Karekean te kimwareirei iroun Kristo

Taekan te rinerine. Te rinerine e boboto iaon ana reirei te euangkerio bon mwaneka are a kairiko ni kaan nakon Tamara are i Karawa ao Iesu Kristo. E taku Iesu, “I atongi baikai nako imi, … ao e na koro raoi kakatongami” (Ioane 15:11). Ma mwaneka nako ni kaineti Nakoina, ko na kaan nakon te Tamnei ao irekereken am berita ae tabu ma te Atua e na rikirake ni matoatoa.

Ma e aki nanonaki bwa te kawai e na akea te kangaanga iai. Ao ngkai akea ae nakonako ni kororaoi n te kawai ae eti, n taiinako tuoa kawaim ao kawakin ana tua te Atua. Kawakin am berita aika tabu ma te Atua, ao katauraoi ni karaoa ae mwaiti riki. Berita aika tabu a tomaiko nakon Tamara are i Karawa ao te Tia Kamaiu. A karikirakea mwaakan te Atua inanon maium ao a katauraoiko ni karekea te maiu ae akea tokina.

Man rinerine ni kabane, teuana ae e na taraaki riki bon te rinerine ni iriira Iesu Kristo. Bon Ngaia kakorakoraiia kairake. Ana euangkerio bon te kawai ae kakimwareirei n oki nakon Tamara are i Karawa.