Chataw xsahil aach’ool rik’in li Kristo

Nim xwankil li nakasik’ ru xb’aanunkil. Wi k’ojob’anb’il li nakasik’ ru sa’ xb’een xna’leb’ li evangelio, a’an yoo chanach’ob’resinkil rik’in laa Choxahil Yuwa’ ut li Jesukristo. Li Jesus kixye, “Xinye a’in eere re naq … lix sahilal eech’ool tz’aqalaq re ru” (Jwan 15:11). Rik’in li junjunq yokb’ sa’ xjayal, nach’ chik taaweek’a aawib’ rik’in li Musiq’ej ut taakawob’resiiq laa sumwank rik’in li Dios.

A’b’an toj taawanq li ch’a’ajkilal sa’ laa b’e. Ut xb’aan naq maa’ani naru chi b’eek chi tz’aqal tiik ru, tento taak’e reetal laa jayal chi kok’ aj xsa’ ut taawoxloq’iheb’ lix taqlahom li Dios. Paab’eb’ laa sumwank rik’in li Dios, ut kawresi aawib’ chixk’ulb’al xkomon. Eb’ li sumwank nakate’xb’ak’ rik’in laa Choxahil Yuwa’ ut li Kolonel. Neke’xnimob’resi lix wankil li Dios sa’ laa yu’am ut nakate’xkawresi chixk’ulb’al li junelik yu’am.

Sa’ chixjunil li naru nakasik’ ru, li jwal aajel ru, a’an naq taasik’ ru xtaaqenkil li Jesukristo. A’an lix kawilaleb’ li saaj. Lix evangelio a’an li sahil b’e re sutq’iik rik’in laa Choxahil Yuwa’.