Faenem Glad long Kraes

Ol joes oli impoten. Ol joes we oli bes long ol tijing blong gospel i ol step we i lidim yu i go kolosap long Papa blong yu long Heven mo Jisas Kraes. Jisas i talem se, “Mi stap talemaot ol tok ya long yu, … nao bambae yu i glad” (John 15:11). Wetem wanwan step i go long Hem, bae yu filim se yu stap kolosap long Spirit mo kavenan rilesensip blong yu wetem God bae i kam strong moa.

Be hem i no minim se bae rod i fri long problem. Mo from i nogat wan i wokbaot long wan rod laen we stret gud evriwan, oltaem jekem daereksen blong yu mo ona long ol komanmen blong God. Kipim ol kavenan blong yu wetem God mo rere blong mekem moa. Ol kavenan oli konektem yu long Papa blong yu long Heven mo Sevya. Oli givim moa paoa blong God long laef blong yu mo rere yu blong kasem laef we i no save finis.

Aot long evri joes, wan we i moa impoten i joes blong folem Jisas Kraes. Hem i paoa blong ol yut. Gospel blong Hem i wan hapi wei blong go bak long Papa long Heven.