« ស្វែងរកអំណរនៅក្នុងព្រះគ្រីស្ទ » ដើម្បីកម្លាំងនៃយុវជន ៖ សេចក្តីណែនាំដើម្បីធ្វើការជ្រើសរើស ( ឆ្នាំ ២០២២ )
« ស្វែងរកអំណរនៅក្នុងព្រះគ្រីស្ទ » ដើម្បីកម្លាំងនៃយុវជន
ស្វែងរកអំណរនៅក្នុងព្រះគ្រីស្ទ
ការជ្រើសរើសគឺសំខាន់ ។ ជម្រើសដែលផ្អែកលើការបង្រៀននៃដំណឹងល្អគឺជាជំហានដែលដឹកនាំអ្នកទៅជិតព្រះវរបិតាសួគ៌ និងព្រះយេស៊ូវគ្រីស្ទ ។ ព្រះយេស៊ូវបានមានព្រះបន្ទូលថា « ខ្ញុំបាននិយាយសេចក្តីទាំងនេះ ប្រាប់ដល់អ្នករាល់គ្នា … ដើម្បីឲ្យសេចក្តីអំណររបស់អ្នករាល់គ្នា បានពោរពេញផង » ( យ៉ូហាន ១៥:១១ ) ។ ជាមួយនឹងជំហាននីមួយៗឆ្ពោះទៅរកទ្រង់ អ្នកនឹងមានអារម្មណ៍ជិតស្និទ្ធនឹងព្រះវិញ្ញាណ ហើយទំនាក់ទំនងនៃសេចក្ដីសញ្ញារបស់អ្នកជាមួយព្រះនឹងកាន់តែរឹងមាំ ។
ប៉ុន្តែនោះមិនមានន័យថា ផ្លូវនេះនឹងគ្មានបញ្ហានោះទេ ។ ហើយដោយសារគ្មាននរណាម្នាក់ដើរតាមបន្ទាត់ត្រង់នោះដោយឥតខ្ចោះសូមពិនិត្យមើលទិសដៅរបស់អ្នកជាប់ជានិច្ច ហើយគោរពព្រះបញ្ញត្តិរបស់ព្រះ ។ សូមរក្សាសេចក្ដីសញ្ញារបស់អ្នកជាមួយនឹងព្រះ ហើយរៀបចំធ្វើបន្ថែមទៀត ។ សេចក្តីសញ្ញាភ្ជាប់អ្នកទៅកាន់ព្រះវរបិតាសួគ៌ និងព្រះអង្គសង្គ្រោះ ។ វាបង្កើនព្រះចេស្តារបស់ព្រះនៅក្នុងជីវិតរបស់អ្នក ហើយរៀបចំអ្នកឲ្យទទួលជីវិតអស់កល្បជានិច្ច ។
ក្នុងចំណោមជម្រើសដែលអាចធ្វើទៅបានទាំងអស់ អ្វីដែលសំខាន់បំផុតគឺជម្រើសដើម្បីដើរតាមព្រះយេស៊ូវគ្រីស្ទ ។ ទ្រង់គឺជាកម្លាំងនៃយុវជន ។ ដំណឹងល្អរបស់ទ្រង់គឺជាផ្លូវដ៏រីករាយដើម្បីត្រឡប់ទៅកាន់ព្រះវរបិតាសួគ៌របស់អ្នកវិញ ។