Iesu Kristo e na buokiko

Taian Areru 147:3

Iesu Kristo bon korakoram. E a tia ni karaoi bwaai ni kabane aika riai ibukim ni karekea te kimwareirei n te maiu aei ao n aki toki. Man Rineana ao Ana euangkerio, ko bon rinea te kimwareirei akea tokina.

E ngae ngkana ko kataia ni karaoa am kabanea n tamaroa ni karaoi rinerine aika eti, n tabetai kona bon konaa n tibanako. Ko na karaoi bwaai aika ko tangiria n aki karaoi. Aomata ni kabane a karaoia. Ngkana e riki anne, e bon bebete namakinan te bwarannano ke ko na miimi n tamaroam ae tau. Ma iai te rongorongo ae tamaroa—kamiimi, te rongorongo ae iai kantaningaana! Ibukina bwa te Atua e tangiriko, E kanakoa Natina, Iesu Kristo, are e katokaa Iaona am bure n te aro bwa ko na kona n rairananom ao waaki n rikirake.

Koaua akea tokiia

Iesu Kristo e kona ni kakorakorako. E kona ni buokiko ni bita nanom, ami iango ao am mwakuri. Ngkana ko raraoma, maaku ke ikakorakora n aanga nako, E na kabebeteko. E na buokiko n am kantaninga ni kabane ni maium.

Te rairannano bon tiaki te katuaa ibukin te bure; bon te kawai are e kainaomataira iai te Tia Kamaiu man te bure. Te rairannano bon te bitaki—te tannako man te bure ao kaineta te Atua. E nanonaki iai bwa te katamaroa ao karekean te kabwarabure. Te aeka ni bitaki aei bon tiaki n ti teuana te tai; bon te waaki ae reitinako.

Kakao

Raira nanom. Rairaki nakon te Uea ma te nano ni kan rikirake. Ngkana ko a tia ni karaoa te bwai teuana ae bure, kokoaua ni kaotia imatan te Atua ao, n aron kainanoana, nakon am bitiobi ao temanna are ko a tia ni kamarakia. Karaoa am kabanea n tamaroa ni kanakoraoi bwaai n etina.

Kimwareirei n te bwaintangira ni karaoan te tamaroa ao katamaroa riki. E ngae ngkana e aki bebete ao ni maan nakon ae ko tangiria, tai toki ni kataia. Teimatoa mwakuriia ao onimaki iroun Uea. Te Tia Kamaiu e na buokiiko ni katoaa mwanekan kawaim.

Berita aika beritanaki

Iesu Kristo e na kabwarai am bure ao ni kamarurungko ngkana ko rairananom. E na oneamwin am bure ma te rau ao te kimwareirei. E na aki manga uring am bure. Inanon Korakorana, nanom ni kukurei ni kawakin Ana tua e na karakaaki.

E na bita nanom ao maium. Teutana imwin teutana, ko na rikirakie ao n riki n ai Arona. Tomaakin am berita aika tabu ma Ngaia e na uota nakoim te kawai nakon Mwaakana ae korakora.

Titiraki ao kaekaaia

N na kanga n ataia ngkana te Atua e a tia ni kabwarai au bure? E berita te Atua bwa e na kabwarai aia bure ake a rairinanoia. Ngkana ko namakina te kabebeteaki mairoun te Tamnei, ko kona n ataia bwa mwaakan ana mwakuri ni kamaiu te Tia Kamaiu e bon mwakuri inanon maium.

Ningai ae N na kainanoa ana buoka te bitiobi n rairananou? Am bitiobi e taui kingin te nakoanibonga ao ana bwaintangira te tamnei ni buokiko n rairananom. Ko kona ni ukora ana buoka ao ana marooro n te tai are ko baireia. Ngkana ko a tia ni karaoa te kaairua ae kakaiaki, n aron uruan tuan te itiaki, marooro ma am bitiobi. E aki kona ni kabuakakako. Bon ngaia ana tia tei Iesu Kristo ao e na buokiko n ataia bwa ko na kanga n rairananom ni koaua ao ni karekea ana kamarurung te Tia Kamaiu ao mwaakan korakorana.

I kataia n rairananou, ma I teimatoa ni karaoa te kaairua. Tera ae N na riai ni karaoia ngkai? E anaa te tai karaoan katei aika tamaroa ao nurui aika buakaka, ngaia are tai bwarannano. Rairaki nakon Kristo. E tau Ana akoi. Kataia riki. Ko aki tiku n ti ngkoe inanon am kekeiaki n rikirake. Iesu Kristo e mena iroum n taainako.

See Enoti 1:6 (te bure e kona ni kamaunaaki); Motiaea 4:3 (rinanon te Tamnei ae Raoiroi, te Atua e tuangko e a kabwaraaki am bure); 26:30 (te Tia Kamaiu e kabwarai buure n tainako ngkana ti rairinanora); Ita 12:27 (ana akoi te Tia Kamaiu e kona ni karaoi mamaara bwa ana korakora); Moronaai 6:8 (koraki ake a rairinanoia a kabwaraaki aia bure); 10:32 (riki ni kororaoi iroun Kristo); Reirei ao Berita aika Tabu 1:32 (te Uea e kabwarai aia bure ake a rairinanoia); 58:42–43 (rairannano n raonaki kabwarabure ao kararoan te bure).

Titiraki ibukin beeba ni kariaia nakon te tembora

Iai am onimaki inanom ao am koaua iroun te Atua, te Tama ae Akea Tokina; Natina, Iesu Kristo; ao te Tamnei ae Raoiroi?

Iai am koaua ibukin Ana Mwakuri ni Kamaiu Iesu Kristo ao n Ana beku ngkai am Tia Kamaiu ao te Tia Kabooira?