Mga Pinili nga Bahin halin sa Libro sang Pangkabilogan nga Pagsulundan

Mga Kaundan
Pahina sang mga Tig-ulo
Paggamit sang Mga Pinili nga Bahin halin sa Libro sang Pangkabilogan nga Pagsulundan
Pundasyon sang Doktrina
- 0. Pangbukas nga Paathag
- 1. Ang Plano sang Dios kag ang Imo Papel sa Buluhaton sang Kaluwasan kag Pangkahitaasan
  - 1.0. Introduksyon
  - 1.1. Ang Plano sang Kalipayan sang Dios
  - 1.2. Ang Buluhaton sang Kaluwasan kag Pangkahitaasan
  - 1.3. Ang Katuyuan sang Simbahan
  - 1.4. Ang Imo Papel sa Buluhaton sang Dios
- 2. Pagsuporta sang mga Indibidwal kag mga Pamilya sa Buluhaton sang Kaluwasan kag Pangkahitaasan
- 3. Mga Prinsipyo sang Priesthood
- 4. Pagkalider kag mga Konseho sa Simbahan ni Jesucristo
Organisasyon sang Simbahan
- 5. Pagkalider sa Pangkabilogan kag sa Area
- 6. Pagkalider sa Stake
- 7. Ang Bishopric
- 8. Elders Quorum
- 9. Relief Society
- 10. Mga Korum sa Aaronic Priesthood
- 11. Young Women
- 12. Primary
- 13. Sunday School
- 14. Single nga mga Miyembro
- 15. Mga Seminary kag Institute of Religion
Ang Buluhaton sang Kaluwasan kag Pangkahitaasan
- Pagpangabuhi sang Ebanghelyo ni Jesucristo
  - 16. Pagpangabuhi sang Ebanghelyo ni Jesucristo
  - 17. Pagtudlo sang Ebanghelyo
  - 18. Paghikot sang mga Ordinansa kag mga Bendisyon sang Priesthood
  - 19. Musika
  - 20. Aktibidades
- Pag-atipan sang mga Nagakinahanglan
  - 21. Ministering
  - 22. Paghatag sang Temporal nga mga Kinahanglanon kag Pagpatubo sang Self-Reliance
- Pag-imbitar sang Tanan nga Magbaton sang Ebanghelyo
  - 23. Pagpaambit sang Ebanghelyo kag Pagpabakod sang Bag-o kag Nagabalik nga mga Miyembro
  - 24. Pagrekomendar kag Pag-alagad sang Misyonero
- Pag-isa sang mga Pamilya sa Wala Katubtuban
  - 25. Buluhaton sa Templo kag Family History sa Ward kag Stake
  - 26. Mga Temple Recommend
  - 27. Mga Ordinansa sang Templo para sa Buhi
  - 28. Mga Ordinansa sa Templo para sa mga Patay
Pagdumala sang Simbahan
- 29. Mga Miting sa Simbahan
- 30. Mga Calling sa Simbahan
- 31. Mga Interbyu kag Iban Pa nga mga Miting sa mga Miyembro
- 32. Paghinulsol kag mga Church Membership Council
- 33. Mga Rekord kag mga Report
- 34. Kuwarta kag mga Awdit
- 35. Paghalong kag Paggamit sang mga Meetinghouse
- 36. Paghimo, Pag-ilis, kag Paghatag sang Ngalan sa Bag-o nga mga Yunit
  - 36.0. Introduksyon
- 37. Pinasahi nga mga Stake, Ward, kag mga Branch
- 38. Mga Polisiya kag mga Pagsulundan sang Simbahan

1. Ang Plano sang Dios kag ang Imo Papel sa Buluhaton sang Kaluwasan kag Pangkahitaasan

“1. Ang Plano sang Dios kag ang Imo Papel sa Buluhaton sang Kaluwasan kag Pangkahitaasan,” Mga Pinili nga Bahin halin sa Libro sang Pangkabilogan nga Pagsulundan (2023).

“1. Buluhaton sang Kaluwasan kag Pangkahitaasan,” Mga Pinili nga Bahin halin sa Libro sang Pangkabilogan nga Pagsulundan

Ang Plano sang Dios kag ang Imo Papel sa Buluhaton sang Kaluwasan kag Pangkahitaasan

1.0

Introduksyon

Gintawag ka nga magserbisyo sa Ang Simbahan ni Jesucristo sang mga Santos sa Ulihing mga Adlaw Salamat sa imo nga serbisyo. Mabugayan mo ang mga kabuhi kag makaeksperiyensya ka sang kalipay sa imo pagserbisyo nga may pagtuo.

Ini nga libro makabulig sa imo nga matun-an ang mga prinsipyo sa pagserbisyo nga Cristohanon kag maintiendihan ang imo mga responsibilidad. Mangin pinakaepektibo ka kon isanto mo ang imo pagserbisyo sa Simbahan sa buluhaton sang Dios nga Amay kag sang Iya Anak nga si Jesucristo.

1.1

Ang Plano sang Kalipayan sang Dios

Ang Amay nga Langitnon nagtigana sang plano sang kalipayan para mabaton naton ang tanan Niya nga mga bugay. Ang Iya buluhaton kag himaya amo ang “ipahanabo ang pagkawala’y kamatayon kag kabuhi nga wala’y katapusan sang tawo” (Moises 1:39).

Si Jesucristo amo ang sentro sang plano sang Dios. Bangud sang wala dulonan nga pagpalangga sang Amay nga Langitnon sa aton, ginpadala Niya ang Iya Anak para tubuson kita sa sala kag kamatayon paagi sa Iya nagabayad-sala nga sakripisyo (tan-awa sa Juan 3:16). Paagi sa Iya Pagbayad-Sala, ginsiguro ni Jesucristo nga ang kada isa sa aton nga natawo sa duta mabanhaw kag makaangkon sang imortalidad. Ang Iya Pagbayad-Sala nagpatigayon nga matinluan kita halin sa sala kag mabag-o ang aton mga tagipusuon para makabaton kita sang kabuhi nga wala katapusan kag sang kabug-osan sang kalipay.

Para makabaton sang kabuhi nga wala katapusan, kinahanglan naton nga “magkari kay Cristo, kag magmangin himpit sa iya” (Moroni 10:32).

1.2

Ang Buluhaton sang Kaluwasan kag Pangkahitaasan

Samtang nagapalapit kita kay Cristo kag ginabuligan ang iban nga himuon man ini, nagapartisipar kita sa buluhaton sang kaluwasan kag pangkahitaasan sang Dios. Ang ini nga buluhaton ginagiyahan sang duha ka dalagko nga mga kasuguan nga palanggaon ang Dios kag palanggaon ang aton mga isigkatawo (tan-awa sa Mateo 22:37–39).

Ang buluhaton sang kaluwasan kag pangkahitaasan nagatutok sa apat ka diosnon nga ginpahamtang nga mga responsibilidad.

Ini nga libro makabulig sa imo nga maintiendihan ining apat ka mga aspeto sang buluhaton sang Dios. Giyahan ka sang Balaan nga Espiritu samtang ginahimo mo ang imo bahin sa pagtuman sang mga ini (tan-awa sa 2 Nefi 32:5).

1.2.1

Pagpangabuhi sang Ebanghelyo ni Jesucristo

Dala sa pagpangabuhi sang ebanghelyo ni Jesucristo ang:

Pagpakita sang pagtuo kay Cristo, paghinulsol adlaw-adlaw, paghimo sang mga kasugtanan upod sa Dios samtang ginabaton naton ang mga ordinansa sang kaluwasan kag pangkahitaasan, kag pagpadayon hasta sa katapusan paagi sa pagtuman sina nga mga kasugtanan (tan-awa sa 3.5.1).
Pagtuon kag pagtudlo sang ebanghelyo ni Jesucristo sa balay kag sa simbahan.
Pagsandig sa kaugalingon sa pagtigana para sa aton mga kaugalingon kag sa aton mga pamilya sang aton mga kinahanglanon, sa pareho espiritwal kag temporal.

1.2.2

Pag-atipan sang mga Nagakinahanglan

Dala sa pag-atipan sang mga nagakinahanglan sang:

Pagserbisyo kag pag-atipan sang mga indibidwal, mga pamilya, kag mga komunidad.
Paghatag sang bulig, dala na ang bulig sang Simbahan, sa mga nagakinahanglan.
Pagbulig sa iban nga makatindog sa ila kaugalingon.

1.2.3

Pag-imbitar sang Tanan nga Magbaton sang Ebanghelyo

Dala sa pag-imbitar sang tanan nga magbaton sang ebanghelyo sang:

Pagpartisipar sa pangmisyonaryo nga buluhaton kag pagserbisyo bilang mga misyonero.
Pagbulig sa bag-o kag nagabalik nga mga miyembro sang Simbahan nga mag-abante sa dalan sang kasugtanan.

1.2.4

Pag-isa sang mga Pamilya sa Wala Katapusan

Sakop sang pag-isa sang mga pamilya sa wala katapusan ang:

Paghimo sang mga kasugtanan samtang ginabaton naton ang aton kaugalingon nga mga ordinansa sa templo.
Pagdiskubre sang aton patay na nga mga katigulangan kag paghikot sang mga ordinansa para sa ila sa templo agud makahimo sila sang mga kasugtanan upod sa Dios.
Regular nga pagkadto sa templo, kon mahimo, sa pagsimba sa Dios kag paghikot sang mga ordinansa para sa Iya mga anak.

1.3

Ang Katuyuan sang Simbahan

Ginpatindog ni Jesucristo ang Iya Simbahan para tugotan ang mga indibidwal kag mga pamilya nga himuon ang buluhaton sang kaluwasan kag pangkahitaasan (tan-awa sa Mga Taga-Efeso 4:11–13; tan-awa man sa 2.2 sa sining libro). Para malab-ot ining diosnon nga katuyuan, ang Simbahan kag ang mga lider sini nagahatag sang:

Awtoridad kag mga yabi sang priesthood.
Mga kasugtanan kag mga ordinansa.
Direksyon sang propeta.
Balaan nga mga kasulatan.
Suporta sa pagtuon kag pagtudlo sang ebanghelyo.
Mga oportunidad sa pagserbisyo kag pagkalider.
Komunidad sang mga Santos.

1.3.1

Awtoridad kag mga Yabi sang Priesthood

Paagi sa priesthood, mahimo sang Dios ang buluhaton sang kaluwasan kag pangkahitaasan. Ang awtoridad kag mga yabi sang priesthood nga kinahanglanon sa pagpamuno sang buluhaton sang Dios sa duta ginpanumbalik paagi kay Propetang Joseph Smith (tan-awa sa Doktrina kag mga Kasugtanan 110:11–16; 112:30). Ini nga mga yabi ginakaptan sang mga lider sang Simbahan karon nga panahon. Nagatawag sila kag nagahatag sang awtoridad sa iban para magbulig sa buluhaton sang Dios (tan-awa sa Doktrina kag mga Kasugtanan 107:8, 65–67).

1.3.2

Mga Kasugtanan kag mga Ordinansa

Sa plano sang Amay nga Langitnon, nagahimo kita sang mga kasugtanan samtang ginabaton naton ang mga ordinansa sang kaluwasan kag pangkahitaasan, pareho sang bunyag (tan-awa sa Juan 3:5; tan-awa man sa kapitulo 18 sa sining libro). Ining mga kasugtanan kag mga ordinansa kinahanglanon para mangin mas pareho kita sa Dios kag makabalik sa Iya presensya (tan-awa sa Doktrina kag mga Kasugtanan 84:19–22).

1.3.3

Direksyon sang Propeta

Paagi sa Iya pinili nga mga propeta, ginapahayag sang Dios ang kamatuoran kag nagahatag sang inspirado nga giya kag mga paandam (tan-awa sa Amos 3:7; Doktrina kag mga Kasugtanan 1:4). Ini nga giya nagabulig sa aton nga magsulod kag magpabilin sa dalan nga nagapadulong sa kabuhi nga wala katapusan.

1.3.4

Balaan nga mga Kasulatan

Sa idalom sang direksyon sang mga propeta kag apostoles sang Ginuo, ang Simbahan nagahatag kag nagaamlig sang pulong sang Dios nga makita sa balaan nga mga kasulatan. Ang balaan nga mga kasulatan nagapamatuod kay Cristo, nagatudlo sang Iya ebanghelyo, kag nagabulig sa aton nga magpakita sang pagtuo sa Iya (tan-awa sa Jacob 7:10–11; Helaman 15:7).

1.3.5

Suporta sa Pagtuon kag Pagtudlo sang Ebanghelyo

Ang Simbahan nagasuporta sa mga indibidwal kag mga pamilya sa ila responsibilidad nga tun-an ang mga kamatuoran sang ebanghelyo kag itudlo ining mga kamatuoran sa mga miyembro sang pamilya kag sa iban (tan-awa sa Doktrina kag mga Kasugtanan 88:77–78, 118; tan-awa man sa 2.2.3 sa sining libro).

1.3.6

Mga Oportunidad sa Pagserbisyo kag Pagkalider

Paagi sa mga calling kag mga tulumanon sa Simbahan, ginahatagan sang Dios ang mga miyembro sang mga oportunidad nga magserbisyo kag magpamuno. Ang Simbahan nagahatag sang istraktura para buligan nga maatipan ang mga miyembro nga nagakinahanglan kag maghatag sang tawhanon nga bulig sa iban (tan-awa sa Mosias 18:27–29).

1.3.7

Komunidad sang mga Santos

Bilang komunidad sang mga Santos, ang mga miyembro sang Simbahan regular nga nagatipon sa pagsimba sa Dios kag sa pagdumdom sang Manluluwas paagi sa pag-ambit sang sakramento (tan-awa sa Moroni 6:4–6; Doktrina kag mga Kasugtanan 20:77). Ang mga miyembro nagaatipan man kag nagaserbisyo sa isa kag isa (tan-awa sa Mga Taga-Efeso 2:19).

1.4

Ang Imo Papel sa Buluhaton sang Dios

Bilang lider sang Simbahan, gintawag ka sa pagtudlo kag sa pagsuporta sang imo mga ginaserbisyuhan samtang nagapartisipar sila sa buluhaton sang kaluwasan kag pangkahitaasan (tan-awa sa 1.2). May salabton ka sa pagtuman sang imo calling kag sa “[pagtudlo] … sang pulong sang Dios sa bug-os nga kaukod” (Jacob 1:19). Ang pagpangabudlay upod sa Ginuo sa Iya ulubasan magadala sa imo sang dako nga kalipay (tan-awa sa Jacob 5:70–72).

Ang pag-angkon sang maathag nga pag-intiendi sang buluhaton sang Dios, sang kon ano ang ginaagda Niya nga imo himuon, kag sang katuyuan sang Iya Simbahan makabulig sa imo nga itutok ang imo pagpaninguha sa pagdala sang mga kalag kay Cristo.

Basaha pirme ang mga prinsipyo sa sining kapitulo. Hibalua upod ang pangamuyo kon paano mo mabuligan nga tumanon ang mga katuyuan sang Dios sa mga kabuhi sang imo mga ginaserbisyohan. Giyahan ka sang Dios paagi sa mga pagpabatyag sang Balaan nga Espiritu.