Noqu Yavu: Na Bula Rawati Koya e dua na iVakavuvuli ni Veivakabulai—Levu ni Gauna: 25 na miniti

Vakananuma:Joni 10:10 (ena imatau)

“Au sa lako mai me rawa vei ira na bula, ia me rawa vakalevu sara.”

Joni 10:10

Veitalanoataka:Na cava na bula sautu?

Sarava na:“E a Boroya Na Qaqalo ni Yavaqu,” e tiko ena srs.lds.org/videos. (Sega na vidio? Wilika na draunipepa 13.)

E a Boroya Na Qaqalo ni Yavaqu

Kevaka o sega ni sarava rawa na vidio, wilika na itukutuku.

Elder Enrique R. Falabella: Niu a tubucake tiko, e a sega soti ni levu na ka e tu vei keitou. Au nanuma e dua na siga niu a gole yani vei tamaqu ka tukuna vua, “Tamaqu, au gadreva e dua na ivava vou. Koya oqo era sa mamare.” E tu vakadua o koya ka raica mai na noqu ivava ka raica ni sa mamare dina. E kaya mai o koya, “Au kila oqo e dua na ka eda rawa ni vakavinakataka.” E kauta mai o koya na iboro ni vava ka boroya noqu ivava, ka sa rairai caliva ka qai rairai vinaka. E kaya o koya, “Qo sa vinaka tale, luvequ.” Au sauma yani, “Sega, e se bera. E rawa ni o raica na taukuku ni yavaqu ni sa yati tu mai na noqu ivava.” E kaya, “Io, e rawa talega ni vakavinakataki oqori!” E taura mai o koya e so nai boro ni taukuku ka qai boroya kina na taukuku ni yavaqu.

Ena siga oya au vulica ni na leqa kece e tiko na kena iwali. Au sa kila deivaki ni vakavuvuli ni tuvatuva ni bula rawati koya e sala ni vakusakusataki na cakacaka ni Turaga. Era tiki kecega ni cakacaka ni veivakabulai. Eda rawa ni vinaka cake mai na noda ituvaki ena gauna oqo. E dodonu mo biuta na vucesa. Ena levu na gauna eda vakawelewele, ena rawa ni vakacacana na noda toso oqori. Ena veisiga e rawa niu toso tiko kevaka au digia me cakava e dua na ka me vakavinakataki na veika au a sega ni cakava vakavinaka e liu. Kevaka o cakava ena vakabauta, ni o cakacakataka tiko na nomu vakabauta kei na nuitaki Karisito ni na tiko o Koya me vukei iko, o na vukea na sala mo toso tiko ga ki liu ena veika vakayalo ka vakayago talega. Oqo e baleta ni bula tiko na Kalou ka o Luvena, yalewa se tagane.

Lesu ki na tabana e 12.

Veitalanoataka:O vakabauta li ni tiko na iwali ni nomu leqa? Ena rawa vakacava me da rawata na kaukauwa ni Turaga me vukei keda?

Wilika:Na iVoladusidusi 2 itukutuku ravita kei na vakacacavu mai vei Elder Dallin H. Oaks (ena imatau). Na bula rawati koya e sega ni kena ibalebale ni da na rawata na veika cava ga eda vakanamata kina. Ia, e kena ibalebale ni vakabauti ni loloma veivueti, se kaukauwa veivueti, i Jisu Karisito kei na noda sasaga, eda na rawa ni rawata kina na veika vakayalo ka vakayago ni bula eda gadreva vei keda kei na noda matavuvale. Na bula rawati koya sai koya na noda nuitaka se vakabauta na kaukauwa ni Kalou me da tosoya na veiulunivanua ena noda bula me solia vei keda na kaukauwa me vaqaqacotaki me da rawata na veivakatovolei kei na noda dredre.

“Na bula rawati koya sa ikoya na kaukauwa, iyalayala, kei na sasaga mo rawata kina na bula vakayalo kei na bula vakayago ni bula yadua kei na bula ni matavuvale. Ni ra sa yacova na lewenilotu na bula rawati koya, sa na rawa vakavinaka talega me da qaravi ka qarauni ira tale eso.”

iVoladusidusi 2: Veiliutaki ena Lotu (2010), 6.1.1

“Na cava ga e vakavuna tiko na noda vakararavi tiko vua e dua tale me baleta na digidigi kei na ivurevure eda rawa ni vakarautaka me baleti keda e vakamalumalumutaki keda vakayalo ka vakabera na noda tubu yani ki na veika e tuvai tu ena kosipeli me baleti keda.”

Dallin H. Oaks, “Veivutuni kei na Veisau,” Ensign se Liahona, Nove. 2003, 40

Veitalanoataka:E sa vukei iko vakacava na loloma veivueti i Karisito mo rawata na veika e gadrevi ena bula vakayalo ka vakayago talega?

iTaviqaravi

iKalawa 1: Digia e dua na itokani ka wilika na ivakavuvuli e ra.

iKalawa 2: Veitalanoataka ena vukei iko vakacava mo na bula rawati iko na nomu vakabauta na veidina oqo.

Na iVakavuvuli Vakaivunau ni Bula Rawati Koya
Na bula rawati koya e ivakaro.	“Na Lotu kei ira na lewena era sa vakaroti mai Vua na Turaga mera bula rawati ira ka tu vakataki ira” (Nodra iVakavuvuli na Peresitedi ni Lotu: Spencer W. Kimball [2006], 116).
Na Kalou sa rawata ka na vakarautaka talega na sala me ra bula rawati ira kina na Luvena yalododonu.	“Raica sa noqu inaki meu vakarautaka na veika oqo me yaga vei ira na noqu tamata; io au sa lewa na ka kecega” (V&V 104:15
Sa duabau ga na veika vakayago kei na veika vakayalo Vua na Kalou.	“Ia au sa kaya vakaidina vei kemudou, au sa okata na ka kecega me ka vakayalo” (V&V 104:15

Veitalanoataka:Wilika na vosa cavuti nei President Marion G. Romney (ena imatau). O kila vakacava ni o sa rawata tiko mai na bula rawati koya?

“Ni sega na bula rawati koya e sega ni rawa vua e dua me vakayacora na gagadre titobu me veiqaravi. Ena rawa vakacava me da solisoli kevaka e sega ni tiko e dua na ka? Na kakana vei ira na via kana e sega ni rawa ni lako mai ena kovate e lala tu. Na ilavo me ra vukei kina na leqa tu e sega ni rawa ni tauri mai ena baosi lala. Na veitokoni kei na kila deivaki ena sega ni rawa ni lako mai vei ira na waloloi tu na ituvaki ni veika ni lomadra. Na ivakavuvuli ena sega ni rawa ni lako mai vei ira na sega ni vuli. Kena bibi duadua, na veidusimaki vakayalo ena sega ni rawa ni lako mai vei ira na malumalumu vakayalo.”

Marion G. Romney, “Na Ka Bula Vakasilesitieli ena Bula Rawati Koya,” Ensign, Nove. 1982, 93

Yalataka:Yalataka mo cakacakataka na veika oqo ena loma ni macawa. Tikitaka na kato ni o sa vakacavara na yalayala yadua.

• Wasea na veika o vulica nikua me baleta na bula rawati koya kei ira na nomu matavuvale se itokani.

Lesu ki na tabana e 8.