Mesej we i kam long Fas Presidensi

Ol dia brata mo sista blong mifala.

Mifala i lavem yu, mo mifala i gat tras long yu. I tru, se yu i bin stap long medel blong ol spirit pikinini blong Papa long Heven we Hem i bin jusum, we i sendem yu i kam long wol long taem ia blong mekem ol impoten samting.

I save gat ol taem we yu no filim se yu strong o save mekem samting. hem ia i oraet. Speseli long ol taem olsem, tanem yu i go long Sevya. Hem, hem i “paoa blong ol yut.”

Gaed ia bae i helpem yu blong bildimap wan strong fandesen blong stap mekem ol joes blong stap long rod blong kavenan. Bae i helpem yu rere blong mekem ol tabu kavenan insaed long tempol, rere blong givim seves long wan misin, mo faenem glad taem yu i stap folem Jisas Kraes truaot long laef blong yu. Mifala i hop se yu filim se yu blong Jos Ia blong Sevya mo gat paoa we i kam long Hem blong mekem stamba tingting blong yu i hapen.

Mifala i save God i laef. Hem i prea blong mifala se bae yu stap strong long rod blong kavenan we i lidim yu i gobak long Papa long Heven. Taem yu mekem hem ia, bambae yu i stap wan gudfala eksampol, stap serem gospel wetem bigfala glad mo stap rere long wol ia Seken Kaming blong Sevya.

Fas Presidensi