Rongorongo man te Moan Beretitentii

Tarira ao mwaanera aika a tangiraki,

Ti tangiri ngkami ao iai onimakinakimi iroura. Kam bon mena ni koaua ibuakoia tamnei ake a rineaki iroun Tamara are i Karawa, a kanakoaki nako aon te aba n te tai aei ni karaoi bwaai aika a kakawaki.

Ana bon iai taai ae ko na namakina te aki marurung ke te aki konabwai. E bon riiriki anne. Rairaki nakon te Tia Kamaiu, riki n taai akanne. Bon Ngaia “korakoraia kairake.”

Te kairi aei e na buokiko ni katea aam ae matoa ibukin karaoan rinerine n tiku iaon kawain te berita. E na buokiko ni katauraoi ni karaoi berita aika tabu inanon te tembora, katauraoi ni beku n te mition, ao ni kunea te kimwareirei n iriira Iesu Kristo rinanon maium. Ara kantaninga ko na namakinna ae ko bon mwioko n ana Ekaretia te Tia Kamaiu ao iai te mwaaka mai Irouna ni kakoroi Ana kantaninga ibukim.

Ti ataia ae maiu te Atua. Bon ara tataro bwa ko na tiku ni matoa iaon kawain te berita ae tabu are kairiko n oki nakon Tamam are i Karawa. Ngkai kam karaoa aei, kam na riki bwa bwaai n anainano ibukin te raoiroi, tibwaua kakukurein te euangkerio ao katauraoan te aonaaba ibukin kauaokin te Tia Kamaiu.

Te Moan Beretitentii