi ni nomu sota e rawa ni vukici. iYalovinaka wilika na draunipepa 16 - 17 ena ikuri ni itukutuku. Vakaraitaka na digidigi ni sota vei ira na digia na nomu ilawalawa ena lotu ni bula rawati koya.

iVakaleleka

Wilika:Raibaleta wasoma na ituvatuva oqo ena gauna ni nomu vakaitavi vaka dauveiqaravi.

Na Cava Mo Cakava ni bera na Sota Vakailawalawa

• Qiri se vakau itukutuku vei ira na lewe ni ilawalawa mo veivakananumi ena tiki ni siga, gauna, kei na vanua.

• Railesuva na iyayanivuli mo vakavakarau me veiqaravi—ia mo kakua ni vakarau mo laki vakatavuvuli me vaka na lesoni.

• Kerea na kena dau ni bula rawati koya ni iteki me solia vei iko na ivola ni cakacaka e rauti ira na toqa na yacadra ka me rua na ivola me kena ikuri.

• Yaco totolo yani me laki tuva idabedabe, teveli, kei na vidio vakamatau.

• Me tu vei iko na peni kei na penikau me baleti ira na tamata ka ra guilecava na nodra.

Na Cava Mo Cakava ni bera na Sota Vakailawalawa

• Kidavaki ira ena marau na lewe ni ilawalawa ka veikilai kei ira.

• Raica ka cibitaka na nodra rawaka kei na toso.

• Lesia e dua na daunigauna me vakatulewa ena gauna lavaki.

• Vakayarayarataka na veitalanoa ena kedra maliwa na lewe ni ilawalawa.

• Vakabibitaka na caka ni yalayala ena maliwa ni sota eso.

• Vakananumi ira na lewe ni ilawalawa mera rokova na itukutuku maroroi.

Na Cava Mo Cakava ni bera na Sota Vakailawalawa

• Sikova srs.lds.org/report ni oti na imatai kei na iotioti ni sota vakailawalawa me veivakaivolataki, ripote, kei na ivolatara.

• Vakayarayarataki ira na itokani ni cakacaka mera veitaratara ka veivuke vakai ira ena loma ni macawa.

• Veitaratara vua na kena dau ni bula rawati koya ni iteki e veimacawa me kila ko koya ni ko a tiko ena sota ka cava e yaco ena sota.

• Railesuva ena masumasu na iyayanivuli ni sota vakailawalawa ka tarava.

• Vakavakarau vakayalo ka cakacaka mai na veivakatakatai ko ciqoma.