’Ite mai i te ’oa’oa i te Mesia

E mea faufa’a te mau mā’itira’a. Te mau mā’itira’a tei fa’atumuhia i ni’a i te mau ha’api’ira’a o te ’evanelia, e mau ta’ahira’a ïa e ha’afātata atu ia ’oe i tō ’oe Metua i te ao ra ’e ia Iesu Mesia. ’Ua parau Iesu : « I parau atu vau ia ’outou i teie eni mau parau… ’ia ti’a ato’a ho’i tō ’outou ’oa’oara’a » (Ioane 15:11). Nā roto i te ta’ahira’a tāta’itahi iāna ra, e ’ite ’oe i roto ia ’oe ē ’ua fātata atu ā ’oe i te Vārua ’e e pūai atu ā tō ’oe tā’amura’a ’e te fafaura’a i te Atua.

’Eiaha rā e mana’o ē ’aita fa’ahou e fifi i ni’a i te ’ē’a. ’E nō te mea ho’i ē ’aita e ta’ata e haere ’āfaro noa, ’a hi’o tāmau noa i tā ’oe ’avei’a ’e ’a fa’atura i te mau fa’auera’a a te Atua. ’A ha’apa’o i tā ’oe mau fafaura’a i te Atua ra, ’e ’a fa’aineine nō te rave rahi atu ā. E fa’atū’ati te mau fafaura’a ia ’oe i te Metua i te ao ra ’e i te Fa’aora. E fa’arahi te reira i te mana o te Atua i roto i tō ’oe orara’a, ma te fa’aineine ia ’oe ’ia fāri’i i te ora mure ’ore.

I roto i te mau mā’itira’a ato’a e nehenehe e rave, te mā’itira’a faufa’a roa a’e, ’o te pe’era’a ïa ia Iesu Mesia. ’O ’oia te pūai nō te feiā ’āpī. ’O tāna ’evanelia te ’ē’a ’oa’oa nō te ho’i i tō ’oe Metua i te ao ra.